يبدو أن وثائقى المدونين على الجزيرة سره باتع
اعتقد ان التدوين دخل مرحلة فاصلة فى الانتشار
وحقق خطوة كنا ممكن نبذل فيها مجهود جامد اوى وفرته علينا الجزيرة
وصلتنى ايميلات من مدونين جداد ابتدوا يعرفوا عن التدوين ويهتموا بيه بعد الحلقة..بسرعة كده :))ه
وكانت اغلب الاستفسارات عن حاجات متعلقة بكيفية التدوين وكده، وبصراحة انا فكرت -ونفذت كمان- فى صفحة تشرح الموضوع بالتفصيل من اول فتح حساب فى بلوجر لحد وضع لينكات وصور فى السايد بار
كان عندى ملف اشتغلته من كام شهر للمجلة اللى كنت بشتغل فيها
واضفت كمان الجزء المتعلق بتنسيق المدونة والتعديل فى قالبها
يا رب تفيد كل المهتمين يكون عندهم مدونات
المهم يعنى، لما حد يبعت لكم استفسارات ممكن بسهولة توفروا على نفسكم مجهود الشرح والوقت كمان وتبعتوا لينك الصفحة: أ،ب...ي: تدوين
اعتقد ان التدوين دخل مرحلة فاصلة فى الانتشار
وحقق خطوة كنا ممكن نبذل فيها مجهود جامد اوى وفرته علينا الجزيرة
وصلتنى ايميلات من مدونين جداد ابتدوا يعرفوا عن التدوين ويهتموا بيه بعد الحلقة..بسرعة كده :))ه
وكانت اغلب الاستفسارات عن حاجات متعلقة بكيفية التدوين وكده، وبصراحة انا فكرت -ونفذت كمان- فى صفحة تشرح الموضوع بالتفصيل من اول فتح حساب فى بلوجر لحد وضع لينكات وصور فى السايد بار
كان عندى ملف اشتغلته من كام شهر للمجلة اللى كنت بشتغل فيها
واضفت كمان الجزء المتعلق بتنسيق المدونة والتعديل فى قالبها
يا رب تفيد كل المهتمين يكون عندهم مدونات
المهم يعنى، لما حد يبعت لكم استفسارات ممكن بسهولة توفروا على نفسكم مجهود الشرح والوقت كمان وتبعتوا لينك الصفحة: أ،ب...ي: تدوين
مية مية
ReplyDeleteينفع بقى أحط اللينك دي في مدونتي المتواضعة على سبيل "السياح" يعني
:)
ربنا يكرمك و يزدنا كمان و كمان -المدونون يعني
Great job.
ReplyDeleteHow can I add a song to the side bar?
بجد بجد بجد تسلم ايدك يا زيزي .. يا رب كل اللي هيستفيدوا منها يستفيدوا منها ف الخير و محدش يسئ استخدام المعلومات القيمة دي ..
ReplyDeleteاحتمال أفكر بجد أني أفعل الاكونت بتاعي و اعمل بلوج بدال ما كل ما اعوذ اقول حاجه اغلس عليكي و اخليكي تحطيهالي عندك ..
ادعيلي بقي اخلص علي خير ..
فكرة ممتازة
ReplyDeleteالحقيقة أنا لم أقرأ بالتفصيل ولكني على يقين أنني من الممكن أن أستفيد منها وأجد ما لم أكن أعلم كي أنفذه، الله أعلم امتى بقى
ولكنه جهد جيد جدا منك، عارفة لو كل واحد عمل دليل بما يعرفه جيدا لأفاد واستفاد، ولشعر بقيمة ما يعرفه وقد يشجع ذلك الجميع، من يكتب ومن يقرأ، على الاستزادة من العلم ومن الخيرات
ممكن تعملي دليل لايه تاني؟
اعملي سلسلة باسم دليل بنت مصرية لـ
التدوين
انشاء مواقع انترنت
جرافيك
الترجمة
التصوير
إيه رأيك؟
:)
فيه ايه تاني؟
معظم الموجود من هذا النوع من المؤلفات مترجم، فهو شائع في الثقافة الغربية، وتستطيع أن تجد دليلا مكتوبا مصورا لاي شيء
الجميل ان يبدا ذلك في ثقافتنا بشكل أكثر ذاتية، اي بقدر أكبر من فكر وأسلوب المحرر العربي في العرض
بدلا من أن يكون كل شيء منقولا مترجما، تشعر فيه بلغة عربية غير أصيلة
And how can I create links in the comments?
ReplyDeleteWell, don't complain now that I am asking you questions! You asked for it :)
جدو اسكندر
ReplyDeleteالله على الدعاء الجميل ده.. ربنا يكرمك انت يا رب.. انا مش محتاجة اكتر من انا ربنا يكرمنى.. ويزيد كرمه عليا :))
طماعة بأه
---------------
مشاكس
ينفع طبعا، ما انات لو كنت قريت الموضوع كله :) كنت لقيت فى الاخر انى بقول ان فى قوالب جاهزة فى مواقع مجانية بتقدم قوالب لبلوجر
التفاصيل هناك بأه
وطبهعا لو حبيت تعزل للورد برس او دروبال، هيكون افضل حسب مابسمع يعنى
يمكن لما اعزل لحاجة تانية انا كمان اكتب عنها بالتفصيل
بس دلوقتى مقدرش اكلمك غير فى الى بفهم فيه.. بلوجر
----------------
هوب الجميلة
انا فرحانه انك سألتى على الحاجات دى لأنى كانت طايرة من بالى خالص.. وان شاء الله حطها
بس سامحينى دلوقتى انا لسه جايه من بره وياددوبك بشوف الكومنتات وهقوم عشان السطو المسلح بتاع اختى دلوقتى
بكرة الصبح اول حاجة هعملها انزل
كود الموسيقى وكود الكومنتات
واى حاجة تيجى على بالك قوليلى عشان احطها
---------
احمد جمال
تعليقك ده حسسنى بجد انى اصبت الهدف.. ان فى ناس استفادو منه فعلا.. وانا عارفة انها مش مشكلة لغة قد ما هى مشكلة امكانيات كتييير تتوه
---------
كوكى حبيبى
باه انتى عايزة تعملى مدونة عشان تحرمينى من كتاباتك عندى؟ خليكى فاكراها
بس طبعا لما تحبى تعملى مدونة ليكى عندى تصميمها السبيشال طبعا :*
--------------
محمد شدو
اممم. ايه ده كله ايد ده كله
انت هتفتح عليا فتحة :)
تصوير وجرافيك ومواقع. طيب مش لما اسلك فيهم كويس الاول
-----------
Great work, bent masrya.
ReplyDeleteعارفة يا (بنت مصرية) ..كلمتك دي خلتني أفتكر كلمة قالها الدكتور جلال أمين وهو من هو في علم التحليل السياسي والإجتماعي ..
ReplyDeleteالدكتور جلال أمين قال مرة لما كان في زيارة لأميركا .. كان فيه ميت ألف يافطة ترشده للمكان الي عايز يروحه
الكلمة الخطيرة الي قالها أنه كان محتاج لعدد أقل من اليفط واللافتات عشان يعرف المكان الي يروحه ..ماكانش محتاج للعد الرهيب من الإرشادات دي لأنها بكل بساطة خلقت نوع من : أروح فين يا إخوانا ؟ ..وهو ما عبرت عنه : منين يودي على فين ؟
ولهذا أكرر شكري لك ..أنت هنا جعلت الأمر في لافتة واحدة فقط ..إذا أردت الذهاب للمكان الفلاني أمشي في الطريق الفلاني ..
لا أبالغ والله لو قلت أن الإرشادات كاملة متكاملة ..أحييك للمرة الألف
hope
ReplyDeleteبس يا ستى، انا اضفت النقطتين بتوع كود الموسيقى وكود الكومنتات
هتلاقيهم فى الصفحة فى الاواخر تقريبا : سادسا وسابعا
بس ماتتخضيش من كود الكومنتات :))
انا بحطه زى ما هو ، مفهمش فيه حاجة لأنى معرفش جافا سكربت
----------
ikhnaton2
thanks ya rami :)
--------
احمد جمال
شكرا على تعليقك مرة تانية، وفعلا الحكاية بتبقى زى اليفط الكتير كده
بس الارشادات مش كاملة متكاملة اكيد.. مفيش حاجة كاملة.. اكيد فى حاجات نسيت اضيفها، عشان كده استفساراتكو ممكن تكمل المشروع
دليل مفيد ، وطبقته عملياً..عاشت الأيادي
ReplyDeleteThanks my dear. I will give them a try soon.
ReplyDeleteThis comment has been removed by a blog administrator.
ReplyDeleteكتر خيرك يا زيزي
ReplyDeleteحقيقي كنت محتاجة دليل زي ده
ربنا يزيدك
شكراً احنا لسه من ثوانى حاولنا عمل مدونة وتهنا لحد ما فتحنا مدونتك ألف شكر وجزى الله عنك خيراً
ReplyDeleteوعاوزين نشوفك عندنا على المدونة قريب
شكرا جذيلا .. موضوعك شجعنى أعمل مدونه فعلا .. و عملتها .. و أولادى فرحانين بيها جدا .. أتمنى تقبلى تضيفى مدونتى عندك .. و توقعى أن بنتى 14 سنه هاتتصل بيكى قريب بأذن الله تزعجك و تطلب مساعدتك تعمل مدونhttp://lastknight1964.blogspot.com/ه هى كمان
ReplyDeletelast night
ReplyDeleteيا سلام، بس كده. عنيا الاتنين
هضيفك عندى.. وبنوتك خليها بسرعة تعمل مدونة وتيجى تزعجنى براحتها
:))
وكل العيلة كمان
جزاكِ الله خيراً اختى بنت مصرية ، حقا عرض شيق وممتاز ، أدين لكِ بالفضل
ReplyDeleteحقيقى لا اعرف كيف نشكرك
ReplyDeleteكيف تنشأ مدونة
قد افاد الكثيرون وانا واحد منهم...جزاك الله كل خير....
انا كتبت تعليق سابق ولكنه اختفى لا اعرف السبب رغم انه كان تعليق شكر على تلك المعلومات التى اتت فى مقالكم...لا اعرف السبب
شكرا على الشرح الجميل ولدي سؤال وهو كيف اضيف ايقونة او ليبل موقع يو تيوب الى مدونتي الجديدة
ReplyDeletehttp://aafeaa.blogspot.com/
شكرا يا جميلة عالشرح الجميل ده واناعملت فعلا مدونة ابقى تعالى هى مجانينى حبتين بس يمكن تعجبك
ReplyDeleteشكرا شكرا شكرا على المعلومات الاكتر من رائعه
ReplyDeleteانا عندى مدونه من فتره طويله بس مكنتش عارف اديرها ازاى وبصراحه ده شرح كفيل بانى ابقى محترف كمان
بس فى حاجه عاوز اعرفها وهى السايدربار فين اساسا فى المدووه وازاى انزل الالانات والصور فيه
شكرا شكرا شكرا على المعلومات الاكتر من رائعه
ReplyDeleteانا عندى مدونه من فتره طويله بس مكنتش عارف اديرها ازاى وبصراحه ده شرح كفيل بانى ابقى محترف كمان
بس فى حاجه عاوز اعرفها وهى السايدربار فين اساسا فى المدووه وازاى انزل الالانات والصور فيه
أحسنت صنعا ياأختي
ReplyDeleteشوفي كدة المدونة دي من الآخر
http://nowyoucandoit.blogspot.com