هو ماينفعش تصحى في يوم ومايبقاش ليك نفس تكلم الناس فتقول لهم "مش عايز اتكلم النهاردة" فيسمعوا الكلام وخلاص على كده؟ وخصوصا لو في الشغل ومش عايز حد يوجه لك أي كلام أو سؤال أو يضطرك تبتسم له ابتسامة صباحية وانت بتقول صباح الخير أو ياخد باله حتى إنك موجود، ويبقى متفهم إنه ممكن يكلمك على IM وهيلاقيك بترد عليه رغم إنه ضهره في ضهرك.. إنت بس مش عايز تفتح بقك وتتكلم.
وهل ينفع تخرج مع حد وماتبقاش عايز تتكلم، عايز بس "ونس" ويبقى متفهم كده ويسكت خالص ومايتكلمش وتقضوا وقت لطيف بردو؟
No comments:
Post a Comment