5/28/2006

كيف تنشىء مدونة



يبدو أن وثائقى المدونين على الجزيرة سره باتع
اعتقد ان التدوين دخل مرحلة فاصلة فى الانتشار
وحقق خطوة كنا ممكن نبذل فيها مجهود جامد اوى وفرته علينا الجزيرة

وصلتنى ايميلات من مدونين جداد ابتدوا يعرفوا عن التدوين ويهتموا بيه بعد الحلقة..بسرعة كده :))ه

وكانت اغلب الاستفسارات عن حاجات متعلقة بكيفية التدوين وكده، وبصراحة انا فكرت -ونفذت كمان- فى صفحة تشرح الموضوع بالتفصيل من اول فتح حساب فى بلوجر لحد وضع لينكات وصور فى السايد بار

كان عندى ملف اشتغلته من كام شهر للمجلة اللى كنت بشتغل فيها
واضفت كمان الجزء المتعلق بتنسيق المدونة والتعديل فى قالبها

يا رب تفيد كل المهتمين يكون عندهم مدونات

المهم يعنى، لما حد يبعت لكم استفسارات ممكن بسهولة توفروا على نفسكم مجهود الشرح والوقت كمان وتبعتوا لينك الصفحة: أ،ب...ي: تدوين

23 comments:

  1. مية مية
    ينفع بقى أحط اللينك دي في مدونتي المتواضعة على سبيل "السياح" يعني
    :)

    ربنا يكرمك و يزدنا كمان و كمان -المدونون يعني

    ReplyDelete
  2. Great job.
    How can I add a song to the side bar?

    ReplyDelete
  3. بجد بجد بجد تسلم ايدك يا زيزي .. يا رب كل اللي هيستفيدوا منها يستفيدوا منها ف الخير و محدش يسئ استخدام المعلومات القيمة دي ..

    احتمال أفكر بجد أني أفعل الاكونت بتاعي و اعمل بلوج بدال ما كل ما اعوذ اقول حاجه اغلس عليكي و اخليكي تحطيهالي عندك ..

    ادعيلي بقي اخلص علي خير ..

    ReplyDelete
  4. فكرة ممتازة
    الحقيقة أنا لم أقرأ بالتفصيل ولكني على يقين أنني من الممكن أن أستفيد منها وأجد ما لم أكن أعلم كي أنفذه، الله أعلم امتى بقى

    ولكنه جهد جيد جدا منك، عارفة لو كل واحد عمل دليل بما يعرفه جيدا لأفاد واستفاد، ولشعر بقيمة ما يعرفه وقد يشجع ذلك الجميع، من يكتب ومن يقرأ، على الاستزادة من العلم ومن الخيرات

    ممكن تعملي دليل لايه تاني؟
    اعملي سلسلة باسم دليل بنت مصرية لـ
    التدوين
    انشاء مواقع انترنت
    جرافيك
    الترجمة
    التصوير

    إيه رأيك؟
    :)
    فيه ايه تاني؟

    معظم الموجود من هذا النوع من المؤلفات مترجم، فهو شائع في الثقافة الغربية، وتستطيع أن تجد دليلا مكتوبا مصورا لاي شيء

    الجميل ان يبدا ذلك في ثقافتنا بشكل أكثر ذاتية، اي بقدر أكبر من فكر وأسلوب المحرر العربي في العرض
    بدلا من أن يكون كل شيء منقولا مترجما، تشعر فيه بلغة عربية غير أصيلة

    ReplyDelete
  5. And how can I create links in the comments?

    Well, don't complain now that I am asking you questions! You asked for it :)

    ReplyDelete
  6. جدو اسكندر

    الله على الدعاء الجميل ده.. ربنا يكرمك انت يا رب.. انا مش محتاجة اكتر من انا ربنا يكرمنى.. ويزيد كرمه عليا :))
    طماعة بأه
    ---------------

    مشاكس

    ينفع طبعا، ما انات لو كنت قريت الموضوع كله :) كنت لقيت فى الاخر انى بقول ان فى قوالب جاهزة فى مواقع مجانية بتقدم قوالب لبلوجر
    التفاصيل هناك بأه

    وطبهعا لو حبيت تعزل للورد برس او دروبال، هيكون افضل حسب مابسمع يعنى

    يمكن لما اعزل لحاجة تانية انا كمان اكتب عنها بالتفصيل
    بس دلوقتى مقدرش اكلمك غير فى الى بفهم فيه.. بلوجر
    ----------------

    هوب الجميلة

    انا فرحانه انك سألتى على الحاجات دى لأنى كانت طايرة من بالى خالص.. وان شاء الله حطها
    بس سامحينى دلوقتى انا لسه جايه من بره وياددوبك بشوف الكومنتات وهقوم عشان السطو المسلح بتاع اختى دلوقتى
    بكرة الصبح اول حاجة هعملها انزل
    كود الموسيقى وكود الكومنتات
    واى حاجة تيجى على بالك قوليلى عشان احطها
    ---------

    احمد جمال

    تعليقك ده حسسنى بجد انى اصبت الهدف.. ان فى ناس استفادو منه فعلا.. وانا عارفة انها مش مشكلة لغة قد ما هى مشكلة امكانيات كتييير تتوه
    ---------

    كوكى حبيبى
    باه انتى عايزة تعملى مدونة عشان تحرمينى من كتاباتك عندى؟ خليكى فاكراها
    بس طبعا لما تحبى تعملى مدونة ليكى عندى تصميمها السبيشال طبعا :*
    --------------

    محمد شدو

    اممم. ايه ده كله ايد ده كله
    انت هتفتح عليا فتحة :)
    تصوير وجرافيك ومواقع. طيب مش لما اسلك فيهم كويس الاول
    -----------

    ReplyDelete
  7. عارفة يا (بنت مصرية) ..كلمتك دي خلتني أفتكر كلمة قالها الدكتور جلال أمين وهو من هو في علم التحليل السياسي والإجتماعي ..
    الدكتور جلال أمين قال مرة لما كان في زيارة لأميركا .. كان فيه ميت ألف يافطة ترشده للمكان الي عايز يروحه
    الكلمة الخطيرة الي قالها أنه كان محتاج لعدد أقل من اليفط واللافتات عشان يعرف المكان الي يروحه ..ماكانش محتاج للعد الرهيب من الإرشادات دي لأنها بكل بساطة خلقت نوع من : أروح فين يا إخوانا ؟ ..وهو ما عبرت عنه : منين يودي على فين ؟
    ولهذا أكرر شكري لك ..أنت هنا جعلت الأمر في لافتة واحدة فقط ..إذا أردت الذهاب للمكان الفلاني أمشي في الطريق الفلاني ..
    لا أبالغ والله لو قلت أن الإرشادات كاملة متكاملة ..أحييك للمرة الألف

    ReplyDelete
  8. hope
    بس يا ستى، انا اضفت النقطتين بتوع كود الموسيقى وكود الكومنتات
    هتلاقيهم فى الصفحة فى الاواخر تقريبا : سادسا وسابعا

    بس ماتتخضيش من كود الكومنتات :))
    انا بحطه زى ما هو ، مفهمش فيه حاجة لأنى معرفش جافا سكربت
    ----------

    ikhnaton2

    thanks ya rami :)
    --------

    احمد جمال

    شكرا على تعليقك مرة تانية، وفعلا الحكاية بتبقى زى اليفط الكتير كده

    بس الارشادات مش كاملة متكاملة اكيد.. مفيش حاجة كاملة.. اكيد فى حاجات نسيت اضيفها، عشان كده استفساراتكو ممكن تكمل المشروع

    ReplyDelete
  9. دليل مفيد ، وطبقته عملياً..عاشت الأيادي

    ReplyDelete
  10. Thanks my dear. I will give them a try soon.

    ReplyDelete
  11. This comment has been removed by a blog administrator.

    ReplyDelete
  12. كتر خيرك يا زيزي
    حقيقي كنت محتاجة دليل زي ده
    ربنا يزيدك

    ReplyDelete
  13. شكراً احنا لسه من ثوانى حاولنا عمل مدونة وتهنا لحد ما فتحنا مدونتك ألف شكر وجزى الله عنك خيراً
    وعاوزين نشوفك عندنا على المدونة قريب

    ReplyDelete
  14. شكرا جذيلا .. موضوعك شجعنى أعمل مدونه فعلا .. و عملتها .. و أولادى فرحانين بيها جدا .. أتمنى تقبلى تضيفى مدونتى عندك .. و توقعى أن بنتى 14 سنه هاتتصل بيكى قريب بأذن الله تزعجك و تطلب مساعدتك تعمل مدونhttp://lastknight1964.blogspot.com/ه هى كمان

    ReplyDelete
  15. last night

    يا سلام، بس كده. عنيا الاتنين

    هضيفك عندى.. وبنوتك خليها بسرعة تعمل مدونة وتيجى تزعجنى براحتها
    :))
    وكل العيلة كمان

    ReplyDelete
  16. جزاكِ الله خيراً اختى بنت مصرية ، حقا عرض شيق وممتاز ، أدين لكِ بالفضل

    ReplyDelete
  17. حقيقى لا اعرف كيف نشكرك
    كيف تنشأ مدونة
    قد افاد الكثيرون وانا واحد منهم...جزاك الله كل خير....
    انا كتبت تعليق سابق ولكنه اختفى لا اعرف السبب رغم انه كان تعليق شكر على تلك المعلومات التى اتت فى مقالكم...لا اعرف السبب

    ReplyDelete
  18. شكرا على الشرح الجميل ولدي سؤال وهو كيف اضيف ايقونة او ليبل موقع يو تيوب الى مدونتي الجديدة
    http://aafeaa.blogspot.com/

    ReplyDelete
  19. شكرا يا جميلة عالشرح الجميل ده واناعملت فعلا مدونة ابقى تعالى هى مجانينى حبتين بس يمكن تعجبك

    ReplyDelete
  20. شكرا شكرا شكرا على المعلومات الاكتر من رائعه
    انا عندى مدونه من فتره طويله بس مكنتش عارف اديرها ازاى وبصراحه ده شرح كفيل بانى ابقى محترف كمان
    بس فى حاجه عاوز اعرفها وهى السايدربار فين اساسا فى المدووه وازاى انزل الالانات والصور فيه

    ReplyDelete
  21. شكرا شكرا شكرا على المعلومات الاكتر من رائعه
    انا عندى مدونه من فتره طويله بس مكنتش عارف اديرها ازاى وبصراحه ده شرح كفيل بانى ابقى محترف كمان
    بس فى حاجه عاوز اعرفها وهى السايدربار فين اساسا فى المدووه وازاى انزل الالانات والصور فيه

    ReplyDelete
  22. أحسنت صنعا ياأختي
    شوفي كدة المدونة دي من الآخر

    http://nowyoucandoit.blogspot.com

    ReplyDelete