12/13/2006

قصور

عندما قرر أن يهجر البيت استغرق فى تنفيذ هذا القرار أكثر من سنة. أندت هذه الفكرة جبينه، فأخذ يمسح عن الجبين حتى لا تشى القطرات. ظل شهرا يرتعش كلما راوده التخلى. أورثته تلك الرعشة لذة الهجر المرتقب فصار يتعجل ذلك اليوم ويعد له بحماس. من وقت لآخر تطل من بين عينيه تلك اللذة فتفسرها هى بالحب والرضا

هو يعلم أن هذا الهجر شاق عليها. تدور فى فلكه منذ عشر سنوات لم تتوقف خلالها عن الدوران لحظة. تركته يعقد قلبها وينفث فى العقدة سحره، فغضبته ليل يجترها ثم يلفظها وحيدة. لكنها فى كل مرة تنتظره، تبنيها من جديد نظرة وتسير بها فوق السحاب كلمة.. كلمة تجدد السحر وتشد من وثاق العقدة

التخلى عنها لم يكن أمراً مستحيلا. على العكس، كانت الفكرة تزداد إلحاحاً كلما استثقلت قدماه الحركة. ورغم ذلك، لم تكن الفكرة فكرته، هى التى أوحت له بذلك عندما أخبرته ذات مرة أنها لا تتصور ان يتخلى عنها.. فالتخلى عنها يقتلها والهجر كفن أبيض

أصر فى هذا اليوم أن يكون أكثر قسوة من كل نوبات الغضب السابقة ففك السحر ليس بهين ولا يضير الهجر أن يكون كفنا أبيض ذا بقع حمراء. كانت تقلب له الشاى وهو يقف متأنقاً يخبرها بأنه أعد حقيبته، وأنه سيهجر البيت، وأنه لن يعود، وأن عشر سنوات معها تكفيه. لم يخطط بالطبع لإنتظار رد فعلها، أخذ حقيبته وانطلق يخرج من الباب، تأكد من إغلاقه وراءه فأصدر الباب صوت ارتطام شديد أزعجها

39 comments:

  1. أخيرا كتبتى بوست جديد
    المهم
    سنه كامله بيخطط عشان يهجر البيت و كمان عمل جدول زمنى لليوم اللى هيمشى فيه ... ده منظم أوى
    :D

    ReplyDelete
  2. صادم وحزين ... في رايي هو وغد اناني وهي لازم تكب كوباية الشاي بتاعته وتشوف هي بتحب ايه

    ReplyDelete
  3. ياتري ايه يخلي آدم يتخلي عن ليلي بعد عشر سنوات وهي بكل المميزات دي-اهم حاجة عندي بصراحة كوباية الشاي وانا مصدع-ياريت متكنش هيا السبب -والاهم ان كوباية الشاي متكنش السبب لانها حبيبتي-وهيكون ساعتها هو الاحمق بس ياتري هل ممكن ان يكون كوب شاي هو الرابط بين آدم وليلي بس تكون غلطانة لو فاكرة ان اقرب طريق للرجل معدته وبرضه مش كفاية انها تدور في فلكه معلش هو مش جايب خدامه لازم في مشاركة في حياته تناغشه ,تكلمه,تشوفه تعبان تقوله مالك مش بدور في فلكه وبس لأ فيه حاجة غلط ماهو متقوليليش ان ممكن الواحد يتخلي عن حبه كدة دا حتي لو مفيش حب بقي فيه عِشرة -في مرة اتخانقت مع ليلي لأنها رمت معلقة الشاي لأنها كانت عندنا من زمان يعني كان فيه حب وعِشرة بينا-

    ReplyDelete
  4. ههههههههههه
    أيه حكاية الشاى معاك ... شاى عند بنت مصريه و شاى عندى شكلك مدمن شاى زيى
    ما علينا
    هو ده السؤال المهم لماذا يريد الرحيل ؟

    ReplyDelete
  5. تمام ياباشمهندس مبرمج حر ليه هو عايز يسيبها ؟انا لا أدافع عن الرجل لكن انتي بتهاجمي واحد كل ماتعرفيه عن حياته اللحظة الاخيرة لحظة القرار اين باقي العشرة سنوات ولماذا سقطت من الحساب يعني ليه ليلي وهي تعد كوب الشاي لآدم متكنش بتتمني ان يكون اخر كوب شاي تعمله ليس لأنه منكد عليها عيشتها ولا لأنه بيخونها لأ هي بس صحيت بعد عشر سنوات وفكرت هي كمان تستغني عن آدم,آدم الذي احبها وبيعمل المستحيل علشان يرضيهاومستحمل كل مساوئها علشان بيحبها ,بيحبها وبس مش عايز الشاي هو عايز الحب

    ReplyDelete
  6. أذا كان هحره النهائى لم يزعجها فيه الا صفعة الباب بعنف خلفه

    فهذا قرارا تأخر كثيراً

    ReplyDelete
  7. تزعلني منك وبراضيك
    ده في الكواليس قبل الكليب بتاع
    كارول سماحة
    ههه
    ايه اللي باقوله ده

    ReplyDelete
  8. لا عايز كمان الفت نظر حضراتكم لحاجة مهمة قوي :
    علي الرغم من انها شيفاه وهو بيلم ملابسه بس برضه هي مش قادره علي زعله رايحة تعمله كباية الشاي بكل هدوء ولا كإن في حاجة بتحصل يمشي, يقعد, يولع مش مهم هو مش في بالها خالص ياتري بقي مين في بالها لأ والأدهي والأمر ان الموضوع تكرر اكتر من مرة بدليل انه "أصر في هذا اليوم أن يكون أكثر قسوة من كل نوبات الغضب السابقة" ويسلام يسلام لما يكون "أصدر الباب صوت إرتطام شديد أزعجها "هو ده كل المهم في الموضوع لأ أكيد فيه حاجة غلط ممكن هما اللي اتنين مسمعوش أم كلثوم وهي بتقول "كلمة الحب اللي بيها , تخلص الدنيا ومافيها"

    ReplyDelete
  9. يا طولة باله، ياصبره
    عشر سنوات والله بطل

    أنا كنت نديم ودلوقت أنا: سردية

    ReplyDelete
  10. مبرمج حر
    والله مش حكاية تنظيم خالص
    ولا حكاية صبر
    ---

    غواص بحر الامل
    ما هى دى المفاجأة.. هى اكشفتش انها مش محتاجة تكب الشاى فى وشه.. هى مش محتاجاه اصلا.. هى مش ضعيفة زى ما كانت متصورة ولا زى ما كان هو متصور
    ---

    ابن ادم مصري
    ممم يعنى انت بتهزر و للا بتتكلم جد؟

    انا مش بهاجم واحد اعرف عنه لحظته الاخيرة
    ببساطة لأن دى قصة.. وانا اللى كتبتبها، وبالتالى انا خلقت الحدوتة واعرف عنه كل اللى قلته.. مش لازم اسرد العشر سنين هنا عشان توصلوا للنتيجة..
    وبعدين انا مش بهاجمه، انا بهاجمهم هما الاتنين.. وبضحك عليهم كمان.. هما الاتنين توقعاتهم كانت غلط بخصوص علاقتهم..
    ---

    محمد جعفر
    اعتقد ان تعليقك هو بالنسبة لى الاقرب لوجهة نظرى من القصة
    احمدك يا رب.. فىة حد استوعبنى
    :D
    ----

    عربى
    معندكش حاجة تقولها، ما تعلقش
    كده انا هزعل منك بجد
    ----

    بنى ادم مصري
    انا مش عارفة انت بتتكلم عن ايه.. مش فاهمة حاجة
    ---

    free soul
    thanks awi :))
    ---

    سردية
    اوىك، عايز تخليها نكتة وتريقة.. مش مشكلة نضحك عليها
    هههههههه

    بس هى مش نكتة ولا تريقة
    ;(

    ReplyDelete
  11. سورى هو تعليق ملوش اى علاقة بالموضوع

    انا عملت مدونة جديدة و بحاول اظبطها بس عايز اعمل sidebar على اليمين والشمال الاتنين مع بعض,, ومش موجودة فى bmadvice.blogspot.com
    ولا حتى فى تعليقات او اسالة

    tawahan.blogspot.com

    ReplyDelete
  12. ليه حضرتك افترضتي اني بنكت، راجل وكما فهمت يستطيع كسر العلاقة عندما لم تعد تعني له شيء، ورغم ذلك احتمل جحيم الآخر عشر سنوات، اغلب العلاقات تتحول إلى نوع من الاقامة الجبرية بعد الخمس سنوات الأولي،

    ثانيا
    أنا قرات التعليقات كان فيها مزاح وتنكيت
    كلمتي انا اللي وقفت في الزور


    عموما اعتزر بشدة على خدش جو الجدية

    ReplyDelete
  13. ماتبقيش زي اروي
    انا باهزر معاكي
    انا اسف

    ReplyDelete
  14. لا يضير الهجر أن يكون كفنا ذى بقع حمراء
    رائع

    ReplyDelete
  15. لا حقيقي اكتشفت اني جاهل
    مقدرتش افهم فيه ايه اساسا
    يا ريت بعد التدوينة يكون فيه هامش
    توضيح
    للمصابين بانعدام الفهم امثالي
    يا ريت تكوني اكثر وضوحا في عرض الفكرة

    ReplyDelete
  16. أنا مش بهزر وكمان مش بتكلم جد يعني شوية من ده علي شويةمن ده
    وبعدين أنا طلبتش سرد العشر سنين لكن قصدت إنك تتخيلي ليه ممكن آدم يسيب ليلي بعد عشر سنين , هو قعد سنة ياخد فيها قرار الهجر , أعتقد لو العيب منه مش هيتردد كل ده لأنه في النهاية قرر الهجران,وواضح إنك بتأيديها في طريقة تصرفها مع الموقف علي الرغم إنها لم تكن تتخيل أن يتخلي عنها, يبدو إن سنة واحد كفاية علشان تحصل فيها حاجات كتير
    القصة جميلة ,معلش أنا ب أرغي كتير

    ReplyDelete
  17. الأسباب ممكن تكون.. الملل ، عرف واحدة تانية ، كان مستور ودلوقتى بقى معاه فلوس بزيادة ، بس أكيد ما عندوش عيال ، العيال قيد من حديد ، وبجد مش هزار

    ReplyDelete
  18. وليه الاسباب متبقاش: الطمع, عرفت واحد تاني ، خلصت علي اللي معاه ودلوقتي بقى معاها فلوس بزيادة وعايزة تشوف واحد تاني وأنا معاكي في حكاية العيال بس أكيد حتي ولو في ولاد و الموضوع زاد عن حدة ممكن هو أو هي (ي/ت) كسر القيود والاولاد برضه يعيشو حياه كويسة وعايز انبه لحاجة مش لازم آدم لوحده يكون الشيطان.

    ReplyDelete
  19. ما هو اساسا انا مش مشكلتى فى القصة هنا الاسباب
    ومش بفكر مين فيهم اللى غلطان ومين فيهم اللى عنده حق

    واحدة واحدة بس.. انا هنا بتكلم عن علاقة غريبة بين اتنين كل واحد فيهم فاكر انها علاقة مش ممكن تنتهى او تنقطع لمجرد ان احد الطرفين بعتقد انه ضعيف من غير الطرف التانى
    والحكاية هنا مش راجل وست .. لكن طرف قوي وطرف اضعف.. ممكن بسهولة نغير مكان الابطال.. يبقى هو الست وتهجر وهو الراجل اللى مفكر انه مايقدرش يعيش من غيرها.. او هو الحكومة وهى الشعب.. المهم ان فى طرف متصور انه اضعف من التانى وانه هيموت من غير الطرف الاول. .وانه وانه وانه.. وفى الحقيقة ان الهجر لما يتحول لواقع وحقيقة بيكون افضل للطرفين وبيكون سهل وبيكتشف الطرف التانى انه مش ضعيف ولا حاجة.. وانه يقدر يعيش بعد الهجر ده

    فهمتونى يا ناس
    :D

    ReplyDelete
  20. اه وحاجة كمان

    دا اللى خلانى اسميها قصور.. يعنى قصور فى الفهم او قصور فى الادراك.. هما مش فاهمين ان الموضوع ابسط بكتير من انه يكون سحر او قتل.. موضوع ابسط بكتييير من ارتطام الباب
    ارتطام الباب ازعجها.. مش الهجر يعنى

    ReplyDelete
  21. أكثر من رائعه كالعاده
    تحياتى

    ReplyDelete
  22. ماردتيش ليه يا زينب
    ماتزعليش بقه

    ReplyDelete
  23. أو يمكن سميتيها قصور من القصور اللي واحنا صغيرين بنبنيها على شط البحر وبنقعد نحلم نسكن فيها مع الأمير ولما بنكبر بنكتشف إنها قصور من رمال إحنا أول الناس ساعدنا في هدمها..
    دي اول حاجة خطرت على بالي لما قؤيت عنوان البوست قصور الرمال يا ترى كام قصر عشنا نبنيه وفجأة واحنا بنحضر كوباية الشاي نكتشف إنه كان قصر من الرمل.

    ReplyDelete
  24. اسرتيني بجد بكلامك
    مش عارفة اذا كان هو قاسي و اناني ولا الحب اتمسح من حياتهم
    الي مستغرباله ان كل الي ازعجها صوت الباب الي اتخبط

    ReplyDelete
  25. انا بجد محتاجة مساعدة منك في المدونة بتاعتي لاني قريت الشرح الي انتي عملتيه بس في حاجات كتير لسة مش فاهماها
    ياريت فضلا وليس امرا لو تردي عليا

    ReplyDelete
  26. بدل هجر شريكة حياته
    يبقا المركب اللى تودى
    بس ليه يرزع الباب مش أصول دى
    أنا زعلانه منه ومخاصماه

    ReplyDelete
  27. علي فكرة يا زيزي .. و الله القصه دي بالذات انا قريتها كذا مره و كل مره أقراها فيها ابقي عايزه أكتب كلام مختلف .. بس ف النهاية بحس ان كل الكلام هيبقي سطحي و الا لو حاولت اتعمق و اشرّح الموضوع التعليق هيطول و هيبقي رخم .. عزائي الوحيد اني أكيد فاهماكي و انك اكيد عارفه انا رد فعلي و تعليقي هيكون ايه .. و ربنا يسترها و يصبرنا علي ما بلانا !!!

    ReplyDelete
  28. باين اني مابعرفش أفك رموز...عجبتيني

    ReplyDelete
  29. أهى رومانتيك روز جابت ليكى من الأخر
    فى أنتظار قصه جديده من قصصك الغنيه بالمعانى المطلوبه فى عصرنا الحالى

    على فكره فيه أغنيه ل شيرين أسمها كنت بقول قريبه شويه
    من قصتك الجميله

    ReplyDelete
  30. مبرمج حر
    ميرسى اوى :)
    فعلا اغنية شيرين قريبة، انا بحب الاغنية دى اصلا
    ----

    عربى
    لا ما زعلتش، دا كان تقل بس
    والتقل صلصة
    :D
    ---

    تسنيم
    الله عليكى يا تسنيم، رؤيتك جميلة اوى اوى
    ----

    بسمة
    بيسوو، انا تحت امرك يا جميلة، بس عشان تبقى عارفة الشرح بتاعى كان عن بلوجر القديم قبل بيتا.. وانا لسه بصراحة ما جربتش بيتا خالص
    عموما ابعتيلى على الميل واشوف انتى عايزة تعرفى ايه
    zeinab7[at]gmail[dot]com
    ---

    اوسا
    اصل مش على باله يا بنتى الباب ،هى اللى كانت جيباه مع العزال
    :)
    ---

    رومانتيك روز
    بس انا بحب كلامك يا كوكى، وبحس ان دايما عندك رؤية مميزة وكان يهمنى اقرا لك مع انى عارفة والله رد فعلك يا حبيبى
    ---

    بنى ادم مصري
    ممم يمكن انااللى مابعرفش اكود
    :D
    ---

    ReplyDelete
  31. جميلة واجمل ما فيها انها تحمل معانى عديدة

    ReplyDelete
  32. يلا في ستين داهية هو الخسران
    انت اخبارك اية؟
    ابقي تعالي

    ReplyDelete
  33. من زمان و انا بقرأ المدونة و كان نفس اعلق على موضوعاتك

    لحد ما عملت مدونتى و بجد مش عارف اعلق اقول ايه لان
    ففى كل مرة تسحبينا الى الموضوع بطريقة غاية فى الروعة و الجمال

    و بجد انا مش لاقى تعليق

    تحياتى
    بيجاسوس المصرى

    ReplyDelete
  34. اختي العزيز؛ المدونون التونسيون يخططون لاضراب عن التدوين احتجاجا على حجب بعض المدونات و ذلك يوم الاثنين المقبل؛ مارأيك او انضممتم الينا؛ و يكون بذلك يوما عربيا لاحتجاج على الحجب الذي يطال بعض المدونات؛ اذا كنت مهتمة بالامر و بامكانك المساعدة في نشر ذلك في المدونات المصرية اتصلي بي

    ReplyDelete
  35. عايز كل الناس تعرف مدونتك
    ضيف نفسك في ارشيف المدونات العربية
    http://arabblogs.blogspot.com/
    ارسل لنا اسم مدونتك و عنوناها و اسمك

    في كومنت على

    http://arabblogs.blogspot.com/2006/12/blog-post.html

    ابعت نفس الرسالة دي لكل اللي تعرفهم

    ReplyDelete
  36. احلى حاجه فيكي ان بوستاتك مختلفه .. دماغك بطلع حاجات جامده فعلا

    ReplyDelete
  37. حلوة القصة أوى ...
    ياللا بالسلامة ...
    السكة االى تودى...
    حااسة ان لو كان فى بنهم صراحة كان هجره هيبقى أسهل و مافيهوش الغموض ده...

    ReplyDelete