3/23/2011

الجيش لازم يمشي

أنا بحب الجيش. بحبه لدرجة ان حد في اصدقائي بيضايق ويقولي انتي بتعاملي الجيش كأنه بابا وماما.

أنا بحب الجيش وعايزاه يمشي. ولما اخترت "نعم" اخترته عشان عمر الجيش في الحكم يبقى أقصر ما يكون.

النهاردة مجلس الوزراء بيتكلم عن مشروع قرار يجرم التظاهرات "التي تعطل العمل". والاسبوع اللي فات اصدروا قرار بإعدام المغتصب، والأسبوع اللي قبله اصدروا قانون لأحكام مشددة للبلطجة اتحاسب بسببه ثوار واخدوا خمس سنين.

الوضع ده مش لازم يستمر، لازم ترجع حياتنا المدنية في أقرب وقت. الجيش خلقه ضيق ومايعرفش أبوه. أنا متأكده انه بيعمل كده عشان مش عايز العملية تفلت منه وتبهوق. ودي طريقتهم في التفكير. حتى اسألوا أي ظابط في الجيش اتربى ازاي في الكلية وازاي هو نفسه ايف ان ده طبيعي وإن الحزم والتشدد في القرارات بتخلصلهم المواضيع

احنا مش متعودين على كده، ولا هنتعود. عشان كده الجيش لازم يمشي. عشان يتفرغ لمهمته المقدسة وعشان مانكرهش بعض لمجرد ان طريقتنا في الحياة مختلفة.

ربنا يعدي الكام شهر الجايين على خير، ويا رب يا رب الجيش مايزودش يوم واحد عن الست شهور اللي قال عليهم.

ربنا يستر

6 comments:

  1. فلا يا فندم .. ربنا يعدى الكام شهر دووول على خير

    لأن فلا الجيش تعاملتها معروفة وماشى عليها ومتربى عليها اللى هى الحزم والشدة والقوة .. مش معقولة هنطلب منه فجأة انه يتحلى بالصبر والمسايسة والتمهل


    ما افتكرش .......... زى ما حضرتكى قولتى ان خنقه ضيق

    ReplyDelete
  2. مساء الخير ..
    بوست شديد الروعة..
    اسعدني قراءته..
    انتظر زيارتك..
    خالص تحياتي
    أحمد

    ReplyDelete
  3. مدونة جميلة فعلا مذيد من التقدم

    ReplyDelete
  4. هوة الجيش كدة .. وعشان كدة هوة نفسه عايز يسلم البلد لقيادة مدنية مختارة من الشعب ,,

    ربنا يستر ويجيب لمصر الرئيس اللي مصر تستاهله فعلاً واللي يرجعها لمكانها وأحسن ,,

    ReplyDelete
  5. الجيش قاعد 9 شهور قادمين

    ReplyDelete
  6. يارب ترسى على التسع شهور لان الجيش مكانه الحقيقى هو الحفاظ على امن الوطن والدفاع عنه زى ما حافظ على الشعب وانقظ مصر من حرب اهليه ...الواجب علينا جميعا ان نساعده على العودة الى مكانه الحقيقى واحمد الله واشكره واشكر رسوله صلى الله عليه وسلم حيث قال انه خير اجنادالله فى الارض فانهم وازواجهم فى رباط الى يوم القيامه


    laila

    ReplyDelete