بالإكراه أه، بالإستهبال لأ

أنا اتلخمت واتلهيت في موضوع تفجير الكنيسة، ولسه ملهيه بلا حول ولا قوة، إنما كنت عايزة اكتب عن إعلان فودافون الجديد بتاع عادل إمام، ومافتكرتش غير لما عزبي الله يمسيه بالخير جاب سيرته.

يعني أيتها العزيزة فودافون، عايزة تاخدي فلوسنا، ماقولناش حاجة، خديها بس ما تقرفوناش بعادل إمام والكلام المايع اللي طلع يقوله. بجد يعني بلا قرف

عايزة تاخدي فلوسنا قدمي خدمة عدلة، مش تغني علينا !

مصرة تقدمي لنا اعلان بنجم كبير وفكرة حلوة، اعملي زي ما اختك عملت وجابت محمد منير غنى اغنية دمها خفيف وفي صلب الموضوع، بتبيع خدماتها، بتحلي البضاعة.. مش مطلعة نجم كبير يقولنا محاضرة. أنا مش فاهمة، لما هو ممثل وعارف إن أكتر حاجة بتنقط الناس المحاضرات، بيدي محاضرة لييييييييييييييييه؟

هاتوا إن شاء الله هيفاء وهبي ولبسوها إن شاء الله بنص كم وخللوها تغني.. إنما عادل إمام؟؟! ليه؟

وبعدين إيه الكلام السمج اللي طالع يقوله ده؟ انتو والله هتكرهونا في الوطنية واللي بيوطن لها بالطريقة دي.. والصراحة يعني كات هتفر الدمعة من عيني من فرط الغيظ وانتو بتقولوا ده ممكن يكون في ظاهره إعلان بس الحقيقة هو أكتر من إعلان! ههه!!! نعم!!!

هنضحك على بعض؟ مش قولنا خدوا فلوسنا بس بلاش تستهبلونا

أنا لو فاضية كنت فتحت الاستوديو التحليلي وطلعت مصارين كل كلمة قالها عادل إمام، هكتفي ببق واحد

قوتنا مش إننا بقينا رقم واحد
قوتنا في قوة كل واحد

مين “إننا”؟
إننا دا احنا المصريين يعني؟ بقينا رقم واحد؟ في إيه بالظبط؟ بقينا رقم واحد فيه بالظبط؟ في إيه؟ في إيه؟ حد يرد عليا، في إيه بقينا رقم واحد؟
وللا انت بتتكلم على فودافون؟
طب ما السياق كله على المصريين! تيجي فودافون تنط؟ طب ما بتكدب هي كمان، فودافون مش رقم واحد
يبقى مين؟ بتتكلموا على مين؟

فرستوني، إنتو وإعلانكو وعادل إمام بتاعكو

إعلان عن ورشة عمل تقنيات عرب

منذ ما يقرب من عام تقريبا، اجتمعت بنا منال وعلاء ليطرحوا علينا سؤال، كانت لستُ أدري وإيمان وعزبي وواحدة مصرية وأنا.
وكان السؤال: لماذا يا ترى لا نجد تواجدا مناسبا من قبل النساء العاملات في مجال التكنولوجيا في أي من المؤتمرات أو الورش الخاصة بهذا المجال على الرغم من أن أعدادهن يكاد يكون مساو لعدد الرجال في مجال التكنولوجيا ، لماذا إذا لا يوجد عدد مناسب منهن لهن نشاطاتهن التقنية المختلفة وتواجدهن المجتمعي فيما يخص هذا المجال.

وإذا كنا لم نتفق حقيقة على سبب واضح ومحدد لهذا الموضوع، وكان لكل منا رؤيته الخاصة، فإننا اتفقنا على ضرورة العمل على تشجيع المرأة لخوض ما هو أبعد من مجرد ٨ ساعات عمل يومية، ربما يحتجن فقط تشجيع ودعم وإيمان بقدرتهن على العطاء.. ربما يحتجن للتواجد في بيئة تقنية مماثلة لما نتمنى أن يتواجدن فيها، آملين أن نجد بعدها نساءا واثقات في أنفسهن وفي علمهن وفي قدرتهن على المشاركة والعطاء.. فلماذا لا نقيم ورشة لتقنيات عرب يكون هدفها هو هذا التشجيع

واليوم أدعوكن لورشة تقنيات عرب، التي ستقام في لبنان في الفترة من ١١ إلى ١٤ مايو،

وهذه هي الدعوة من الموقع الرسمي لشبكة تقنيين عرب:

تعلن شبكة تقنيين عرب و جمعية تبادل الإعلام الاجتماعي عن تنظيم ملتقى للنساء التقنيات العرب في الفترة من 11 إلي 14 أيار/ مايو 2010 في منطقة الذوق، جونية، لبنان.

نظراً لندرة مشاركة النساء في المؤتمرات التقنية قررنا تنظيم فعالية للنساء فقط. سيضم اللقاء مهندسات و مبرمجات و مديرات نظم و مصممات مواقع و فنانات و ناشطات و باحثات و رائدات أعمال من كافة أرجاء الوطن العربي يجمعهن حبهن للتكنولوجيا و اهتمامهن بدورها في تنمية مجتمعاتنا العربية.

سيشمل اللقاء جلسات نقاشية عن مواضيع متعلقة بالبرمجيات الحرة مفتوحة المصدر، و الشبكات الاجتماعية، و الصحافة الشعبية، و النشاط الرقمي، و الرقابة على الوب، و الثقافة و الفنون الرقمية، و المحتوى العربي على الوب، وغيرها. كما سيشمل ورش تدريبية لتبادل الخبرات و عروض لمبادرات ومشاريع المشاركات في اللقاء.

يمكن للراغبات في المشاركة الاتصال بنا على info@arabtechies.net أو من خلال الموقع.

ينظم اللقاء كل من شبكة تقنيين عرب و جمعية تبادل الإعلام الاجتماعي بالتعاون مع مؤسسة هينرش بُل و بدعم من مؤسسة هيفوس.