ماكدبش عليك، أنا مش عارفة إيه اللي هيحصل يومها، مش عارفة العيال اللي على فيس بوك هينزلوا فعلا زي ما بيقولوا وللا لأ.. مش عارفة حتى إذا كان يضحك وللا يبكي إنها تتسمى "ثورة".. يعني، من باب إن الثورة دايما بتبقى مفاجأة مش بمعاد. العيال على فيس بوك بيأكدوا إن ٢٥ يناير هو البداية وإن إلهامنا وقدوتنا ال ٢٩ يوم بتوع ثورة تونس.. ثورة تونس الحبيبة، القريبة من قلب كل واحد
مش عارفة إذا كانت مصر على معاد مع ثورة ما وللا لأ، لو حصل، هتبقى أول مرة الثورة تبقى بمعاد.. وطبعا كلنا عارفين إن مصر سباقة، ومصر بلد الريادة.. مش وقت هزار انا عارفة دي.. نتكلم جد
الجد هو إن بعد يوم ٢٥ إذا ماتولدتش ثورة فلازم يكون اتولد الأمل.. ٢٥ يناير يوم ضد الاحباط، ضد اليأس.. ٢٥ يوم للغضب، للشارع، للناس اللي مش مسيسة ولا تبع معارضة ولا أحزاب ولا زفت من الزفتات دي
أنا مش عارفة أي حاجة، بس بأكد لك، إن دي أول مرة، أول مرة بشاور عقلي وبفكر أنزل وللا لأ
في جروبات كتير على فيس بوك بتدعو للحدث، دا لينك لواحد منهم وهو غالبا الأول والأكثر عددا
الجد هو إن بعد يوم ٢٥ إذا ماتولدتش ثورة فلازم يكون اتولد الأمل.. ٢٥ يناير يوم ضد الاحباط، ضد اليأس.. ٢٥ يوم للغضب، للشارع، للناس اللي مش مسيسة ولا تبع معارضة ولا أحزاب ولا زفت من الزفتات دي
أنا مش عارفة أي حاجة، بس بأكد لك، إن دي أول مرة، أول مرة بشاور عقلي وبفكر أنزل وللا لأ
في جروبات كتير على فيس بوك بتدعو للحدث، دا لينك لواحد منهم وهو غالبا الأول والأكثر عددا
No comments:
Post a Comment