أول ما عرفت قعدت أفكر مين اللي عمل كده؟ ماتعرفش ليه دماغي قفشت ع السؤال ده. جماعات إسلامية؟ يعني هيدخلونا عصر التسعنيات تاني بس المرة دي مش المسلمين انما المسيحيين واللي يتششد لهم من المسلمين؟ القاعدة؟ يعني هنتحول لعراق تانية؟ طيب يعني هو أصلا أصلا القاعدة موجودة يعني بجد وبحق وحقيقي؟وللا الموساد؟ في ناس طلعت في التلفزيون قالت الموساد، وأنا عن نفسي أصدق أي حاجة على إسرائيل، أمال هي شغلتها إيه في المنطقة؟ وكمان كام سنة نتقسم زي السودان وللا نتقطع حتت زي العراق.. العراق تاني؟ ولو مش الجماعات ولا القاعدة ولا الموساد يبقى مين؟ قعدت أفكر بصوت عالي. المستفيد المباشر هو قانون الإرهاب اللي عايز يطلع ويبقى بدل قانون الطوارىء.. معقولة؟ معقولة حكومتنا تعمل فينا كده؟ عشان تمرر قانون وتخلينا كلنا نوقع بالدم على الموافقة ترعبنا وتشلنا كده؟ ولو مش الحكومة يبقى مين؟ مختل عقليا أو ماس كهربي؟ ودول بالذات ياما عملوا حاجات كتير .. وتشهد وزارة الداخلية.
بعد كده، لما ماقدرتش اعرف مين، مابقاش يهمني مين، هي مش هتفرق كتير.. أيا كان المجرم، أيا كان العدو، المجرم مجرم وكافر أيا كان، هدفه واحد ووحيد، إن الفتنة تكبر والطائفية تشتد.. فرق تسد، وتتسيد، وتبقى حبيب الكل.. فرق تسد.. وتتسيد وتبقى رب البيت المخروب
فيبقى إيه الحل؟ قصاد المجرم X؟؟ نعمل إيه؟
نفضل إيد واحدة. نفضل ماسكين في بعض جامد. مايفرقناش مستر X اللي لابس ملاية سوده وبيخوفنا
إذا كانت الداخلية هتمنع أي حد يقرب من الكنايس ويحولوها ثكنات عسكرية عشان الأمان.. انا بقول والمسلمين المفروض يروحوا يحضروا قداس الميلاد يوم ٧ يناير مع اخواتهم المسيحيين في الكنايس.. عشان نعيش.. مش هتيجي إلا كده. يا نموت سوا يا نعيش سوا
بعد كده، لما ماقدرتش اعرف مين، مابقاش يهمني مين، هي مش هتفرق كتير.. أيا كان المجرم، أيا كان العدو، المجرم مجرم وكافر أيا كان، هدفه واحد ووحيد، إن الفتنة تكبر والطائفية تشتد.. فرق تسد، وتتسيد، وتبقى حبيب الكل.. فرق تسد.. وتتسيد وتبقى رب البيت المخروب
فيبقى إيه الحل؟ قصاد المجرم X؟؟ نعمل إيه؟
نفضل إيد واحدة. نفضل ماسكين في بعض جامد. مايفرقناش مستر X اللي لابس ملاية سوده وبيخوفنا
إذا كانت الداخلية هتمنع أي حد يقرب من الكنايس ويحولوها ثكنات عسكرية عشان الأمان.. انا بقول والمسلمين المفروض يروحوا يحضروا قداس الميلاد يوم ٧ يناير مع اخواتهم المسيحيين في الكنايس.. عشان نعيش.. مش هتيجي إلا كده. يا نموت سوا يا نعيش سوا
ما تخافوش.. ما تخافوش
صحيح عندك حق مش راح نعرف مين اللي عمل كده الان لانه اكيد له مصلحة كبيرة في احداث الفتنة ويمكن حرب اهلية وحماية دولية وفي الاخر تقسيم وتفتيت وصورة تانية للعراق والسودان ...؟؟؟
ReplyDeleteلازم ناخذ بالنا ونفكر كويس في مصلحةمن هذا العمل وفي نفس الوقت نمسك ايد بعض ونكون على رايك ايد واحده يا نموت سوا يا نعيش سوا
احنا كلنا مصريين دم واحد مسلمين ومسيحيين
انا بفتكر الان لما بنحضر ماتش كورة في الاستاد لمنتخب مصر كلنا بنشجع بصوت واحد وعلشان كده لازم نكون دايما صوت واحد ... صوت مصر
not against Christians , not against Muslims , against all Egyptians
ReplyDeleteدي مش ضد المسيحين و لا ضد المسلمين - ديه ضد كل المصريين
انا ناوي اكلم كلي صحابي و معارفي المسيحين اعيد عليهم بالتليفون مش رساله زي كل عيد
ReplyDeleteعشان اسمع صوتهم و اتأكد انهم مش مشحونين زي ما كل اللي بيحصل حوالينا ده وافكرهم اننا بيننا عشرة سنين طويله
مين هيعمل زي ؟
لا هو اكيد مش ماس كهربائي
ReplyDeleteموضوع ان النظام هو اللي عمل كده صعبة قوي لأنه بيحط نفسه في دوامه مالهاش اول من اخري ...هو اه نظام غبي جداًَ...بس هو خبيث وعارف كويس ايه الحدث اللي ممكن يستفيد منه والعكس...لأنه مطالب انه هو يطلع دلوقتي جاني حقيقي منتحت الأرض واهو محتاس
مش مهم نروح الكنايس ولا شعارات من نار
ReplyDeleteالمهم ان المسيحى المصرى يحس ان دى بلده