الصورة دى.. شايفين فيها ايه؟ عساكر الأمن المركزى اللى بيطلقوهم على المتظاهرين والمعتصمين فيضربوهم ويسحلوهم ويفرقوهم ويصطادوا منهم شوية يجروهم ع المعتقلات
كنا بنشوفهم زمان حوالين ملاعب الكورة.. على أقصى تقدير
لكن دلوقتى بقدرة قادر بيقدروا يضربوا ويبهدلوا بعد ما ياخدوا الأوامر ويسمعوا كلام أسيادهم.. وياريتهم بيشوفوا أيام حلوة، لكن دى طاعة المغلوب على أمره
مش عارفة ليه لما اشوفهم افتكر اشرف عبدالباقى فى الإرهاب والكباب.. كان عسكرى بيخدم سعادة الباشا بتاعه.. والعيال البشوات ولاد سعادة الباشا
عساكر الغم المركزى.. عساكر الشطرنج اللى بيضحوا بيها عشان الفيل يعدى والحصان ينط
--------------
ربنا يطلعك بخير يا مالك انت وكل اللى معاك
