5/24/2006

الإفراج عن مالك وأربعة من العصابة

بقالى يومين غايبة عن النت -جهازى ربنا يعمر بيته ويخرب بيت ويندوز- المهم، مقدرتش استنى اشوف الدنيا حصل فيها ايه اول ما عصرت كيلو لمون وستبت ويندوز للمرة الألف
لقيت انهم افرجوا عن خمسة من العصابة.. عصابة المختلين عقليا.. ومنهم مالك
العيال دى عيال بجد.. مش اى كلام.. فى معقل الحرية ومعبد الديمقراطية اللى اسمها أمن الدولة وأمام المذبح المقدس، وقفوا وادلوا ببيانهم -اللى اعتبره البيان المؤسس لحركة المختلين عقليا من اجل التغيير
البيان هنا فى كفاية
مبروك الافراج ، وعقبال علاء واسماء وباقى المعتقلين من اول عهد مبارك لحد النهاردة

انا سهرت اوى النهاردة، بكرة ان شاء الله هرد على التعليقات فى البوستات اللى فاتت واتأخرت عليها.. مبروك علينا عصر االمختلين عقليا من اول سفاح بنى مزار حتى سفاحى المنطقة المحررة

12 comments:

  1. هيييييييييييه بجد والله

    انا مبسوطه قوي قوي

    عقبال الباقين يارب

    ReplyDelete
  2. مبروك علينا خروج مالك والواد دا بجد لية وحشة

    ReplyDelete
  3. there are additional news about releasing 3 journalists including shaer gad .Also news about releasing Ahmed el Droubi,this news is not definite.we will see,,mabrouk w 3o2bal el kol

    ReplyDelete
  4. الف حمدالله على السلامة يا مالك ....

    ReplyDelete
  5. حمد الله على السلامة يا مالك.. وأراك قريباً ضد الممارسات.. أراك في ميدان المعركة الصح ..

    ReplyDelete
  6. حمد الله عالسلامه يا عم مالك وعقبال بقيت الأبطال

    ReplyDelete
  7. Great news! Hope to see all the others free as well. I especially feel for the girls, even though I read they are tough cookies.

    ReplyDelete
  8. حمد الله على سلامتك يا ماااااااااااالك

    ReplyDelete
  9. ألف ألف مبروك
    الحمد لله انا مبسوط والله انهم افرجو عنهم
    عقبال الباقى

    ReplyDelete
  10. حمد لله علي سلامتك يا مالك و يا كل خارج مولود من معتقلات الزبانيه .. قصتكم مكسره الصحافه علي فكره .. و للأسف مصر شكلها مش هتلحق ترتاح لان الصحفيين هيبدؤا جولتهم بعد احالو وائل الابراشي و تلت صحفيين تانيين لمحكمة الجنايات في حين احالة ممدوح اسماعيل "عليه من الله ما يستحق" لمحكمة الجنح !!

    فاكرين ايام قبل انتخابات الرياسه كانت كفايه عامله قلق كل يوم أربع .. دلوقتي بقي كل يوم خميس يحمل جديد أليم مره مع القضاه و مره الغد و مره الصحفيين .. و حتي التلات اصبح تلات أسود "مع اعتراضي علي سب الدهر" مع بتوع البورصه ..

    هو فيه ايه ؟؟ الدنيا بتغمق كل مادا .. و بعدين ؟؟؟؟؟

    ReplyDelete
  11. سلمى

    ان شاء الله الاخبار عن الدروبى تكون اكيده

    رومانتيك روز

    الله عليكى يا كوكى.. بعد ما تغمق كده أكيد فى نور :)

    ReplyDelete
  12. الحمد لله
    عقبال الباقى وكل معتقلين مصر

    ReplyDelete