عيد سعيد.. وبيت جديد

أولا: كل سنة وانتو طيبين، وعيد سعيد
:)

ثانيا: آن الآوان أرحل عن الأرض الأولى واسكن الأرض الجديدة. يعنى خلاص كده هدون في مكان تاني وعلى صفحة تانية غير بلوجسبوت، حاجة ملاكي :) عقبال عندكو. اتفضلوا زوروني هنا، وما تغيبوش عليا في الزيارة، عشان حاسة اني لسه غريبة وعايزة ونس. ويارب تكون المدونة الجديدة قلبها كبير وتساع ترهاتي، زي ما حبيبتي الأولانية ما استحملتني.

انا كمان مش هقفلها، ولا هلغيها، دي تاريخ بردو.. زمن عشته، وعايزة اطل عليه من وقت للتاني. وخصوصا اني مش عارفة انقل عزالي للمدونة الجديدة، اقصد اني مش عارفة انقل تدوينات سنتين ونص لمدونتي الجديدة.

المهم.. تعالوا زوروني، وقولولي رأيكو في التصميم بالذات، اما المضمون فمش هيختلف عن البنوتة المصرية الى كانت بتكتب هنا اكيد، او يعني ان شاء الله

مش عارفة ليه حاسه اني عايزة اعيط، وفي نفس الوقت مش هينفع اتراجع، فداءا لمشروعي القادم على المدونة الجديدة ( ودا مفاجأة مش هعلن عنها دلوقتي) ياللا اشوف وشوكوا بخير هناك