6/04/2006

bent masreya is taken

اه صحيح، أنا مال مدونتى قلبت وصلة إعلانات كده ليه؟ ولا أجدع صفحة فى أهرام يوم الجمعة. عموما كسرا لحالة السكون الإعلانى هناخد فاصل تدوينى ونرجعلكم :)) تابعونا

-- دى تدوينة كتبتها من فترة وحدثتها قبل ما تنزل---

أتابع على "ام.بى.سى.فور" مسلسل من إخراج عشرة مخرجين ومن إنتاج ستيفن سبيلبرج،انتاج 2002 اسمه
TAKEN

تعرض حلقة واحدة منه كل يوم ثلاثاء ويعاد عرضها الأربعاء فجرا والجمعة أيضأ

لست من هواه القصص الخيالية التى تتحدث عن المخلوقات الفضائية وغيرها، ولست من هواه قصص الرعب والاكشن ولا القصص من نوعية كوكتيل ألفين وبانوراما ورجل المستحيل والحاجات دى، بالعكس تماما.. انا كنت بحب بطوط وعم دهب
لكن الاعلانات المكثفة للمسلسل، جعلتنى انتظره، واتابعه.. أصله طلع مش رعب اوى، -هو تشويق- ومشاهد المخلوقات الفضائية أو الدم قليلة وبغمض عنيا لما تيجى

المهم، أن فكرة المسلسل تعتمد على ضفيرة رائعة بين أحداث القرن العشرين -التى مرت على العالم والشعب الأمريكى بصفة خاصة- وبين الخط الخفى لنزول المخلوقات الفضائية وقيامها بإجراء تجارب خفية على البشر، ومحاولة الأجهزة السرية للجيش الأمريكى التوصل لحقيقة تلك المشاهدات والدلائل على وصول المخلوقات الفضائية، وبالتالى البحث عن وسائل للسيطرة


لكم أن تتخيلوا الشكل التقليدى للمخلوقات الفضائية فهى على هيئة روزويل، صاحب الوجه فى شكل حبة اللوز والعنيان اللوزيتان أيضاً مسحوبتان لأعلى، وجسد نحيف وهزيل، وأطراف طويلة ورفيعة

أنا عايزة أعرف بأه، ليه كل مؤلفى الحكايات عن المخلوقات الفضائية بيتصورهم كأنهم روزويل أو حتى "أى.تى" . ليه القرف ده؟؟ ليه ما تكونش المخلوقات الفضائية شبهنا، زينا، لهم نفس هيئتنا؟

ولماذا نتصور أن صراعاً بيننا وبينهم سيحدث؟ بصرف النظر إن الصراع ضرورى من أجل الحبكة الدرامية.. لكن لماذا نفترض عموما وجود صراع ؟ ماذا لو سبقناهم نحن وهبطنا عليهم -وليس هذا معناه بالضرورة أننا أكثر تقدما منهم- هل سنؤذيهم؟ الأقرب لتركيبة الكون هو الانسجام والتوافق، وللا احنا اتعودنا كبنى آدمين على فقدان الثقة وتوقع الأذى مسبقا من الآخرين، ودا خلانا نتخانق حتى مع خيالنا

طبعا هتقولوا بنت مصرية اتجننت، انها تفترض فعلا ان هناك مخلوقات فضائية وعلى هذا الاساس بدأت ترتب العلاقة بيننا وبينهم، "بنت مصرية إز تيكن هههههههه" ، بس لأ يا جماعة، انا اقصد ان مفيش حاجة مستحيلة، وقد يكون لنا جيران فى الكون الكبير، وفى يوم يا ما نصل إليهم او يصلون لنا، وبالطبع أتمنى وقتها أن تكون شعوب العالم فى سلام وعدل، وإلا منظرنا أمام الأجانب الكونيين مش هيبقى لطيف خالص

المسلسل يضم أيضا مجموعة مشاعر إيجابية وطرح لقضايا إجتماعية لا تخص فكرة المخلوقات الكونية ولكن تخصنا فى تعاملاتنا معا. مثل حرص أخ وأخته على المحافظة على حياة أخيهم وحمايته من الضباط الذى يتتبعه، لأن أخيهم من والدتهم كان أبوه مخلوق فضائى تحول فى شكل انسان وبعدين مشى يعنى. أيضا يصور المسلسل جشع ضابط الطيران المسئول عن الخطة السرية لمتابعة المخلوقات الفضائية.. انسان بشع بكل المقاييس لا يتورع عن القتل والغش والخداع للوصول لما يريد، فى احدى الحلقات قتل مراته وقال عليها كلام مش حلو

أو فى الحلقة الماضية مقارنة ذكية بين ابنة ساعدت والدها على الشفاء من طلقة الرصاص التى أصابته - وبين ابنة أخرى أعطت بدم بارد أوامر إطلاق الرصاص على والدها ، ايه اللى انا بشوفه ده؟؟

يعتمد السيناريو على فكرة الراوي، والراوى هنا هو طفلة صغيرة -قامت بالدور البنوتة المعجزة داكوتا فاننج، لكن ما نسمعه منها غالبا هو تعليق فلسفى وأدبى مذهل على الأحداث، ومنها أنها تقول، أن الخوف من الوحدة هو ما يجعلنا نبحث عن آخرين فى الكون، وتتسائل: هل عندما نجدهم ، ألن نصبح -نحن وهم- وحيدون فى الكون؟... فكرة بردو

أما عن التوجه الفلسفى للمسلسل، أو الأفكار التى يمررها من تحت الجلد فلها عندى هوامش لم تكتمل ولم أتأكد منها، سأنتظر حتى تنتهى الحلقات وتكتمل الرؤية وربما أكتب تدوينة أخرى.. امممم ربما، مش أكيد

34 comments:

  1. This comment has been removed by a blog administrator.

    ReplyDelete
  2. hi bent masreya
    saba7 el kheir :D

    ana shakhsseyan ma3takedsh en momken kol el kon dah yekoun lel bashar bas ... ana ba3taber en dy ananeya men el bashar ..
    el bashar ananeyeen ,, we fakreen nafsohom markaz el kon ... laken dah mesh sa7ee7 ..

    3al 3emoum ,, tam esbat aslan en fy makhlou2at fada2eya ... bas el mawdou3 dah kebir awyy ,, we a3taked makanou mesh hena .. he he he ...

    delwa2ty ba2a ,, el moshkela eny nefssy awyy 2agy el 7afla on Wednesday ... laken 2ahly mesh mewaf2een khaless .. 3ashan 3andy exams ,, fa khayfeen 2amn el dawla te3mel 7araket nadala we to3od telem shwaya ,, we tedee3 3alaya el emte7anat ..

    ana mesh khayef .. bas homa 3akaba 2odamy fel 7agat dy ..
    tayeb ,, hal el Jazeera hatghaty el 7afla dy ???! ya3ny momken teb2a 3al hawa fel Al Jazeera mobasher masalan ??!
    asl ento nas fe3lan yekoun leya el sharaf eny at3araf biha .. ento nas begad nefssy te2balouny ka sadeek likom :)

    yalla exams ba2a we beta3 ,, ana Journalism student 3ala fekra :)

    talk later..
    Thank you

    Masry 7or.

    ReplyDelete
  3. مش عارف ليه يا بنت مصرية

    تدويناتك كلها بقت اعلانات اشك انتى بتاخدى اجر على الاعلانات دى :p

    على العموم الله ينور و اكيد كنا محتاجين فاصل قصير

    انا كنت كتبتلك انى هاضبف تعليق على تدوينة كيف تنشىء مدونة بس للاسف ما فيهاش تعليقات

    التعليق اهوه و يا رب كلنا كدة نفضل نساعد

    الغلطة انك قلتى كود اضافة اخر تعليقات فى السيد بار

    و هوه بيتضاف كالتالى لان ناس جربوها و ما نفعتش عندهم

    التعديل اهوه





    Install the Farrago Recent Comments Hack

    In between the code that displays the most recent posts and the code that displays the archives, copy and paste the following code:

    الفكرة كلها تكمن فى الفرة اللى فاتت دى و لو فى حاجة قوليلى ازودها

    ReplyDelete
  4. انا شفت الاعلان امبارح لاول مره .. ضحكت كالعاده لما شفت ملبسات ام &ام خايفين و مخبين عنيهم و هما بيعلنوا عن المسلسل ..
    طيب قوليلي لو ابتديت اتابع المسلسل من دلوقتي اقدر استمتع بيه خصوصا اني الصراحه بعشق افلام الرعب بس بحس بعبط افلام الخيال العلمي ولا خلاص الفرصه راحت و ابقي استني اعادته بعدين ؟؟

    كومنت علي جنب .. لو احنا هنعامل الفضائيين بالحسني كان من باب اولي نعامل البشريين بالحسني .. يا بنتي قولي يا باسط ..

    ReplyDelete
  5. فيه ملاحظتين خرجت بيهم رغم إني ما شفتش الحلقات..

    1-ستيفن سبيلبرج بيخرج للتليفزيون .. لكن كل المسلسلات التليفزيونية الإنتاج هناك زي أضخم الأفلام السينمائية هناك .. تذكري انجل مثلاً.. فلوس بتتصرف بس في مكانها السليم..

    2-الحرص على وجود فكرة ما بلا تنظير وبلا زعيق وبلا دعاية وبلا مجلس قومي أو حتى منتخب قومي..

    سعيد مثل كل الوسط التدويني بعودتك للتدوين من جديد .. أيوة كدة .. محدش قال حاجة عن الإعلانات.. بس إن حكم الأمر حطي بين الإعلانات تدوينتين تلاتة!

    ReplyDelete
  6. طب و ليه اتجننتي...طب ما هو اكيد في مخلوقات فضائية فعلا..مش شك

    ReplyDelete
  7. انا من عشاق الخيال العلمي
    وشاهدت المسلسل مرتين حتي الان
    :)

    ReplyDelete
  8. ليه منفترضش العدل والسلام في المخلوقات الاخرى سواء كانت فضائية او غيره وللا العدل ده بس في بنو ادم وهو فين العدل في بنو ادم اذا كان في كل زمان وفي كل مكان القوي يستأثر بخيرات الارض سواء نفط في زماننا هذا او ذهب او خلافه في الازمنة السابقة واقرب مثل الاستئثار بالتكنولوجيا سواء كانت نووية ( امريكا ضد ايران ) ناهيك عن انه نما الى علمي ان الولايات المتحدة ( راعية السلام في العالم ) تعرف مصلا ولقاحا نهائيا ضد انفلونزا الطيور ولكن طرحه في السوق يمثل خسارة كبيرة لسوق الادوية الامريكية. كل المشكلة في بنو البشر مادة وضاعت قيم العدل والسلام.

    ReplyDelete
  9. رئيس التحرير

    صباح النور :)

    يمكن يكون فى ناس انانيين مفكرين نفسهم مركز الكون، بسس كمان هتلاقى ناس مؤمنة بوجود المخلوقات الفضائية على الاقل من باب حب المغامرة

    بالنسبة لحضورك الحفلة، ماينفعش طبعا تيجى واسرتك مش موافقة، هما خايفين طبعا على مستقبلك، وعندهم حق. دا انت فى امتحانات يا اخى :))

    ربنا معاك ونشوفك فى المستقبل صحفى كبير
    -----------

    جيمى هود

    شفت بأه، مش حقى والنبى اخد فلوس ع الاعلانات دى D:

    حكاية الغلطة دى، خليك معايا، ترجمة الجملة اللى انت ذكرتها

    بين كود التدوينات الحديثة وكود الارشيف

    وزى ما انت عارف ان كلا الكودين موجودين فى السايد بار
    بمعنى ان الكود بتاع الكومنتات هو كمان فى السايد بار زى ما قلت، دى حاجة، ثانيا انت حر تحطه بينهم او تحتهم، هما بس بيسهلوا عليك تنسيق الصفحة فقالوا حط الكود بين الاتنين، عموما انا عارفة فعلا ان الكود ساعات يشتغل فى مدونات وساعات مايشتغلش، ومش عارفة السبب بصراحة

    --------------

    رومانتيك روز

    ياااا يا كوكى دا فاضل حلقتين بس
    بس اكيد هيعيدوه تانى، وكمان ممكن والله تتابعى الحقلتين
    انا بس هقولك على الشخصيات

    هتلاقى داكوتا البنوتة الصغيرة، هى بشرية عندها قدرات المخلوقات الفضائية عشان والدتها فيها ربع وراثى من ابوها اللى كان فيه نص وراثى من والده اللى كان مخلوق فضائى.. ركزى :)
    وطبعا الجهاز السرى من الجيش الامريكى عايزها عشان يدرسها.. وهو متمثل فى شابة شعرها بنى محمر كده قتلت ابوها المرة الى فاتت، الحلقة الاخيرة خلصت على النوتة وافقت تروح مع الشريرة دى

    ReplyDelete
  10. قلم جاف

    اذا كان ع الفلوس اللى بتتصرف، فدول ملوك الصرف الكويس على شغلهم

    نيرو
    ايه ده يا نيرو انتى كمان تعتقدى ان فى مخلوقات فضائية :) بس تفتكرى شبهنا وللا شبه اى تى؟

    بن عبدالعزيز
    لا مرتين ، لا.. مابقاش عندى روح اتفرج على مسلسلات مرتين، لو كان فيلم كان معلش

    مصريون لا حدود
    بالظبط هو ده اللى انا بقوله، ليه مايكونش السلام بينا وبينهم من الاول، الشر صناعة بشرية مية فى المية

    ReplyDelete
  11. شبه اي.تي طبعا..بس علي بينك :)

    ReplyDelete
  12. نيرو تصحيح انا اخر كائن فضائي كان قاعد معايا من كام يوم مكنش شبه اي تي كان شبه دكتور الكاتنج بتاعنا :)

    ReplyDelete
  13. ماهو برضو اعلان عن المسلسل يا زيزى
    انا بعد كدة مش هاتفرج على التليفزيون واجى اقضيها اعلانات هنا
    :P:P

    انا برضو مش بحب افلام الخيال العلمى ولا بتوع الفضاء دول بحب اكتر اتفرج على الواقعية او حاجة ممكن تحصل
    بس انا ماشفتش المسلسل ده
    يمكن عشان بقالى
    90
    سنة ما اتفرجتش عالتلفزيون
    :D

    هاتروحى الحفلة ان شاء الله؟؟؟؟

    ReplyDelete
  14. ان شاء الله هبقى موجودة طبعا.. ومن بدرى، ونقف فى استقبال حضراتكم وهنوزع عليكم جاتوه وبسلة، والغايب ملوش نايب D:

    ReplyDelete
  15. اللـــــــــــه
    جاتو و بسله .. يا بختكو !!

    ReplyDelete
  16. أحب اأكد يا بنت مصريه أن فى كائنات فضائيه عايشه بينا انا عن نفسى أعرف أربعه و متأكد منهم و شاكك فى كواكب سبعه تانيين
    انا حاولت أثبت للبشر وجود الكائنات الفضائيه بينهم محدش صدق مش عارف أعمل أيه ؟
    يعنى لازم أطلع أريال من دماغى علشان يصدقوا
    هو مش كفايه انى لما بدون بكتب

    ReplyDelete
  17. :)


    مع اني مشوفتش اللي انت قلتي عليه

    بس انا بحب الافلام بتاعة الخيال العلمي جدا ... مش عارف ليه يمكن عشان انا خيالي حبتين :)

    تحياتي

    ReplyDelete
  18. أنا مش مقتنعة بفكرة كائنات أخرى في الكون إلا ما ذكر في القرآن الكريم والحديث الشريف
    إنس و جن و ملائكة
    من رؤيتي لأفلام الخيال العلمي بحس إن من قام بكتابة مثل هذه الأشياء شخصية غير طبيعية... قد تكون مبدعة كتابيا لكن نفسيتها تعبانة فعلا للتفكير عن مخلوقات غريبة و أتعجب من أين أتت هذه الأفكار
    هل لأنهم يرغبون في (إستعمال) جميع مشاعرهم بما فيها مشاعر الخوف ولما لم يجدوا ما لا يخافوا منه إبتدعوا هذه الأشياء.. أم هي نوع من الإيمان الذي يصل إليه الإنسان عندما لا يجد ما يؤمن به لتشوه الفطره

    ReplyDelete
  19. This comment has been removed by a blog administrator.

    ReplyDelete
  20. This comment has been removed by a blog administrator.

    ReplyDelete
  21. جاتوه وبسلة؟
    هههههههههههههههههههه
    طب ياريت ناكل وتحجزولنا فى الاسعاف عدل
    :D

    ReplyDelete
  22. السلام عليكم بنت مصرية
    على فكرة مسلسل تيكن دا اشتغاله كبيرة جدا انا كنت بتابعة من زمان بس دلوقتى توقفت عن متابعتة حتى لا اصاب بالهزال البصرى كله اشتغالات فى اشتغلات من اول اللقطاط الاربع تربع الى بتملى شاشاة التليفزيون حتى الممثلين دا كلام فارغ انتى مشفتيش فيلم صور الصين العظيم للنجم اللامع محمد هنيدى الذى يظهر المصريين بمدى غباوتهم واستخفافهم بالمشاهد ولا حتى متفرجتيش على فيلم ابو على بتاع حبيبتى منى زكى وكمية الاسفافا فى الفيلم من مشاهد مفبركة وحوار اهبل ميدخلش على عيل صغير وتيجى تقولى تيكن حرام عليكى انتى ظلمتى التليفزيون المصرى صاحب الريادة وزكرتى قناة ام بى سى 4 ولم تقولى احدى القنوات الفضائية كما يقول مذيعى التليفزيون المصرى حرام عليكى يا بنت مصرية انك تظلمى عباقرة التمثيل المصرى امثال هنيدى الذى لا يملك من مؤهلات التمثيل سوى انة قصير القامة والمخرجيين الافذاء امثال مروان حامد الذى ينطبق علية المثل القائل ابن الوز عوام بس فى بحر الكوسة فى حالة مروان ابن حامد ابن الناس المحترميين على العموم انا قولت اعلق احسن احسن ما التعليق يوقف فى زورى

    ReplyDelete
  23. الأخت بت مصرية
    لك تحية من النيل الخالد
    اولا اهنئك على مدونتك الجميلة الرائعة وبصراحة ابداع يا ستى واجدع من ايتها صحفية...
    أعجبنى حديثك عن تيكن الذى اتابعه بشغف ولكنى اختلف معك فى اننى اصدق ان هنالك مخلوقات اخرى غيرنا ولا اسميها فضائية وقد تكون معنا فى دنيانا ولكنا لا نراها وفى ذلك استند على القرآن الكريم الذى حدثنا عن ياجوج وماجوج وعن السد الذى اقامه ذو القرنين لحبسهم ... هؤلاء معنا فى الارض ولكن لقصور بصيرتنا فلا نراهم لان البصر له مدى محدود ولا حتى كل التكنولوجيا الحديثة لن تخترق مداه الذى قدره الله ...
    متكىءً على هذه القصة اصدق ان هنالك مخلوقات اخرى لم يقدر الله لنا ان نراها ولكنها موجودة على كل حال وعدم رؤيانا لها لا ينفى وجودها ..
    دى نظرة بسيطة يا ستى من واحد شغوف بالمجهول والماورائيات..
    لك خالص تقديرى
    خالد محمدنور ادريس

    ReplyDelete
  24. الأخت بت مصرية
    لك تحية من النيل الخالد
    اولا اهنئك على مدونتك الجميلة الرائعة وبصراحة ابداع يا ستى واجدع من ايتها صحفية...
    أعجبنى حديثك عن تيكن الذى اتابعه بشغف ولكنى اختلف معك فى اننى اصدق ان هنالك مخلوقات اخرى غيرنا ولا اسميها فضائية وقد تكون معنا فى دنيانا ولكنا لا نراها وفى ذلك استند على القرآن الكريم الذى حدثنا عن ياجوج وماجوج وعن السد الذى اقامه ذو القرنين لحبسهم ... هؤلاء معنا فى الارض ولكن لقصور بصيرتنا فلا نراهم لان البصر له مدى محدود ولا حتى كل التكنولوجيا الحديثة لن تخترق مداه الذى قدره الله ...
    متكىءً على هذه القصة اصدق ان هنالك مخلوقات اخرى لم يقدر الله لنا ان نراها ولكنها موجودة على كل حال وعدم رؤيانا لها لا ينفى وجودها ..
    دى نظرة بسيطة يا ستى من واحد شغوف بالمجهول والماورائيات..
    لك خالص تقديرى
    خالد محمدنور ادريس

    ReplyDelete
  25. الأخت بت مصرية
    لك تحية من النيل الخالد
    اولا اهنئك على مدونتك الجميلة الرائعة وبصراحة ابداع يا ستى واجدع من ايتها صحفية...
    أعجبنى حديثك عن تيكن الذى اتابعه بشغف ولكنى اختلف معك فى اننى اصدق ان هنالك مخلوقات اخرى غيرنا ولا اسميها فضائية وقد تكون معنا فى دنيانا ولكنا لا نراها وفى ذلك استند على القرآن الكريم الذى حدثنا عن ياجوج وماجوج وعن السد الذى اقامه ذو القرنين لحبسهم ... هؤلاء معنا فى الارض ولكن لقصور بصيرتنا فلا نراهم لان البصر له مدى محدود ولا حتى كل التكنولوجيا الحديثة لن تخترق مداه الذى قدره الله ...
    متكىءً على هذه القصة اصدق ان هنالك مخلوقات اخرى لم يقدر الله لنا ان نراها ولكنها موجودة على كل حال وعدم رؤيانا لها لا ينفى وجودها ..
    دى نظرة بسيطة يا ستى من واحد شغوف بالمجهول والماورائيات..
    لك خالص تقديرى
    خالد محمدنور ادريس

    ReplyDelete
  26. الأخت بت مصرية
    لك تحية من النيل الخالد
    اولا اهنئك على مدونتك الجميلة الرائعة وبصراحة ابداع يا ستى واجدع من ايتها صحفية...
    أعجبنى حديثك عن تيكن الذى اتابعه بشغف ولكنى اختلف معك فى اننى اصدق ان هنالك مخلوقات اخرى غيرنا ولا اسميها فضائية وقد تكون معنا فى دنيانا ولكنا لا نراها وفى ذلك استند على القرآن الكريم الذى حدثنا عن ياجوج وماجوج وعن السد الذى اقامه ذو القرنين لحبسهم ... هؤلاء معنا فى الارض ولكن لقصور بصيرتنا فلا نراهم لان البصر له مدى محدود ولا حتى كل التكنولوجيا الحديثة لن تخترق مداه الذى قدره الله ...
    متكىءً على هذه القصة اصدق ان هنالك مخلوقات اخرى لم يقدر الله لنا ان نراها ولكنها موجودة على كل حال وعدم رؤيانا لها لا ينفى وجودها ..
    دى نظرة بسيطة يا ستى من واحد شغوف بالمجهول والماورائيات..
    لك خالص تقديرى
    خالد محمدنور ادريس

    ReplyDelete
  27. الأخت بت مصرية
    لك تحية من النيل الخالد
    اولا اهنئك على مدونتك الجميلة الرائعة وبصراحة ابداع يا ستى واجدع من ايتها صحفية...
    أعجبنى حديثك عن تيكن الذى اتابعه بشغف ولكنى اختلف معك فى اننى اصدق ان هنالك مخلوقات اخرى غيرنا ولا اسميها فضائية وقد تكون معنا فى دنيانا ولكنا لا نراها وفى ذلك استند على القرآن الكريم الذى حدثنا عن ياجوج وماجوج وعن السد الذى اقامه ذو القرنين لحبسهم ... هؤلاء معنا فى الارض ولكن لقصور بصيرتنا فلا نراهم لان البصر له مدى محدود ولا حتى كل التكنولوجيا الحديثة لن تخترق مداه الذى قدره الله ...
    متكىءً على هذه القصة اصدق ان هنالك مخلوقات اخرى لم يقدر الله لنا ان نراها ولكنها موجودة على كل حال وعدم رؤيانا لها لا ينفى وجودها ..
    دى نظرة بسيطة يا ستى من واحد شغوف بالمجهول والماورائيات..
    لك خالص تقديرى
    خالد محمدنور ادريس

    ReplyDelete
  28. الأخت بت مصرية
    لك تحية من النيل الخالد
    اولا اهنئك على مدونتك الجميلة الرائعة وبصراحة ابداع يا ستى واجدع من ايتها صحفية...
    أعجبنى حديثك عن تيكن الذى اتابعه بشغف ولكنى اختلف معك فى اننى اصدق ان هنالك مخلوقات اخرى غيرنا ولا اسميها فضائية وقد تكون معنا فى دنيانا ولكنا لا نراها وفى ذلك استند على القرآن الكريم الذى حدثنا عن ياجوج وماجوج وعن السد الذى اقامه ذو القرنين لحبسهم ... هؤلاء معنا فى الارض ولكن لقصور بصيرتنا فلا نراهم لان البصر له مدى محدود ولا حتى كل التكنولوجيا الحديثة لن تخترق مداه الذى قدره الله ...
    متكىءً على هذه القصة اصدق ان هنالك مخلوقات اخرى لم يقدر الله لنا ان نراها ولكنها موجودة على كل حال وعدم رؤيانا لها لا ينفى وجودها ..
    دى نظرة بسيطة يا ستى من واحد شغوف بالمجهول والماورائيات..
    لك خالص تقديرى
    خالد محمدنور ادريس

    ReplyDelete
  29. الأخت بت مصرية
    لك تحية من النيل الخالد
    اولا اهنئك على مدونتك الجميلة الرائعة وبصراحة ابداع يا ستى واجدع من ايتها صحفية...
    أعجبنى حديثك عن تيكن الذى اتابعه بشغف ولكنى اختلف معك فى اننى اصدق ان هنالك مخلوقات اخرى غيرنا ولا اسميها فضائية وقد تكون معنا فى دنيانا ولكنا لا نراها وفى ذلك استند على القرآن الكريم الذى حدثنا عن ياجوج وماجوج وعن السد الذى اقامه ذو القرنين لحبسهم ... هؤلاء معنا فى الارض ولكن لقصور بصيرتنا فلا نراهم لان البصر له مدى محدود ولا حتى كل التكنولوجيا الحديثة لن تخترق مداه الذى قدره الله ...
    متكىءً على هذه القصة اصدق ان هنالك مخلوقات اخرى لم يقدر الله لنا ان نراها ولكنها موجودة على كل حال وعدم رؤيانا لها لا ينفى وجودها ..
    دى نظرة بسيطة يا ستى من واحد شغوف بالمجهول والماورائيات..
    لك خالص تقديرى
    خالد محمدنور ادريس

    ReplyDelete
  30. الأخت بت مصرية
    لك تحية من النيل الخالد
    اولا اهنئك على مدونتك الجميلة الرائعة وبصراحة ابداع يا ستى واجدع من ايتها صحفية...
    أعجبنى حديثك عن تيكن الذى اتابعه بشغف ولكنى اختلف معك فى اننى اصدق ان هنالك مخلوقات اخرى غيرنا ولا اسميها فضائية وقد تكون معنا فى دنيانا ولكنا لا نراها وفى ذلك استند على القرآن الكريم الذى حدثنا عن ياجوج وماجوج وعن السد الذى اقامه ذو القرنين لحبسهم ... هؤلاء معنا فى الارض ولكن لقصور بصيرتنا فلا نراهم لان البصر له مدى محدود ولا حتى كل التكنولوجيا الحديثة لن تخترق مداه الذى قدره الله ...
    متكىءً على هذه القصة اصدق ان هنالك مخلوقات اخرى لم يقدر الله لنا ان نراها ولكنها موجودة على كل حال وعدم رؤيانا لها لا ينفى وجودها ..
    دى نظرة بسيطة يا ستى من واحد شغوف بالمجهول والماورائيات..
    لك خالص تقديرى
    خالد محمدنور ادريس

    ReplyDelete
  31. بدات اتابعه متاخره مكنتش معجبه بيه قوي في اول حلقاته
    محستش انه اضاف كتير للمسلسلات و الافلام اللي اتعملت عن الفضائيين قبل كده نفس الافكار
    بس حبيت قوي تعليق البنت الصغيره و شخصيتها لما ظهرت كيوت قوي


    بس انا عايزه اقولك ان حتى البوست ده اعلان للمسلسل يا زيزي
    :)

    ReplyDelete
  32. الاخ خالد محمد نور
    والله العظيم بنشوف كويس مش لازم تبعت التعليق 3 مرات
    لك التحية
    احمد العزيزي

    ReplyDelete
  33. ايه يا زيزي .. لا اسكت الله لكي حسا .. اخبار الجاتو و البسلة ايه ؟؟

    ReplyDelete
  34. بصراحة أنا شفت المسلسل
    وزعلت كثير لم خلص

    والنهاية أنه البنت الصغيرة آلي تروح مع الفضائيين

    وأنا من عشاق الخيال العلمي

    والرعب كمان

    وأعتقد انه المسلسل ممتاز من جميع الجهات

    من وجهة نظري أطن أن هناك كائنات فضائية

    يار يت يوصلو للأرض ونتعرف عليهم

    وأتمني كمان انه أكون أنا عايش لما ييجو

    لا تقولو أنا غبي أنا بس خيالي وااااااسع

    تحياتي للجميع ولصاحبة الموضوع

    ReplyDelete