عن عقوبة الرجم

مش بس موضوع الخطبة مهم، إنما كمان الأمثلة المختلفة اللي كان بيسوقها خلال الخطبة هي أكثر ما لفتت نظري، يمكن عشان أنا اليومين دول مهتمة جدا - قول مهووسة - بمسألة "الرحمة" و "السلام" في الإسلام. 

يعني مثلا، توقفت عند حديث اتعلمناه واحنا صغيرين بس عقلي الصغير لم يدرك قد إيه ده حديث مهم والشرط اللي فيه محتاج مجاهدة نفس عظيمة ورحمة أعظم إذا تحقق الشرط.. عن حديث "لا يؤمن أحدكم حتى يحب لأخيه ما يحب لنفسه" أتحدث.

كمان الشيخ بيذكر حادثة اعتداء على الرسول ص، واللي لما طلب منه إنه يدعي على المعتدين قال "لم أبعث لعنة وإنما بعثت رحمة".. تعالى شوف! يا اختييييي... لو حد داس على صباع حد بيكشف راسه ويدعي عليه. وأدينا شوفنا نجوم منصة رابعة ولستة الدعاء اليومية علينا في رمضان.

بردو حديثه عن فكرة إصرار الإسلام على إعطاء الفرصة للعصاة للتوبة مهما عظمت خطيئتهم. فعن القتل، حث الله أولياء الدم على العفو، وأعطى فرصة لمرتبكي جريمة الحرابة أن يمكنهم التوبة، ويمكن دول أكبر خطيئتين من البشر في حق البشر.. فما بالك بما دون ذلك!

في الخطبة، يسوق د. عدنان إبراهيم أدلته وأدلة غيره من العلماء على إن مفيش في الإسلام عقوبة "الرجم"، ولا في "رجم حتى الموت".. كلامه فيه وجاهة، خصوصا إن "مفيش في القرآن فعلا آية بتتكلم عن مثل هذه العقوبة!"..

طبعا لما د. عدنان بيتنرفز بيموتني ضحك!