5/12/2006

مايو11: من أين يؤكل الوطن


ومن محاسن القدر أن اجتمعت مظاهرتان.. لا، بل محاكمتان.. فى يوم واحد وفى بلد واحد.. لا يفصل بينهما إلا مسافة كالتى بين الشمس والقمر.. أو بين الأبطال اللى بجد والأبطال الورق

بالأمس، كانت المحاكمة الغير شرعية للقاضيين مكى وبسطاويسى لأنهما قالا شهاداتيهما فى حق الانتخابات المصرية
وبالأمس أيضا كانت محاكمة سيد العاطفى -تامر حسنى سابقا- بتهمة التزوير فى أوراق رسمية

بالأمس تظاهر الشعب خلف القضاة
وبالأمس تظاهر نفس الشعب بردو خلف تامر حسنى

بالأمس سحق وسحل وضرب وأهين من مشى خلف القضاة
وبالأمس ارتدى متظاهرو تامر تيشرتات مكتوب عليها بنحبك يا تامر

بالأمس تأجلت قضية القاضيين للخميس المقبل.. فانتظروا معركة أخرى دامية لن يؤثر فيها توبيخ الادارة الأمريكية لمرؤسها مبارك
وبالأمس حكم القاضى على تامر/لتامر- بسنة حبس مع وقف التنفيذ، وهى القضية المدنية

ليست مشكلتى مع تامر، فأنا أحب أغاني كثيرة له، وليست مشكلتى أنه زور أو لم يزور.. فهى قضية لا يبت فيها سوى القاضى والمتهم عاطفى حت تثبت شيطنته (اتهمت النيابة تامر بأنه شيطان !!).. ولكن

ولكن كيف تعيش مصر تلك المهزلة.. فيها تطلق حرية متظاهرين وتسحل حرية آخرين، يبكى البعض من فرحة حكم ويبكى البعض الآخر من الضرب والإهانة والوحشية.. تنقل على الهواء محاكمة تامر ومظاهرة محبوه.. وتكسر كاميرات وعظام ناقلى أحداث القضاة

أحب أهدى أغنية تامر الجديدة "اطلع من دول" للتصريح المباركى على صحف الأمس القومية "لا أتسامح ابداً.. مع من يمس مصالح الشعب

31 comments:

  1. REALLY, SO FUNNY!!!!!!!!!!!
    EGYPT 2006
    Dishonesty is forgiven, and Cheating looks welcomed
    On the other hand, to be HONEST, and/or put (N & O = NO) together in very meaningful sentences is a VIOLATION of … and subject of Corrective measures (their believes) again it is really funny.

    ReplyDelete
  2. أقترح على تامر حسني أن ينشئ حزباً سياسياً خاصاً به .. ويكون شعاره : اكرف (=اقلب) البنت تكرفك..

    ReplyDelete
  3. nice post, put really feel depressed, every thing now seems upsidedown,

    ReplyDelete
  4. بالتأكيد ليس نفس الشعب
    فهناك فرق كبير بين أولاد مصر الأصيلة
    وأولاد مصر التانيه أم علامه
    دولا فصيله ودولا فصيله

    ReplyDelete
  5. أهو ده درس يعلمنا الإعلام بيمسح عقول الناس إزاي ، و كيف أن قناة المنوعات ، ثم ميلودي ، جعلا من تامر أيقونة فنية مصرية، آمل أن تدرك الحركات الإصلاحية قيمة أسفل جهاز في العالم " التليفزيون" ،و تبدأ في استخدامه لصالحها ، يمكن يظهر حزب له شعبية تامر

    ReplyDelete
  6. فوارق كثيرة جدا بين الشعبين
    وكل شعب فيه الجاد والمستهتر
    الشهم والجبان
    القذر والمحترم
    التافه وصاحب القيم

    فيهم الشرطى والقاضى

    عادى جدا انك تلاقى ناس هايفه بيقفوا لتامر
    او لشرين
    او لفيفى او لتوتو

    وفيهناس بتقف للقضاة وللاخوان وللمعتقلين

    هى دى الحياة


    بكره احلى باذن الله

    على فكرة كتاب بنات زعتر صدر

    ReplyDelete
  7. الحقيقة انا مش فاهمه وجهة نظركم من ناحية تامر
    تامر ده حبيبى وانا بحبه وبعشقه
    إللى يمس شعره منه كأنه مسنى انا شخصيا
    ارجوكم والنبى محدش يقول عليه حاجه وحشا
    سعيده

    ReplyDelete
  8. والله انتي اخدتي الكلام من علي طرف لساني
    امبارح كان حديث الساعه ان تامر حسني اخد ايقاف تنفيذ لا والكل كان فرحان وكان تامر دا جاب الديب من ديله

    اانا مليش دعوه بتامر اخد سجن ولا اخد نيشان حتي

    انا اللي ليا دعوه بيه الي شفته الناس اللي بتصوت وبتعيط من الفرحه انه اخد ايقاف تنفيذ تقريبا هيدبحو عجل بالمناسبه دي
    ولا الحلوه اللي قالت في التلفزيون ان مصر فيها تامر واحد بس

    عالم بجد دماغها تعبانه وتفقع المراره

    ReplyDelete
  9. هل هناك رسالة جديدة يوجهها لنا النظام وراء هذه الأحداث ؟

    هل يريد أن يقول أن هؤلاء هم شعب مصر (ناس رووشة وزى الفل بيحبوا الفرفشة ومش إرهابيين خالص ..ولا بيساندوا القضاء ولا حاجة لانهم ضد الارهاب ومع الفن والفرفشة )؟؟؟؟


    هل هناك رسالة من النظام تقول (خليك رووش وكوول ..وغنى وفرفش وخلى الناس تعيش فى غيبوبة ..واحنا عنروقك ومهما عملت من مخالفات مش عنزعلك لانك حبيب الملايين )؟؟

    هل هناك من مقارنة عقدها البعض فى أذهانهم وأراد النظام أن يؤكدها بين تزوير أيمن نور بزعم النظام والذى تحداه وتجرأ عليه فى الدخول أمامه فى الانتخابات عشان يعمل حزب بدأ يكون له شعبية ...وبين تزوير حبيب الملايين تامر ...الذى لم يعتبره الحاكمين خيانة للوطن (والعياذ بالله )مع العلم بأن الحكم المخفف لهذه الخيانة قضاء مدة التجنيد فى السجن الحربى ..ناهينا عن عقوبة التزوير ؟؟؟؟

    السؤال السابق باختصار المقارنة بين محاكمة ايمن نور ومحاكمة تامر مع العلم أن كليهما له شعبية ومحبين ؟؟؟؟

    السؤال الأخير حتى لا أطيل عليكم ...هل هؤلاء المواطنون الذين خرجوا لمؤازرة تامر بلبس التيشرتات المؤيدة لها ألا يذكرونكم بهؤلاء المواطنين الذين رأيناهم فى كأس العالم ملطخين الوجوه بالألوان والأعلام ؟؟؟؟
    هنا أترك لكم الإجابة ولكن أحيى من قال أن هؤلاء لا يمثلون الشعب المصرى


    وليكن شعار النظام الجديد

    خليك رووش ....عنظبطك
    وكبر الطاسة ...تعيش مبسوط

    والجوع والعوزة ..أحسن من السجن والحوسة


    وفى النهاية ..دمتم لمصر طيبين

    ReplyDelete
  10. المسخرة فعلا، غير أن تذاع محاكمة خُط القلوب على الهواء للتمويه - و هو كله قضاء و السلام - هو السريالية التي جرت عليها الجلسة: الإدعاء يتلو اتهامات تامر و كأنه يتلو اتهامات هتلر: مبالغات و صفات فظيعة لا تتناسب مع تفاهة التهمة و لا الشخص!

    لا مصداقية على الإطلاق.

    ReplyDelete
  11. سمعت بنفسى الكثيرين من جماهير الشعب المغيبة وهى تؤكد أن مظاهرات وسط البلد هى أيضاً من أجل تامر حسنى، وعبثا حاولت الشرح أن هناك قضاة محالون لمحكمة تأديبية ، وان هناك اعتصام و... و.... ، وهم يؤكدون لى قائلين " أصل انت ماشوفتش "حتى شعرت أننى كالأبله القادم من كوكب المريخ، وبتواصل الحوار بينى وبينهم أدركت أن مصدر هذة الإشاعات هم رجال الأمن المتواجدون فى وسط البلد، أعتقد أن عقلية رجل الشارع المصرى تحتاج لدراسة اعمق

    ReplyDelete
  12. و الله العظيم يا سعدني انا كتبت حتة تعليق فيه مقارنة بين د/ أيمن نور و بين تامر حسني عباس فرغلي .. بس النت خذلني و فصل و الكومنت بيتبعت و انا حلفت مش هكتبه تاني لانه خرج مني بكل انفعالي و مش هعرف اطلعه زي الاول تاني .. عزائي الوحيد الكومنتات بتاعتكم كلكم ماعدا كومنت انسة شيماء فاضل طبعا .. و طبعا الكومنت بتاعك هو اللي خلاني أكتب الكومنت ده لان ده أول ما تبادر الي ذهني بعد نطق الحكم .. و لكي الله يا مصر !!

    ReplyDelete
  13. يا جماعة ده تامررررررر مش عارفين يعنى ايه تااااااااامر؟
    ههههههههههههههههههههههههههه
    بس بقى عشان انا بيجيلى شلل لما بسمع العيال الهايفة وهى هاتموت على المغنيين كدة
    بالمناسبة مرة اتعرفت على واحد من ضمن مجموعة من صحابى وعلى طول وهو ماشى يدندن قلتله يا ابنى ما تهمد بقى قالى يا ابنى انا موسوعة اغانى وبالذات عمرو دياب انا بعشقه
    فى سرى قلت يا فرحة امك بيك
    فا ما تستغربوش ان فى كتييييييير زى صاحبى ده
    يعنى تيك ايت ايزى يا عزيزى

    وربنا يستررررر والله
    بس ان شاء الله بكرة احلى

    ReplyDelete
  14. يخرب بيييييييتتك !!
    هو إنتى رجعتى تانى يا بت ؟
    ده إنتى صحيح عامله زى القطط بسبع أرواح
    كل ما نقطع لك ذيل يطلعلك ألف ذيل
    إنتى يا بت ياللى اسمك بنت مصريه إنتى مش هتهجعى بقى ؟
    إنتى مش كنتى قلتى إنك مش هتكتبى هنا تانى
    رجعتى فى كلامك ليه؟
    مش اللى يرجع فى كلامه يبقى عيل؟
    مش قلت لك قبل كده غيرى العنوان ده وخليه مثلا
    ...... بنت مصريه
    هىء هىء هىء

    ReplyDelete
  15. إيه الأغنيه الهابله دى
    إسمها إيه؟
    حاقد حاسد ؟
    ولا
    مشلقاتى راديحاتى؟
    والى إيه ونيلة إيه وسلطان إيه وهم إيه ما تلمى نفسك بقى بدل ما تلاقى نفسك واقفه زى الفار أدام البيه
    دى أغانى دى؟
    إيه ده جايباها مين أى داهيه دى؟
    سترووو دى أغنيه فلاحى خالص
    شيليها أحسن عشان الدبان ما يتلمش

    ReplyDelete
  16. romantic rose
    لا داعى للقسم فاننا نصدقك
    والأبعد من ذلك أننى أحس بكل كلمة كتبتيها فى تعليقك الغير منشور عن المقارنة بين أيمن نور وتامر
    وجدير بالذكر هنا أن أتساءل سؤال آخر
    لماذا لم يرتدى الناس تشيرتات مكتوب عليها بنحبك يا أيمن ؟؟؟؟

    هل لأن الإعلام المصرى شوه صورة أيمن نور بالدرجة الكافية التى جعلت محبوه يشكون فى مدى مصداقيته ؟؟؟؟؟؟

    هل لأن الناس خافت من الإعتقال لو التفت حول نور بزعم التجمهر أو تعطيل المرور ؟؟؟؟؟؟؟

    أم لإيمان الناس بنزاهة الحكم القضائى ضد نور وبالتالى لا داعى للإعتراض ؟؟؟؟؟

    هل المتظاهرون لمؤازرة القضاة تم اعتقالهم بزعم التجمهر و تعطيل المرور هم الإرهابيون فى حين من تظاهروا لتامر لم يتجمهروا أبدا ولم يعطلوا المرور وهم يمثلون نبض الأمة ؟؟؟؟؟

    هل أخذت المحكمة حسب محامية تامر بأن تترفق به حتى لا يضيع مستقبله ....وهل أيمن نور كان بلا مستقبل ؟؟؟؟؟

    هل من يحكموا مصر مصريون أم أننا مازلنا تحت الإحتلال الإسرائيلى أو الإنجليزى أو حتى الأمريكى ؟؟؟؟؟


    هل وهل وهل ....وألف هل ؟؟؟

    أسئلة لا تنتهى ولا تتوقف فى رأسى فجرتها بنت مصرية و أشعلتها مرة أخرى رومانتيك روز ....ربما لا أستطيع النوم بعدها ...وربما أنقل إليكم نفس الشعور ..فتظلون تسألون وتتساءلون ..أسئلة بلا نهاية


    إذا كان لديكم بعض الإجابات المنطقية التى قد ترحم ثورة عقلى المشتعل ...فأجيبونى


    و لا يحضرنى الآن إلا قول صلاح جاهين

    أسأل
    ألاقى الرد
    يرجع سؤال

    ReplyDelete
  17. نو نو نوووووووو سويدى
    أرفض كلام حضرتك
    ليه بتلقح عليا كلام؟
    آآآه أنا بحب تامر
    فعلا مغنى وفنان محترم مش كده ولا إيه؟
    ولا انت من إياهم ؟
    بتوع اللى اسمه عبد الحليم حافظ وأم كلسوم وأم عبد الوهاب
    هى دى كانت أغانى دى؟
    لاء لاء لاء لاء سويدى اسفه كلام موش فى محله سورى

    ReplyDelete
  18. فى الوقت الذى يحكم القضاء على تامر حسنى بتهمة التزوير فى شهادة الخدمة العسكرية يحكم القضاء على أيمن نور بتهمة ملفقة غير معقولة بتزوير توقيعات عدد ضئيل من مؤسسى الحزب

    ReplyDelete
  19. فى الوقت الذى يحكم القضاء على تامر حسنى بتهمة التزوير فى شهادة الخدمة العسكرية يحكم القضاء على أيمن نور بتهمة ملفقة غير معقولة بتزوير توقيعات عدد ضئيل من مؤسسى الحزب

    ReplyDelete
  20. القوه فى فى اللمه بالزات للزى حالاتنا. لمايزيد عدد الناس المحترمين ببقى البلد حينصلح حالهاتلقائيا لكن ده مش حيحصل فى مصر أذا أستمر حالنا ذى ماهوه. الفساد والظلم جم علينا لما فقدنا معنى الاحترام لأداميتنا. ياريت بقى نقول للفساد كفايه.

    ReplyDelete
  21. This comment has been removed by a blog administrator.

    ReplyDelete
  22. يذكر أن تامر حسني ما زال في انتظار تحديد موعد محاكمته أمام محكمة الجنايات بتهمة تزوير شهادة نجاحه في السنة الثانية بكلية التجارة بجامعة المنصورة، التي من المتوقع أن يحصل فيها على حكم آخر لو أدانته المحكمة.


    Hope to make the story very short, let you know if this GUY accused AGAIN, it means that he will get both fines/penalities/preson terms in BIG ONE PACKAGE(inshaa allah).

    This is the QUALITY of the ppl you are proud with.
    don't you agree its FUNNY situation.

    ReplyDelete
  23. مالقاش إلا تجارة المنصورة اللي يزور مستنداتها .. عايز يبقى زمل بالعافية؟

    اعذرينا يا بنت يا مصرية .. فمن الصعب تفويت الموضوع من غير ما نتكلم عن الأخ المناضل الثوري الرفيق تامروف حسنيوف!

    ReplyDelete
  24. فكرت شوية ف أسئلتك يا سعدني و لقيت أجوبه اعتقد من اللي بينطبق عليها فعلا قول صلاح جاهين ..

    لم يرتدي الناس تي-شيرتات مكتوب عليها "بنحبك يا أيمن" يمكن علشان معندهمش تي-شيرتات اساسا و يمكن علشان مهماش بالتفاهه اللي تخليهم يعملوا حاجه زي دي .. فكونهم بينتخبوه او بيناصروه ففي ده كل الكفايه .. و مع ذلك فانا شخصيا لما رُحت انتخبه ف انتخابات الرياسه كنت لابسه طرحه "أورنج" و ابن عمتي كان لابس تي-شيرت نفس اللون كمان يمكن لان ف اللون ده اشارة كافيه لأيمن ..

    مشكلة تشوية الاعلام لأيمن نور مسألة محدش يختلف عليها .. برع في هذا نيرفانا ادريس و وحيد حامد و كمال عبد الله .. كلا في مكانه و بأدواته .. و للأسف .. مسألة التشويه دي مضرتش أيمن لوحده .. انما أضرت الشباب كله اللي اصبح مسألة فقد الرمز و رفض القدوة أكبر و أعمق و ملهاش دواء ..

    الداخلية بقي أستأسدت قصاد المتضامنون مع القضاة و لم تحرك ساكنا امام المتظاهرون في حب تامر و تأيده .. لان شتان ما بين حزب الله و حزب الشيطان .. أو حزب الحق و حزب الباطل .. فحزب تامر ممكن قولة "بخ" فيهم من عمو ابو نسر و سيف ماتلاقيش فيهم نفر .. ف حين ان جحافل "الغم المركزي" سحقت المتظاهرين و المتضامنين مع القضاة لاثنائهم و تفريقهم و زعزعتهم عن موقفهم الثابت الرائع ..

    أما سؤال المستقبل .. فمستقبل الشباب اتفه و أضيع مع تامر و أصحابه ماداموا عليه قدوه و مثل و هو المطلوب .. أما مستقبل د/ أيمن فكان يهدد الملك في عليائه و الاسرة المالكه من بعده و الحاشيه الملكيه المقربه لفخامته .. لذا فهو بلا مستقبل ..

    اما الاحتلال .. فهو قائم و مسيطر تحت مسميات العولمه و التفتح .. فاحتلال العقل و القيم و ما يصاحبه من تغير القيم و الثوابت و المبادئ أقوي احتلال و اعتي تأثير من الاحتلال العسكري .. و في النهايه .. الاحتلال العسكري قادم و لكن كله حسب خطة و بعد استكمال كل اركان التمثيليه و الي ان يؤدي كل الممثلين ادوارهم .. و ما اقدرهم علي هذا ..

    انا اسفه قوي للاطالة .. بس الموضوع ظالم قوي و مؤلم .. و الاسوأ اني مش قادرة أعمل اي حاجه و كل ما أملكه بعض الكلمات و القناعات ..

    شئ اخير .. أيمن نور ليس انسان بلا عيوب و قد يكون أسوأ اهل الارض بلا منازع .. و لكن المساواه في الظلم عدل .. فان كان مزورا فعليه عقوبه و كل المزورين لابد ان يرضخوا لنفس العقوبه .. و ان كان عميل أو قاتل أو سارق فكل من علي شاكلته لابد لهم من ان ينالوا نفس العقاب ..

    تحياتي و احترامي لكل محترم فقط ..

    ReplyDelete
  25. I agree with the post and all your comments, but just want to point out a thing or two.

    I think, Tamer's fans have the right to wear "I love you Tamer" T-shirts and have the right to demonstrate in his support. This is called freedom of speech. Allowing others to express themselves even if we do not agree with what they have to say.

    We also should not expect everyone in Egypt to have the same mentality, mood, goals, and priorities. and we should not ridicule people who are different from us.It is not the end of the world if some people love Tamer and his songs.

    Consider also that maybe some people think that trying to escape the military service is not such a crime considering how they humilate people in that service.So maybe that is why they are not offended by Tamer's crime. I personally know some good people who tried to avoid the military service in other ways, like for example getting a medical certificate. Not defending what Tamer did at all but just shedding light on a different point of view.

    The real problem is in the way Mubarak's regime delt with those who supported the judges and those who supported Tamer.

    ReplyDelete
  26. أوف أوف أوف
    يا جماعه فيه ايه تامر عمل ليكوا إيه إنتوا زعلانين منه ليه اشمعنى هو يعنى اللى واخدين بالكوا منه أوى كده
    ما البلد ادامكوا مليانه بلاوى اكتر من خطاء وحيد يا عينى تامر عمله فى حياته
    ليه مش بتتكلموا
    شاب صاعد خفيف الظل جميل الصوره كل فتاه طبيعيه فى سننا لازم تحبه
    ياناس ياناس حرام عليكم
    غيرانين منه ليه
    إيه يا عنى ايمن نور ده
    هو يعنى كان غنى لمصر ولشباب مصر ولشابات مصر زى تامر
    العدل شويه بليز !!!!! أووووفففف

    ReplyDelete
  27. تعليق صغير .. انا متاكده ان "شيرين فاضل" دمها خفيف قوي و لذيذه .. اكيد كانت بتتريق و بتهرج معانا طول و الوقت و احنا فهمناها غلط !!

    ReplyDelete
  28. hope
    i totally agree wz u, and so i said that tamer isn't my problem nor his case, it's how one government deals wz two demonstrations.

    ReplyDelete
  29. بنت مصرية
    I got your point :)

    ReplyDelete
  30. انتم يا اما مش رومانسيين و اكيد ما انتوش ناجحين فى حياتكم او اعمالكم
    انتم قادين ليل نهار على النت و بتهاجموا و بس
    و مصر كبلد مش حتتطور بناس زيكم
    فعلا قاعدين للفاضية و بيهاجموا ناس ما ضرتهمش فى حاجة
    بالعكس تامر حسنى فنان رقيق
    ليه بنتفرج على احمد زكى؟و عمر الشريف؟ليه بنسمع اغانى عبد الحليم حافظ ؟
    بتهاجموه رغم انه بينمى المشاعر الرومانسية فى ظل حياة كلها ماديات
    على الاقل زوجة زيى لما بتسمعها بتحس باحاسيس حلوة و رزمانسية لزوجها
    بتهاجموا و تتريقوا
    و انا اكتر نوعية من الناس باكرهها اللى بيتريقوا و يقولوا كلام هبل و ياريتهم حد حيذكرهم فى بلادهم او يلا ريتهم يعملوا حاجة لبلدهم
    على الاقل تامر اسمه فنان مصرى حبوه ناس كتير فى كل العالم العربى
    انا على فكرة مش باحب انتقد و عشان كده الحمد لله ليا اصحاب بيحبونى و احبهم
    لكن قبل ما تقعدوا تتريقوا على حد فى محنة
    شوفوا انتم ايه و عملتوا ايه
    و مستعدة احلف كمان ان اللى عمالين يتريقوا دول لا هما ناس ناجحين و لا ليهم مستقبل و مشغولين بعيوب الاخرين قبل ما يشوفوا عيوبهم
    مع السلامة

    ReplyDelete
  31. فنان رقيق..
    كان كذلك قبل ما يغني سيادته للوطن في أوبريت "هكذا يسمى ذلك العك في مصر" سداسي عن الوطن وحب الوطن وها هو سيادته يزور لكي لا يدخل الجيش .. عامل لي فيها تركان سيادته!

    هذا الفنان غش جمهوره .. فكيف يكون فناناً رقيقاً؟

    تقولين مصر لن تتطور بنا ، وأقول أن مصر لن تتقدم بسيادته.. وهناك فنانون كثيرون قد يبدون أكثر هيافة من المناضل تامر حسني لكنهم أكثر صدقاً مع أنفسهم .. ورحم الله امرئ عرف قدر نفسه..

    ReplyDelete