5/21/2006

dear government & dear bloggers






تعالوا نكتب للحكومة بتاعتنا.. يمكن يحوّق .. دا كلام أحمد صاحب مدونة أحد، اقروا التفاصيل عنده

او يعنى باختصار دا خطاب مفتوح وموجه للحكومة كل واحد يدخل يكتب اللى نفسه فيه.. اضغط هنا

نصيحة: ممكن بجد نكتب كلام من غير انفعال وغضب، نشتكى الحكومة من غير تهزيق وبهدلة.. يعنى بطريقة متحضرة، انا عن نفسى لسه بفكر اكتب ايه بالظبط، وهكتب :) ه

****






ومن عند وائل عباس اعلان عن وثائقى جديد عن المدونبن المصريين سيتم عرضه على الجزيرة

وعلى مسئوليته: شاهدوا علاء عبد الفتاح ومالك مصطفى وعمرو عزت ووائل عباس وغيرهم من المدونين في هذا الوثائقي الجديدوإدعوا لعلاء ومالك وباقي المخطوفين أن يفك الله أسرهمالخميس الساعة 12 منتصف الليل بتوقيت القاهرة والسعودية والدوحة

15 comments:

  1. وليه ما نكتبش للحكومة بجد
    نتفق على صيغة واحدة ونبعت الاف الرسائل بالبريد العادي والالكتروني، على ان تكون الرسائل جميعا موقعة باسم وعنوان موقعها، يعني احنا بنتكلم واحنا في النور ومش خايفين، وطبعا لابد ان يكون الخطاب جادا وعلى مستوى الموقف وفيه مطالب واضحة وليس مجرد شكوى واتهام للحكومة بالظلم وخلافه، يعني اقرار للحقائق باسلوب موضوعي وتعبير عن الرفض
    انا دخلت على موقع الرئيس ما فيش عليه اي ايميل
    حد يعرف اي ايميل رسمي؟ عنوان بريدي للرئاسة؟

    ReplyDelete
  2. اعتقد انه لو وصل للرئاسة عشرات الالاف او مئات الالاف من الخطابات الموقعة بصيغة ومطالب واحدة يتفق عليها الجميع فسوف يكون لذلك أثرا لا يمكن تجاهله
    ولا ايه؟

    ReplyDelete
  3. شوفوا بقى الحتة دي كمان
    :)

    لو الحكومة تجاهلت كل الرسائل وكأنهم لم يصلهم شيء
    نقلبها حرب الكترونية
    عاوزين شوية مصريين حريفة هاكنج وندخل نسيطر على موقع الرئاسة المصري وموقع الحكومة الالكترونية المصري ونحط عليه الرسالة بتاعتنا، برضه المتحضرة ذات المطالب الواقعية، ينفع؟

    ReplyDelete
  4. وهو الهاكنج طريقة متحضرة؟

    مش بردو شكل من اشكال العنف؟
    :)

    ReplyDelete
  5. الهاكنج مش عنف لان ما فيش فيه اي احتكاك جسدي ولا حتى عنف لفظي، ولكنه في مثل هذه الحالة وسيلة لتوصيل صوت مسلوبي الارادة والاختيار فيما يتعلق بمصيرهم أجمعين
    أليست البلد بلد الناس، لا بلد الحكومة؟
    فإذا ما تحولت الحكومة الى مسيطر قاهر يعمل لصالح عدد معدود على حساب مصالح ومستقبل أصحاب التركة الأصليين، فإن ذلك جريمة، بل أكثر من جريمة، سرقة وظلم وكذب، الخ
    أفلا يكون الاستيلاء على موقع الحكومة ساعتها رد فعل متحضر ومتفادي في الواقع للعنف؟ يعني فرض لصوت الحق أن يُسمع، صوته فقط، وليس سيفه
    !!

    ReplyDelete
  6. طيب تحبي نعمل مظاهرات أحسن وبعدين في الاخر نترمي في السجن، لا احنا استفدنا حاجة ولا حاجة اتغيرت، يعني ضرر حصل بدون عائد
    الهاكنج حتى لو ما جابش عائد، فاحتمال الضرر فيه اقل، غير أن صوته قد يكون أعلى

    قد يكون الاعلام هو اقوى وسائل التغيير في عصرنا الحالي
    واذا كان من الصعوبة ان نسيطر على التلفزيون الحكومي مثلا
    :)
    فالايسر إذن ان تتم السيطرة على الموقع كوسيلة لاحراج الحكومة
    هذا اذا اهملوا عشرات الالاف من الرسائل التي قد نصلهم لو أرسلها عدد كاف

    ReplyDelete
  7. يا محمد الحكومه بتاعتنا أساسا سمعها تقيل و نظرها كمان ....بيتعاملوا معانا بمبداء لا أري لا أسمع لا أتكلم
    وكمان بطبقوا معانا نظريه تفريغ الكبت(المعروفه باسم فس) يعني خلي اللي عايز يهلل يهلل واللي عايز يكتب يكتب وكمان لو عايز تعمل مظاهره اعمل واحنا كمان -اللي هي الحكومه يعني-هانعمل اللي يعجبنا فلو كتبت سبعين مليون ميل ورساله ولو مكالمه كمان مفيش حاجه هاتفرق خليك واقعي يا ابو حميد

    يا بني موقع ايه اللي هاتعمل عليه هاك هو حد يعرف الموقع ده غيرك؟؟؟
    ده ممكن الحكومه ماتخدش بالها غير بعدها بشهرين و تلات تيام

    ReplyDelete
  8. مش عارف بس حاسس إنها حكومة وقعت على ودانها وهي صغيرة واتخرمت وعايزة عملية فدائية

    ReplyDelete
  9. يا بني موقع ايه اللي هاتعمل عليه هاك هو حد يعرف الموقع ده غيرك؟؟؟
    ده ممكن الحكومه ماتخدش بالها غير بعدها بشهرين و تلات تيام

    ها ها، حلوة
    اهي دي ما خدتش بالي منها صحيح
    خلاص نهاك موقع الاهرام اهو موقع عليه ترافك كتير وبرضه حكومي
    :)

    ReplyDelete
  10. اهو كده الكلام....ولا بلاش

    ReplyDelete
  11. السلام عليكم
    أولا أشكر لك يا (بنت مصرية ) اهتمامك بعرض التصويت عن حديث المدينة (جيمى ) وخاصة بعد ما قرر أن يحج الى أمريكا كما فعل أبوه من قبل

    لا أعرف ان كان هذا التصويت تنفيذا لوعدك لى بنشره من قبل ردا على أحد التعليقات بمدونتك قبل فترة الاستراحة الأخيرة ...أم أنه بقى فى لا شعورك الى الآن متذكرة أحد الإختيارات التى اقترحتها عليكى وهى (على جثتى ) ....على كل حال شكرا جزيلا


    ثانيا :أحمد الله اننى استطعت الدخول على مدونتك مرة اخرى بعد حدوث مشكلة فى ذلك ...ربما كان بسبب الأغنية المحملة على المدونة ....على الرغم من أنها من أجمل الأغانى المعبرة عن حالنا ..فلقد سمعتها أكثر من 100 مرة ...لدقة وتلقائية تعبير كلماتها و لحنها المنسجم مع الكلمات ....ولا أعرف ان كانت اغنية تراثية كتبت مصاحبة لأحد التمثليات القديمة ...ربما تذكرت عند سماعها مسلسل (على الزيبق )..أم أنها كتبت لتأرخ عصرنا الحالى

    ثالثا : موضوع هذه التدوينة
    -------------------------------
    فى الحقيقة اتفق مع فكرة عرض أفكارنا أو نقضنا للحكومة بشكل جماعى

    ويجب هنا أن أنوه أننى قرأت بالفعل مشروع لهذه الفكرة فى مدونة ..أجيبونا ...مطالب الشعب المصرى ...ومع تجديد الفكرة يمكن تجديد المشروع

    -----------------------
    المهم أن يكون التوقيع بشكل منظم لنثبت للجميع أننا الأغلبية ...وليس كما يدعى الحزب الوطنى
    ------------------------
    وسأحكى باختصار تجربة رأيتها من خلال احد المواقع الذى أنشأه بعض المهندسين ..اسمه المهندسون الديمقراطيون ..بغرض رفع الوصاية عن نقابة المهندسين
    الموقع حقق بعض النجاحات بإنعقاد الجمعية العمومية للنقابة وقرروا رفع الوصاية فى انعقاد الجمعية العمومية الثانى الذى كان مقررا انعقاده يوم الجمعة الماضى ..ولكن للأسف منع الأمن الأعضاء من دخول النقابة
    ---------------
    المهم أن الموقع مازال يتابع هذا الموضوع وينشر أخبار ما تم حيال القضايا المرفوعة ضد وزير الرى والأحكام الصادرة ضده بهذا الشأن
    ---------------
    فكرة التوقيع فى هذا الموقع كانت الكترونية ...بكتابة اسم عضو النقابة ورقم عضويته
    ---------------
    يمكن من خلال هذه التجربة وبالتضامن مع مدونة (أجيبونا) أن نقدم مطالب حقيقية للحكومة من المدونين ...وليس بالضرورة التوقيع بالاسم الحقيقى لعدم جلب المزيد من المشاكل للمدونين ..بل يكفى التوقيع باسم المدونة ..لحصر العدد المطالب لبيان أنه أغلبية
    ---------------
    ويمكن بعد الحصول على توقيعات من عدد مناسب من المدونين ..ارسال خطاب باسم مدونى مصر الى رئاسة الجمهورية ..ومجلس الشعب ...ويتم الاشارة فيه الى الموقع الالكترونى للمطالب ..وعدد الموقعين عليها
    ----------------
    وبالتالى اتفق مع بنت مصرية ان تكون المطالب منظمة ومحترمة و مهذبة ....وبهذا نكون قد توصلنا الى طريقة فعلية للتعبير الفعال عن الرأى
    ----------------
    لا مانع لأن يرسل نسخة من هذا الخطاب الى المنظمات الحقوقية فى مصر والى الجهات الاعلامية المصرية المحترمة فى الجرائد الرسمية والغير رسمية والقنوات الاعلامية المحترمة فى مصر
    ----------------
    اؤكد على ان يكون نشر المطالب فى الاطار المصرى ..لأنها باختصار مطالب مصرية
    ---------------
    وفى النهاية اعتذر عن الاطالة ..وأحب أن أعرف أراءكم فى هذا الإطار

    ReplyDelete
  12. سعدنى
    الاغنية هى مقدمة مسلسل على الزيبق اللى قام بطولته فاروق الفيشاوى

    اقتراحاتك بخصوص الخطابات للحكومة أفضصل انك تقترحها فى مدونة أحد صاحبة الفكرة وليها لينك فى نفس التدوينة

    ReplyDelete
  13. دخلت بالفعل مدونة أحد ولكن لم أجد شعبية كافية بها وبالتالى فاننى أرغب مناقشة هذا الموضوع هنا بمدونتك يا بنت مصرية لأنه يحتاج الى قاعدة عريضة للمشاركة فى إبداء الرأى ...وذاد حماسى للفكرة بعد سماع برنامج الجزيرة عن المدونين....فهل يمكن إفراد مدونة خاصة بهذا الموضوع اذا كانت الفكرة مستحسنة لديك ؟؟

    لم أنشر ذلك بمدونتى لنفس السبب الذى لم أنشرها بسببه فى مدونة أحد وهو قلة شعبية مدونتى ...وهذا نفس السبب الذى يجعلنى أفضل التعليق بمدونتك عن كتابة مدونات خاصة بى ..فى أهمية إحساسى برد الفعل والتفاعل مع الآخر الواعى

    ReplyDelete
  14. بالعكس، المدونة ليها شعبية جامده
    وطرحك للفكرة هيلاقى صدى ان شاء الله

    بس جرب

    ReplyDelete
  15. saadny_architect

    وما هو في اعتقادك العدد المطلوب يا محمد الذي إذا بلغناه تم إرسال الخطاب؟

    على كل، من الممكن البدأ في صياغة جميع المطالب التي يتفق عليها الجميع والتي فيها بالفعل مصلحة حقيقية وتغيير، على ان تكون كما اتفقنا مطالب بصياغة عقلانية وموضوعية تبتعد عن الشعارات والكلام الفضفاض

    يعني مطالب واضحة واحد اتنين تلاتة

    ممكن الاول نبدأ بكده

    بعدها نفكر ازاي نجمع اكبر عدد من الموقعين وباي اسلوب

    ReplyDelete