عندك؟

الأخلاق تسبق الدين. مش معنى إن عندك دين إن عندك أخلاق، والعكس صحيح. 

صحيح الدين يحض على الأخلاق ويحث عليها، وصحيح الإنسان الخلوق أحسن عند ربنا من العابد الصوام القوام، لكن الحقيقة كمان إن الأخلاق قائمة بذاتها منفصلة عن الدين. إنت ممكن ترفض الدين، بس ده مش معناه إنك كمان مايبقاش عندك أخلاق. الصدق والأمانة والصبر والاتقان والإيثار وغيرها عنصر مشترك بين كل الأديان وكل الفلسفات اللي بتتبني فكرة الأخلاق، وتعريفاتها واحدة. مش هنفاصل في معنى الصدق مثلا، ولا هنختلف على معنى الأمانة..

يعني أنا مثلا، أثق في الناس اللي عندها أخلاق وهم مش على نفس ديني، أكتر من اللي معندهمش أخلاق وهم من نفس ديني، أصلا اللي معندهمش أخلاق مش هثق فيهم. وتثق في حد معندوش أخلاق إزاي؟ يعني مثلا مثلا، إزاي ممكن أثق في الإخوان وهم كل حياتهم وتصرفاتهم كدب وتحوير في الكلام ووش بيتختلف بحسب المصلحة والغرض.. إزاي؟