8/21/2006

أحاديث عنها

تسألنى عن نجاة
أقول لك أنى أحب أكثر ما أحب من أغانيها دوارين فى الشوارع
ترفع حاجبك الأيمن للتعجب وتسألنى لماذا
أصمت قليلا، ربما أغمض عينى لأقل من ثانية ولن تلاحظ أنت ذلك
ثم أقول لك مطمئنة: حاجات كتير
مستعدة أنا لأتحدث عن الأغنية وعن أسباب حبى العديدة لها
لديك من الوقت ومن الفضول لتعرف ما هى هذه الحاجات الكتير
سأعطيك الإحساس بالأمان لكى تسأل ويطول الحديث فأنا أيضا لدى نفس الوقت والرغبة للحديث عن تلك الأغنية

استجمع الكلمات.. أريد أن أمسك بالسبب الأول.. فقط أحتاج للبداية

دوارين فى الشوارع، روح الرحبانية تسيطر فى هذه الأغنية - نعم سأتحدث عن الموسيقى أولا- كأنها فيروز التى تغنى. ستفاجىء فى كل مرة أنها نجاة وليست فيروز، ومع ذلك فالأغنية لنجاة.. بتلبقلا كتير

ستصدق أن نجاة رغم خجلها البادى على وجهها دائما، تبيع الفل - حسنا، أتخيله فلاً دائما وليس ورق يانصيب- وأنها تبحث عن أطلال الحبيب كشاعرة جاهلية - هل كانت الشاعرات يبحثن عن أطلال أحبائهن مثل الشعراء؟ - بائعة الفل تفعل، وأنا أحب أنا أشاهد بين الحين والآخر علامات الحب القديم

دوارين فى الشوارع .. دوارين فى الحارات
يا شباكهم ياللى ضايع.. من عنيا سلامات

ستتعلم إذن ألا تحكم على الناس من ملامح الوجه، سيكون لديك القابلية لتعرف ماذا يفعلون ويرغبون، بالضبط مثل تلك الصغيرة الخجلى التى لديها الرغبة فى الدوران فى الشوارع وبيع الفل

كيف تغنى بائعة الفل، وكيف تنساب النغمات وتصب فى أذنى وتجرى الكلمات على لسانى.. أصبح أنا أيضا بائعة فل

يا أهل الهوى ندهتونا لحيكم .. وأهو جينا لحيكم، إزيكم

هل تعرف أنى أحب الفل.. عندما أسمع تلك الأغنية أرى ليالى الصيفية معقودة كحبات الفل وأشم رائحة البحر من تلك الحبات.. إنهم يدورون فقط هناك فى تلك الليالى.. أريد أن أدور معهم، أدور فى الأحياء.. أبيع الفل للبنات

طلى من خلف الستاير يا قمر.. أنا وردة عايشة من ليل السهر

ستطل البنات من خلف الستائر.. وسأحكى لهن عن الشوارع .. سأبيع كل الفل.. وأرضى كل البنات.. وسيبتسمن لى ويتمنين لو أنهن مكانى.. سأرد بابتسامة وألقن السر لمن ألمح فى عيونهن البريق

أنتبه أنى استغرقت فى كشف أحلامى وأتوقف عن الكلام.. أراقبك لعلك تدعونى لاستكمال ما أحدثك عنه. لا أجد لديك اهتماما كافيا أو تشجيعا للاستطراد فى البوح، أعتذر إذن عن أسبابى الواهية ونغير الموضوع.. تتحدث عن إيمانك بدور المرأة فى المجتمع، تبدو متحمسا للدفاع عنها.. أبتسم موافقة، وبداخلى لاتزال تدور الفتاة الخجلى بعقد الفل الذى لا تشمه أنت

16 comments:

  1. زيزي برغم اني مش من هواه نجاه قوي لكن ليها شويه حاجات بحبهاا
    وواضح من كلامك علي الاغنيه دي انها هتنضاف للقائمه بتاعتي

    ReplyDelete
  2. يا أختشى كملى كلامك وسيبك منه
    بحب كتاباتك
    بس أول مره أسيب كومنت
    على فكره المدونه بتاعتك عليها عفريت كل مادخل عليها يلبسنى فيرس
    أو تفتح شاشات كده ملهاش لزمه
    وأحيانا الصفحه بتاعتك بتكون تقيله
    متهيألى تبخريها
    العين وحشه وأنتى حسادك كتير
    العواف

    ReplyDelete
  3. This comment has been removed by a blog administrator.

    ReplyDelete
  4. جميل
    :)
    بوست رقيق جدا وحالم
    على عكس ما يحدث من حولنا

    ReplyDelete
  5. آه لو تعرف .. رائعة نجاة المفضلة لدي والتي تحمل لي ذكريات غالية وعزيزة جداً..

    ReplyDelete
  6. نجاة , صوت القلب
    انها رائعة عندما غنت , وعندما مثلت ,

    Aoossa .
    مش انتى بس اللى بيطلعلك العفريت ده , الظاهر انه من كتر الحاجات اللى فى الصفحة فيه حاجة بتتقرا انها
    trajon
    من روائعها ايضا
    عيون القلب , انا بعشق البحر

    ReplyDelete
  7. متشكر جداً على الأغنية

    ReplyDelete
  8. انا في نت دلوقتي فمعنديش وقت اقرا الوست ده...وبالتالي مش هاعلق عليه دلوقتي...بس عايز اسالك انتي ليه مش مهتمة ب"بتكزن"عمال اكتب تعليقات وانتي منفضالي

    ReplyDelete
  9. شكرا يا جماعة على تعليقاتكم
    بستأذنكم تدعو لابن خالتى بالرحمة، وتقروا له الفاتحة

    ReplyDelete
  10. اولا البقاء لله.....ثانيا انا اسف انا افتكرتك زهقتي من تعليقاتي زي واحد بيعلق بشعر دايما كده ولقيتك كاتباله تعليق يدل علي انك مخنوقة منه وعايزة تشيلي تعليقاتوا...معلش اسات الظن بيكي...شدي حيلك

    ReplyDelete
  11. اولا رحم الله كل القلوب الطيبة التي فارقتنا ونتأمل من الله ان نلاقيها في جنات الخلد ... آمين
    كنت فاكر الاغنية لفيروز فعلا .. انا معاكي
    عايز اقول لأوسا فعلا المدونة بقيت فيها زيادات ممكن الاستغناء عنها وبتتأخر في الفتح بس مافيهاش تروجان ولا فايرس فيها كل الخير

    ReplyDelete
  12. البقاء لله ........رحمة الله عليه وعلي موتانا جميعا

    انا كنت ناوي اكتب كومنت بس فضلت عدم كتابته احتراما لحزنك

    ReplyDelete
  13. ومن الذي لايحب نجاة
    ومن لايسكر مع الحس الموسيقي الشعبي في ألحان دوارين في الشوارع
    أو يحس أن كلمات الأغنية من تأليف الشاعر الشعبي المجهول الذي لايعرف اسمع أحد غير ان الجميع يعلم أنه جزء من نسيج المجتمع المصري

    ReplyDelete
  14. أعظم الله اجركم
    لله ما اعطي ولله ما اخذ وكل شئ عنده باجل مسمي
    انا لله وانا اليه راجعون

    اللهم اغفر له وارحمه
    اته دارا خيرا من داره
    واهلا خيرا من اهله
    ونقه من الخطايا كما ينقي الثوب الابيض من الدنس

    امين

    بلغي تعزيتي لاهله ان امكن
    جزاكم الله خيرا

    ReplyDelete
  15. البقية فى حياتك الله يرحمه ويرحم كل امواتنا .. واحياءنا كمان ويرحمنا من اللى بنعانيه كل يوم بيطلع علينا انا بقالى كتير ما دخلتش ع المدونة بتاعتك بس بتابعها دايما يمكن لانى بحس حالى برتاح لما بشوف موضوعاتك (حالى دى لبنانى بس انا مش لبنانى وان كنت اتمنى اكون لبنانى راسى مرفوعه برغم كل ياللى صار _ خطيبتى لبنانية علشان كده لقطت اللهجة منها )بس دلوقتى عايز انوه عن موضوع مضايقنى اوى سمعت انه نقل رمسيس هيكلف الدولة 20 مليون (مش عارف الخبر صحيح او لاء)بس اكيد هيتكلف كتير اوى لما سمعت الرقم سالت نفسى سؤال مش هاقول الشباب كانوا اولى بيها احنا خلاص مش منتظرين حاجة منها ولا هاقول عايزين شقق نتجوز فيها او وظايف او مشروعات كان اولى بالفلوس دى تروح ليها
    بس سؤالى وبدهشة عن الاعلان اللى كان بيطلع علينا كل يوم بتاع ساهم ولو بجنيه بتاع تبرع مستشفى السرطان تاعول الاطفال منين مش قادرين نبنيها وبنقول مفيش وقت ومنين بنصرف الملايين علشان شوية حجارة لا بتقدم ولا بتاخر ونجند وسائل الاعلام للموضوع وكانه حدث تاريخى ربنا ع الظالم ولسه ياما هنشوف
    واخيرا عايز اضيف حاجة
    الاغنية المشهورة اللى بتقول ما تقولش ايه اديتنا مصر وقول هندى ايه لمصر
    اول مرة اكتشف ان مؤلفها صادق لما قال ما تقولش لانه عارف ومتاكد وعلى يقين انها ما بتديش حاجة اسف للاطالة وشكرا

    ReplyDelete