9/30/2006

نظرية الفراشة

وقفت الفراشة الصغيرة على الأنف الصغير. فاجأت ذى الستة أعوام فأشاحها بكلتا يديه عنه ثم شاهدها تبتعد من أمامه. أغرته بالجرى ورائها.. ألوانها وأجنحتها الخيالة. لم ير فراشات بهذا الجمال، ربما لم ير فراشات من قبل

اندفع يجرى خلفها. سكنت قليلاً إلى زهرة عليها نحلة ترتشف الرحيق. لم يهدأ الصغير، مد أصابعه الخمس علّهن يأتين بها لتسكن راحة اليد ولكنها من جديد باغتته وطارت حتى وصلت إلى مخبأ الفراشات الكبير وسط الأشجار المترامية على طرف المدينة. لم يقطعه اليأس عن مواصلة الجرى ولم تتسع حدقتا العينين بهذا المقدار من قبل مثلما إتسعتا حينما رأى فضاءات من الفراشات الممتدة على مرمى الربيع

أغراه هدوء الفراشات وجمالها المناور. قارن بينهن وبين تلك الشقية التى أتعبته واختفت وسط أخواتها. مد يده ليضم إليه إحدى الرفيقات ولكنهن إنتفضن جميعاً يرتفعن ويطرن.. إلى داخل المدينة

إنها أسراب الفراشات المتدفقة تغزو المدينة. تجمدت الأبصار فى إعجاب إلى تلك الأسراب التى تطير بين الشوارع.. تدخل شارعا لتنتهى منه ولا تعود إليه. لا تطرق البيوت ولا تتوقف عند أعمدة النور. لا تهدأ وقد ملأت المدينة ألواناً وبهجة. تدافع الناس من أكبرهم لأصغرهم نحو الفراشات التى لم تعرف السكون لأيام. أخذت الألوان بعقول الرجال فالجنون والأحلام والأمانى أقواتاً يومية. غارت الصبايا وحاولن الإيقاع بالفراشات ليتعلمن فن الألوان

إستمرت الفراشات فى الطيران حتى أتم القمر كيانه المدور ثم أخذت مسارها نحو جبين السماء، تراصت ملتصقة عليه. لم يملك الناس إلا أعناقا ممدودة وأحداقاً ترنو إلى ذلك الجبين. فاعتادت عليه. وانتهى الجميع إلى الأيام العادية يشكرون النحلات على مأدبة العسل اليومى

81 comments:

  1. الله الله...انا اول واحد اعلق عالموضوع الجامد ده
    انتي بتكتبي زي مدرسة الاحياء والبعث في الشعر...وبالذات في الخيال...خليتي القصيدة لوحة متحركة مرئية مسموعة وملموسة
    زي نجيب محفوظ بالظبط في قصيدته الايام
    شفتي مذاكر ازاي؟

    ReplyDelete
  2. جميلة جدا ومعبرة :) والتصوير الفني والخيالات اللي فيها كأروع ما يمكن :)

    قصتك فاصل كويس واستراحة كنت محتاجها عشان أواصل معركة Ubuntu..أنا هاحول لينوكس يا جدعاااااان..باركولي :)

    ReplyDelete
  3. السلام عليكم و رحمة الله وبر كاته
    ذكرتنى بمقال كنت قرأته يتحدث عن ثقافة الدهشة, ويتساءل المؤلف هل الناس لم تعد تندهش لشىء؟ فالدهشة تولد المعرفة...أما خمول الحياة اليومية فلا يولد إلا الخمول والجمود وإنعدام الخيال
    شكرا على خيالاتك, وأسلوبك السلس

    السلام عليكم ورحمة الله وبركاته

    ReplyDelete
  4. السلام عليكم ورحمة الله وبركاته : ـ
    الى الأخت الفاضلة صاحبة مدونة بنت مصرية ، أتقدم إليك بكثير من الشكر لتفضلك علينا بشرح عمل مدونة ، والتى أفادتنى كثيراُ فى أنشاء مدونة لى ، الأ أنه مازالت لا أعرف كيفية تنزيل صورة أو ملف صوت لأنه يحتاج الى بعض المجهود ، عموماً أشكرك كثيراً ، واطمع فى أن تضيفى أسم مدونتى عندك وأكون متشكر قوى ، لكن لا تستغربى من أسم مدونتى أدخليها الأول وبعدين قول لى أيه رأيك فيها أسم المدونة هو : ـ
    www.justlovegay.blogspot.com

    وأسمها بالعربي : ـ
    أنا جاى

    مع الشكر

    ReplyDelete
  5. نص جميل ..
    تغرينا الفراشات بالجمال .. ويغرينى نصك بالصعود إلى السماء


    رمضان كريم يا بنت

    ReplyDelete
  6. ده ايميلي اللي علي الهوت ميل
    ahmedezzatthegreat@hotmail.com

    ReplyDelete
  7. ايه الأخبار ؟
    انا عندي أقتراح وعارفة انه مش هايتنفذ إلا لما انتي تتبنيه ياريت نعمل لقاء يجمع المدونون في معرض القاهرة الدولي للكتاب
    علي فكرة انا بلدياتك
    أم أحمد

    ReplyDelete
  8. السلام عليكم و رحمة الله و بركاته
    أشكرك على شرحك لانشاء مدونة و لكن ما زالت لدي مشاكل بخصوص تحرير التدوينات باللغة العربية و مدونتي هي http://defend-islam.blogspot.com هتلاقي ان مش عارف اكتب من اليمين الى الشمال غير بساطة الكتابة فيا ريت تعرفيني ازاي أطور أدائي و كمان يا ريت تزوري المدونة و كل اللي يقروا التعليق يا ريت يزوروها هيلاقو فكرة لمنظمة اسلامية جديدة يا ريت نتبنا كلنا الفكرة وكل اللي عنده مدونة يعلن عنها و نبدأ حملة عالنت على فكرة انضملي 16 واحد و شكرا.

    ReplyDelete
  9. انا هعلق على تعليق معلهش يعني
    تعليق اخونا اسلام
    ثقافة الدهشة
    مش شايف معايا يا سلام اننا بقينا شعوب مندهشة
    العالم من حولنا اصبح مدهشا
    لاننا فقدنا القدرة على الابتكار
    فنندهش مما يبتكره غيرنا
    زي ما عمل اخينا رفاعه الطهطاوي
    وطه حسين لما زار باريس على ما اعتقد
    نندهش من موبايل جديد
    او برنامج كمبيوتر جديد
    يؤلمني كم نحن متخلفون
    بل يقتلني احيانا
    واتمنى انني لم اولد في هذا الزمان وهذا المكان
    واعجز عن تغيير واقعنا المؤلم
    تحياتي لصاحبة الموضوع الاصلي
    نظرية الفراشات

    ReplyDelete
  10. عربى
    انت موتنى م الضحك بسبب تعليقك
    لما قريته احساسى بالبوست اللى انا كاتباه باديا اختلف، بقيت حاسة انه موضوع قراءة فى كتاب عربى بتاع خمسة ابتدائى

    وبعدين يا عمنا مالقتش غير الاحياء والبعث؟ هى عشان اول مدرسة بتدرسوها فى المنهج تقوم تخبطنى فيها :) وبعدين الاحياء والبعث مدرسة شعرية وانا مش كاتبه قصيده، لو واخد بالك يعنى هههههههه
    وبعدين بصراحة بصراحة جبت التايهة، نجيب محفوظ بيكتب شعر، كتب الايام، والايام قصيدة، كتبها نجيب
    هى دى اخرة التعليم المصرى
    ------------

    يحيى عياش
    انا سعيدة جدا بتعليقك، مبروك على لينوكس وعقبالنا
    بس قولى بأه، هى جميلة ماشى، انما معبرة عن ايه؟؟
    ---------

    اسلام
    كلامك عن الدهشة مهم
    ولو انى اشك ان الدهشة تولد المعرفة
    انا قعدت افكر كتير فى الدهشة بعد تعليقك ده وطلعت بنتيجة مختلفة وتصور تانى خالص بالنسبة، بس اعتقد انى محتاجة اعمله بوست لوحده :)) ميرسى انك اديتنى فكرة بوست جديد
    ----------

    جاى
    عليكم السلام ورحمة الله وبركاته
    هو انا مش مستغربة من اسم مدونتك ولا حاجة، انت حر اكتب اللى انت عايزة، بس انا كمان ليا حق اختار المدونات اللى احطها عندى واتابعها، وبصراحة انا مش مهتمة بمتابعة اخبار حد جاى، لو عندك اهتمامات تانية عرفنا عليها
    ------------

    فيولينا الجميلة
    نورتينى مرة تانية
    ميرسى يا فندم على تعليقك، والله اكرم
    -----------

    عربى
    اوكى يا عم الحج
    ----------

    سحر
    انا موافقة جدا يا جميلة :) ممكن نرتب للقاء ده واعتقد فى بلوجرز كتير او بيتابعوا معرض الكتاب وهتبقى فرصة نتقابل

    انما بلدياتى منين بالظبط بأه :))) ؟
    اصلى مش فاكرة انى قلت على انا منين بالظبط هنا على البلوج
    الا اذا انتى تعرفى حد بلوجر يعرفنى وانا قايله له او قايللها على مكانى
    بصى عشان مانسيحش هنا :) ابعتيلى ميل وقوليلى، وكمان ممكن نشات مع بعض، انا هفرح اوى لو طلعتى بلدياتى فعلا، ولو ماطلعتيش بردو هفرح اوى بمعرفتك
    bentmasreya_a1@yahoo.com
    -----------

    workforis
    مبروك المدونة الاول :)
    بص هو فى خيار فى شريط الادوات لما تيجى تكتب التدوينة
    فى تلات رموز لتظبيط النص يمين وشمال وفى النص، بالظبط شكلهم زى اللى موجود فى اى ايميل عادى او على وورد
    وهتلاقينى متكملة عنهم فى الشرح، انت حدد النص الاول، وبعدين اضغط على رمز التظبيط اليمين، وان شاء الله الكلام هيتحود يمين :)

    انا هقرا فكرة الحملة حاضر
    ----------

    مصريون لا حدود
    اهلا يا فندم، تحياتى ليك انا كمان، ان شاء الله الكود يكون ظبط معاك

    ReplyDelete
  11. كلام جميل من بنت جميلة, علما أشكرك جدا يا بنت يا مصرية على شرحك لكيفية عمل مدونة و التى ساعدتنى و شجعتنى على عمل مدونتى بعد تردد طوييييييل , ومن المؤكد أنها ساعدت كثيرا من الناس غيرى أيضا. و شكرا مرة أخرى
    www.alnahr.blogspot.com
    نديم المصرى

    ReplyDelete
  12. ازيك يا بنت مصرية

    انا اللي فهمته من كلامك انه في حاجات بتعجبنا و تدهشنا و بنحبها بس لوقت قصير و بعدين ننساها و نفتكر بس اللي قدامنا
    الفراشات الكل حبها و انبهر بيها بس بالاخر عملوا اية؟
    افتكروا النحل و العسل

    الحاجة اللي بتبقى و بتدوم

    و نسيو لحظات السعادة مع الفراشات


    مش عايزة اقول انه همنا على بطننا لتبوظ الرومانسية من القصة

    ReplyDelete
  13. تعرفي ان صراحتك من اجمل صفاتك
    رغم قسوتها احيانا
    عموما متزعلش يا عم عربي
    بس ابقى ذاكر كويس
    وعلى فكرة هبقى مبسوط لو هيا ردت على تعليقي كده
    انتي مبتنسيش حاجه انا كنت فاكرك نسيتي انك عطيتيني الكود ، الكود ظبط تمام يا فندم محنا بردو تعليمك
    بصراحه لما بتردي على حد يكون مبتدئ بيشدني اسلوبك المبسط وبقول قد ايه انتي صبورة
    ياريت في تعليقاتنا نبقى موضوعيين وكفاية مجملات يعني لما نقول الكلام جميل نقول ايه موضع الجمال ولما نقول معبر نقول معبر عن ايه
    ده كان مجرد رأي ..ولا يعبر عن رأي الاخرين
    تاني متشكر مش علشاني بس ..ومش ليكي انتي بس.. متشكر لكل حد يقدر يساعد حد

    ReplyDelete
  14. جميلة جدا خيال رائع
    شكرا ليكي
    اتمني ان تزوري مدونتي
    وتقوليلي رايك
    www.lost-empire.blogspot.com

    ReplyDelete
  15. Very colorful and energetic scheme and I wished that the butterflies could read to enjoy it as well :)

    And lol@ what we have reaped min maganeyet al ta3leem min na7ya we min 7oreyet al ta3beer min al na7ya al be3eeda al Tanya :p

    ReplyDelete
  16. ahhh btw inty mesh 3ayza tesaya7y inty min fien, ummmm shaklik min ze3rebana walla aih :)

    P.S. "ze3rebana" dee 7etta 3'alat fee alexandria

    ReplyDelete
  17. السلام عليكم ورحمة الله وبركاته

    مبدئيا لا شكر على واجب أنت على الرحب والسعة, أما عن الشكر فأظن أنه واجبى أنا فقد استفدت كثيرا حقا من شرحك لكيفية عمل مدونة وكيفية استخدامها , مرجع هام فعلا, وحقوق الطبع بالفعل محفوظة...شكرا لك
    أما عن الدهشة فكاتب المقال وكان الأستاذ "رجائى عطية", فكان الرجل استشهد بمثال المثال هو ان الحملة الفرنسية عندما دخلت مصر وكان معها معدات جديدة لم يراها المصريين من قبل كالعجلات الحربية والمطبعة,,, دهشوا وعند الدهشة بدؤا يسعو الى المعرفة لعمل مثل ذلك

    وعلى كل فانا انتظر البوست الخاص بك بالهام منى, لابد وانه سيكون بوست غالى, ارجو الا تنسى هذه الجمايل

    السلام عليكم ورحمة الله وبركاته

    ReplyDelete
  18. معلش أنا هكتب تعليق تانى لأنى قريت تعليق أخى صاحب مدونة " مصريون بلا حدود", وأقول له أننى مثلك وللقدر لسه كاتب بوست من شوية يحمل تقريبا نفس المعنى اللى تقصده وهو غربتنا عن واقعنا وعن بلدنا بالاخص ان جاز التعبير, وارجو ان تطلع عليه على مدونتى وتشاركنى الراى على موقعhttp://da2wa-lelfekr.blogspot.com
    اما بشان الدهشة فالحقيقة انا اتفق معك اننا اصبحنا متخلفين كثيرا عن غيرنا مستهلكين غير منتجين, ولكن للاسف فنحن تعودنا على ذلك ولم يعد يدهشنا او لنقل يدهش السواد الاعظم منا وربما لو اندهشنا لدفعنا الى الانتاج والمعرفة, اظن هذا هو ما اراده المؤلف من مقاله, واظن انه كان استشهد ايضا بحال رفاعة الطهطاوى
    اما ما نحن فيه اخى فاظنه ليس الدهشة وانما هو الغفلة والله اعلم
    شكرا على تعليقك, وشكرا اخر لصاحبة المدونة اللذيذة على استضافتنا

    السلام عليكم ورحمة الله وبركاته

    ReplyDelete
  19. This comment has been removed by a blog administrator.

    ReplyDelete
  20. علقت عندك يا عم اسلام بس لازمتو ايه الفريفيكيشن ده محسسني اني بعلق عند مكتب التنسيق
    بنت مصرية..
    شفت بلوجرز بيقولولك يا زيزي
    ممكن انا كمان اقولك يا زيزي
    للامانه انا صاحب تعليق "مبتذلة" لو تفتكري
    ولو مفتكرتيش يبقى كويس

    ReplyDelete
  21. كلام حلو وعجبني
    والله يوفقكم جميعا
    ورمضان كريم على الجميع

    ReplyDelete
  22. بلا حدود مصريون :
    شفت تعليقك وشلت الفريفيكيشن ولا تزعل يا عم, ده بس كان فى الاول عشان بجرب واختار بعد كده

    مازلت انتظر البوست ...بنت مصرية..؟

    ReplyDelete
  23. This comment has been removed by a blog administrator.

    ReplyDelete
  24. ما بين طيران الفراش واسرابه
    يخدنا الحلم ولو للحظات
    عشان يجبرنا بعدها الواقع اننا نرجعله من تانى
    فعلا كانت ذكرى

    وليد

    ReplyDelete
  25. نديم
    اهلا بيك مدون جديد :) وشكرا على التعليق الرقيق
    ----------

    ملائط
    انتى بتتكلمى مصرى حلو اوى على فكرة
    :))

    بس مش هقدر اقولك ان اللى وصلك هو اللى انا اقصد اوصله ، بصراحة مختلف عن قصدى، الظاهر اساسا ان كل اللى علق فهم حاجة تانية غير اللى قصدتها انا
    -------------

    مصريون بلا حدود
    انا على فكرة بهزر مع عربى وعارفة ان تعليقه هزار، هو مذاكر كويس بس بيتريق
    ------------

    the legend
    هزورها اكيد ، اسمها كمان جذاب جدا
    ----------

    عربى
    عملت
    بس انا مابدخلش كتيرعلى ام اس :)، عندك جى.توك؟؟
    ----------------

    2 B || ! 2 B ®

    جميلة اوى فكرة ان الفراشات تقرا اللى كتبته، بس هى الفراشات مش هتتبسط لما تعرف انا اقصد ايه
    :))

    بجد فى حاجة اسمها زعربانه؟ وفى اسكندرية مارية كمان؟
    ههههههههههههه
    طيب ويعنى ايه زعربانه؟

    ----------------

    اسلام
    استنى عليا لسه التدوينة بتستوى، مخلصتهاش بصراحة، مشغولة شوية
    ----------

    كويتى ابن بلد
    اهلا يا كويتى :) وميرسى اوى.. رمضان كريم عليك وعلى كل اهل الكويت
    -------------

    اسلام
    حاضر.. حاضر :)
    ---------

    دموع الكحل
    كلامك جميل



    بس ايه دا يا ناس
    كلكوا فاهمين حاجة غير اللى اقصدها
    انا فكرتى ماوصلتش خالص كده؟ انا كنت متصورة انى عرفت انقلها صح.. اكيد انا مبعرفش اعبر صح.. يا دى النيلة
    :D

    ReplyDelete
  26. طب انتي قولي و انا هاقول على طول


    ايوة

    ايوة

    انا عرفت

    البطيخة

    لا جد يا بنت مصرية يا لزيزة

    يا تقوليلنا انتي بتقصدي اية

    انا عندي فضول اعرف

    ReplyDelete
  27. كلمة "ريت" وقعت مني و انا بعمل بابليش للكومننت

    يا ريت تقوليلنا قصدك اية

    ReplyDelete
  28. انا كنت عامل واحد...[س كنت مالاوائل فالناس ماكنتش بترضي تاخده فقفلته
    اصله اتجرب الاول بالدعوة...كل واحد يعمل اربع دعوات وبتاع...ايه رايك في فطار للبلوغرز...اقترحي وقت عند المزاجنجي

    ReplyDelete
  29. 'زعربانه'، كلمة لا تعرف أصلا لها، ربما تكونت أيضا بنفس عشوائية الحي

    check this article to get more insights into Alex and its reflections (i liked this article a lot :) and hope that u find it also amusing): http://www.akhbarelyom.org.eg/adab/issues/388/0600.html

    Enjoy,

    ReplyDelete
  30. جميلة مفرداتك لدرجة الابهار
    احتجت لقراءة هذه اللوحة فى دوامات التفكير المتلاحقة التى تحاصرنى
    سعيدة بخيالك

    ReplyDelete
  31. الله فعلا الوصف متعة خصوصا لما
    الفراشات دخلوا المدينة
    يعني انتي متأكدة لن الفراش فوق؟! اطلع يعني للسماء ؟ علي ضمانتك

    ReplyDelete
  32. رسالة الي جميع المدونين المصريين
    اصدقائي و زملائي المدونون المصريون اعتقد ان مرحلة التدوين الانفرادي قد مرت و انا ادعي انها مرت بنجاح و ان كان نجاح منقوص لوجود بعض العيوب في المدونات الانفرادي منها علي سبيل المثال لا الحصر :

    يقوم متصفح المدونات بفتح الكثير من المدونات مما يستلزم حفظه لجميع روابط المدونات المصرية
    لا يوجد مدون يستطيع التدوين بصفة يومية
    لا يكتب المدون الواحد في جميع فروع الحياة من سياسة و رياضة و موسيقي و شعر
    لا يوجد تجمع واحد للمدونات المصرية
    لا توجد بالمدونات اخبار محدثة علي مدار الساعة
    تقسيم عدد المتصفحين علي المدونات المختلفة
    تركز المدون في محافظة واحدة من المحافضات المصرية

    وبما ان الاتحاد قوة و الفرق ضعف ادعو جميع المدونون المصريين الي الاتحاد و اقامة موقع للمدونين المصريين يصدر علي شكل صحيفة يومية تشمل ابواب مختلفة يحررها جميع المدونين المصريين و نشارك جميعا في تمويلها و نتقاسم عوائدها و يكون بها محررين و مراسلين و مصورين في حالة النجاح ان شاء الله يمكن ان نوسع نشاطنا فنضيف اذاعة او حتي تيليفزيون للمدونين المصريين

    ارجو سماع آرائكم و تعليقاتكم علي الفكرة
    اخوكم المدون: موكاكاي
    بريد اللكتروني:mokaky2006@hotmail.com
    مدونة:http://egybeats.blogspot.com

    ReplyDelete
  33. ملائط
    بصى. هو انا كان صعبان عليا الناس متهتمش بالنحل اللى بيتعب ويجتهد عشان يحضرلهم العسل.. ويلتفت ويغتوى بالفراشات اللى بردو مش هيطولها فى النهاية.. اوكى الفراشات ملهمة وجميلة لكن ماينفعش نتجاهل النحل المجتهد.. اللى فى الاخر مش هيبقى لينا غيره وغير مأدبته
    :)

    وصعب عليا اكتر، ان انتو كمان مالتفتوش للنحل
    ;(

    ---------------

    حلم
    تعرفى انى تعليقك دا مهم جدا جدا جدا عندى، هبوزه عشان الكلام دا لا يطلع منك انتى بالذات لازم اتغر فى نفسى
    :)
    ------------

    سارة
    على ضمانتى بس هترعفى تنزلى تانى؟
    :D
    ------------

    ReplyDelete
  34. يا بنتي لو التفتان للنحل و سبنا الفراشات كان ممكن تقوليلنا راحت فين الرومانسية يا ولاد
    ما بتفكروش الا بالاكل

    انا بس بهزر معاكي

    الجمال مهم يا بنت يا مصرية
    اهم م الاكل
    و العمل مهم و التقدير لالي بيعملو بجد مطلوب بس كمان ما ننساش الناس اللي بتدينا دفعة معنوية لحياتنا و بتغذي ارواحنا

    بتاع الطعمية والكشري بيتعب بس كمان الرسام و الموسيقار بيدينا الجمال و بيخلي الحياة لو كنا نحل اجمل بكتير

    ReplyDelete
  35. برجاء إضافة مدونتي في القائمة
    regalmasr.blogspot.com
    مدونة خايف على مصر

    ReplyDelete
  36. ايه رايك يا زينب اننا نفطر فالحسين؟.....او اي حته تانية؟


    محمد منير هايبقي في بيت الهراوي يوم الاتنين

    نفسي اشوفك يا زينب والله

    يا تري لابسة منديل باوية زي الصورة...اختي عملتها مره والله...ونزلت بيه...بس في اسكندرية مش هنا

    ReplyDelete
  37. مش انا بس اللي باقول...احنا كتير بنرتب للحوار ده

    ReplyDelete
  38. شكرا يا هانم...انتي ساعيدتيني كتير قوي بالموقع بتاعك علشان اعمل مدونتي
    و لو تسمحيلي اعمل ليكي لنك عندي
    شكرا جزيلا
    http://demaghmak.blogspot.com/

    ReplyDelete
  39. ya hanem
    ma3lesh ba2a ana hadtar aste3'el karamek ma3aya showaya ..fe mowdo3 el blog.we ba3den enty 2olty elly 3ayez 7aga yes2alny..kont 3ayz a3raf ezay maslan a3mel el news bar elly beyemshy da...kaman 3ayez a3raf ezay a3'ayer ra2s el saf7a 3andy we a7ot makanha ay sora ana 3ayezha zay soret el bent we el fawanes we fe el 7'alfeya el kahera..3ayez a3raf a3melha ezay...we maslan kelmet men alby salam le bairot de a3melha fe makanha ezay...we lama tedeny el templets de a7otaha fen belzabt 3alashan ana ba3od adawar keter...ma3lesh yaret kol 7aga beltafsel 3alashan ana lesa geded fe el mawade3 de..da e-mail beta3y (mak1yaw@hotmail.com) we da el blog beta3y..(http://www.demaghmak.blogspot.com)
    ma3lesh ana ta2elt 3aleky keteeeeeer
    bas tam3an fe karamek
    sa7e7..de agmal modawana metrateba shoftaha ....
    thanx

    ReplyDelete
  40. زيزى
    عايزينك تفكرى لينا فى موضوع
    نكتب فيه كلنا
    وعن طريقه ممكن نعرف
    السواد الاعظم من الناس شايف الحاجة دى ازاى
    بس مش كلنا ليلى تانى
    ماشي



    بس بشرط بعد رمضان

    وليد

    ReplyDelete
  41. يا خسارة مافتحتش الايميل غير يوم السبت الفرصة الجاية ان شاء الله مش هافوتها

    ReplyDelete
  42. ملائط
    ما هو العسل مش معناه الاكل بس يعنى :)

    العسل بالنسبة لى هو اى انتاج كويس لمجهود جيد.. يعنى بيت، مستشفى، كوبرى، كتاب، علاج، فيلم، ثقافة،
    كل شىء مفيد ووجميل وزى العسل
    :))

    ReplyDelete
  43. البداية دهشة
    والنهاية اعتياد
    التعود هو مرض البشر مش التردد
    مش كدا؟

    ReplyDelete
  44. شكرا اوي يا زينب

    ReplyDelete
  45. رغم انى مطلعتش على مواضعاتك كلها لكن صراحة اكتر شى اذهلنى هو تصميم المدونة الرائع او فوق الرائع وتناسق الالوان والخطوط اتعقد ان حسك الفنى رائع الى مزيد من التقدم

    ReplyDelete
  46. الحقيقة قريت البوست من ساعت ما اتكتب بس ما فهمتش حاجة دخلت اقول يعنى ايه مش فاهم حاجة(اصل بعيد عنك اخوكى فهمه على قده)لقيت الناس معجبين جدا قلت لنفسى بلاش ياواد تبين جهلك قدام الاجانب و زق عجلك من هنااصل حسيت فعلا زى ماقلتى انه موضوع قراءة فى كتاب عربى(وماتعرفيش اخوكى متعقد من العربى قد ايه)اخرج الصور الجمالية من النص؟ ما وجه البلاغة فى هذا البيت؟واللى كان يجننى قوى لما يقولك يقصد الشاعر من القصيدة كذا وكذا, طب هو يقصد فعلا ولا بيتبللوا على الرجل عشان مات ومش حيعرف يرد عليهم, ايييييييييه كانت ايام ده حتى عربى بالمذاكرة بتاعته دى كان من المتفوقين بالنسبالى
    الخلاصة واللى عايز اقوله ان بعد ما قريت قصدك ايه من البوست ما املكش إلا انى ارفع القبعة تحية ليكى و اقولك زى ما الناس قالوا تسلم ايديكى
    (جميلة جدا)

    ReplyDelete
  47. شوفي http://www.almasry-alyoum.com/article.aspx?ArticleID=33086
    او اتفرج علي الموضوع دة عندي
    عندي سؤال و عايز مساعدتك في مدونتي
    كل ما اعمل اب لود لصورة و انا باعمل بوستنج الصورة ما تطلعش..يقولي ان الاب لود خلص و ادوس على done الصورة برضة ما تظهرش؟

    ReplyDelete
  48. جميله لكن احنا هننتظر العسل لحد ما يجيلنا

    ReplyDelete
  49. انا جيت متأخر .. سورى بقا

    احب اشكرك الاول على المدونه اللى عملتيها لشرح كيفية عمل المدونات .. جميله ومفيده جدا كبداية للكل .. مشكورة بجد

    افكارك روعه .. انا خت بالى من النحل على فكره بس طبيعى ان المعظم ميخدش باله من النحل لأن اهل المدينة والطفل ( الابطال ) ركزوا ع الفراشات وطبيعى اللى هيعلق هيركز ع الفراشات

    محتاجين جدا لشغل النحل .. ومتاجين ( اقل شوية ) لوجود جمال الفراشات

    خالص تحياتى

    ReplyDelete
  50. وحشتني كتاباتك يا زينب
    اكتبي حاجة....قلي حاجة اي حاجة:)

    ReplyDelete
  51. ايه رايك في اللوجو الجديد ده؟

    ReplyDelete
  52. خوليو
    يا اهلا :)
    ---
    سيزر
    شكرا اوى
    ---

    مجرد احاسيس
    ميرسى جدا، بس حقك يعنى تقول عليها موضوع قراءه، انا نفسى حسيت بكده بد ما نشرتها
    :D
    ----

    demaghmak
    ساعات الابلود بتاع بلوجر بيعلق
    بتحصل لى بردو
    ----

    اسلام يوسف
    ممممممم
    ------
    فرى فيرو
    انا كنت قاصده استمر فى وصف الفراشات واركز عليها واهمش من النحله اللى ظهرت فى الاول خالص، عشان احاكى الواقع يعنى
    ---

    عربى

    بصراحى ماليش نفس ادون
    فاديت لنفسى اجازة مفتوحة

    صورة البروفايل الجديدة دى حلوة
    بس "هى فييييييين الثورة؟"
    طبعا هتقولى "يعنى هو فييييين حنظلة؟"
    ههههههههههه

    ReplyDelete
  53. الخرزعوف في البلكونة...هو يعني ايه بلكونة؟!


    لا يا بنتي انا عامل ثورة جامدة جدا وباروح مظاهرات مش زي ناس بيناضلوا من ورا المونيتور:)

    اقري البوست الجديد بتاعي...بجد احسن حاجة كتبتها وعاوز اسمع رايك يا ست البنات:)


    هو انتي اللي كنتي لابسة اسود في الفطار ديه؟

    ReplyDelete
  54. انا كنت متخيلك غير كده خالص
    افتكرتك شبه اللوجو بتاعك:)
    وكان فيه واحدة تشبه للوجو
    بس بعدين قريت التعليقات عند عمرو فعرفت بقه

    ReplyDelete
  55. جميلة للغاية
    رغم اننى عندما قرات العنوان خمنت انك ستتحدثين
    عن النظرية العبثية المسماة بتأثير الفراشة
    :)
    **
    و لكن ما كتبت كان اجمل بكثير

    ***-
    تحياتي

    ReplyDelete
  56. ايه رايك في بوستي..انتي نفضتي ليه لبقية التعليق ورديتي علي حته صغيرة...قوليلي رايك عندي

    ReplyDelete
  57. عربى
    ما هو اللوجو دا حاجة زى "ما يتمناه المرء ولا يدركه" ههههههههه، يعنى انا كنت اتمنى اوى يبى شعرى طويل واضفره، بس ياللا حصل خير، وعموما انا لما نزلت البارن ده قلت انها مش شبهى خالص خالص وان دا خيال دعاء

    ---------

    بنت سعد
    قصدك
    butterfly effect
    والله نظرية لذيذه :D انا بحبها


    ---------

    القمحاوى
    ميرسى
    قولى.. انت تقرب لاحمد؟؟
    -----------

    عربى
    نفضت ايه بس
    --------

    كراكيب
    اختها التؤام بس من ام تانية

    ReplyDelete
  58. ايوه يا بنتي ده ابن عمي
    امال قمحاوي ازاي يعني...بس علي فكرة احنا عيلتنا كبيرة جدا لدرجة ان فيه ناس نعرفها وصحابنا بس مش عارفين يقرابولنا ايه...زي عبد البديع القمحاوي الله يرحمه...كان صاحب بابا بس مش متأكدين اذا كنا قرايب...لان ابويا من قرية تتبع للمركز اللي منه عبد البديع القمحاوي وهو"منيا القمح":)
    سلام بقه احسن شكلي هيست

    ReplyDelete
  59. بجد انا كنت الولد و هى كانت الفراشه
    شكرا

    ReplyDelete
  60. اممم ..عبقرية .. بجد انت بتكتبي حلو قوي .. اسلوبك عبقري و جميل و انا بحبه ,, و يمكن عجبني قوي الموضوع ده أول ما قريته بس مش قدرت أعلق عليه غير دلوقتي .. هو عجبني لاني بعشق الفراشات http://www.shadowness.com/picture22932 المهم اني لقيت الموضوع غريب قوي .. يمكن علشان انا من القلائل اللي فهمو الموضوع ده ؟؟ مش عارف .. بس يا سيدتي الفراشه فكري تاني في اللي انت قولتيه لانك فاهمة غلط

    ReplyDelete
  61. دي أول زيارة ليا هنا
    القصه عجبتني فعلا ولغتك جميلة
    وسعيد بكتابتك


    تامر العفيفي

    ReplyDelete
  62. ahmad_h
    عفوا
    :)
    ------
    سيزر ديابلو
    ازيك يا عمر؟ اخبارك ايه يا بنى
    هو مين فينا اللى عبقرى،انا عجبتنى اوى اوى اوى الفوتوشوب بيس بتاعتك دى
    هايلة جدا، بجد لازم تفكر تعمل معرض لشغلك ع الفوتوسوب.. ممم هيبقى اول معرض للفنون الرقمية؟
    :)

    بس انا غلطانه فى ايه؟ انا حسيت انك راسم نفس المدينة اللى بتكلم عنها ونفس جبين السما ونفس الفراشات كمان.. لولا بس انها اتعملت قبل البوست بتاعى بأكتر من سنة.. بس انا معنديش اعاصير.. ممم ممكن نقول جنون الناس ده كان الاعاصير
    :D

    --------

    تامر العفيفى
    اهلا اهلا بيك وبزيارتك الاولى، وميرسى جدا

    ReplyDelete
  63. البلوج اتمسحت من غير قصدي يا زينب...من التيمبلات...كنت بامسح لينك...فمسحت الكودات بتاعة الصفحة
    ممكن تساعديني؟

    ReplyDelete
  64. ولا هي كده خلاص؟

    ReplyDelete
  65. البوستات لسه متسجلة في "بوستينج"بس مش ظاهرة لان اكوادها اتمسحت...اعمل ايه؟
    بصي انا هابعتلك اليوسر نيم بتاعي والباس ورد...وشوفي ايه اللي حصل

    ReplyDelete
  66. خلاص ظبط الحوار...انسي

    ReplyDelete
  67. مبروك شكل المدونه الجديد ... وعيد سعيد يا زينب ... وخفي شويه من الغريبه والكحك
    http://msalaheldeen.maktoobblog.com/

    ReplyDelete
  68. heeeeeeeeeeeeeeeeeeeeeeeeeeeeeeelp
    ana la2ethom bey2ololy 7awel el blog beta3ak le (beta blog)_ we ba3d ma7aweltaha la2et el 3araby kolo zaher 7arf 7agat 3'areba keda zay el 3araby we el english bas elly bayen....
    sa3deny plllllllllzzzzzzzzzz

    ReplyDelete
  69. مصراوى

    كل سنة وانت طيب
    اول حد يقولى عيد سعيد على فكرة
    :D

    ---

    دماغ ماك
    بص يا سيدى ، ماتقلقش كده دى حاجة بسيطة
    انت تدخل على الاعدادات بتاعة البلوج الىل هى
    setting
    ومنها تدخل على
    formatting
    وهتلاقى حاجة اسمها
    ENCODING
    اختار
    universal (unicode UTF-8)

    ReplyDelete
  70. كل سنه وانتى طيبه واسلوبك جميل جدا احييكى
    اه انتى بكره معذومه عندى على عيد ميلادى زورينى
    شكرا

    ReplyDelete
  71. التصميم الجديد لذيذ اوي
    ومنتظر زيارتك
    عيد سعيد عليكي
    ====================
    الامبراطورية المفقودة
    عالم مختلف
    http://www.lost-empire.blogspot.com/

    ReplyDelete
  72. أسفة إن ردى المرة دى بعيد عن الموضوع .. لكن مش عندك شات بوكس علشان أقولك إن التصميم الجديد جميل :)

    أظنك الآن لا تشعرين بالغربة فى ظل اللون الرمادى :)

    ReplyDelete
  73. the emperor
    عيد سعيد عليك
    وكل سنة وانت طيب وبخير وبصحة وسلامة
    -----------

    فيولينا
    عادي يا بنوتة ولايهمك، انا كان عندي زمان شات بوكس بش لغيته لأن ناس ابتدوا يستخدموه فى السب والشتيمة

    مممم هو طالع عندك رمادي
    :)

    ReplyDelete
  74. واحد من الناس
    كل سنة وانت طيب
    اجي يعنى
    هتجيبوا جاتوه؟؟

    ReplyDelete
  75. el moshkela enny ba3d ma3amalt keda bardo maet3'ayaretsh...
    lelasaf ana bada2t el modawana men geded tany
    thanx alot 3ala mosa3detek

    ReplyDelete
  76. اللطف



    اللطف ضد العنف. وهو نوع من الوداعة والرقة والشفقة والترفق بالآخرين والبعد عن الخشونة والقسوة. العالم الذي نحيا فيه مليء بالعنف ويتميز بالقسوة. أغلب الناس يفكرون في مصلحتهم الشخصية حتى ولو على حساب الغير. تخيل لو أن اللطف يسود على عالمنا كيف ستكون بيوتنا وأولادنا ومجتمعاتنا. لا شك أنه أمر رائع ونتوق إليه.

    دورنا هو أن نبدأ في أنفسنا ونكون لطفاء. هذه وصية الله لنا في الإنجيل. "كونوا لطفاء بعضكم نحو بعض شفوقين متسامحين" افسس4: 31
    من هو الشخص اللطيف وكيف نسلك باللطف:
    الإنسان اللطيف هو الذي يعامل كل الناس معاملة رقيقة.
    - الإنسان اللطيف هو الذي يتشبه بالله في لطفه وإحسانه معنا كبشر رغم عدم استحقاقنا.
    - الإنسان اللطيف لايخاصم ولا يصيح ولا يسمع أحد في الشوارع صوته.
    - اللطيف هو شخص مستمع جيد يصغي وينصت بهدوء واهتمام لالإنسان اللطيف يكتشف النقاط البيضاء في الآخرين ويركز عليها ويظهرها ويمتدحها حتى يشجع الناس للسير في طريق الخير.
    - الإنسان اللطيف لا يتذمر عندما يعاتبه الآخرون ويواجهونه بل يعطيهم فرصة للتعبير عن رأيهم.
    - الإنسان لآخرين.
    - الإنسان اللطيف لا يحتقر الضعفاء والفقراء بل يشفق عليهم.
    - الإنسان اللطيف لا يحتج ولا يتهيج بل يجاوب الجواب اللين والجواب اللين يصرف الغضب.
    - الإنسان اللطيف هو كالنسيم الهادئ الذي لا يحدث عاصفة ولا زوبعة ولا اصطدام، بل تنساب حياته في هدوء وسلام مع نفسه ومع الآخرين.

    هل تتوق معي أن تكون حياتي وحياتك تتسم بهذه الصفة الرائعة وتلك السمات اللطيفة؟
    لكن ربما تجد صعوبة عملية أن تحيا بلطف في هذا العالم. لكن دعني أذكرك أن هناك دور إلهي ودور بشري.
    - اللطف ينبع من ثمر الروح القدس عندما نسلم له النفس بالكامل فتكون هذه الصفة ليس تجميلاً من الخارج لكنها تنبع من الداخل. (ذلك الروح اللطيف)
    - اللطف أيضا صفة أخلاقية نحتاج أن نتعلمها ونتدرج فيها ونكتسبها.
    هل تقبل الروح القدس وتملكه على قلبك لينبع ويثمر فيك حياة اللطف؟
    وهل تتحمل دورك في أن تدرّب نفسك وتنمو وتتعلم كيف تكون لطيفاً؟
    صلاة: يا رب ما أعظم لطفك الذي تغمرني به في كل يوم وما أعظم رقتك في تعاملك معي وقت ضعفي واحتياجي. أُثمر فيّ لطفاً نحو الآخرين سواء كانوا أصدقائي أم أعدائي.
    هبني لطفاً من روحك اللطيف لأربح كل من يتعامل معي.

    أود أسمع منك رأيك أو تعليقك أو أضافتك الرب يبارك

    ReplyDelete