4/13/2013

أثر التسكع ١

قليلة الشوارع اللي ممكن تبسطك. عشان كده، لما تلاقي الشارع ده امسك فيه. زوره كتير واتمشى وروح وتعالى وبحلق في سماه واتفرج على الشبابيك والبلكونات وارمي التحية على الشجر واشتري من الكشك اللي على ناصيته.

دوام الحال من المحال. عشان كده، لما تلاقي نفسك مابقتش تنبسط لما تزور الشارع ده، سيبه. ماتروحلوش تاني. أولا عشان اللي بيروح ما بيرجعش، ثانيا عشان تفضل محتفظ بذكرى حلوة منه، بطعم طيب ممكن يروح لو فضلت تقاوم وتزوره وتقول هلاقي الانبساط اللي ضاع. مش هتلاقيه.

2 comments: