4/15/2007
صباح اسود على عيونك يا مصر
الخبر الأسود اللى كنا خايفين منه حصل.. اعتقلوا عبدالمنعم، اعتقلوه من غير اذن نيابة وكله بالدستور الجديد.. وهيعذبوه بتوع امن الدولة زى ما بتوع الشرطة ما بيعذبوا المصريين.. اتفرج على حلقة الجزيرة عن التعذيب، اما المجرمين فى حق مصر والمصريين فاحنا زهقنا منكو خلاص ومش مستحملين اكتر من كده ، اياكو تمدوا ايديكوا عليه يا كلاب
Subscribe to:
Post Comments (Atom)
ما خلاص مدوا ايديهم
ReplyDeleteخلاص
ربنا يستر بس
و ميتاذيش
بديهي... ان سجلات جوازات المطار تقول انه سافر وبعدين يدعوا انهم م يعرفوش الشاب المحترم راح فين... حد فاهم
ReplyDeleteياترى يا مصر
لسه كتير ... ادعوا... ان شاء الله تفرج
ارجوكي....ماتقليش صباح اسود عليكي يا مصر
ReplyDeleteمصر مالهاش دعوة
مصر منهم بريئة
في اية انا متابع اسلوبيك من زمان وكان لزيز بجد في كل الاتجاهات لكن تيجي في الاخر تقولى صباح اسود على عيونك يا مصر لية صباح اسود هيا مصر هاتموت ولا سمعنا انها انتهت من كتب التاريخ و اتلشت من الحاضر و من المستقبل مش علشان واحد مصر تموت ويبقا صباحها اسود فية غيرة و غيرة وفي لحظة ماهو اتمسك في طفل على ارض مصر اتولديمكن يكون الامل معاة.. الى عايز اقولة هنا علشان بس متفهمش غلط و يتقال انى مش مهتم او او الخ بصراحة انا ساعات ببقى مع النظام و ساعات ضدة بحكم القضية و حيثيتها في حنها ولانى مش فاهم في اية و اول مرة اسمع عن الانسان دة و دون خوض في تفاصيل الا انى بجد بقول انى مبحبش الاخوان هما معملوليش حاجة وحشة بس كانوا بيعملوا في غيرى حاجة وحشة و بجد قلقى انهم ميعرفوش يديروا مصر بجدية او بطريقة سليمة ان حصل و خدوا زمام الامور مينفعش واحد علشان يعرف ربنا يدخل في السياسة و الا كانوا المشايخ هما اولى الناس بدة بس على اى حال انا كدة او كدة مش بناقش دة دلوقتى انا نرفزنى اسم الموضوع فعلا فحبيت اشارك وانا على اى حال ضد الاستيلاء و سرقة حرية انسان دون انة يكون اضر بحد مش معاة و مش هابقى معاة .. شكرا
ReplyDeleteبسم الله الرحمن الرحيم
ReplyDeleteلأن هذه المدونة هي أول ما قرأت من المدونات ، أرجوا من صاحبتها بعض المساعدة في مدوني التي أعمل عليها حيث لا أملك الخبرة الكافيه ..أنا لاأريد الكثير ..فقط ..ضعي إجابتك على ما سأقول في كومن صغير في مدونتي وسأكون شاكرا ..
مع العلم أنني أنشأت المدونة كي أسجل بها شعري لاأكثر وهو عبارة عن سطور مكتئبة لم ولن تجد ناشر لأنها ذاتيه النهج لأنني لاأعتبر أنني مواطن فوطني جلدي وهو أيضا كفني..
المهم
كيف أصنع من الجملة أو الكلمة في حد ذاتها (في وسط الكلام ) رابطا .. كما تفعلين ؟
2_ لماذا لا تظهر المقدمة باللغة العربية بصورة سليمه ..الأمر الذي اضطرني لكتابتها بالإنجليزية ..(أقصد مايكتب في العنوان)
3_كيف أتحكم أكثر في الجانب الأيمن من المدونه وأكثر ما أريده ..أن الفواصل عندي خطوط خضراء بينما عي عندك مستطيلات تشتمل على عناوين ..كيف تصنعين ذلك ؟
لكي لا أطيل أتمنى منك الإجابه ..
كما أتمنى أن تدخلي المدونه ..هي ليست كما يجب بعد ولكن أتمنى أن تساعديني في ذلك ..
محمد إسماعيل سلامه
شاعر وطالب أزهري فاشل
http://magnonrsmi.blogspot.com/
بكفاياك بقى ياريس
ReplyDeletehttp://sebhayaraes.blogspot.com/
اذا كان العنوان اذى مشاعركم فاسمحولى انتو فهمتوه غلط
ReplyDeleteانا مش بقول صباح اسود على عيونك يا مصر من باب التهزيق لمصر، انما حبيت ابلغها خبر ان ايامها لاجية هتكون بالسواد ده.. حبيت اقولها ان اللى فات كوم واللى جاى كوم تانى خالص، ابتدا فعلا مع اعتقال منعم.. السواد هيبقى على عينك يا تاجر.. والنفق المظلم اللى بيقولوا عليه دخلناه فعلا بعد التعديلات الجديدة للدستور
وان ملف التعذيب بتاع هوايدا طه خلانى شفت بعنيا اللى كنت طول الوقت بخاف اشوفه، وانه من ساعتها انا كرهت حاجات كتير حوالينا
وان انا زهقت خلاص
ومابقاش نافع كلام
ولا تدوين
ولا تدوين
حسبنا الله ونعم الوكيل
ReplyDeleteربنا يورينا فيهم شهر مش يوم بس
الناس دول الواحد مستنى يشوف حالهم هيبقى ايه فى الاخرة لا والله وفى الدنيا كمان
وما صدام حسين منا ببعيد
لا حول لنا ولا قوه الا بالله
ReplyDeleteليس صباح أسود أنها لحظات الدخول في النفق المظلم ونحن الن أمام طريقين أما الموت أو طريق النهار و شمس الحريه و لكن أي طريق سنختار؟
ReplyDeleteمش عارف اقوليك اية زى مايكون احنا في بعض القوانين واخدين حريتنا و مبرطعين و فاتت الحرية دية وداخلين على ايام وحشة اوى او سودا بس المرادى مش على مصر دية على المصريين المهم فهمت قصديك انيك مش قصدة تعبير على مصر بس بصراحة لسة شايف ان الاسم فية استأة لمصر و كل دة علشان واحد والاهم انة فعلا احيانا بنحاول نشوف الموضوع زى مابنحب و عيونا بتشوفة مع ان الموضوع اكبر من كدة و لية زوايا تانية على اى حال ثقتى في اهلى كبير ان كانوا من الحكومة بقطاعتها المختلفة و اهلى الى برة الحكومة الى بيطبق عليها الحاجات دية ربنا يستر و الكل يفهم معنى ابداء الرئى و التعبير وعدم المساس باى حال من الاحوال بأشياء تبدو انها حريات و لكن مع اختلاط الاوراق تندرج تحتها امن مصر مش عارف اقول اية بجد الموضوع متشابك بشكل غريب كلة مش مصدق التانى و دول يقولوا دول مش فاهمين و دول يقولوا دول قاسيين ربنا يسطر و مينفرطش الامن الى في مصر مع انى اشك انة ينفرط .. من الى متابع اسلوبيك من زمان
ReplyDeleteبتقولي هيضربوه (هههههههههه) دول هيليفوه وبعدين يكحرتوه وبعدين يفشخروه وبعدين يفش**و وبعدين ******* واكيد هيروح التلاجه وبعدين الغساله ومن الاخر هيخرج من هناك ميعرفش اسمه ايه ولا اليوم اللي اتولد فيه واساسا جيه الدنيا ليه
ReplyDeleteبس ادعولوه يخرج ذي مدخل مع اني اشك حتي لو محدش لمسه
ربنا يسترها عليكي يا مصر
ReplyDeleteThis comment has been removed by the author.
ReplyDeleteمافيش فايدة
ReplyDeleteالبلد دى مافبش فيها فايدة
بنت مصرية
ReplyDeleteولسة اللى جاى أسوأ و شكلهم بعد كدة حيلمونا كلنا
متقلقيش من العبارات اللي بيعترض عليها الناس
ReplyDeleteاللي خرج من القلب في لحظة مبينفعش تتناقش فيه الناس وتعيد وتزيد فيه
خرج كما هو وعبر عما بداخلك
وهذا يكفي
ثانيا بقة
بصي يا زينب
مشكلة عبد المنعم دي مش مشكلة حقيقية من وجهة نظري
يعني الشاب ده اصلا حتي مش مهم قوي لدي الاخوان
ومش اول مرة يتقبض عليه
الظاهر انه اتاخد كثير
وده من كلام اخوان اخوان انا متكلم معاهم شخصيا من يومين بس
طبعا انا مش قصدي اهون من قضية اعتقاله لحسن حد يفهم غلط
بس هو مش مطلوب عشان هو مدون اصلا
عشان هو اخوان اولا
في الوقفة اللي اتعملت ليه امام النقابة وكنت انا فيها
انا كنت رايح وعارف ان فيه امر صريح في بعض المناطق محدش يحضر الوقفة دي خالص
وانا عارف ان الاخوان اللي حضروا حيقعدوا يناقشوا ويجادلوا
بس معلش يعني
ما جاش من الاخوان غير الاربع شباب الاخوان الللي دعوا للوقفة
وبنتين من بنات معتقل سابق وقالوا انهم جايين من غير ما حد يعرف
والباقي كانوا شوية مدونين وصحافيين
اللمة كلها مقفلتش 20 واحد
ملف التعذيب ده شئ اخر
بصي يا زينب ومعلش يا جماعة
انا شامم ريحة زفت سياسة ورا الكلام الفاضي ده
سياسة حكومة
وسياسة اخوان
فيه ميت حاجة مش فاهمها بصراحة وكلام الناس من جوه متضارب جدا
والبعض اصلا مش فارقة معاه
وواحد يقوللي مش اول مرة يتاخد
انا مش فاهم حاجة تماما
عبدالمنعم يدفع ضريبة حبه لهذا الوطن الذي وفيما يبدو ان ليس مننا كثيرا يحبوه بالدرجة المطلوبة والدليل ما يحدث ومازل يحدث للآن
ReplyDeleteاللهم فك اسر عبدالمنعم من سجنه الصغير وفك اسرنا من سجننا الكبير
مع تحياتي
رغم معارضتى للإخوان إلا إنى فى غايه الحزن على الى حصل .. الموضوع تعدى الإنتماء الدينى أو السياسى وتحول لتعاطف مع إنسان أعتقل منغير أى تهمه أو سبب
ReplyDeleteدى مسخرة
يابلادي ياحزينة اوعي تياسي
ReplyDeleteبكرة جاي فارس بيه تفرحي
والشعب يطلع يكبر ودراعتك تفتحي
صبر الشعوب انفجار ليه ميعاد وقدر
بعيد او قريب المهم اوعي تحزني
ربنا يستر بجد الايام اللى جاية فعلا سودا وده من بوق ظباط شرطة كلهم بيقولوا ان الايام اللى جاية زى الزفت وان المدونين هما اول ناس ناويين عليهم
ReplyDeleteكله يحضر شنطه بقى ياخوانا معتقل العقرب يناديكم
لا حول ولا قوة الا بالله ... هم عايزين ايه بالظبط
ReplyDeleteتحياتي
حسبى الله ونعم الوكيل
ReplyDeleteاللهم النصر الذى وعدت
" اللهم إنى مغلوب فانتصر"
كلنا مع عبدالمنعم
ReplyDeleteانتظروا حملة كلنا إخوان
للتضامن مع منعم
بنت مصريه عندى ليكى تاج
ReplyDeleteجايز تكونى متعرفنيش بس انا معرفش غيرك
ايه اكتر هوايه بتستغرقى فيها وبتنسى معاها الدنيا وكل ما فيها
مدون جديد
mazaag.blogspot.com
بن عبد العزيز
ReplyDeleteانا معرفش فى السياسة عشان كده مش شامة حاجة، كل اللى اعرفه ان واحد بنى ادم خدوه واعتقلوه وهيعملوا فيه زى ما شفت ضحايا فى برنامج التعذيب
تقولى اخوانى تقولى بدنجانى.. هما هيعذبوه
وانا مشش قادرة اشيل الفكرة المرعبة دى من دماغى
وعايزة اعمل اى حاجة تخرجه وتخرج كل اللى زيه
ومش عارفة اعلمل ايه
وزهقت من الرغى
وزهقت من نفسى
وزهقت من كل حاجة حواليا
ومش عايزة ابقى زي بتوع الاتوبيس-
----
حزين
اهلا بيك
معلش ممكن نخلى حكاية التاج ع جمب يومين كده
معلش استحملنى
طبعا إللى حصل ميرضيش حد
ReplyDeleteبس برضه يعنى ما هو بيدافع عن هويدة طه المصرية إللى بتسئ لبلدها بفيديوهات متمثلة وكله كان واضح فى الشرايط بتاعتها وكلاكيت ومونتاج وبتاع فيلم فيلم يعنى
وكمان بيدافع على كريم بتاع العلمانية
ولاإله إلا الإنسان والملحدون العرب وادعم الدنمارك !!
دول من افجر الناس !!!!
زى ما يكون اى حاجة الحكومة تعملها لازم نسئ إليها وخلاص ونطلعها غلطانة
حتى لو مسكت جاسوس خاين لبلده زى الجاسوس بتاع الطاقة الذرية !!
دة غير العضوية في منظمةٍ محظورة"، وبأنه "يتولى دوراً قيادياً في منظمةٍ محظورة"، وكذلك بتمويل جماعةٍ مسلحة.
يعنى البلد حظرت جماعة وقالتلك مش تنضم ليها لما تروح تنضم يبقى بتخالف ولى الأمر
لأن جماعة الإخوان المسلمون ليست من الإسلام ولم يأمر بها الإسلام وبالتالى غير الإخوان ليسوا عصاه ! ومن المعلوم بالضرورة ان ما عليك هو الطاعة إلا فى المعصية
فمحاربتها ليست محاربة للإسلام ولا حاجة
انا مش عارف أقول إيه بصراحة
ربنا يهديه ويهديهم
اخالفك
ReplyDeleteاخالفك
اخالفك
فما سيأتى
نحن من سنصنعه
وصدقينى انا متأكد
اننا سنحسن الصناعة قريباً
أرجوكي
لا تيأسي فالتغيير قااااااادم
قاااااادم
لا محالة
انها مرحلة المخاض ياعزيزتي
تأكدى من ذلك
تحياتي
مفيش فرق بين التجربة الدنماركية والتجربة "المصرية" إلا في حاجات بسيطة اوي!!!
ReplyDeleteإلى الأستاذ ابن عبد العزيز ... لو تقاطع السياسي والحقوقي، لأيهما تنتصر؟ بمعنى آخر، الموضوع فيه شق حقوقي واضح مثل الشمس وبعد سياسي خفي(؟!) المهم هل من الصواب التعامل مع القضية على أساس أنها قضية "سياسية" فحسب رغم وجود البعد الحقوقي والإنساني بشكل فج؟
ReplyDeleteبص يا علاء
ReplyDeleteيا ريت المشكلة بالبساطة دي
اصل الحكاية تعود الي ما يسمي
بالخوازيق
يعني ايه يا باشا ؟؟؟
حضرتك فيه مشكلة في الاخوان اسمها
تعظيم تضحياتهم وتهوين تضحية الاخرين
وده سيادتك مبيجيش في التعليقات الصحفية والكلام الكبير قوي ده
لا بيظهر في المعاملات
وطبعا ساعات تلاقي حد اخوان مهتم بصفة شخصية بس متلاقيش تيار متدفق من دعم زي مبيحصل في الحالات التانية
اديك امثلة بسيطة
مثلا يعني
لو حضرتك مش من دائرة الاخوان اصلا سواء كنت محب او مؤيد او اخ عامل
واشتغلت مع الاخوان في عمل سياسي واتعكشت
الغالب الاعم انهم حينسوك وتطير باي باي اللهم الا زي ماقلت حالات شخصية ..يعني حد صاحبه وبيحبه وكدة يعني
الحاجة الثانية
ان اللي بيخش الاخوان عارف انه حيتعكش
او احتمال يتعكش
بمعني
ان ما فيش حاجة اسمها جماعة دينية
اللي بيعمله الاخوان هو عمل سياسي
واللي بيعمل عمل سياسي يجيله واوا
يبقي مفهوم اوي ان السياسة = هلاك وعذاب
صح؟
طيب انا بقول كدة ليه؟
عشان لما الاخوان يشوفوا غيرهم من بتوع السياسة بيتعكشوا
اولا بيودوا وشهم الناحية الثانية في الاغلب الاعم
ثانيا لما بيتاخدوا هما ويتبهدلوا بتطلع كل شعارات الحرية والذي منه
ومصر هي امي
والعلم ف فمي
ويا حرية فينك فينك
والاصلاحيون اهما
وشحتفة وتنهيد واين ضمير مصر
وكدة
اقوللك مثال لذيذ
واحد كان اخوان
سابهم من ست شهور كدة
المهم اشتغل في التعديلات الدستورية
واتعكش
واتاخد امن الدولة واتضرب وطلعوه
قوم ايه بقي
اخوه اللي هو اخوان برضك
يقولوله في القعدة بتاعتهم
شفت اخوك حصلله ايه؟
ما هو لو كان فضل معانا كان مش عارف ايه
طيب ...قوللي مثلا اجيب افسر دي منين ؟
مثال فردي منحرف؟
ممكن
يارب
اخ علاء
فيه مشكلة في الاخوان
وحتي الشلة بتاعة المدونين اللي طالعة مالية الدنيا زعيق الان
انهم عندهم حصانة شديدة ضد النقد
وكل شئ مبرر
يعني مثلا
واضح قوي
ان الاخوان لاغراض سياسية وترتيب اولويات
مش مهم عندهم عبدالمنعم
او مثلا مش هو ده اللي يحشدوا ليه اي ضغط
او او او
وانا لو كنت في القيادات الاخوانية كان ممكن اوصل لنفس النتيجة واطنش خالص
الاهم بقة لما واجهنا الناس دول اللي هما المدونين باللي حصل
كان اخوك
DENIAL
شغال الله ينور
ومكعبر وكبير كدة وحلو ومليان صحة
ليه بقي؟
لان الجماعة فوق الجميع
وده مفهوم
نيجي بقة لعبدالمنعم
مش اول مرة يحصل معاه كدة
وواضح انه بيلاعب الامن كثير
وخاصة لانه مراسل في المحور
دلوقتي احنا كمدونين وانا واحد منهم
ارمي نفسي في وساخة سياسة ليه؟
بمعني
انا بالتاكيد ضد اعتقال اي شخص عشان حرية رايه
بس اما نفس الشخص ده معرفشي بقة هو مربط مع الجماعة بتاعته
وبيشتغلونا كلنا
واللا بيركبوا موجة التدوين كمان
عشان يبقي التدوين اختراع اخواني
والمدونون الاخوان نصر الامة
ويحيوا الهمة
انت فاهم ايه اللي بيحصل؟
التدوين حاجة بنتنفس بيها
وبنقول اراءنا من غير منقعد حد يملينا
او نتلفت حوالينا
او يبقي انتمتاءنا لنادي او حزب غاسل امخاخنا
فضاء التدوين عمال بيتحول لاسترزاق
ونضال احزاب
وشعارات تاني
يعني وساخة الشارع بتطلع فوق تاني
وبصراحة كدة انا شايف
ان اي عمل فكري تراكمي الهدف النهائي منه الترسيب لتحت
يعني بنكتب عشان نغير العقل الجمعي
مش تراب الشارع يطلع لفوق ويخنق الكل
سواء بقة تراب الاخوان او الغد او الناصري او كفاية
مشكلة التدوين في مصر انه رد فعل
مش محرك للفعل ومش بيشارك في خلق فعل
علي نقيض المدونين الايرانيين والبحرانيين مثلا
علي كل دي وجهة نظري
من الناحية الحقوقية انا ضد اعتقال كلب بسبب حرية رايه
دي خالصين منها
اما بقي وساخة السياسة فانا قلقان منها ومش عاجبني شغل الحلبستة ده خالص
واتمني ان الناس اللي بتحب الحقوق
تفهم سياسة برضك
عشان متلاقيش نفسها
بتخدم اجندات حد وهي مش عارفة
والله اعلم
وده رايي اللي انا وصلتله حتي الان
وقد يتغير بتغير المواقف والاشياء
جزاكم الله خيرا
مش عارف اقول اية غير ان القبض على واحد من المطار بعد ما يخلص الاجراءات فى مغالطات كتيرة وخرق لجميع الحقوق
ReplyDeleteالا اذا كان ارهابى ارهابى على اصله
مش عارف اية اللى بيحصل قضية للحجب من ناحية وقبض من ناحية
انما بالحق عملتى ايه فى موضوع القضية بتاعة الحجب
روحت الجلسة الاخيرة ومشفتكيش كان نفسى اخد لك كام صورة للشهرة جنب المتهمين العملاء اياهم ههههه
مجتيش ليه انت مش مهتمة ولا اية
والحق احق ان يتّبع
ReplyDeleteكلما يشاهدوا مصر تحاول ان تتنفس
ReplyDeleteسارعوا بكتم انفاسها
عسى ان يجعل الله لنا مخرجاً قريباً
تحياتي للجميع
------------------
صاحب مدونة البوابة
ياتري الدور المرو الجاية علي ميييييييييييين
ReplyDeleteلو سمحتي انا عايز ايميل للمراسلات ارجو الرد للاهمية القصوي ايميلي هو
omarelmokhtar_1001@yahoo.com
الدنيا بمبى
ReplyDeleteالحياة مش سودة الحيا جميلة والنهاردة فرح البنت دوجة وشايفك مكسلة تبعتى مسج والا تشترى هدية للعروسين وعقبال الجميع شهر العسل هيبدأ وربنا يكتر افراحنا ويستر كل اخواتنا
مش بقول الدنيا هايلة
وبعدين ياستى السجن للجدعان وهناك خمسين الف مواطن بيشموا نسيم العادلى وخمسة ولعوا فيهم بجاز وقال اية ماس كهربائى
خمسين الف وزعلانة على واحد
خمسين الف قلب ام مكسور على ابنها المعتقل
خمسين الف اسرة مقهورة لان ولد من عيالها خلف القضبان ظلما وعدوانا
وبرضة هتطلع شمس النهار
وهيخرجوا بالفرح
ودايما افتكروا ابن عروس
لابد من يوم محتوم
ترتد فية المظالم
ابيض على كل مظلوم
اسود على كل ظالم
مواطن
الدنيا بمبى
ReplyDeleteالحياة مش سودة الحيا جميلة والنهاردة فرح البنت دوجة وشايفك مكسلة تبعتى مسج والا تشترى هدية للعروسين وعقبال الجميع شهر العسل هيبدأ وربنا يكتر افراحنا ويستر كل اخواتنا
مش بقول الدنيا هايلة
وبعدين ياستى السجن للجدعان وهناك خمسين الف مواطن بيشموا نسيم العادلى وخمسة ولعوا فيهم بجاز وقال اية ماس كهربائى
خمسين الف وزعلانة على واحد
خمسين الف قلب ام مكسور على ابنها المعتقل
خمسين الف اسرة مقهورة لان ولد من عيالها خلف القضبان ظلما وعدوانا
وبرضة هتطلع شمس النهار
وهيخرجوا بالفرح
ودايما افتكروا ابن عروس
لابد من يوم محتوم
ترتد فية المظالم
ابيض على كل مظلوم
اسود على كل ظالم
مواطن
أنا الحقيقة أول مرة أزور مدونتك وسعيدة إنى إكتشفتفتها رغم الصباح الإسود
ReplyDeleteالحقيقة أنا كمان زهقت من البدل دى ومش عارفة أعمل إية ، أ،ا زيك بالضبط عاوزة أعمل حاجة لمنعم ولكل اللى زية بس مش عارفة هى إية ، كل إحساسى إتحول لخوف من اللى جاى وأنا كمان مستغربة لنظرة التفائل اللى بيتكلم بيها صاحب البوابة !!!!
إحنا بقينا دولة بوليسية يا أخى الكريم .
بقينا ملطشة جوة وبرة .
ربنا يستر بقى .
إيمان حسان
المملكة المصرية
google
ReplyDelete鲜花
鲜花
园林绿化
花卉租摆
园艺
绿化工程
股票
花木租摆
礼仪公司
交通
绿化工程
绿化施工
花卉展示
花卉租赁
花卉知识
花卉租摆
园林公司
分类目录