5/28/2006

شرقاوى

كل اللى أنا متأكده منه دلوقتى.. إن الحفلة دى لازم تتنفذ.. ولازم تنجح.. ولازم يتم دعوة وكالات أنباء وجهات إعلامية وصحفيين كبار.. عشان الناس تعرف اللى حصل مع الشرقاوى.. عشان الناس تعرف النظام ده اتجنن ازاى

لو تقدروا تساعدونا فى تنظيم الحفلة ما تتأخروش
لو تقدروا تيجوا ما تتأخروش
لو تقدروا تنشروا دعايا ليها ما تتأخروش

ربنا حطنا فى طريق النظام.. من حيث لا يدرى، او حط النظام فى طريقنا.. المهم ان المواجهة لازم تكون قوية وذكية وغير تقليدية

16 comments:

  1. ما حدث للشرقاوي يضيف إلى الممارسات الغبية التي ستحرض أكبر عدد ممكن من المصريين على التظاهر بمن فيهم رافضي التظاهر..
    أضف لذلك عبارة جونيور في الال بي سي : العنف ليس القاعدة..
    كل واحد "يقعد" على الجنب اللي يريحه.. وسيكتب التاريخ لمصر على مر العصور أن حكامها هم أغبى من مارس السياسة منذ أيام الفراعنة!

    ReplyDelete
  2. أقسم بالله العلي العظيم يا زيزي اني ما عرفت أغمض عنيا طول الليل بسبب اللي قريته حصل لشرقاوي امبارح .. انا بجد اعصابي بايظه و عندي اكتئاب قاتل .. ربنا يستر و يعدي الغمة دي علي خير ..

    لو الحفله دي كانت الشهر اللي فات او الشهر اللي جي كنت اكيد جيت و الله لكن ما باليد حيلة ف الامتحانات ووجع الدماغ .. يا رب تتكرر و أكيد كنتي هتلاقيني موجوده .. علي الاقل هبقي فخورة اني أقابل الناس المحترمه اللي كان من دواعي سعادتي اني اتعرفت بيهم عن طريق برنامج الجزيرة .. و اشوفك تاني يا جميل ..

    ادعيلي يا زيزي تعدي ايام الامتحانات علي خير .. سلام يا جميل ..

    ReplyDelete
  3. كل الشكر والتقدير لبنت مصر العظيمة
    على عملية التدوين وعلى هذة المدونه الجميلة
    فعلا منكم نستفيد
    نسال الله ان يحفظ مصر واهلها من كل مكروة
    وتبقى سند وذخر لنا كأمة عربية لاننا لانستطيع ان نعيش من غير مصر العروبة
    مشكورة يا بنت مصر

    ReplyDelete
  4. الأخت العزيزة..هذه أول مرة أتشرف بالتعليق على تدوينة لكى
    كنتى ممتازة غى حلقة المدونين وبالنسبة لمأساة شرقاوى فاسمحى لى أقول ان عرض تفاصيل هذا الاعتداء القذر ربما كان ضد شرقاوى فى المستقبل..نحن نفهم رجولة شرقاوى ونضاله ولكن ليس كل الشعب للأسف سيتفهم ذلك..وربما صارت القصة مأخذا عليه مستقبلا..هل تفهمينى؟

    ReplyDelete
  5. English translation here Sing ya Baheyya. Wish I could help more.

    ReplyDelete
  6. memo

    ربنا معاك
    احنا عارفين مشكلة المعاد مع امتحانات المدونين الطلبة
    ---------

    قلم جاف

    وأى غباء
    ---------

    رومانتيك روز

    انتى عارفة اكتر حاجة كانت مخوفانى وانا بحط رابط رسالة الشرقاوى هو انتى وزعلك

    معلش يا كوكى، احنا لازم نكون اقوى من كده
    ربنا معاكى فى الامتحانات يا جميل
    ---------
    عنصر وطنى

    شكرا يا فندم، اخجلتم تواضعنا.. اوى
    --------

    m4m
    يا اهلا بيك زائرا ومعلقا وصديقا :)
    بس مش انا اللى كنت فى الحلقة
    دى العزيزة واحدة مصرية.. صاحبة المدونة الأشهر
    ---------

    che guevara
    شكرا يا فندم على روحك الجميلة وتضامنك معانا، ان شاء الله نشوفكم فى الحفلة على خير
    -----------

    ikhnaton2

    شكرا يا رامى على الترجمة، كده بقت الدعوة عالمية :))
    ربنا يخليك انت كده عملت كتير اوى :)

    ReplyDelete
  7. ياريت الحفلة تكون فى اخر شهر 6 علشان كله يقدر ييجى

    ReplyDelete
  8. بعتللك اي-ميل و مردتيش عليا!! ايه المطلوب بالظبط عشان نساعد؟؟

    ReplyDelete
  9. الحفله علشان شرقاوي وعلاء وكريم وكل الناس

    ان كان واحد مننا اللي هوا شرقاوي حصله كده واتوجعناا مع انهم بيعملو كده من زمان ومع الناس كلهاا بس مكناش حاسين لانها بعيد عننا

    انما دلوقتي لا دي قربت مننا لان اللي حصل في شرقاوي ممكن يحصل فيا وفيك وفي اخوك وفي ابوك واي حد عادي لانهم شويه كلاب مش بشر

    علشان اللي حصلك يا شرقاوي ميحصلش تاني لازم نوصل صوتك للناس كلها ولازم الكل يعرف ان خلاص بقي مبداء كل واحد يفكر في نفسه وبس دا انتهي
    كلنا واحد واللي حصلك كانه حصل لينا كلناا

    ReplyDelete
  10. نيرو

    انا ماوصلنيش حاجة

    بس هبعتلك ميل دلوقتى

    اوك يا جميل

    ReplyDelete
  11. وصل يا فندم و رديت عليكي :))

    ReplyDelete
  12. This comment has been removed by a blog administrator.

    ReplyDelete
  13. i will be there insh2alh .. wait for me .. and i am trying to prepare somthing special for this Day ..

    i also preparing to have such day .. but Online .. something related to sharqawy too .. but on the blogs insh2alh ..

    this is a banner for sharqawy , u can use it too : http://photos1.blogger.com/blogger/7667/3042/1600/sh.gif

    GOOD LUCK FOR YOU ALL !!

    ReplyDelete
  14. ربنا معاكم ياولادى
    انا موقن من ان نصر الله قادم...
    انتم قد احييتم الامل الذى فقدناه بل اقول الذى اعتقدنا انه قد مات..
    سيروا على بركة الله وتأكدوا ان الشعب فى حاجة الى قدوة يحتذى بها وانتم تمثلون القدوة لهذا الشعب..
    انا اعتبر فى خريف العمر وكنت اعتقد اننا فقدنا الامل واصبحنا فى غيبوبة كاملة وعميقة انتم احييتم امل قد مات عند الكثير من شعبنا..ربنا معكم وربنا يوفقكم

    ReplyDelete
  15. السلام عليكم
    احب ان اشكرك على هذه المعلومات التى ساعدتنى كثيرا فى انشاء مدونتى
    تابع أخبار اعتصام الأطباء على
    freemaghraby.blogspot.com

    ReplyDelete
  16. شكرا تانى لبنت مصريه
    وأتمنى تبعتى تقولى ليا ايه موضوع شرقاوى ده فى ايجاز
    لأن انا طبعا جديد فى البلوجرز
    وعايز اساعد
    شكرا لكى

    ReplyDelete