إيجيتوبيا
بمناسبة الترشيح لإنتخابات الرئاسة. فلنتخيل أنه سوف تجرى إنتخابات نزيهة فى سبتمبر 2005. ولنتخيل أن كل المرشحين يريدون فعلاً خدمة الوطن والشعب. ولنتخيل أننا فى طريقنا إلى يوتوبيا مصرية بعد أن يختار الشعب رئيسه بكل نزاهة وكل حرية
لما لا نقوم كمدونين بإسداء خدمة جليلة للمرشحين ونحاول نغششهم ونعرفهم يحطوا ايه فى البرنامج بتاعهم، بمعنى أننا ندلهم على ما نريد وما نتمنى ان نراه. نذكر لهم مشاكلنا التى لا نطيقها وحلولاً إن أمكن. ولنتركها معلنة على الإنترنت كدليل عصرى لمطالب الشعب المصرى يفيد كل مرشح سواء فى هذه الإنتخابات أو الإنتخابات التى تليها.
لما لا نقوم كمدونين بإسداء خدمة جليلة للمرشحين ونحاول نغششهم ونعرفهم يحطوا ايه فى البرنامج بتاعهم، بمعنى أننا ندلهم على ما نريد وما نتمنى ان نراه. نذكر لهم مشاكلنا التى لا نطيقها وحلولاً إن أمكن. ولنتركها معلنة على الإنترنت كدليل عصرى لمطالب الشعب المصرى يفيد كل مرشح سواء فى هذه الإنتخابات أو الإنتخابات التى تليها.
لذلك أتمنى من كل المدونين المصريين أن يشاركونى الكتابة فى هذا الدليل
As Contributors
ولتكتب أى عدد من التدوينات كما تشاء كلما تذكرت مطلب أذكره وكلما تذكرت مشكلة أرصدها وكلما وجدت حل قدمه
سأنتظر ردودكم بالموافقة سواء كتعليق هنا أو برسالة على الإيميل الخاص بى. لأرسل دعوة الإشتراك. يا جماعة عايزين نتخيل "إيجيتوبيا" يمكن مننا يطلع فى المستقبل رئيس للبلد دى وياخد الدليل الإيجبتوبياوى ده ويستفيد منه ونلاقى يوتوبيا مصرية حقيقة.
مرة تانية: الإيجيتوبيا مفتوحة لجميع المدونين المصريين كمشاركين لهم الصلاحيات الكاملة
مهم جداً: فى حالة الرغبة فى الإنضمام أرجو ذكر الإيميل لأرسل دعوة الإشتراك.. يا إما فى التعليق أو بإرسال إيميل على
18 تعليقات:
في رايي لما يكون في مشروع كبير هيتعدد فيه الكتاب و متوقع يكملوا على بعض و يعدلوا في شغل بعض يبقي الويكي أحسن اطار مش البلوج
الويكي زي ويكيبيديا كده.
انا ما فهمتش قوي يعني ايه يوتبيا .. بس اللي فهمته اننا هنعمل ملف لمطالب الشعب المصري .. و عليه فأنا موافقه و ان شاء الله هشتركه ..
لو حد فهم ايه هو الويكي ده برضه ممكن يفهمنا لاني دخلت و قريت شويه بس مافهمتش قوي .. ده كود ولا سيت ولا ايه بالظبط ؟
فكرة حلوة جداً بس المهم انه لما نكتب حد يقرا احنا كتبنا ايه و لما يقرا يحترم مطالبنا وينفذها كمان
جميل
بس بعد ما نكتب
و نطبخ
و نسبك
لأ ده إعلان
مش مهم
المهم لو كله المرشحين قروه
النتيجة المتوقعة:
مبارك حينجح في الإنتخابات و ما فيش شئ يتغير
عزيزي sydalany-وش مكرمش
مش عارف ليه جاه على بالى دور هانى رمزى فى وجهة نظر لما قريت تعليقك
Just kidding :)
الحقيقة يا جماعة أنا لفت نظرى شئ مهم وهى إن مطالبنا تقريباً واحدة، لذا من المحتمل جداً أن نجد تكرار للمطالب دى ... لذا أقترح على " بنت مصرية " أن تجعل هذه الـ" إيجيتوبيا" لفترة ما - ولتكن حتى الإنتخابات - ثم يتم عمل تجميع لهذه المطالب وتنقيتها من التكرار والإطناب ثم عمل إستفتاء بين البلوجرز على هذه المطالب مع مراعاة وجود مجال للتعليقات علي كل مطلب ، نظراً لوجود نقط خلافية بين الناس .
وبذلك نتفادى التكرار ونكسب نوع من المصداقية من الإستفتاء .
هى شغلانة لـ"بنت مصرية" بس إنتى إلى جبتية لنفسك :)
يوتوبيا هى المدينه الفاضله عند افلاطون
الويكي نظام للنشر و ادارة المحتوى على الوب زي كده البلوج ماهو برضه نظام للنشر و ادارة المحتوى
فكرة الويكي أن أي حد ممكن يعدل و يحرر أي صفحة، يعني كلنا بنعدل على شغل بعد
اللي بيمنع الويكي من الانهيار و الفوضي هو أنها بتخزن تاريخ الصفحة بالكامل، يعنى مش بس ممكن أقرأ الصورة النهائية، ممكن كمان أقرأ الصفحة كان شكلها عامل ازاي امبارح و مين اللي عدل و عدل ايه بالضبط
بدل الويكي ما تمنعك من التخريب بتخلي التخريب ما لوش تأثير فعلي لأن ممكن في أي لحظة نقول رحع الصفحة لشكلها أول امبارح مثلا
الويكي في رأيي أفضل وسيلة للعمل المشترك طالما في ثقة متبادلة ما بين نسبة كبيرة من المشاركين، و بتوفر مناخ ديمقراطي حقيقي
اللي مش مقتنع يبص على ويكيبيديا دي موسوعة (دائرة معارف) معمولة بنظام الويكي و مفتوحة لكل من هب و دب و مع ذلك أدق و أشمل من الموسوعات الشهيرة في حاجات كتير
من الواضح فعلا ان نظام الويكى هو الانسب من المدونات لهذا الموضوع خصيصا
لان الموضوع حيتشال ى العدد الجاى وكلنا افكارنا مش جهازه بالنسبه للمطالب وكل واحد ممكن ى مطلب لشخص ما يعجبه ويفكر فى اضافات لهذا المطلب يعنى الموضوع كبير ومتشعب ويحتاج لوقت طويل جدا
بس اكيد لو كلنا عاوزين حاجه واحده ومجتمعين عليها فهى الديمقراطيه المدخل الحقيقى لكل المطالب بتاعتنا لكننا نريدها ديمقراطيه حقيقيه مش ديمقراطية نظام سيكا ديمقراطيةالكذب والنصب والاحتيال
ساحر الصحراء .. متشكره انك قلتلي .. افادكم الله.
علاء .. شرح وافي جدا لفكره الويكي .. انا شايفه انه حل كويس بس في مرحله متقدمه شويه لما نبدأ بالفعل تجهيز المطالب و اعدادها .. متهيالي لما ينزل او صوره للمطالب دي بعد كده ممكن ننقل كل الشغل للويكي و الاضافات تتغير عليه .. لكن بيتهيالي ف الاول خالص و مع عدم معرفه اغلبنا بالطريقه و شكل التحرير فيها و التغيير ممكن تفقد الموضوع اهميته لان همنا كله هيكون منصب علي التغيير حصل امتي و ايه اللي اتشال و ايه اتحط جديد و كده .. دي وجهه نظري و انا معاكم علي اللي تتفقوا عليه ان شاء الله.
مهاجر .. فكره كويسه قوي و فعلا هي شغلانه و قصه علي بنت مصريه بس انا مستعده لمساعدتها لو هي مش فاضيه.
يا ست وردة الموضوع أبسط مما تتخيلي، على العموم أول مالاقي فرصة هجز ويكي على السيرفر بتاعي عشان اللي نفسه يخبط و يجرب بغض النظر عن رغبتكم في استخدامها لايجيتوبيا
شكلي كده هتضرب المره الجايه .. خلاص يا علاء انا هكون اول من يجرب علي الويكي بتاعك و اول لما اتعلم ههيص مع ايجيوتيبا لو اتعملت علي الويكي .. و انا و الله بس بخاف ابوظ حاجه الناس تعبت فيها .. احب العب ف المضمون.
Count me in please :)
ولا يهمك يا مهاجر
لكن حكرر
سعد باشا قالها
وهاني رمزي كمان
"ما فيش فايدة"
و التغيير حييجي من فوق
مش قصدي الترتيب أنا قصدي إن ربنا حيسهل و كدورة حياة أي رئيس
مش رئيس
يتوللى الرئاسة
يطلع عين الشعب
يا يموت يا يتقتل
و هكذا الخ
علاء
اسمحلى ابتدى الحكاية بالبلوج
لحد ما افهم كويس موضوع الويكى
بس نقطة ان احنا نعدل على بعض مش هتكون طبيبعة شوية
فنفرض ان حد طرح مشكلة ما وحلها، وحد تانى طرح حل آخر
دى كلها وجهات نظر واكيد على الإيجيتوبيا هنلاقى اختلافات كتير فى وجهات النظر ويمكن يبقى فى مناقشات كمان
الفكرة اقرب للبلوج شوية
يعنى لحد ما انا ما فهمت عن الويكى لحد دلوقتى
المهم يا جماعة انا هدخل ادور على ايميلاتكو فى مدوناتكوا وابعتلكوا
لكن اللى مش هلاقى ايميله من فضلكم ابعتوه
شكرا
انا معاكم فى فكره المطالب دى وبالرغم من انى عارفه انها مش هتقدم ولا هتاخر بس على الاقل قلت ان احنا نعرف احنا عايزين ايه انامطلبى بسيط جدااا عايزه سعرنا يزيد كل حاجه فى الدنيا سعرها بيزيد الا المصريين انا عايزه رئيس يقول ان الواحد منا بمليار جنيه وان زى ما كانوا بيقولوا زمان ان ضفر من صباع اى حد فينا يسوى ملايين ده مطلبى الوحيد لو شايفين انه صعب او مش مهم قولولى بس ده االى جه فى بالى
معلش أنا أتأخرت دايما بدبس نفسي في حاجات أكتر من طاقتي
أنا جهزت ويكي مفتوحة لأي حد عاوز يجرب و يتعلم على wiki.manalaa.net
و كتبت عن موضوع الويكي هنا
في رأيي أن الويكي أنسب الوسائل لتحقيق هذا الهدف. المدونة ستتحول إلى حوار، بمعنى أني مثلا سأكتب تدوينة عن "صلاحيات رئيس الجمهورية و واجباته"، ثم سيأتي مشارك آخر و يعلق ليتفق معي في بعض ما كتبت و يختلف في الآخر، و بعد نقاش و تعليقات و أخذ و رد سنتوه و يتوه معنا المشاركون في النتيجة النهائية التي وصلنا إليها في ما يتعلق بموضوع واجبات و صلاحيات رئيس الجمهورية.
لكن في الويكي ستكون هناك مقالة اسمها "صلاحيات رئيس الجمهورية" و سأكتب فيها ما أرى أنه الشكل الكامل لما يجب أن تكون عليه هذه الصلاحيات، ثم يأتي مثلا ع من الناس ليعدل المقالة ليسد نقاط فاتت علي أو ليغير في الصياغة أو يعارضني بأن يضيف أو يحذف في الصلاحيات إذا كان يرى ذلك، و إذا ابتدأنا نتحاور و نختلف فإننا سنفعل ذلك في صفحة النقاش الخاصة بكل مقالة، لكن دائما و في كل الأوقات ستكون هناك نسخة واضحة استقر عليها الإجماع بأنها الشكل الحالي لرأينا الجماعي في هذه النقطة، إلى أن يجد جديد؛ و هذا لن يتحقق في المدونة لأن كل تدوينة سيكون على كاتبها إذا أراد أن يقدم نسخة شاملة من الفكرة أن يبدأ من الأول.
لكن الفكرة ممتازة و سأربط إليها بمجرد أن تنشأ ويكي محترمة :-)
http://news.bbc.co.uk/1/hi/talking_point/4146470.stm
Post a Comment