6/13/2011

السهر قصاد التلفزيون مش حلو

طيب ماشي. مصر لقت جاسوس إسرائيلي ظابط في المخابرات الإسرائيلية كان بينزل بنفسه يعمل صحفي نزل الميدان ايام الثورة ونزل امبابة ايام الفتنة.

ماشي، ما عادي يعني، منطقي في مرحلة حساسة بتمر بيها بلد زي دي كل واحد ليه مصلحة بيدور عليها وامريكا وايران واسرائيل وكوستاريكا يبعتوا جواسيسهم، عادي يعني، دا لا يعيب ثورتنا في شيئ. أمال لو ما نزلوش دلوقتي ينزلوا امتى؟

بس يعني يا سيادة الجيش، إيه لازمته دلوقتي؟ لقيت جاسوس ايراني ولقيت جاسوس اسرائيلي، ايه لزمته تشغل الرأي العام وتلخمه في مغامرات صالح مرسي دي؟ إيه أهمية ده في حياتنا دلوقتي؟

عشان نحرص مثلا؟...

أنا مابحبش كده، والطريقة دي مش عجباني، الشعب ده مش طيب واهبل وعلى نياته عشان يضحك عليه بتمثليات رمضان. خلاص خلصنا. وعيب اللي بيحصل ده. بدل ما تشغلوا الناس بحواديت قبل النوم، وفروا الأمن ونزلوا الشرطة.. وارفعوا الحد الأدني للأجور عشان عجلة الانتاج تشتغل بقى

2 comments:

  1. دى مكيدة ولما سعدية اختى تقول دى مكيدة تبقى مكيدة حاكم سعدية اختى دى بتاع مكايد

    ReplyDelete
  2. عصر الجواسيس ما انتهاش المفروض اللعب على المكشوف هو الحاصل

    ReplyDelete