5/25/2006

غنى يا بهية.. من أجل المدونين المعتقلين




غنّى يا بهية.. حفل ينظمه عدد من المدونين المصريين
تضامنا مع زملائنا المدونين المعتقلين وتكريما لمن تم فك سراحهم

غنّى يا بهية.. حفل موسيقى، مسرحى سيقام فى نقابة الصحفيين

نعلن الآن.. عن مرحلة التنظيم للحفل.. شاركونا فى الإعداد.. على من يرغب فى المشاركة لتنظيم الحفل مراسلتنا على
eheaam[at]gmail[dot]com
فى موعد أقصاه 10 مساءا - الجمعة 26 مايو 2006

نعدكم بالكثير.. فى خلال أيام.. سيتم الإعلان عن فقرات الحفل.. وموعده
فقط انتظرونا
تابعونا على أى من المدونات المنظمة للحفل
معكم: 30 فبراير، الله الوطن فاطمة، أرابيسك، أيوب، بنت مصرية، تجربة، شيماء

غنّى يا بهية.. الدعوة عامة، لكل المصريين

غنّى يا بهية.. للنور، للعدل، للحرية

10 comments:

  1. فكرة جميلة
    بس ماكانش ينفع تتعمل الحفلة فى الساقية؟؟ متهيألى هايحضرها عدد أكبر

    ReplyDelete
  2. كنت داخلة اسال ليه مش قي الساقية لقيت سويدي سبقني

    ReplyDelete
  3. القاعه في نقابه الصحفيين كبيره وهتساع عدد كبير جدا من الناس بس انتو تعالو

    ReplyDelete
  4. ولكن من هى بهية ؟؟

    هل هى شخصية مصرية مستوحاه من أغنية عيون بهية ؟؟
    أم أنها الوصف الذى وصفته فيروز لمدينة القدس فى أغنيتها الشهيرة يا قدس ؟؟

    أم هى رمز يعبر عن محررة الشعب المستوحاه من القصص الشعبية والفلكلورية ؟؟

    برجاء قراءة تعليقى الأخير بتدوينة عزيزتى الحكومة ..أعزائى المدونون
    لمعرفة رأيك ...وشكرا

    ReplyDelete
  5. أنا كنت مبسوطه الي حد ما لحد من 5 دقايق .. لاني عرفت ان عزيزتي "واحدة مصرية" هي صديقتي و زميلتي و لم اكن اعرف انها هي هي الا من برنامج "تحت المجهر" الذي اذيع منذ قليل علي قناة الجزيرة .. فدخلت المدونة بتاعتها علشان اقولها اني سعيده انها من "المدونات" و بعد ما كتبتلها التعليق قريت البوست الاخير ليها و مختش بالي من تاريخه .. و قلت ادخل أبص علي الوعي المصري يمكن فيه أبديت بردة فعل البرنامج .. لقيت صور و تفاصيل رهيبه .. هي هي تقريبا اللي ف تدوينة "واحدة مصرية" و انا أفتكرته بوست عن أحداث الخميس الي فات .. و اذا بي أفوجئ انها احداث النهاردة .. يعني الدنيا بتتقلب و تتقلب و تتقلب و تتقلب و برضه ولاد الجزمة "و مش هقدر اقول لفظ تاني" اللي بيعملوه هو اللي بيعملوه .. سحل و اعتقال و تعذيب و بلاوي .. طيب يعني البلد دي خلاص معدش ليها حاكم ولا ضابط ؟؟ لا رأي عام ولا معارضه ولا حد قادر يقف قصاد الطغيان ده ؟ يعني الجيش و بس اللي هيقدر يشيله زي الملك فاروق ؟؟ طيب بجد انا جالي اكتئاب مزمن .. بجد بجد مخنووووووووووقة !!

    ReplyDelete
  6. الساقية رفضوا اقامة الحفلة عشان لازم تكون جهة منظمة هى اللى تتعاقد معاهم مش افراد


    سعدنى
    بهية هى اسم مصر اللى اصلقه عليها احمد فؤاد نجم

    يسبق كلامنا سلامنا يطوف ع السامعين معنا
    عصفور محندق يزقزق كلام موزون و له معنى
    عن الارض سمرا و قمرا
    و ضفه و نهر و مراكب
    و رفاق مسيرة عسيرة
    و صورة حشد
    و مواكب
    ف عيون صبية بهية
    عليها الكلمة و المعنى
    ***
    مصر يا امّة يا بهية
    يام طرحة و جلابية
    الزمن شاب و انتي شابة
    هو رايح و انتي جاية
    جايه فوق الصعب ماشية
    فات عليكي ليل و مية
    و احتمالك هو هو
    و ابتسامتك هي هي
    تضحكي للصبح يصبح
    بعد ليلة و مغربية
    تطلع الشمس تلاقيكي
    معجبانية و صبية
    يا بهية
    ***
    الليل جزاير جزاير
    يمد البحر يفنيها
    و الفجر شعلة ح تعلا و عمر الموج ما يطويها
    و الشط باين مداين
    عليها الشمس طوافة
    ايدك في ايدنا
    ساعدنا
    دي مهما الموجة تتعافى
    بالعزم ساعة جماعة
    و بالأنصاف نخطيها
    ***
    مصر يا امّة يا سفينة
    مهما كان البحر عاتي
    فلاحينيك ملاحينيك
    يزعقوا للريح يواتي
    اللي ع الدفة صنايعي
    و اللي ع المجداف زناتي
    و اللي فوق الصاري كاتب
    كل ماضي و كل آتي
    عقدتين و التالته تابتة
    تركبي الموجة العفية
    توصلي بر السلامة
    معجبانية و صبية.. يا بهية
    ***
    و يعود كلامنا في سلامنا يطوف ع الصحبة حلواني
    عصفور محني يغني
    على الأفراح ومن تاني
    يرمي الغناوي تقاوي
    تبوس الأرض
    تتحنى
    تفرح
    و تطرح
    و تسرح
    و ترجع تاني تتغنى
    اللي بنى مصر كان في الأصل حلواني


    اتغنت اجزاء منها كمان فى فيلم العصفور ليوسف شاهين
    واجزاء اخرى فى الطريق إلى إيلات

    ReplyDelete
  7. رومانتيك روز يا حبيبتى
    ازاى ماتوقعتيش ان هيحصل نفس الاجات.. مش قلنا ان 25 مايو وقفة القضاة.. يبقى طبيعى فى سحل وضرب وبهدلة

    بس مفاجأة حلوة انك تعرفى واحدة مصرية شخصيا :)

    ReplyDelete
  8. هحاول أحضر عضو جديد معاكم
    http://mass599.blogspot.com

    ReplyDelete
  9. انا كاتيوشيا مدونه جديده بفضلك علشان عرفت الزاي اعمل مدونه عن طريقك يعني انتي الاب الروحي لي شكرا

    ReplyDelete