10/13/2010

هسيبك للزمن

طول عمري معتمدة على الزمن. الزمن بيعلم.. الزمن بينسي.. الزمن بيغير..

واثقة فيه أكتر ما باثق في نفسي وفي الناس.. الزمن هو المصدر المتجدد للأمل

:)

15 comments:

  1. بصى يا زينب

    قبل اى اعتراض او موافقة او مناقشة وعلى انغام الملكة انغام ... هسألك سؤال بسيط .... هو ايه الزمن؟؟؟؟؟

    مش عارف اذا كان عندك جواب للسؤال ولا لأ بس أقولك أنا

    (أوجستين) قال عن الزمن :

    لو لم يسألنى أحد أنا اعرف ..لكن لو أملت لشرحة لشخص ما فأنا لا أعرف (!)

    أما احمد زويل فمنى الشاذلى شاهدة عليه ومع وضع الفيمتوثانية فى الاعتبار ... فقال ببساطة : لو سألتينى يعنى ايه زمن دلوقتى بعد نوبل هقولك ... معرفش

    شوفى يا ستى عندك حل من اتنين ... لو كان عندك اجابة للسؤال اللى هو ايه هو الزمن ... فرجاء حار حرارة الصيف اللى فات خصوصا فى رمضان ... تمسحى ردى ولا كأنك شوفتيه

    أما لو مكنش عند اجابة ... وانا اتوقع ذلك....فهاقولك

    حد يثق فى حاجة ميعرفهاش يا بنتى (!)

    بيس

    ReplyDelete
  2. هههههههههه
    انت ليه بتكلكعها بس كده :D
    الزمن بالنسبة لي هو البعد الرابع.. اللي بيطبع وجوده علينا من غير ما نشوفه، قسمناه سنين، وللا شهور وللا ايام وللا فيمتوثانية.. دي مجرد وحدات لقياسه مش أكتر

    :)

    ReplyDelete
  3. هو الزمن بيلحق يعلم الايام بتجري جررررررررررررري

    ReplyDelete
  4. أحمد زويل لما اتكلم عن الزمن اتكلم عليه من منطلق علمي

    لكن احنا بنتكلم عن الزمن من منطلق رمزي
    بنرمز بيه للوقت الي بيمر علينا
    وبنرمز بيه لفترات من حياتنا بنعيشها
    وبنرمز بيه للحاجات الي بحصلنا


    لكن الغريب انك تبصي للزمن من منطلق متفائل كدة
    الصراحة : التفائل بالزمن دي جديدة
    الطبيعي اننا نخاف من الزمن
    نخاف من من الي الوقت جايبوا لينا
    ومن فترات عمرنا الي جاية
    ومن الحاجات الي لسة هتحصلنا

    علي أي حال ... يا رب ديما تكوني متفائلة
    ومتلاقيش من الزمن غير كل خير

    ReplyDelete
  5. طبعا الزمن ممكن يدي الواحد على دماغه، مقلناش حاجة
    بس بالنسبة للحاجات الذي ذكرتها في التدوينة، الزمن طيب وابن حلال
    :))

    ReplyDelete
  6. مساء الخير يا استاذه زينب
    بصراحه ان شايف ان احنا البشر ظالمين الزمن قوى
    الزمن لا بينسى ولا بيغير ولا بيعلم حتى .
    احنا بننسى عشان دا طبع فينا واتخلقنا بيه,
    وبنتغير عشان دى سنة الحياه.
    بس السنة دى لا تنطبق طبعا على مواد الدستور المصرى . اه عشان محدش يفهمنى غلط.
    اما التعليم بيرجع بقى لطبيعة الناس هل هما عايزين يتعلمو ولا لأ.
    مثلا اصحاب الفخامه والجلاله والسمو من سنة 48 مش عاوزين يتعلموان اسرائيل وحشه ودمها تقيل, ولازم نخاصمها. انا بقول مثلا
    بس انا اتفق معاكى وبشده فى موضوع التفاؤل
    اصل بصراحه احنا عشنا امبارح, والنهارده عايشينو وطبعا عارفين لون الحياه عامل ازاى .
    يعنى مش فاضل غير بكرا
    وحرام بجد احلامنا ببكره تكون بنفس اللون
    تحياتى ليكى

    ReplyDelete
  7. محمد جمعة هذا هو ما اردت قوله فى ردى لكن بطريقة - طريقتك - افضل واسهل

    وده كان معنى سؤالى ... حد يثق فى حاجة ميعرفهاش

    عموما هنا لابد ان اذكر رواية الجبل الخامس لباولو كويليو والنبى ايليا وقصته مع القدر ومع الله لا الزمن هذه المرة

    المفاهيم الكلية اقصد زمن وقدر واله فى السماء

    ماذا اراد ان يقول باولو كويليو

    اها ... لا تتحجج بالقدر يا بنى ادم فالقدر هو ما تفعله انت.. انت صانع القدر والزمن والمفاهيم الكلية

    الله لن يعتبر خضوعك ايمانا ولا تمردك ومحاولتك ان تكون فاعلا وان تكون من الاساس كفرا

    محمد جمعة ... تحياتى

    ReplyDelete
  8. بس كدة محتاجة وقت كتير تحلي فيه اي مشكلة...الزمن بيجري كمان وايام العمر معدودة يا امال...شيلي من فضلك حروف التاكيد من التعليق..دي بقى لو مقلتش ليكي ولا مليون الف زمن ح يشيلها

    ReplyDelete
  9. الزمن بالنسبة لي هو ماضي نتجاهله ومستقبل نجهله وحاضر نناضل من اجله حتي يصبح للاخرين مستقبل لا يجهلوه وماضي لا يتجاهلوه وحاضر هم فقط يعلموه

    ReplyDelete
  10. ياااااااااااه
    بقالي سنين لم ااتي الي هنا
    من ايام دروس تعليم التدوين
    فاكراها
    انا اتعلمت التدوين هنا و حاليا بقي عندي ثلاث مدونات
    ذو النون المصري و فنون جميلة و فلسفة حياة
    و فاكر كمان بوست
    وداع الكوكب بلوتو
    انا فاكر الحاجات دي كويس
    انا سعيد جدا بهذه الزيارة و كنت اعتقدت انك تركتي المدونه لاجل الموقع الخاص لكن بالصدفة جيت هنا
    تحياتي الغالية

    ReplyDelete
  11. ذون النون المصري

    ياااااه..يا خطوة عزيزة :)
    نورت المدونة المتواضعة بعد غياب :))
    انا سعيدة جدا بمرورك

    ReplyDelete
  12. هو الاوان لما يرحل يبقي كل اللي في علمه كان وتبقي حكايات وانقضت واللي جي منه ننتظر فيه الامل يمكن يكون حلو زي اللي فات منه وعجبتا او شيئ يغير طعم المر اللي دقناه في اللي فات واللي بين الاتنين هو اللي بتفولي عليه انه الزمان هو حاضر بين ايديك تتصرفي فيه بارداتك واختيارك وبنظرتك له هو زي اللي قلنا عجبنا في اللي فات أو هو المر اللي ممكن نحوله حلو اكثر لو اصرينا نتعامل معاه اي كان شكله وطبعه مهما كان

    ReplyDelete
  13. عجباني الفكرة اللي في البوست الصغنون ده..
    لانه فعلا الزمن اكبر واقوى عامل..
    بياثر على المدى البعيد..
    تاثير يبان مع الايام والسنين لكنه اقوى واعمق من اي عامل تاني..!!

    فكرتيني بثومة وهي بتقول:
    "راح اسيبك للي ما بيرحم ولاتقدر عليه..
    مش هاقولك..انت عارف الزمن هايعمل ايه..
    للزمن دايما حالات..
    ياما بيغير حاجات..
    كل ما بيدور بيبدل مطرح الضحك الآهات."

    صباحك معطر بالزهور :)

    ReplyDelete
  14. آآآآ..ممكن طلب صغنون آآآآد كده.؟؟
    ممكن تلغي الحروف التاكيدية اللي بتظهر عند التعليق..؟؟

    انا كنت متاكد انك ها توافقي (';')

    ReplyDelete
  15. تحياتى وشكرى لكم أولا
    الزمن من منطلق رمزى بحت هو علاقة مكان مادى بحركة
    وله وحدات قياس رمزية أيضا ....
    ..............................
    قد تكون السعادة الألم والأمل الإنتظار
    تحياتى وعظيم شكرى لكم جميعا ولما كتب بإحساسكم
    والله يحفظكم

    ReplyDelete