8/28/2006

يا كل المدونين.. مصريين.. وعرب.. شاركوا

فرصة أتت لنا ولم نسعى إليها.. نحتاج أن يسمع العالم صوتنا، ربما تكون البداية هو عالم المدونين الذى ننتمى إليه.. ليسمع المدونون من أنحاء العالم صوتنا.. لنستغل فرصة إحتفالية يوم المدونة العالمية

ماهو يوم المدونة:

بدأت فكرة يوم المدونة بإعتقاد أن المدونين يجب أن يكون لهم يوم مخصص للتعرف على مدونين آخرين، من دول أخري أو مناطق مختلفه واهتمامات مختلفة. في هذا اليوم سيقوم المدونين بترشيح بعض المدونات ليقوم زوار مدونته بمطالعه هذه المدونات. من هنا جاءت الفكرة.. لنعطى المدونين من جميع أنحاء العالم الفرصة للتعرف على الصراع العربى الإسرائيلي وأخر أحداثه "الحرب على لبنان" .

ماذا سيحدث في يوم المدونه؟ :

خلال يوم 31 أغسطس، سيقوم مدونون من كافه أنحاء العالم بتدوين أسماء 5 مدونات يرشحونها، ويفضل أن تكون هذه المدونات من ثقافات غير ثقافاتهم، وليست بالضروره تتفق مع وجهات نظرهم أو توجهاتهم. في هذا اليوم، سيتاح لمتصفحين المدونات أكتشاف مدونات جديدة، مدونات لم يعلموا بها، أجواء أحتفاليه بإكتشاف أشخاص جدد ومدونين جدد.


دورنا:

الفكرة الأساسية التي سنعمل عليها هي كتابة مقدمة بسيطة ومختصرة توضح ما ترتكبه اسرائيل في حق العرب عموما والفلسطينين و اللبنانيين خصوصا، وهذا معناه أننا سنتحدث عن مذابح اسرائيل في كل من فلسطين ولبنان مثل مذبحة خان يونس ( التي تصادف ذكراها الخمسون نفس يوم الاحتفالية ) ، مذبحتي قانا ، والمذابح الأخرى التي تعرض لها عالمنا العربي على يد هؤلاء القتلة.


كيفية المشاركة:

1
قم بتجهيز تدوينة ما تضم مقدمة مختصرة ومليئة بالمعلومات المفيدة عن ذلك الكيان الصهيوني وأفعاله الدنيئةز

2
أرفق بتدوينتك خمس مدونات تعرفها تتحدث عن الحرب واسرائيل بما يوضح الصورة الكلية ويساهم أكثر في تعميق الفهم الغربي لقضيتنا، و حاول أن تنوع في الموضوعات التي تختارها و كلما كانت المدونات تتحدث عن أرقام و إحصاءات كلما كانت مهمة أكثر، وخاصة لو كانت تلك الأرقام والإحصاءات معتمدة أو مأخوذة من مصادر رسمية وليست مجرد كلام في الهواء.

3
لا تنس أن تكتب لمحة مختصرة عن كل مدونة وحاول التنويع قدر الإمكان ولا تعتمد على أسلوب واحد كأن تقول مثلا (مدونة جميلة لابد أن تذهب لها ، مدونة رائعة لا بد أن تزورها .. الخ ) .

4
أنشر تدوينتك في يوم 31 أغسطس


أضف واصفة tag إلى تدوينتك باستخدام هذا الرابط
http://technorati.com/tag/BlogDay2006
وأضف ارتباط لموقع الاحتفالية
http://www.blogday.org/
. تلك الخطوة ضرورية حتى يتم ايجاد تدوينتك بسهولة


س-ج : ألا تعد المشاركة في هذه الاحتفالية نوعا من التطبيع ؟

في رأيي الشخصي : طالما أن الفكرة تبناها عدد كبير من المدونين حول العالم وسيشارك فيها جمع كبير فليس هناك فرصة أكبر لايصال صوتنا لهذا العالم، و حتى إن كان صاحب الفكرة مدون اسرائيلي فأنت هنا لا تتعامل مع اسرائيل أو مدوني اسرائيل فقط بل مع مدوني العالم كله. ومن أعمالهم سلط عليهم.


لا تنسوا إذا رغبتم أيضا إضافة أسماء شهداء مذبحة خان يونس في ذكراها الخمسين.

يمكنك الحصول على قائمة ب 100 اسم من شهداء المذبحة الثمانمائة من مدونة فلسفات :


مدونات يمكنك الاستعانة بها والحديث عنها :

http://israelicrimes.blogspot.com/
http://lebop.blogspot.com/
http://ahjunior-liban.blogspot.com/
http://lebatteurnoble.blogspot.com/
http://beirutspring.blogspot.com/
http://chercheusedor.blogspot.com/
http://ibosblog.blogspot.com/
http://colddesert.blogspot.com/

حتى تنجح تلك الفكرة.. نحتاج من كل مدون أن يشارك بتدوينة فى هذا اليوم.. كلما زاد العدد كلما زادت فرصة الانتشار.. اذا اقتنعت بالفكرة لا تتكاسل عنها.. وانشرها بدورك فى مدونتك قبل يوم الاحتفال وارسلها من خلال ايميلك لأصدقاءك من المدونين


ولا تنسوا.. حتى لا نخاطب أنفسنا : اجعلوا تدويناتكم باللغات الأجنبية


38 comments:

  1. اذا كان صاحب الفكرة اسرائيلي فليس هذا مدعاة الى نبذها لمجرد جنسية صاحبها؟؟ فلسنا عنصريون لسنا ضد اي دين او اي جنسية ... نحن ضد اغتصاب الارض بالقوة ، ولنعترف ان عدونا اكثر تحضرا ونعمل من اجل تغيير هذا الواقع .. وفي هذا السياق احيي صاحبة المدونة على سعيها الدؤوب لتطوير مدونتها ومساعدة المدونين الجدد دون مقابل 0
    واتساءل هل اذا دعينا للتحاور مع عدونا هل نرفض ام نقبل ؟؟
    واذا كانت الاجابة بالسالب ..فالى متى نظل بهذا الجمود0

    ReplyDelete
  2. احمد اسمحلى أوضحلك كام نقطة

    اولا: رفض التطبيع مع اى مواطن اسرائيلى عايش فى بلادنا المغتصبة - وحكومته طبعا- مش عنصرية، دى مقاومة، ودفاع،
    احنا لسه بنعتبر اسرائيل العدو.. مش الصديق، ورفضنا للتطبيع معاها بأى شكل حق لينا مش اعتداء على حق حد.. هما المغتصبين، كمان رفضنا للتطبيع موجه للاسرائيلين وليس اليهود.. احنا عارفين ان ليس كل يهود العالم اسرائيلين، الموضوع ملوش علاقة بالدين

    ثانيا، احنا حبينا نوضح لمن تساوره شكوك بخصوص ان مشاركتنا تعد نوع من التكبيع، ووضحنا وقلنا لا لا تعتبير تطبيع.. يمكن مصدر الفكرة مدون اسرائيلى لكن الاحتفال عالمى وبيهتم بيه مدونين من كل العالم.. ثانيا المفروض زى ما انت ما قلت نبطل جمود ونتعلم ازاى نستغل كل فرصة نوصل بيها صوتنا للعالم.. ودى فرصة كويسة لعرض قضيتنا

    بشكل شخصى تماما.. كل سنة ههتم بالاحتفال بيوم المدونة على طريقتى الخاصة وهى التعبير عن قضيتى للعالم - حى لو كان العالم ده هو عالم المدونيني اللى لسه صغير نسبيا

    ---------------


    فضفضيشن

    ربنا يكرمك ع الدعوة الحلوة دى :)

    ReplyDelete
  3. HEHEHEHEHEHEHEHEHEHEHEHEHEHEHEHEHEHEHEHEHEHEHEHEHEHHEHEHEHEHEHEHEHEHEHEHEHEHEHEHEHEHEHEHEHEHEHEHEHE

    sorry...sorry...ma3lesh...bas...
    Hehehehehehehehehehehehehehehehehehehehehehehehehehehehehehehehehe

    ReplyDelete
  4. ahap
    اولا اشكرك من كل قلبي علي الفكره

    اما عن التدوينه باللغه الانجليزيه

    فذلك صعب

    علي الاقل بالنسبه لي

    ReplyDelete
  5. اولا نشكرك علي الفكره
    وهي رائعه مثل مدونتك تماما
    ولكن

    هل لابد من ان يكون التدوينه

    باللغه الانجليزيه

    AHAP

    ReplyDelete
  6. sandmonkey

    tyab rabena yebsetk kaman we kaman we tefdl ted7k 3ala6ol

    bs wennabi lama ted7ak 2t3 el etashat 3shan bawzt elsafa7a ya fendem
    ya3ni, 7'd balk we e3mel keda mathaln:
    hehehehehehehe masafa hhhhhhh masafa hhhhhhh

    ------------
    عادل
    طيب هنحاول ننزل بوست موحد مترجم.. لو اى حد يحب ينزله ياخده

    ReplyDelete
  7. فكرة حلوة ربنا يوفقك و انا ممكن احاول اشارك في الحوار ده

    ReplyDelete
  8. This comment has been removed by a blog administrator.

    ReplyDelete
  9. عندي تعليق علي الفكرة
    وعندي تعليق علي بعض التعليقات

    اولا ساند مونكي من الكتاب اللي بيكتبوا اراء جديرة بالقراءة جدا
    وانا من الناس اللي بتقراله بشكل دائم
    ورغم اني لا اعلق عنده الا انني اقرا
    ومش شرط اقتنع بكل كلمة قالها
    بس بقراله وبعرف ان الناس مختلفين وكل منهم له وجه نظر تكون محل تقدير مهما كانت الفكرة او الراي غير متوافق مع رايك

    اما ان يقول احدهم ان بنت مصرية فاضية" عشان سابت لساند مونكي تعليقا مليئ بالسخرية ويمكن يكون مستفز
    فلو كان ساند مونكي سخيف في تعليقه المستفز اللي هو كله ضحك
    فانا شايف ان بنت مصرية
    took it very easy
    بينما رد فعلها ده
    كان سبب ان حد يتهمها بالتفاهة ضمنيا او تصريحا مباشرا

    وانا ياما اتخانقت مع بنت مصرية " مش ضرب طبعا" واختلفنا
    بس يعني البنت بتحاول وتشارك وتتعلم وتناقش وتحاور وتروج وتيجي
    وعشان تعليق واحد منها علي ضحك ساند مونكي
    تعليق واحد بس
    يبقي بقت واحدة فاضية؟

    بالنسبة للفكرة بتاع يوم التدوين اصلا
    انا مش مقتنع بيها قوي
    بس حشارك
    بس المقالة اللي حكتبها ستكون مختلفة عن المطلوب الاصلي
    لاني مش مقتنع بيه انه ليه لازمة اصلا
    لكن معنديش مانع
    اشارك بموضوع باللغة الانجليزية يعبر عن رايي الشخصي في قضية لبنان واسرائيل بالتحديد ساحاول ان تكون موضوعية

    ممكن ؟

    ReplyDelete
  10. بجد فكرا جامده اوى
    ربنا معاكو

    ReplyDelete
  11. احمد
    اسمحيلى يا فندم.. كلمة مبتذلة دى جامدة عليا اوى.. اوى اوى كمان.. واذا كنت مالقتش اى دلالات فى ردى اللى - انت اعتبرته طويل - على ضحكة ساندمنكى، فاعتقد انها وصلت لساندمنكى زى ما انا عايزاها بالظبط والا يبقى هو كمان مابيعرفش يقرا ما وراء التعليقات

    وبعدين ايه علاقة الرد على التعليقات من عدم الرد عليها بانى فاضية او مش فاضية؟؟ وكمان هل "فاضية" دى تعتبر تهمة؟؟ وبعدين لما اكون فاضية على حد تعبيرك وبكتب تدونيات انت قلت انك بتحترمها وتبحث عن ايه فى الصميم والبتاع.. يبقى دا معناه انى فاضية؟؟؟

    مبتذلة؟؟؟؟
    بتقولى لا نريدك مبتذلة؟؟؟ كلمة زى دى انا بعتبرها سب.. صحيح سب لابس عباءة الفصحى، لكن سب

    يا سيدى ربنا يكرمك.. ويرزقك القدرة على قراءة ما بين السطور
    ----------------

    بن عبدالعزيز
    ميرسى يا زيزو على وقفتك جمبى.. ربنا يخليك يارب... شفت؟ دا مش بيقولى فاضية بس.. دا بيقولى مبتذلة.. اه يانى.. والواحد بعد العمر دا كله يتقاله كلمة زى دى

    الحمد لله انك فهمت تعليقى.. احسن اكون انا الوحيدة اللى فهماه واطلع فى عيون كل الناس مبتذلة.. انا مبتذلة؟؟

    قوله يا عبدالعزيز.. قوله انا بتعلم ازاى من المناقشة والاراء المختلفة.. قول انى مش هنا عشان لما اقول كلام يبقى كله صح ومقدس ومفيش خلاف عليه.. قوله ان طبيعى الاقى خلاف.... قوله والنبى انا مش مبتذلة

    اوكى، نتكلم باه.. انا اساسا اول ما عرفت خالص عن فكرة الاحتفال بيوم المدونة العالمى، فرحت لانى بهيص فى الاحتفالات والمناسبات وخصوصا لو حاجة بحبها زى التدوين، ودخل دماغى اوى كمان لما فهمت من اللوجو ليه اختارو 31 اغسطس.. فهمت لوحدى بصراحة وكنت فرحانة بنفسى :) وبعدين اكتشفت ان العبقرى صاحب الفكرة مدون اسرائيلى، فقلت فى بالى يلعن دى مشاركة، مش لاعبة معاكو.. بس لحد ما كنت بتكلم مع ابويوسف، وجه فى بالنا نشارك بنظام العصابات والخطط والحاجات دى ونقلد شوية اولاد العم فى انتهاز اى فرصة والامساك بأى بوق وكلام م الكبير ده.. ويمكن تكون فرصة نعرف المدونين فى العالم عن لبنان.. اهى محاولة مش اكتر.. ممكن اللى يقرا يكون واحد او عشرة او الفين او عشر تلاف .. مش مهم العدد وخصوصا ان الموضوع مش عايز مجهود ولا متعب.. انا توقعت ان المدونين هيتحمسوا.. وبصراحة كتير تحمسوا انا منتظرة الاقى تدوينات كتيرة يومها.. وطبعا لازم الاقى حد ييجى يضحك هنا ويسخسخ من كتر الضحك لحد ما يبوظلى تصميم الصفحة الخاصة بالتدوينة.. اسكت انا باه ساعتها ع التصميم؟؟؟
    المهم خلينا فى موضوعنا.. احنا اللى قلنا عليه مجرد اقتراح، مش ملزم، وطبعا من حقك تكتب رأيك وتختار التدوينات اللى تحبها وتشارك فى الاحتفال.. ما هو المدونين بتوع بلاد بره يبقوا مخهم صغير اوى لو مفكرين ان كلنا اراءانا موحده تجاه القضية :)) اكتب يا بنى اكتب يمكن حد يسمعك وما يضحكش عليك ولا يقولك انك فاضى او مبتذل.. انا مبتذلة انا؟؟
    --------------------

    ابن الشارع
    ايدك معانا طيب :)

    ReplyDelete
  12. أحمد
    أنت أسأت بدون أى مبرر
    حاول تكون موضوعى شويه
    ومش بالضروره أنك تنتظر على كل تعليق تسيبه رد وشهادة تقدير
    أرجوا أنك تراجع نفسك وتعتذر

    بنت مصريه
    أقترح وجود أكتر من ستامبا
    أى نسخ بالأنجليزى عن نفس الموضوع
    على أن يقوم كل مدون يرغب فى نسخ الموضوع ونشره لأن قضيتنا واحده
    والمدونات فى العالم أصبحت من الأصوات العاليه ويجب الأستفاده من هذه التكنولجيا فى توصيل قضيه غايه فى الأهميه
    أشكرك على أهتمامك بتوصيل هذه المعلومه وأرجو مشاركة باقى الزملاء

    ReplyDelete
  13. السلام عليكم اولا عايز اسجل هنا اعتزازى بالمدونة دى وتعلقى بكل ياللى بيتكتب فيها ودايما لما بيحصل اى حاجة فى البلد بدخل هنا وباكون متاكد انى هلاقى كلام يريحنى ويحسسنى انى مش لوحدى اللى بعانى من اللى بيصير ببلدنا وبقطرنا العربى كله
    ثانيا عايز اوجه شكر خاص لبنت مصرية على نشرها الفكرة دى لانى على اقتناع تام ان الانتر نت وتحديدا المدونات هيا اسرع واسهل واضمن وسيلة لوصول صوتنا للعالم الغربى كله بعيد عن اى تعتيم او اى تدخل سياسى لمنع وصول صوت الناس واعتقد برأيى الشخصى ان النوع ده من قنوات الحوار بيكون ليه تاثير واللى شايف ان الحوار مالوش لزوم يسال نفسه ليه اسرائيل ضربت تليفزيون المنار وقت الحرب لو كان الاعلام مالوش تاثير فما بالكم بالمدونين ومتصفحى الانتر نت المفترض فيهم ثقافة ودرجة من الوعى يمكن اكتر من غيرهم
    ثالثا اضم صوتى لصوت الغريب على ان كل من يملك ادوات اللغة يكتب موضوع على حدا وينزلوا كلهم مع بعض فى بلوجر منفصل وكل مدون لا يملك ادوات اللغة يختار الموضوع اللى يناسبه وينزله بمدونته وبكده نضمن اكبر عدد من المشاركات وباراء متنوعه وطبعا كل ده لازم يحصل قبل يوم الاحتفاليه

    ReplyDelete
  14. الغريب
    انا معاك فى حكاية التنوع، وبصراحة انا فكرت بالنسبة لى لانى معنديش وقت والاحتفالية خلاص مفيش يومين، انى هاخد اقتباسات بسيطة من المدونات اللى هخترها.. طبعا المدونات اللى هخترها هتبقى بالانجليزية وهاخد منها اقتباسات تعبر عن القضية وتشوق انهم يدخلوا للمدونة ويعرفوا بتقول ايه

    اهى دى طريقة بردو للى يحب يشارك.. اى شكل من المشاركة يا جماعة، واى اقتراح، اقولوه، كلنا بنفكر سوا ونشتغل سوا

    aichany
    وعليكم السلام ورحمة الله وبركاته.. شكرا جدا على كلامك .. اخجلنى.. وحملنى مسئولية مش قدها :) انا معاك فى كل كلمة قلتها عن اهمية الاعلام.. دا اللى بحلم بيه من زمان.. نت او جرريدة او مجلة او اذاعة او فضائية.. اى صوت

    ReplyDelete
  15. اسف على كلمة مبتذلة وكلمة فاضية
    ربما خانني التعبير ..
    ابن عبد العزيز
    اشكرك على التوضيح لكني لم أشأ ان اتهم احدا بالتفاهة لا ضمنا ولا صراحة فقط اردت لفت الانتباه
    بنت مصرية
    اكرر اعتذاري لاني لم اكن محقا بالمرة
    واعترف باني في اول طريق ..قراءة مابين السطور .....واشكر دعواتك

    ReplyDelete
  16. هو انا مع ان مدونتي(انا ومنجي طبعا)بالعربي....هاحاول اخلي عمي او اي مترجم من اللي في اخبار الادب(زمايل ابويا)يترجمها للايطالي...هاترجم موضوع صغير بس فيه صور كتير عن المجازر اللي حصلت في الموضوع الاخير.....واللي عايز يبقي ياخد الموضوع ياخده براحته بس ابقوا افتكرونا والنبي علشان البلوج مابقلوش شهر وعايزينه يتشهر كده....والاخ اللي بيقول ان بنت مصرية مبتذلة...عايز اقولك انها من اكتر البنات اللي احترمتهم في حياتي...هي والمدونات البنات كلهم...مش زي البنات الفهه اللي ماليين المولات والنوادي...مصر لسه بخير وبعدين عيب تقول كده...كان ممكن تعبر عن احتجاجك بطريقة مهذبة شوية وبطريقة نصيحة مش سب علني

    ReplyDelete
  17. علي فكرة انتي عطلتي حملة كنت ناوي اعملها وكنت جهزت كل حاجة علشان اقوم بيها...وكده هاتعطل في 3 ثانوي...وكنت متنرفز اوي لاني كنت عايزك تساعديني في نشرها انتي وبلوجرز تانيين زي مانشرتوا دعوة اخويا بتاعة ويكبيديا...بس هاساهم انشاء الله...وعايزك تدخللي الارشيف بتاعي وتشوفي موضوع اسمه الارهاب الصهيوني وتقوليلي رايك اترجم تعليقاتي اللي علي الصور للغات اجنبية ولا اكتب رايي في موضوع عادي...وياريت تردي عليا قبل الحملة ما تبدأ

    ReplyDelete
  18. يا ريت تدخلي البلوج عندي مرة واحدة في حياتك وتقري موضوع "ماحدش يفهمني غلط....وموضوع من الارشيف اسمه"جه يكحلها عماها"وقوليلي انا سبيت الذات الالاهيه ولا لسه مؤمن

    ReplyDelete
  19. أفكارك دائما سباقة تحياتي

    ReplyDelete
  20. أحمد باشا متعتذرش يا فندم لي انا
    انت مقلتش اي حاجة ف حقي
    ولو عملتها في مدونتي مش حطلب منك تعتذر ولا حقبل اعتذار
    ببساطة لان حتي لو رايك مش عاجبني فهو رايك
    حدافع عن نفسي بس مش حطلب منك تعتذر

    اما بنت مصرية فهي ادري بنفسها
    تعتذر لها او العكس
    دي مسالة تخصها هي

    وعلي كل حال الموضوع بسيط
    تيك ات ايزي

    يا بنت مصرية
    هو بصراحة كلمة " تفاهة " بقت كلمة سهلة علي بقنا كلنا
    وبنحدفها علي بعض بسهولة
    وعاوزين كلنا بس نختار حد تافه بجد قبل منرميه بالكلمة دي لو حزقانا اوي يعني

    يعني انا ما دافعتش عنك عشان بينا بزنس واللا حاجة :)
    كلمة حق وكان لازم اقولها
    بس متخديش علي كدة قوي عشان حنشبك مع بعض تاني ;)
    وربنا يخلي المحبة والاخوة وكل الحاجات الانسانية دي فوق مستوي الخلاف دائما
    حلوة فوق مستوي الخلاف دي...صح؟
    :)

    علي فكرة ساند مونكي بيكتب مواضيع كويسة قوي
    ياريت يبقي من جملة الناس اللي بنقرالها احيانا
    دي حتي دعاية كدة :)
    بس والله معرفه ولا يعرفني ولا فيه بينا بزنس :)

    موضوع التدوينة بقي
    منكم لله شتتونا

    المدونات اللي اخترتوها اصلا
    حاسس انها مش محايدة
    ودي مش معناه اني منكر ان فيها جرائم اسرائيلية في حق اللبنانيين والفلسطيين
    بس قصدي

    خلي اللي يكتب يكتب بدون تاثير عليه من مصادر منتقاة
    بل ليكن خليط من قراءات عدة

    انا شخصيا وان كنت اري " اسرائيل " دولة معتدية
    فانا لا اراها دولة فريدة من نوعها
    الا في شئ واحد الا وهي عنصريتها المبنية علي العنصر اليهودي
    واللي فيه عندنا شبه برضك واسمه العنصر العربي
    فا حنا وهما نتشابه في بعض الملامح برضك
    فيمكن محتاجين نكون صرحاء مع نفسنا ونحن نتحدث عن الموضوع بشكل عام
    علي كل حال انا قربت اخلص الموضوع بالانجليزي
    والهدف منه مش مصارعة الاسرائيلين ولا خلق حرب علي الانترنت فضلا عن اللي ولعت الدنيا علي الارض

    انا عاوز اكتب شئ يساهم في حل المشكلة
    اللي يقراها يتحرك خطوة لقدام
    او علي الاقل احاول

    اديني بحاول

    ReplyDelete
  21. فكرة جميلة شكرا لك على توجيه اليوم إلى فكرة إيجابية
    أنت مبدعة بالفعل

    ReplyDelete
  22. انا عايز اسال سؤال وياريت تردي النهارده علشان الحملة بكره....انا لازم اعمل اعلان لخمس مدونات؟؟

    ReplyDelete
  23. بالنسبة لساند منكي...انا مادخلتلوش كتير...بس لما بادخل باحس انه عامل المدونة ديه علشان يشوه صورة مصر مش علشان يصلحها....زي واحد قراني غلط وافتكرني ضد الاسلام مع اني مسلم وقالي ادخل بلوجي ولقيته بيسب ويلعن في المسلمين.....وعامل اعلان لقبتك ايجبت...مش عارف الناس ديه عايزة ايه...انا ليه صحاب كتير مسيحيين...بس انا مش عارف المدونين اللي باقول عليهم دول عايزين ايه...صحيح هم مضطهضين في البلد ديه بس مش لوحدهم...لان ببساطة مبارك ده ولا مسلم ولا مسيحي ده يهودي مدسوس من اسرائيل....انا عارف ان كلامي ده هايعمل مشكلة عندك في البلوج يا زيزي بس انا اسف...علي العموم انا ماشتمتش حد....بس انا مدايق من ساند منكي ده جدا وبالذات لما دحك علي الدعوة...يمكن يكون بيدحك علي حاجة تانية...الله اعلم....ولو بيضحك علي حاجة تانية انا اسف

    ReplyDelete
  24. برضه فيه حاجة مش واضحة قوي بالنسبة لي .. بالنسبة للتدوينة الرئيسية اللي يفترض بينا كتابتها .. إيه إطار الكتابة بتاعتها ؟ نفس الإطار المباشر اللي بيتكتب في وسائل الإعلام أو فيه أفكار مختلفة؟ ياريت نناقشها فترة اليوم اللي فاضل قبل 31/8.. وأهو نتشاور علشان إطار عملنا يبقى واحد ..

    ReplyDelete
  25. أحمد
    هو موضوع ساند منكى مكنش محتاج قراية بين سطور ولا حاجة.. واحد داخل يضحك على الفكرة
    ------------

    عربى
    ايوه يا عم ما هى الاخبار مصلحة باه :)
    بس متشكرين على الوقفة الجامده دى :) ربنا يدوم الاحترام المتبادل

    ابعتلى عن تفاصبيل الحملة بتاعتك وننشرها سوا، ايميلى
    bentmasreya_a1@yahoo.com

    والله بدخل على البلوج بتاعك، اكتر من مرة كمان :) اذا كان تعليقى هو دليل انى دخلت فيا سيدى هعلق عندك عشان تعرف انى متابعة

    ---------------------
    ماس
    شكرا يا فندم :) ماتجيش جمب افكارك المستقبلية هههههههههه

    --------------------------
    بن عبدالعزيز
    هو انا قلت لك انت بتدافع عنى بيزنس.. انا عارفة انك حقانى وبتدافع علشان الحق.. وبعدين اعتقد ان خلافنا مش على الافكار قد ما هو على طريقة توصيل الافكار.. صح؟؟ يعنى خلاف تكتيكى مش اكتر ههههه

    بص بالنسبة للموضوع هو مفتوح.. اى حد عايز يكتب اى حاجة يعملها.. دى مجرد اشارة لامكانية التعبير عن قضية لبنان.. اى حد مقتنع بوجهة نظر معينة يدعمها هى.. قشطة؟

    نقطة اخيرة. .احنا مش قلنا على الفكرة دى من باب فتح باب صراع مع الاسرائيلين او عمل حرب على النت.. احنا كنا واضحين جدا.. الكرة كلها التعريف بوجهة النظر العربية.. او بمعنى ادق.. بوجهة نظر عربية مع حذف الالف واللام

    -------------------
    مؤمن
    ربنا يكرمك :)

    ---------------------
    عربى تانى :))
    مش هكدب عليك، انا مادخلتش عنده قبل كده ومقدرش احكم عليه، انا ببس اعرف اسمه من جروب المدونين على ياهو.. بس هو كان بيضحك على الفكرة.. دا اللى وصلنى، احتما ليكون الاريال عنىد بايظ
    ههههههههههههههه

    ----------------
    قلم جاف
    فينك :) تعليقاتك عندى مهمة ، زى تدويناتك
    بص، عايز تكتب تدوينة عن اسرائيل واللى بتعمله من وجهة نظكر .. اكتب.. عايز بس ترصد مس مدونات اتكلمت عن حرب لبنان.. ارصد... عايز ما تنفذش الفكرة بتاعتنا، وتشترك فى اليوم بشكل حر.. اشترك :)) انا عن نفسى هحط بس تدوينات لبنانيه وهاخد من كل واحدة كلم سطر اقتباس مع ذكر المصدر :)
    نظرا لضيق الوقت مع الاسف، الفكرة مجتش فى بالنا غير قريب اوى

    ReplyDelete
  26. بنت مصرية

    عجبتنى فكرتك
    ونوهت لها عندى

    لكنى لا أجد وقتاً بالفعل فى كتابة موضوع رغم اقتناعى بالفكرة
    ساحاول الليلة يا زعيم

    :)

    ReplyDelete
  27. اه والنبي ابقي علقي...من غير مجاملة والله لما تعلقي هاتشرف بتعليقك...وبالزات علي موضوع محدش يفهمني غلط لان كل الناس فهمتني غلط واتشتمت كمان وبكلام اكبر بكتير من مبتذلة......وبخوص الاخبار:حاولت النهارده اروح مع بابا علشان الترجمة فامرضيش...اصله واخد اجازه بقاله شهر كان مسافر وكمان نجيب محفوظ مات(الله يرحمه)فشكلي كده هاقضيها انكليزي

    ReplyDelete
  28. ابن عبد العزيز
    اعجبت جدا بموضوعيتك ، يا ريت في منك كتير ، المشكلة ان احنا كمان عنصريين.. لا اعرف لماذا ..هل السبب وجود شئ اسمه اسرائيل .. قرايتي عن مذابح الاسرائيليين تجعلني انا ايضا غير موضوعي رغم اني احاول..هم يا صديقي لا يدعون لنا فرصة لمجرد المحاولة ..هل العيب فينا ام فيهم؟..وهل العرب لا يعرفون الا منطق القوة كما قال اولمرت ام العكس هو الصحيح.
    بنت مصرية
    مجهود رائع يستحق الاشادة به .. كنت اتمنى المشاركة لكن الوقت ضيق.

    ReplyDelete
  29. Yady el neelah. Ba2a ana adhak, wel boniah takhodny 3ala ad 3aqly, yekom el nass tetkhane2 ma3aha? Danna seerry bate3 bayen 3aliah.

    الموضوع بسيط جداز انا مختلف مع الموضوع و ضحكت علشان it assumes that we all agree on this, that this is what all the egytpian and arab bloggers should do and howthey should think. That, once again, the main issue we should define ourselves with, is the existnace of Israel.

    يعنى بالعربى كدة نشتغل بتوع propaganda!

    This is funny for me, because it assumes that all arab and egyptian bloggers should agree on this and do this following bent masreya's plan and instructions. For me, the idea that we are supposed to have a unified voice on something as divisive as this topic, and the fact that she completely ignored the possibility of its divisiveness and acted as if it's the natural thing to do, well, I just found it funny.

    I also found funny the notion that this isn't تطبيع!
    Fine, so actual dialogue with an israeli is bad? rejecting تطبيع with them is the solution? It reminded me of Hamas'governmnet saying they won't "recognize Israel". ولنبى يا عمر؟
    Dude, it's right next door to you. They are the ones who control your borders. they are the ones you depend on to survive, and you won;t recognize them? Yet you demand they do things you way? That's like being married to someone, telling them that you don;t recognzie the marriage, but still demand they pay the rent, buy the food and give you an allowance. How does this work exactly? Can anybody explain it to me?

    So yeah, that I found funny, and bent masreya took my heheh comment with a grain of salt and very easy (btw, shaimaaa وصلت الرسالة). Eithr way I hope it all worked out and that the plan sent the message that we are people obsessed with Israelis, war and death and have no other pressing problems or nothing else to talk about other than the crimes of Israel. Good Job!

    ReplyDelete
  30. ساند مونكي
    ده موقف استسلامي ، وليس معتدلا بالمرة ، تطالب حماس بالاعتراف باسرائيل بدون مقابل، حماس المنتخبة تعني كل الفلسطينيين ، واذا اعترفت باسرائيل يكون ذلك في تسوية نهائية في اطار ما يسمى بالحل الدائم ، ومعناه انتهاء الصراع ،انت ..محبط ..ومحبط ..ومحبط ..الاولى بفتح الباء والثانية بكسرها والثالثة بتشديدها وكسرها .. وقبل ان يتهمني احد بالسب والقذف اسف لم اجد تعبيرا آخر...

    ReplyDelete
  31. Ya rab er7am 3ebadak ya rab, we er7amny menhom 3ala el sob7.

    3am Ahmed, let's talk realistically, shall wel?

    First of all, there is no sera3, mainly because there is no actual real fight going on between the israelis and the palestinains. It's more like le3b 3eyall if you ask me, but unfortunately the kind that gets people killed. Hamas knows it doesn;t have the army, the technical ability, the funding or weapons to actually defeat Israel in any fight. But it still says Moqawmah, we beta3, and are very big on getting small palestinain kids to put on their suicidebelts and blow themselves up. Bas even that is le3b 3eyall ever since they put the wall up. If youa re wondering why it's le3b 3eyall, well, I will tell you, or rather, let me ask you a question to see my point:

    If Israel decided to carpet bomb Gaza today, to the ground, and kill every single palestinain there in the process, who would be able to stop it? Do you know of any arab army that would do something? Any method for the palestinains to defend themselves against such an attack? No? Me enither. So, if the Israelis are murdering bastards who live for killing palestinains, whats to stop them from doing this already?

    The UN? The US would veto it!

    The world opinion? Like they ever had it on their side!

    The response of the Arab League? Hehehehe!

    La2 begad, think about it! What would stop them? What, people accusing them of ethnic cleansing? Did you see that stopping the serbs when they killed the Bosnians? Or stopping Putin from killing the Chechens? Do I see you saying anything about the chinese muslims, more than 100 million of them, who are getting slaughetrd daily by the Chinese army?

    Does anybody care? Would anyone give a fuck? Really?

    The Israelis learned, from us mind you, that all you need to do in order to get away with ethnic cleansing, is to wait a while. Look at Saddam and the Kurds. Anyone say anything there? Or Hafez al assad with the sunni residents of Hammah, and how he killed almost 100,000 of his own people. Do anyone, anyone, condemn him, or demand his head?

    My point is, people move on, they forget. If the israelis decided to kill every palestinain tomorrow, there would be an uproar for like a year or two, and then everyone would just move on. They know this. Why not do it? Eih, na2eshom taslee7?

    The only explanation, whether you like it or not, is that they don't want to kill or exterminate the aplestinains. Hell, the palestinain population in Ghaza and westbank after 1948 was 500,000, and now is 8 million. 7elw el ethnic leansing elly allows your population to multiply 16 times, no?

    There is no conflict. There is no Ma3rakah. And Hamas won't liberate shit. Last I checked, Israel withdrew from Ghaza bemazagha, and they keep going in and out bemazaghom bardoh. Hell, they have under arrest half of the Hamas Cabinet, you see Hineyah doing anything?

    Do you see a point at all from all of this bullshit?

    All I see, when I look at the Hamas government, is a government that puts policy and agenda over the welfare of its people. They know it won;t get them anywhere, because they have nothing to offer the Israelis. What? Land for peace? That only works if you are more powerful then your enemy, and the palestinains aren't. What is there to negotiate ya 3ammy? What do they have to offer? And what do you accomplish by taking your stand? Betsa3doh el sha3b el filistiny ezay exactly? With your cheering? With do3ah el waldein? Are you getting my point?

    So what's the solution? What do they have to bargain with? Ok, follow me on this one, It might give you a heart attack, but listen to me till the end: The Palestinains, all of them, should give up their weapons, stop all attacks, and demand Israeli citizenship and equal rights. They should also not get provoked by any Israeli action after doing this into getting back into violence. In essence, I recomment they adopt the nonviolent approach of MLK and Ghandi, and say that they are peacefull peopple who wnat peace and equal rights and israeli citizneshop and not a seperate state.

    Now, can you imagine what position that would put Israel in?

    Listen, Israel has to maintain a population makeup where at least 80% of the population is jewish. They know full well they can never give the arabs of the wetbank and Ghaza citizenship, because it would mean the end of the jewish state. But at the same time, they can;t turn them down without looking like an apartheid state, just like South Africa. Their excuse, for their actions, has been always the violence of the palestinains and how they would never live side by side with the poor jews. Now that the palestinains are willing to do so, what would be their excuse? That the Jews won;t be the majoirty? Hehe. Yes, I can see that one flying.

    Finding themselves in this position, the Israelis would immedietly offer the palestinains the 2 state solution as the alternative. Which the aplestinains should reject and continue to demand equal rights and citizneship. The Israelis would offer even more land, and compensation, and reconstruction, and peace, and blah blah. They would do anything rather than give the palestinians citizenship. And , trust me, it would work and that el tasweyah el neha2eyah of yours would finally be accomplsihed.

    Now, why don;t they do that? Well, because, then there would be no middle-east crisis. No middle-east crisis = no golden excuse for our Tyrants to continue ruling us. No distraction for us to be enamored with. No sham3aha to hang all of our failures on and blame for all of our shortcomings. A7a? No Israel? What would we do then?

    This is why I wrote what I wrote. Because I believe that this is a distraction. That we have more pressing problems. That we have to care a little more about egyptians than we do about arabs or aplestinians. Because it pisses the shit out of me, that all of you holler and rave about the pictures of Abu Gharib, when you know exactly what happens in Abu Za3bal. But see, that would mean focusing on our peoblmes, and our problems are depressing and our occupation is done by egyptian forces. Who wants to deal with that, right?

    I mean, does it not surprise you at all, that Kifaya's main issue now is collecting signitures for the cnacellation of Kamp David? Can you blame them though? What else could they do? Mubarak we won, Gamal we gay, and they proved completely irrelevant in the parliamnetary elections. What to do? How do we stay relevant? Oh, Israel of course. Kamp David. That's the ticket, cause that's the one problem we have left. everything else is perfect wel 7ayah gamillah we a7nah 3aysheen a7hah 3osoor el democratia wal horreya. Sa7?

    Yallah. Balah waga3 demagh!

    ReplyDelete
  32. بصراحة يا ساند مونكي انا مش عارف انت مالك يائس من الحياة كده ليه؟تقدر تقولي حكومة فتح اللي بقالها بتحكم فلسطيين من ايام سيدنا خشبة عملت ايه للفلسطينيين؟ولا حاجة.....وايه اللي مانع اسرائيل من انها تشيل غزة والضفة...زي ما بتقول مافيش حاجة مادية تمنعها...مجلس الامن في جيبها...الحكام نايميين...بس الراي العام يخافوا منه...اسرائيل عايشة في وسط العرب علشان الراي العام العالمي معاها...لو موتوا الفلسطينيين العالم هايتقلب عليها....ايه اللي خلي اسرائيل تسكت علي حزب الله؟ماكانت تشيل لبنان كلها بكام قنبلة نووية.....اسرائيل مش معترفة بالاسلحة النووية اللي عندها...لو ضربت نووي العالم هايقوم عليها...ايه اللي خلي حزب الله برشاشتها تهزم اسرائيل باسطيلها وطياراتها...نفنكر اسرائيل لو الفلسطينيين رموا اسلحتهم هاتسكت هاتسكت...هاتيجي تضرب مصر تاني يوم...هم دول اللي مأخريين احتلال البلاد العربية...تعمل ايه لو حرامي دخل بيتكوا(وهو ماسك مسدس وانت ماسك شوكة)واحتل اودة من عندكوا...هاتقولوا والنبي يا بيه ماتضربنيش وانا هارمي الشوكة؟طيب وانت من غير شوكة....ايه المانع انه يرميكوا بره ويحتل البيت...ايه المانع الاخلاقي اللي يمنعه؟ماكنش دخل البيت من الاول لو كان عنده اخلاق...وبعدين غاندي مين؟....الهند ماكنش فيها مشروع استعماري علشان الانجليز يعيشوا...كانت مصالح اقتصادية....ومخرجوش غير لما قسموا الهند....وخدوا اللي هم عايزينه...محدش بيدخل ويخرج بمزاجه كده...السياسة مش ريد اليرت...الدنيا مصالح...انا مش عارف لو اسرائيل احتلت سيناء تاني هاتقول ايه؟وهتبقي ايه مشعرك لو العرب سابونا......بصراحة كده انت اللي واجعلي دماغي

    ReplyDelete
  33. آسف لقد جئت متأخرا
    -Tunisian-

    ReplyDelete
  34. أدعوكم لزيارة مدونة الكاريكاتير
    http://www.caricatooz.blogspot.com/
    مع تحياتي
    د. أشرف حمدي
    رسام كاريكاتير

    ReplyDelete
  35. وانا كمان ادعوكم لمشاهدة مدونة الدكتور حمدي الله يعطيك العافيه
    http://www.caricatooz.blogspot.com/

    ReplyDelete
  36. تسلم البنت المصرية على الخدمة اللي مكنتش عارف ادور عليها فين انا حاولت استخدم المساعدة في موقع البلوجر نفسة لكنها صعبة وتلخبط عشان كده نسيت فكرة البلوجر لكن لما شوفت اسلوبك في الشرح للخطوات كلها قررت اني لازم احقق اللي كنت عايز اعملة و افتح صفخة بلوجر ابيع فيها شوية جبنة و شاي و سكر وبالمرة افتح لنسي مجال للحوار و اتعلم من اللي شافوا اللي انا لسه مشفتوش و اعلم الناس اللي انا شفته و هما لسه مشافوهوش شاركيني برأيك انتي بقيتي المرشده السياحية بتاعتي في عالم البلوجر وياريت تقوليلي ازاي اعمل مكان للناس تسيب فيه التعليقات و الرسايل
    ehabonnet@hotmail.com

    ReplyDelete
  37. انا طبعا هحاول اني اشارك في الفكرة الرائعة دية لأني شايف ان احنا لازم نستغل كل القنوات المتاحه امامنا لنشر قضيتنا هما بيستخدموا الدعايه اقوى استغلال ليه احنا كمان منستغلش اسلحتهم ضدهم وبرده نصنع احنا كمان اسلحتنا يعني نوصل رسالتنا من خلال الإعلام العالمي و الإعلام العربي

    و على طريقة خليل ينعي ولده ويصلح ساعات احب ادعوكم انكم تعلقوا على صفحتي
    www.shabshankoty.blogspot.com

    ReplyDelete