7/29/2015

لأ تيرارارارا

من يوم ما اكتشفت حكاية إني people pleaser وإني بجد محتاجة أتعالج من المشكلة دي، وأنا بقيت مهووسة بيها. حاجتين بحاول أمارسهم وأتعلم أتعايش معاهم:
أولا: إني محاولش أبدا أسعى إني أبسط الناس، والتكنيك المتبع في العلاج هو إني أتعلم أقول للناس "لا" وماعملش أي تنازلات مهما كانت.
ثانيا: أتعايش مع فكرة إنهم هيزعلوا؛ والتكنيك هنا إني أقول لنفسي "هيزعلوا مش مشكلة، شوية وهيروقوا وهينسوا والموضوع يعدي"

الغريبة إن كلمة "لأ" طعم طعمها حلو. وخصوصا إني بقيت أتفنن في التعبير عن لأ دي. والأغرب إن إحساس "خليهم يزعلوا شوية وبعدين ينسوا" طلع إحساس مسلي جدا. إني أقبل زعل الناس مني وأتعايش معاه وأتجاوز الإحساس بالذنب عشان أوصل للإحساس بالتحرر من الناس حاجة مكنتش أتخيل إنها موجودة أساسا.

غالبا أنا بتكلم عن حاجات طبيعية الناس بتمارسها عادي كل يوم. بس أنا بتعلمها جديد.

مش عارفة هخسر إيه في التجربة دي؛ بس أيا كانت الخسارة هتهون لو كان المكسب هو نفسي. أنا بجد تعبت من إني أعمل اعتبار لمشاعر الناس وهم مايعملوش اعتبار ليا.. وأخاف على زعلهم وهم مايهمهمش زعلي.. وأجي على نفسي وفي المقابل الناس بترتب حياتها الأول وبعدين تشوف هتحطك فين في مكان فاضي.. أنا بس عايزة معاملة بالمثل.. مش عايزة أرضي الناس أبدا أبدا.

3 comments: