5/07/2006

أهلى علمونى إن السب عيب

فى احدى التدوينات السابقة، قامت احدى المعلقات بتجاوز أدب الحوار إلى مجموعة من الاتهامات والشتائم والسب والألفاظ الغير لائقة، مما تلاه بعدد من التعليقات أيضا منها ما استمر محافظا على أدب الحوار ومنها ما تفاعل على نفسى مستوى الحوار الذى بدأته السيدة

ولأنى لا أحب تلك النوعية من الحوارات التى تجد فيها بين كل كلمة وكلمة لفظ خارج أو سب، ولا أرحب أبداً بالحوارات العنيفة التى لا طائل منها غير استعراض فنون التهزيق، ولأنكم تدركون ذلك عنى، فلا اعتقد أبدا أن من اعتاد أن يعلق عند بنت مصرية، وجد حوارات خارجة أو ألفاظ تخدش الحياء او سب من أى نوع، ولأنى أعتد أيضا ان اتجاهل المدونات التى تعتمد على مثل تلك الحوارات، ولأنى لن أسمح أبدا ان تكون مدونتى ضمن تلك المدونات- مع كامل احترامى للحريات الشخصية- فقد قمت بحجب التعليقات على التدوينة المقصودة، كما أنى سوف أحذف أى تعليق -مهما كانت أهميته أو حجته- طالما يتضمن ألفاظ تخدش أذنى وتجرح عينى

أحب دائما أن أعرض وجهة نظرى بأسلوب مهذب، وأحب من الآخرين أن يتعاملوا معى كما أعاملهم

شكرا لكل من علق فى أى تدوينة سابقة طيلة السنة الماضية واحترم فيها رغبتى بالحوارات النظيفة

19 comments:

  1. معاك حق واتفق معك بشدة
    فيما قمتِ به
    السب والشتم غالبا ما يكون للاستعراض ولفت الأنظار

    ReplyDelete
  2. انا كمان اتفق معاكي في حكايه الشتايم دي لانها فعلا مبيأثرش فيهم الكلام دا

    ReplyDelete
  3. وأنا أيضاً متفق معكِ فيما قلت ، وكنت لأرسل إليكِ إيميلاً بالطريقة المستفزة والمؤلمة للدكتورة الفاضلة ، هذه الطريقة التي لم تجعلني أنام ليلة السبت إلا متأخراً ، متحسراً على بلدي إن كان مستوى النقاش فيها انحدر لذلك المدى..
    وأرى أن تصرفك بحذف كل التعليقات بدا حاداً بعض الشيء .. لكنه صحيح..

    خالص تقديري أيا كان الاتفاق .. والاختلاف معكِ

    ReplyDelete
  4. زيزى خير ما عملتى وأنا حتى بعد ما كلام الدكتورة استفزنى ورديت قلت يا ريتنى ما كنت رديت ولما هى علقت تانى فضلت السكوت عشان منظر المدونة العام لان فعلا الكومنتات زاد فيها الكلام والشتائم
    فا خير ما عملتى انك حذفتى الكومنتات عشان تفضل المدونة من أجمل المدونات زى ما عودتينا

    ReplyDelete
  5. اتفق معك في حجب التعليقات , و ان كنت لا الوم من ردوا بعنف بقدر لومي للدكتورة

    ReplyDelete
  6. اتأسف جدا ليكى ان كنت قد تجاوزت لياقة ادب الحوار فى ظروف خارجه عن ارادتى حيث كنت فى قمة غضبى0
    أأسف جدا وأأسف لكل من اذاهم تلك التعليقات التى اصابتنى انا شخصيا بالضيق0
    لكى الله يا مصر في من يريدونكى مرتعا للظلم والفساد0
    واخر قولى حسبى الله ونعم الوكيل

    ReplyDelete
  7. عبده باشا
    شكرا يا فندم ونورت المدونة المتواضعة :)
    شيماء
    انتى تعرفى ان اسمك -شيماء سمير- هو اسم اختى :)
    قلم جاف
    يمكن فعلا كنت حادة لما حجبت التعلياقت، لكن انت مش متصور النهاردة لما صحيت الصبح ولقيت تلات تعليقات جداد من السيدة، وكلام م المنقى فى تعليقين منهم. مكنش ينفع اعمل غير كده، والا بقت مدونتى قلة ادب قى قلة ادب ومكنش هعرف اسيطر بعد كده فى المستقبل على اى تعليق
    سويدى
    شكرا يا سويدى انك ما حبتش ترد عليه اتانى، انا كمان عملت كده، ندمت انى رديت اول مرة، ومسكت نفسى ماردتش عليها تانى
    metkazy
    انا كمان متأسفة ليكم ان فى حد علق بالعنف ده واستفذنا كلنا، ولا يهمك.. انا عارفة ان تعليقك كان رد فعل، واستنكار شديد لسيدة تتفوه بتلك الألفاظ وتدعى انها فوق الستين سنة

    بس ممكن اسألك سؤال.. هو يعنى ايه اسمك ؟؟ انا حتى مش عارفة انطقه :)

    ReplyDelete
  8. بلو روز

    وانا كمان لا ألومهم بقدر لومى للدكتورة

    على فكرة يا بلوروز، انا مكنتش اعرف ان لينا صديق مشترك.. مش مقتنع :))

    ReplyDelete
  9. You did the right thing, keeping your blog bright and clean. I love it this way. I find all the bad words simply revolting. It is sad to see that even educated people are unable to have a civilized dialogue.

    (excuse the English, no Arabic keyboard!)

    ReplyDelete
  10. على فكرة

    دخلت السيدة مرة أخرى وعلقت هنا

    واحتوت تعليقاتها على كلمات خارجة فقمت بحذف التعليقين

    تنتقدنى انى قلت "سيدة" بصيغة نكرة
    وتظن انه تقليلا من شأنها،
    وانما قصدت بذلك التعميم حتى لا اخصصها هى واجرحها

    ثانيا تنتقدنى انى اعرف انها مسنة وقلت عليها انها تجاوزت ادب الحوار

    انا قلت ذلك بالفعل، وليس فى هذا سب او تجريح او استخدام لألفاظ خارجة، انه تقرير لما حدث بالفعل

    تقول ايضا انى اتحيز ضدها لصالح
    METKAZY

    الغريب انى بعد ان قلت
    قامت احدى المعلقات بتجاوز أدب الحوار إلى مجموعة من الاتهامات والشتائم والسب والألفاظ الغير لائقة،

    قلت
    مما تلاه بعدد من التعليقات أيضا منها ما استمر محافظا على أدب الحوار ومنها ما تفاعل على نفسى مستوى الحوار الذى بدأته السيدة

    يعنى ذكرت نوع التعليقات الأخرى، وهو ما دفع
    METKAZY
    للاعتذار، وشكرا له


    ملحوظة: مهما كانت تعليقاتك واهميتها يا سيدتى، سوف اقوم بحذفها اذا ورد فيها اى لفظ خارج، بالضبط كما سأفلع مع اى تعليق لمعلق آخر

    ReplyDelete
  11. hope

    thanks for coming gain
    and many thanks for your support.

    i'm trying to keep my blog the way i want, and so hope that everyone help me achive that :)

    ReplyDelete
  12. أنا مرتاحة الحمد لله يا دكتور
    وسبقتك وصليت الفجر، ان شاء الله ربنا يكتبلنا نصلى سوا فى مسجد النبى

    ReplyDelete
  13. I don't understand!!!!
    In fact i have my doubt about what she claims to be (I even boubt that she's a she...)
    anyway.....
    sure you have the right to keep your blog clean,,, it's your space 7 your rules
    I think that proves my point about the demonstrations, it's all because of an emotional reacting starts by thinking & ends by acting, may i say in a barbarian way (from both sides) ,, that's why the government reacts againest it, even if they're wrong...
    I've seen the names laist!!! there's girls out there,,, just tell me why they been in this mess
    I'm not asking them to stay home,,, but at least they shouldn't lose their dignity & make their families live in hell,, there's a million way to express our feelings & objection.
    (lekol fe3l rad fe3l )
    wishing you the best

    ReplyDelete
  14. شكرا ليكى على تقبلك الاعتذار0
    ونشكر السيده على ايصال رسالتها اللى انا نفسى استفدت منها رغم ما اصابنى من اذى منها سواء بما قالته او بما رددت عليه 0
    واشكرها جدا على منعها جحافل احفادها من امطار الموقع بالرسايل المدمره 0
    وانى ارى ذلك قمة التسامح منها 0
    ودعونا نصلى و ندعى الله على الظلمه والفاسدين0
    ونتضرع اليه ان يزيل الغمه عن الجميع0

    على فكره انا هخش اذاكر لان امتحاناتى على الابواب علشان لما اتخرج اعرف اعالج الناس كويس وميجيش واحد غلبان يدعى عليه فى يوم من الايام0

    اما بخصوص الاسم فهو ليه دلاله على البلوج بتاعى انا و اصدقائى المدونين المشاركين معى فيه0
    شكرا ليكى على سعة صدرك بنت مصريه وسوف اتابع مدونتك بكل اهتمام واسف مره اخرى ان كانت بدايتى كانت خناقه0

    ReplyDelete
  15. me2
    well, i'm sure she IS NOT SHE.

    about demonstrations, i kinda agree with u, demonstrations in Egypt is not that perfect effective tool, regardless the current crazy acts of Amn Eldawla. but anyway the government has no right to arrest ppl coz thay use demonstrations as a way to express their demands. u know, they don't even make ANY harmful acts against private or public properties.

    metkazy
    :)
    ربنا معاك فى الامتحانات ويوفقك وتكون رحمة من رحمات ربنا على الناس الغلابة

    وأنا ليا الشرف انك تتابع مدونتى

    ReplyDelete
  16. يا حول الله يارب كل الخناقات دي علشان بنقول بلاش الفاظ خارجه

    انا يشرفني اه اسمي يبقي نفس اسم اختك

    ReplyDelete
  17. يااااه يا زيزى.. فاكرة الموضوع دة لما فتحناه

    ساعات بحس ان الناس بندور على أى خرم عشان ينطلقوا فيه -بلاش أستخدم كلمة أخرى مش كويسة الصراحة

    على العموم.. دا حققك وحق أى انسان محترم انه يمنع اى لفظ هو شايفه من وجهة نظره الشخصية -عشان مايطلعش اللى يقول ايه العيب ومعرافش ايه- غير لائقة

    والله زمااان يابنتى..... الله يقطع هندسة والامتحانات وسنينها

    سلامى ليكى

    ReplyDelete
  18. أنا ماحضرتش الخناقة و الألفاظ البايخة، لكني أحب أعلق على الموضوع الأساسي كما فهمت:
    اعتداء الشرطة على المتظاهرات ليس إهانة لهن، بل إهانة للمعتدين. نزول هؤلاء النساء الشجعان إلى الشارع يزيدهن كرامة و شرفا. ال ينضرب علشان بلده كرامته تزيد مش تقل يا بهوات.

    أما من يرى أن المظاهرات ليست حلا فعالا لمشاكلنا في مصر فأحب بكل صدق أن أعرف اقتراحاته عن بدائل يراها أكثر فعالية.

    ReplyDelete
  19. لست ادرى

    نورتى يا بلو.. نورتى اوى، يا بنتى ما تبعديش عن البلوجه واللى بيبلوجوها تانى ربنا يخليكى :))

    -----------

    ألف

    الموضوع الأساسى للتدوينة دى هو الالفاظ البايخة اللى استخدمت فى تعليق على تدونية سابقة، وهى الغم المركزى
    انما وجهه نظر (مى تو) فى المظاهرات دى زى مداخلة او حاجة،

    انا هتكلم عن التعليق بتاعى الى انا مسئولة عنه، انا ماقلتش يا ألف ان اعتداء الشرطة على المتظاهرات اهانة لهن، ولا المتظاهرين كمان.. انا وافقت مى تو على ان المظاهرات مش هى الحل المثالى لأسباب تانية غير اسباب (مى تو).. اكيد اللى ينضرب علشان بلده كرامته تزيد،

    لو حبينا نتكلم بعيدا عن التشكيك فى احترامى للمظاهرات والمتظاهرين والمتظاهرات -لان دا مش حقيقي- وفكرنا ايه الاقتراحات البديلة واللى ممكن تكون اكثر فعالية هقولك

    خلينا واضحين من البداية.. المشكلة بتاعتنا هى النظام الحاكم، بس مش هو المشكلة الوحيدة.. المشكلة اللى تفوقه هو الشعب المغيب.. اللى بأبسط تعبير -على لسان أيوب- فكروا ان مظاهرات القضاة يوم الخميس كانت مظاهرات لتامر حسنى..
    المظاهرات بتأثر لما تكون فى حالتين.. المشكلة اللى قامت بسببها المظاهرة مشكلة ابسط واقل تعقيدا من تغيير نظام مستبد.. تانيا لما تكون مظاهرات من قلب قلب الشعب، وكلهم اذا ماخرجوش فيها فهما بيساندوها ويعرفوا عنها.. انت متصور يا ألف لما تكون المظاهرات دى اللى يعرف عنها بره مصر اكتر من اللى يعرف عنها جواها!!

    يبقى على كده لازم نعمل لينك بين الشعب وبين مشاكلة ، مشاكلة اللى عايش فيها بس بيغمض عنيه.. بصراحة وباختصار وبأقل كلمات ممكنه انا مؤمنة بالاعلام... الاعلام هو اللى بيغير كل شىء.. هو اللى بيوجه.. هو اللى بيأثر فى الناس وبيحركهم.. اديلك مثال على كده عشناه كلنا من شهرين تلاتة.. وعلى نطاق عالمى، غزوة الدنمارك المباركة وجحافل المسلمين المقاطعين للبقرة الاوروبية.. الحكاية مش حكاية انهم بس اتأثروا ان الموضوع طال سيدنا محمد -عليه الصلاة والسلام- ودا حقيقى هما فعلا غضبوا- لكن كمان لأنهم لقوا ان "كلهم عارفين".. يعنى الدعايا بتاعة الموضوع شملتهم كلهم.. ووصلت لهم من ابسط الاشكال واكثرها انتشارا كمان (الفضائيات ورسائل المحمول) وطلبت منهم طلبات يقدروا يحققوها.. ومنتهم برضا الرب اللى مش هيتعوض لو سكتوا عن الاهانة

    عزيزي ألف.. التاريخ علمنى حاجة واحدة ان التاريخ لو بيعيد نفسه فى المشاكل فهو مش بيكرر نفسه فى اساليب الحل أبدا.. اذا كانت المظاهرات تاريخيا شالت ألدو وجابت شاهين.. فبديلها الآن هو الاعلام.. الشحن المكثف لفكرة معينة سواء كانت فكرة ايجابية او سلبية -واتصور ان فكرة الوقوف ضد نظام مستبد فكرة نبيلة طبعا- الحل يا ألف.. ان الناس تعرف.. ممكن نعمل قناة فضائية وتبث أرضى كمان.. ممكن؟ قناة فضائية تفضح اخبار النظام.. تربى الناس بالأفلام والمسلسلات والبرامج على رفض الظلم والتمسك بالعدل

    طبعا قناة زى دى عايزة فلووووووووس، انا عرضت عليك الحل اللى فى بالى من زمان، كنت صريحة معاك وصادقة جدا حتى لو كان حل خيالى.. لكن انا طبعا يهمنى تكمل مناقشة عنه وتقولى ازاى المظاهرات ممكن تكون بديل كافى عن الاعلام

    اخر حاجة، مى تو كتبت بوست عندها بتشرح فيه وجهة نظرها تفصيلا، ممكن تناقشها فيه

    ما بعد اخر حاجة، (يا بهوات) دى تريقه؟ وللا تقليل من شأن وجهات نظرنا؟ وللا احترام زايد؟

    ReplyDelete