4/10/2016

عودة للمربع صفر

رجعت النهاردة الصبح من مرسى علم. رحلة جديدة ضمن رحلات بحاول فيها ابسط نفسي واتعرف ع الناس واستمتع بمصر. بس للأسف وللأسف الشديد أنا في الرحلة دي رجعت للمربع صفر.

المربع صفر اللي فيه انا بني ادم غير قادر على التواصل. مقدرتش اتعرف على ناس جديدة معرفة دي من اللي تخليك تحس انك عملت اصحاب جداد. ماحصلش. ماكنتش عارفة اتكلم عن نفسي ولا قادرة اسألهم عن حاجة. حتى لما كانوا بيتكلموا فس موضوع يهمني او يستفزني او ليا في رأي كنت بفضل ساكتة.. ساكتة زي زمان.. زي انا الخجولة اللي ما حدش بيشوفها ولا يحس بيها.

المربع صفر اللي ماقدرش يخليني اتبسط بالمكان مع انه حلو اوي وانا شايفة انه حلو اوي بس ماكنتش مبسوطة كانت دماغي عمالة تودي وتجيب في موضوع واحد.

شىء مؤلم. واضح اني بخبي عن نفسي القلق والخوف اللي عايشة فيهم وبقالي فترة بتجاهلهم واقول انا قوية. انا مش قوية اهو!! والرحلة دي تشهد :(

No comments:

Post a Comment