7/17/2007

افرح.. واكسر قلة وراها

تتفضل الأستاذة بنت مصرية بتقديم خالص التهاني والأماني والأغاني
لحضرة فخامة وسمو الطالب المدون العربي الاستاذ أحمد باشا
على انهاءه واحدة من اهم مراحل حياته
ووقوفه على عتبة مرحلة جديدة من الحياة
محققا نجاحا تتفاخر به الأمم التدوينية جمعاء
فليست الثانوية العامة إلا ام المعارك المصرية
والحاضرة الغائبة فى وعي ولا وعي المصريين
سواء اللذين مروا منها أو لم يمروا

ونحن إذ ننعي الأيام التي انقضت فى الثانوية العامة لكل من مر بها
لا يفوتنا أن نشكر ونحمد الله على انقضاءها ،الله لا يرجعها ايام

واحب اهدي لأحمد أغنية.. ماشربتش من نيلها؟ مامرتش بثانويتها؟

مبروك يا احمد ;)

11 comments:

  1. يا اخت زينب لو تدرين ما فعل بوستك بي لتولي قلبك الوجل

    مش عارف اشكرك ازاي بجد انا متنكد منساعة ما عرفتها بس دلوقتي فرحان وباضحك
    شكرا اوي اوي اوي يا احلي زيزي في الدنيا

    ReplyDelete
  2. كلنا شربنا من نيلها
    عشان كده تعبانين
    وكلنا مرينا من ثانويتها
    عشان كده متخلفين !!
    هههههه
    لا طبعا
    مصر هي امي

    تحياتي

    ReplyDelete
  3. هى قلبت معاكى شرين والفضائيه الاولى ولا ايه
    بس بجد اجمل حاجه بحسها فيكى هى مشاركتك لكل الاحداث حتى الثانوى العام كلنا مرينا بثانويتها وكانت ايام النتيجه متتنسيش
    تحياتى يا ست بنت مصريه

    ReplyDelete
  4. VISIT MY NEW BLOG WWW.CRAZYNEMO.BLOGSPOT.COM

    ReplyDelete
  5. حقيقة انا لا اشرب من نيلها
    و لازم شيرين تعمل اغنية جديدة
    ما عطشتش من نيلها
    و بالنسبة لاللي بيشربوا مياه معدنيه
    ما شربتش من قزازتها

    ReplyDelete
  6. والله رحنا يا ست الكل للراجل وباركنا له وبنشكرك على تعريفنا بالشباب الجميل ده انا شخصيا بافرح والله الظاهر لسه فيه امل فى شبابنا يعنى مش كلهم ممكن يعملوا مظاهرات عشان تامر حسنى لسه فيه حد ممكن يقوم ويعمل مظاهرة عشان " مصر " مستنى زيارتك يا ست الكل ل احلام صغيرة
    haneeni.blogspot.com

    ReplyDelete
  7. الف الف ومليووووووووووووووووووووون مبروك
    وكفاره يا باشا
    بجد دى كانت من اصعب المراحل اللى عدت على الانسان
    فعلا ربنا لا يرجعها ايام
    وادينا اتخرجنا كمان ولا عارفين ايه اللى استفدناه من الثانويه ولا من الكليه ولا من ال 15 سنه تعليم
    عموما انا مش عايز اضيع الفرحه الف الف الف الف ومليوووووون مبروك وعقبال يارب الشهاده الكبيره

    ReplyDelete
  8. "كفارة" يا أبو حميد ، ولكل الشبيبة اللي نجحوا وخرجوا من الثانوية الغامة "الشاقة المؤبدة" "بحسن سير وسلوك" .. قصدي بمجموع حلو..

    وقريب جايز تنتشر بين الشباب المصري عبارات تهنئة في مثل تلك المناسبات من عينة "التعليم للجدعان".. ويقول بعض خريجي الثانوية عن زملائهم في الكفاح "أبو زمل" اللي كان معايا في "الكلوب".. قصدي الدرس!

    وأقول له - بعيداً عن التهييس السابق- استعد للمرحلة القادمة فحتماً ستتغير مفاهيم كثيرة لديك .. الواقع مختلف عن تلك الشهادة اللعينة ويحتاج لقوة وثبات وتركيز وفهم.. وانت بعون الله قدها وقدود..

    ReplyDelete
  9. حمدالله على سلامته بس فى ملحوظة صغيرى حضرتك بتقوليله اشرب من نيلها حاولى تخليها اشرب من بحرها ترعتها مصرفها اى حاجة الا النيل لان منشوية بس 30 الف واحد خرجوا فى مظاهرة فى الدقهلية بسبب ان مفيش ميه

    ReplyDelete
  10. بوست سؤيع خفيف جميل


    تحياتي

    ReplyDelete