7/29/2007

نص ساعة توفير

سمعتوا عن كوبري قليوب طبعا

وطبعا ليه؟ عشان دا واحد من المشاريع "القومية" اللى محطوطة فى لستة "طبقا للبرنامج الانتخابي لسيادة الرئيس" واللى محدش من الشعب شافها بعينه، بس ما علينا المهم ان مشروع كوبري قليوب خلص يا رجالة، وافتتحوه كمان، وبقالي بتاع خمس ست ايام عايشة فى نعيم البرنامج الانتخابي ذاته

أصل الكوبري كان ضيق، رفيع كده وضعيف، وهو اول كوبري يقابلك وانت مسافر على الطريق الزراعي من مصر إلى الاسكندرية، وبالتالي كل العربيات اللى خارجة من القاهرة على الطريق بتفوت على الكوبري الضيق ده الاول،وطبعا عشان الناس مش بتسمع كلام الحكومة وبتنظم النسل، وعشان المشكلة السكانية انفجرت في وشنا خلاص، فالطبيعي ان الكوبري الضيق يتحول مع الوقت لعنق الزجاجة اللى بيقولوا عليه، واختك باه يوميا تعيش المعاناه دي لأنها بتمر من على كوبري قليوب كل يوم مرتين، مرة الصبح ومرة بالليل

قول أحيانا الصبح ما بيكونش فى اختناق مروري عند الكوبري إلا مثلا خمس دقايق او عشر دقايق،إنما الذل الحقيقي بشوفه بعيني وأنا مروحه، لما نقعد يا مؤمن ما لا يقل عن نص ساعة عند الكوبري، والمفروض انى اخر اليوم، يعني مفيش نشاط ولا طاقة ولا استعداد لأي نوع لتعلم درس "طولة الصبر يبلغ الأمل" وخصوصا انه درس يومي

يبقى من حقي أكون أول الفرحانين بإنهم وسعوا كوبري قليوب، هتقولي بأه دا كان سبوبة فساد جامدة،هقولك مش مشكلتي خالص.. هتقولي دا حتة كوبري صغير لا راح ولا جه ما يتصرفش عليه السبعة واربعين مليون جنيه اللى قالوا عليها،هقولك انا بردو مبسوطة بالكوبري..وكمان عايزاك تبقى مبسوط معايا.. أصل أنا وفرت من ورا عملية تكبير الكوبري دي ،نص ساعة بحالها، كل يوم

انت متخيل؟؟

نص ساعة يا بني ادم بقولك، نص ساعة كانت بتتقطع م اللحم الحي كل يوم، ومعرفتش ابدا اتأقلم مع نظرية "الصبر جميل يا جميل" ومع ذلك مكنش عندي أمل إنى استرجع النص ساعة دي.. حتى أثناء ما كانوا شغالين فى الكوبري، وشايفة بعنيا التقدم اليومي الباهر لتنفيذ بند من بنود البرنامج الانتخابي لسيادة الرئيس، مكنتش مصدقة إن توسيع الكوبري يحل المشكلة ويرجع لى النص ساعة بتاعتي تاني

بس لما دا حصل، ولما عيشته أول يوم، وبقيت حاطة إيدي على قلبي تاني وتالت ورابع يوم من القلق والخوف لأصحى من الحلم الجميل ده، ولما بقيت كل يوم بعيش التجربة الممتعة والحالة الفريدة من قطع المسافة ما بين كلية زراعة لكوبري قليوب فى مدة لا تزيد عن عشر دقايق بعد ما كانت بتتقطع فى مدة لا تقل عن ساعة إلا ربع، وبقيت احس ان الميكروباص دا بساط الريح جميل ومريح.. والسواق هو فريد الأطرش بذاته وقلبه ومفتاحه.. شملتني حالة من الاطمئنان على النص ساعة بتاعتي وابتديت ما خفش انها تتقطع مني تاني

حتى إني دلوقتى بفكر أعمل ايه فى النص ساعة الجديدة على حياتي دى؟ تخيل توفير كل يوم نص ساعة.. يعنى احسن من توفير إريال خمسة وعشرين قرش للكيس.. نص ساعة يوميا يعني ساعتين ونص اسبوعيا لأنى مش هحسب حمعة وسبت طبعا، يعنى حوالي عشر ساعات فى الشهر

يا دين النبي.. عشر ساعات؟؟

اعمل فيهم ايه دول بس..اوديهم فين.. ايه الحلاوة دي يا بلد

النص ساعة توفير دي هتجنني، فكرة خرافية أنا عايشة فيها.. عايزة ابتدي اتعلم لغة جديدة مثلا، أو اتعلم حاجة جديدة تفيد شغلي، أو احترم نفسي باه وابتدي مشروعي المؤجل لحفظ القرآن الكريم، أو ممكن ابتدي افكر فعليا فى التحضير لمشروع كتاب مثلا وأكيد هلاقي دور النشر بتتتهافت عليا بصرف النظر عن مضمون الكتاب،عادي ما أنا عندي نص ساعة بأه أقدر فيها افكر فى مضمون شغال.. أو ممكن افكر اروح "جيم" بعد قطيعة دامت تسع سنين،..ييووو انا لو قعدت عملت عصف ذهني عشر دقايق كمان هطلع لستة لا تقل عن خمسة وعشرين عمل مؤجل ممكن تقضيهم نص ساعة فى اليوم

الأكيد إني هحاول استفيد من النص ساعة دي، دى اكتر نص ساعة فى اليوم اقدر احس بقيمتها، نص ساعة مجمدة وبحالة جيدة، عايزة الحق اربطها بعمل ما،مش عايزة افكها وابعترها وتتوه وسط ساعات اليوم

انما من الاخر أنا سعيدة بالكوبريييي..كوبري قليوب حبيبي.. يا كوبري يا كوبري... كوبري قليوب يا حبيبي

28 comments:

  1. يا ستي مبروك على الكوبري وعقبال باقي البرنامج الإنتخابي ,
    وكمان عقبال مشكلة المية اللي مجرسانة في كل حتة ما تتحل.
    وكمان مشاكل البطالة والعنوسة والأخلاق والفقر وضعف الدين والسلبية ما تتحل قادر يا كريم.
    مصر مافيش شك دولة كبيرة وينقطع لسان اللي يقول غير كدة , تعالي شوفي المصري في السعودية : المتعلم بالذات - حمار شغل لا يوجد له مثيل في التحمل (بأقولك حمار شغل) بس يا خسارة وألف خسارة الحلو مايكملش : متفرقون كالدود. المهم مبروك لمرتادي كوبري قليوب ولعله يضيف بسمة للمصريين بعد هدف أبو تريكة في الصفاقصي التونسي.
    ولك التحية والتقدير
    إيهاب

    ReplyDelete
  2. التنبؤ بمستقبل النص ساعة قد لا يكون صعباً
    لأن الانسان اللي هو احنا فينا عادة اسمها التعود على الأشياء حتى تفقد معناها وقيمتها
    بعد شوية هيبقى الموضوع عادي خالص
    والنص ساعة دي هتنضم لبقية الساعات اللي برضه ممكن يتعمل فيهم مشاريع كتير
    :)

    ياما بيكون عندنا نعم وبنقصر في الاستفادة منها
    نعمتان مغبون فيهما كثير من الناس
    الوقت والصحة

    ReplyDelete
  3. آدي جزاء اللي يشكك في البرنامج الانتخابي اللي طايل كل شيئ في البلد من أول المشروع النووي - ربنا يدينا العمر - لحد إعادة تصحيح أوراق الطالبة آلاء وكل كوبري وانتوا بخير

    ReplyDelete
  4. على فكرة أنا جديد في الكار - التدوين - وعامل حاجة جديدة نفسي تشوفيها وتقولي رأيك

    مع كل الحب

    www.samazar2a.blogspot.com

    ReplyDelete
  5. معاك حق الكوبري الجديد عمل توسعه للقديم والفكرة في مصر ان الوقت مالهوش ثمن ومعاك حق تفرحي علشانم انت تحترمي الوقت وضياع الوقت ضياع عمر الانسان وقديما قالوا الوقت كالسيف ان لم تقطعه قطعك وانا لي تجربه مع الكبري الضيق ففي رمضان اللي فات كنت رايح المنصورة بالعربية بتاعتي وبعدين قعدت ثلاث ساعات في المسافة من شبرا الخيمة الي كوبري قليوب علي كل حال ده برضه مشروع كويس للحكومة وهو مشروع ايجابي وعقبال ما يفكوا ازمات المرور علي مستوي مصر المحروسه

    ReplyDelete
  6. اخيرا اهوه وشهد شاهد من اهلها
    واحدة من بتوع البلوجرز اللى مورهمش حاجة غير نقد نظام الحكم امصري الرشيد
    اخيرا بتشيد بالريس وببرنامجه
    ما طبعا مسير الحق يبان

    ReplyDelete
  7. ياريت تفكرى و كلنا نفكر
    كام ىدد الدقائق اللى ممكن نوفرها كل يوم در تبقى حاجة جميلة قوى
    يعنى مثلا حجم الاعلانات المكررةو المقررة
    يعنى انا كراجل ذكر اية يخلينى ابحلق فى اعلان كريم تفتيح البشرة
    الا إذا كانت عينى فارغة
    وانتى بنوتة ظريفة
    اية فى ماكينة الحلاقة ذات الثلاث شفرات ممكن يهمك
    طب لو قلنا الكبرى و مشكلة قومية طب والهيافات اللى بنرنلها كل يوم

    ReplyDelete
  8. ايه ده
    هو كوبري قليوب كان من ضمن البرنامج الانتخابي للزعيم

    ReplyDelete
  9. نص ساعه بحالها !!

    بتفكرينى بأغنيه 145 جنيه بتاعه ابو جريشه الى جالو جواب تعيين الحكومه بـ 145 وقعد طول الاغنيه يفكر هيعمل بيهم ايه ... هيتجوز ويعمل مشروع ويحطهم فى البنك ...

    مبروك النص ساعه :)

    ReplyDelete
  10. محمد الانصاري

    يا عم محمد صلي ع النبي،بشيد ايه س
    بقولك كوبري صغير بيقولوا صارفين عليه ستة واربعين مليون جنيه، النصابين الحرامية
    تقولي بشيد بالبرنامج الانتخابي

    ReplyDelete
  11. بتتكلمي عن النص ساعة وكأنها ساعة إلا تلت :) طيب دا أنا باضيع تسع ساعات كاملة في اليوم علي الشغل بس، اه والله

    ReplyDelete
  12. لاحول ولا قوة الا بالله
    كل ده يابنتى عشان نص ساعه
    واقولك على حاجه بقى اراهنك ان عملتى فيها اى حاجه من اللى بتقولى عليهم
    وبالنسبه للى بيقولك ده اتكلف واحد واربعين مليون والكلام ده
    ماشى يعنى نص العمى ولا العمى كله
    يعنى احنا لما نستفاد من ورا السرقه
    احسن ماتكون سرقه من غير استفاده زى مابيحصل كتير
    يعنى احنا بنتقدم يا ولاد
    وليكى احلى تحيه وسلام

    ReplyDelete
  13. وانت بتتكلمي عن النص ساعه
    فكرتيني بسعيد صالح في مسرحية هللو شلبي لما كان بيقول
    " أستك منه فيه ... منا لابس استك منه فيه ...و اغوط في الطين بقى و امشي منغير بطاقه
    و امشي ببطاقه لييههه منا استك منه فييه "

    ربنا يباركلك في النص ساعه و تستفيدي منها

    ReplyDelete
  14. مبروك على الكوبرى
    وفرحت لك
    بس اللى فرحانه منه أكتر أن أخيرا حد من المدونين بدأ يذكر ايجابيات للبرنامج الانتخابى بتاع الريس
    والاكبر من ده يعترف ان الحكومة بتحاول تعمل حاجة كويسة

    ياه لو فكر كل واحد منا يعمل بوست ويكتب ايجابيات فى البلد ديه
    هاتشيلوا روح الاكتئاب للى جتلنا من كتر المعارضة واللى حسستنا ان مصر بقت وحشة اوى وبقت غير صالحة للاستخدام الآدمى

    تحياتى لك ولكوبرى قليوب

    ReplyDelete
  15. bgad enty el wa2t 3andek fe baraka...dol el nos sa3a dol yadobak el wa7ed ye2ayel feehom shwaya !
    w rabena y5alelek el kobri 7abeebek

    ReplyDelete

  16. كوبري الهنا يا ريتني كنت انا

    ربنا يسعدك يا رب ويفرحك بمشاريع أكتر تحت ظل سيادة الرئيس

    تحياتي لك من ماناساس البلد

    ReplyDelete
  17. Hi BM Iam follower on twitter and since I can't find ur email anywhere...I have to ask u here!!! Iam dying to attend pottery classes what about them ??? my email is cleo_lil@yahoo

    ReplyDelete
  18. نُريد أن نستغل معك وقتك الجديد.. لذلك أقترح عليك أن تُمضيه في التدوين... هكذا , تُعطينا الفرصة للتمتع أكثر بطرافةأفكارك و نكون قد أستنفعنا معك بتوسيع الكوبري

    ReplyDelete
  19. ربنا يزود انصاص ساعات يا ميس

    ReplyDelete
  20. شكلك ترجعتى في كلامك
    وفي اشادتك ببرنامج الرئيس وبحكومته
    وبدادتى تنقدي من غير ما تعرفي
    وماله لما يصرفوا ستة واربعين مليون
    الاسعار بقية غالية نار

    ReplyDelete
  21. دى مش اول زيارة لى بس ده اول تعليق
    وللمصادفة انى بعدى بجوار الكوبرى كل يوم تقريبا ..بس الموضوع بالنسبة لى كان عادى خالص كوبرى ضيق وبيوسعوه...لكن لما عرفت ان رئيس الوزرا بنفسه هو اللى هيفتتحه الامر كله اختلف معاياالحقيقة قلت ده اكيد مشروع قومى عملاق وانا مكنتش واخد بالى وفعلا الطريق مبقاش يقف لكن المشكلة انى لغاية دلوقتى مش قادر اوظف النص ساعة اللى اتوفرو وده الحقيقة لانى اتفاجئت بيهم عشان كنت بعتقد انهم حتى بعد ما يوسعو الكوبرى الطريق بردو هيفضل واقف لان مدخل الكوبرى ضيق جدا لكن حصلت المعجزة والطريق بقى ماشى وربنا يستر
    ومبروك عليكم وعلينا مشروع عملااااق زى ده

    ReplyDelete
  22. معلش بقى مضطر اعلق تانى بعيدا عن الكوبرى والنص ساعة
    مدونتك رائعة فعلا وهادفة
    تحياتى

    ReplyDelete
  23. الفرحة القيوبية تغزو قلوب المصريين
    **
    مواطنة مصرية تشكر مبارك على انشاء كوبري قليوب
    **
    كوبري قليوب ينقذ أوقات المصريين الضائعة
    **
    بنت مصرية تؤلف أغنية في محبة كوبري قليوب
    **

    عن نفسي أنا هدعي ربنا واعتكف الفترة الجاية إنه جريدة الوطني اليوم تنشر عنوان من العناوين السابقة ويشيروا لمدونتك
    حفرح فيكي كتيييير
    أقصد هفرح ليكي
    :D

    ReplyDelete
  24. ذات مره من المرارير كان عندي مشوار ما في بني سويف
    خدت طريق الكورنيش بتاع المعادي وصلت حلوان وكملت كورنيش مع النيل عشان اوصل بني سويف
    كل ماتبعدي عن القاهرة الزرع الاخضر الجميل يبدأ يبان والطريق يروق والجو يبقي جميل
    فعينيكي تبدأ تبص علي اللي مشفتهوش قبل كده
    علي يميني قنايه ميه..ترعه صغننيه ..مصرف ..معرفش اسمها ايه بس تحت اي حال عرضها اقل من 15 متر
    المهم..لقيتني بمنتي اللاوعي فرملت فرمله كانت هتخلي التريللا اللي ورايا تفرمني لولا ربك ستر
    ليه بق]؟
    لقيت يافطه كبييييييييييييييره زي بتاعة السد العالي وحجر اساس ومكتوب ايه بقي:
    شركة الديب السحلاوي الحرامي تتم انشاء مشروع كوبري ترعه مش عارف ايه العملاق(اه وربنا العملاق) بتكلفه انشائية قدرها 12 مليون جنيه (اه وربنا 12 مليون)لخدمة اهالي منطقة مش عارف مين كده
    يانهار ابيضضضضضضض
    يعني عشان تعمل كوبري علي ترعه عمفها لن يزيد هن متر ونص باي حال من الاحوال واكيد كان عليها معدية ب20 قرش مثلا تتكلف مليون جنيه لكل متر؟؟؟؟؟؟؟؟؟؟
    ليه؟؟؟؟؟؟؟؟؟؟بتعبر القناة!!!!!!!!!ياابن التيييييييييييييييييييت(دي شتيمه بس الرقابة شوشت عليها

    فكوبري قليوب يكلف سبعة واربعين مليون جنيه مش مهم ..المهم راحتك انتي:)
    مش تسوي اكتر بردو:P

    ReplyDelete
  25. متعرفيش بعد أد ايه موقع توت وموقع عرب بلوجرز بيضيفوا المدونات اللي بتسجل عندهم؟

    ReplyDelete
  26. Thanks for your work and have a good day

    ReplyDelete
  27. رسائل موبايل
    رسائل موبايل جاهزة
    رسائل جاهزة
    رسائل موبايل قصيرة
    رسائل قصيرة جاهزة
    رسائل موبايل قصيرة جاهزة
    رسائل موبايل مجانية
    رسائل موبايل مجانا
    رسائل موبايل قصيرة مجانية
    رسائل موبايل قصيرة جاهزة مجانية
    شعارات موبايل
    نغمات موبايل
    خلفيات موبايل
    برامج موبايل
    رسائل ببلاش
    موبايل مجانا
    نغمات مجانية
    ارسل رسائل مجانية
    صور وخلفيات موبايل
    بلوتوث موبايل
    برنامج موبايل
    برامج نوكيا
    نغمات جوال
    رسائل محمول
    العاب موبايل
    ثيمات موبايل
    ثيمز للموبايل

    فيلم
    فيلم عربي
    فيلم عربية
    افلا عربي
    افلام عربية
    افلام مصرية
    فيلم مصري
    فيلم للتحميل
    افلام للتحميل
    سينما
    افلام السينما
    افلام كوميدى
    فيلم احمد عز
    فيلم احمج السقا
    فيلم عادل امام
    فيلم كريم عبد العزيز
    فيلم احمد حلمى
    فيلم منى زكى
    فيلم نور
    فيلم محمد سعد
    فيلم احمد زكى
    فيلم محمد هنيدى
    فيلم للكبار
    افلام للكبار
    افلام للكبار فقط
    افلام اجنبية
    افلام انجليزية
    افلام اكشن
    افلام عالمية
    افلام الصيف
    افلام تعرض حاليا
    افلام للاطفال
    تحميل افلام
    افلام بروابط مباشرة
    برامج افلام
    افلام جديدة
    افلام حديثة
    افلام دي في دي
    افلام ديفيدي
    افلام dvd
    افلام بصورة جيدة
    افلام جودة

    صور بنات جميلة
    صور بنات
    صور بنات عسولة
    بنات جميلة
    بنات
    بنوتات
    بنت
    صور انمى
    صور كرتون
    صور رائعة
    صور جميلة
    صور رمزية
    تواقيع
    صورة
    صور
    بنات عسولة
    بنات حلوة
    صور فتيات
    صور انسات
    صور بنوتات
    بنوتات
    صور بنات حلوة
    صور انمى
    صور بنوتات باربي
    صور باربي
    صور عرايس
    صور عروسة
    صورة جميلة جدا
    صورة بنت حلوة
    بنات عسل
    بنات امامير
    بنات جميلة
    صور بنات بنوتات
    صور انمى كرتون

    ستار اكاديمى
    ستار اكاديمي
    ستار اكادمى
    ستار اكادمي
    برنامج ستار اكامدى
    برنامج star academy
    star academy 5
    star academy 6
    ستار اكاديمي 5
    ستار اكاديمي 6
    صور ستار اكاديمي
    فضائح ستار اكاديمي
    فضايح ستار اكاديمي
    اخبار ستار اكاديمي
    نجوم ستار اكاديمي
    حلقات ستار اكاديمي
    متسابقين ستار اكاديمي
    ستار اكاديمي لبنان
    الفضائية اللبنانية
    ستار اكاديمي lbc
    ستار اكاديمي ال بي سي
    برنامج النجوم
    محمد قماح
    محمد عطية
    هانى حسين
    ستار اكاديمي قديم
    برايم ستار اكاديمي
    اتصل ستار اكاديمي
    تصويت ستار اكاديمي
    ترشيح ستار اكاديمي
    نجم ستار اكاديمي
    اعلانات ستار اكاديمي
    اغانى ستار اكاديمي
    كليبات ستار اكاديمي
    فيديو ستار اكاديمي
    استعراضات ستار اكاديمي
    حفلات ستار اكاديمي
    صور ستار
    فضيحة ستار اكاديمي
    رولا سعد

    منتديات
    منتدى
    منتديات صحاب
    منتديات اصحاب
    صحاب
    اصحاب
    دردشة
    تعارف
    برامج
    حوارات
    نقاشات
    مواضيع
    العاب
    مسابقات
    نكت
    اسلاميات
    موبايل
    افلام
    ترحيب
    صور
    اشعار
    شعر
    خواطر
    قصص
    روايات
    تسلية
    ترفية
    مطبخ
    موضة
    احدث خطوط الموضة
    ازياء
    فساتين
    ملابس
    ديكور
    منازل
    كمبيوتر
    انترنت
    تحميل
    اخبار
    رياضة
    كورة
    صوتيات
    مرئيات

    ReplyDelete