11/18/2006

أساطير الخريف




تقول الأسطورة الأولى.. أن فى وجوههن براءة لا تنضب
وتقول الأسطورة الثانية.. أن فى عيونهن مخابىء الندى والفراشات
وتقول الأسطورة الثالثة.. أن فى نوفمبر تجتمع أرواحهن ليلاً
يعطين بعضا من براءتهن للأرض التى تئن ملطخة بأفعال الكبار.. فهكذا تحتملهم عاما آخر

وتقول الأسطورة الرابعة.. أنه إذا جف الندى وانتحرت الفراشات
لم يبقى من أثر البنات إلا نوفمبر الحزين
ولن تقوى الأرض بعد ذلك على الحياة

فكى لا يجف الندى وكى لا تنتحر الفراشات
ابتسموا فى وجوه البنات.. كل البنات

----
*العنوان على اسم فيلم لعم الحج/ براد بيت والاخت الفاضلة/ جوليا ارموند

13 comments:

  1. al banat al banat altaf al ka2enat :)

    bas mesh kolohom:) gayez kolohom under 6 years old and afterwards we have to revisit this fact :)

    ReplyDelete
  2. رفقا بالقوارير ( الي هم البنات يعني )

    دي كانت من اخر واصايا الرسول عليه الصلاه والسلام

    ReplyDelete
  3. تحت أمرك يا ست الكل ..بس ياريت ..البنات كمان
    تبتسم فى وشنا ..على الفكرة البنات الصغيرين بيبقوا ملايكة
    لكن البنات لما تكبر وتبقى آنسات حلوين بيبقوا ...
    اللهم أحفظنا ....
    إن النساء ( .... ) خلقن لنا
    نعوذ بالله من شر ( ........) - وهذا
    ليس كلامى ..ده كلام شاعر قديم (
    .......
    ( شياطين )
    ياللا سلام
    ..

    ReplyDelete
  4. يا سبحان الله
    كنت لسه باكلم رشا من كام يوم علي بوست هاكتبه قريبا عن البنات
    بس انا مختلف معاكي
    ابقي اقريه وانتي هاتفهمي

    ReplyDelete
  5. اعتقد ان فكرة الحديث عن الأطفال الصغيرين وخصوصا البنات منهم مسيطرة اليومين دول على كتير من المدونين وهى فكرة جميلة بالطبع
    وذى ما زينب لخصت احساسها الجميل فى مجموعة اساطير
    كمان غادة -مع نفسى- كتبت حتة سكرة
    عن نفس المعنى

    ReplyDelete
  6. سيبك انتي
    البنات اللي في الصورة امامير وزي العسل :)

    ReplyDelete
  7. فيه عبارة لأحد أصدقائي أرجو للبنات ما ياخدوهاش بعنف : البنات البنات ألطف الكائنات ، وهمة صغيرين بس!:)

    ReplyDelete
  8. جامدة دي يا قلم جاف
    :))

    ReplyDelete
  9. مدونة متميزة؛ اكتشفها لاول مرة عن طريق تداوين للاخت الهام؛ لن تكون هذه زيارتي الاخيرة؛ ساسمح لنفسي باضافة رابط في مدونتي

    ReplyDelete
  10. في مقولة افتكرتها للبنت "غير المصرية" اللي انا كنت مرتبط بها كانت بتقولي البنات = عرايس + حاجات "بينك" لكن الولاد = كورة + طين على الهدوم!

    ممم .. متهأيلي عندها حق!!

    ReplyDelete
  11. 2 B || ! 2 B ®
    موافقة :) كلهم ألطف الكائنات لحد 6 سنين، وبعد كده بيبقوا بنى ادمين عاديين فيهن الطيبات وفيهن غير ذلك :)

    ---

    King A.S.R
    اللهم صلى وسلم وبارك عليه ، مافيش بعد وصية سيدنا محمد كلام تانى
    ----

    رجل من غمار الموالى
    اولا المشكلة عندى مش فى كلمة "شياطين"
    انا مشكلتى الاخطر من كدهفى كلمة "خلقن لنا"
    لأن النساء لم يخلقن للررجال اساسا
    احنا خلقنا لعبادة ربنا زيكوا بالظبط
    مفيش حد فينا احسن من التانى ومفيش حد فينا اتخلق عشان التانى
    ولو قدرتوا تشيلوا الحكاية دى من دماغكوا اكيد هتفرق كتير فى العلاقة بين النساء والرجال عموما

    اما بالنسبة لاعتبار -الشاعر القديم ربنا يبشبش الطوبة اللى تحت او فوق دماغه- ان النساء شياطين، فدى وجهة نظره الخاص، يبلها ويشرب ميتها
    :D
    ------

    عربى

    هستنى كلامك عن البنات
    بس من اولها اهو يا احمد، كلمة كده وللا كده، وللا رأيك يبقى شمال فى البنات هتمنع من دخول ممكلتى لمدة ستة شهور،
    اكتب بقى تحت التهديد
    :)
    -----

    دموع الكحل
    ميرسى انك قلت لى انها خاطرة جاية على بال كذا حد
    انا رحت جري اقرا اللى كتبته غادة، وكالعادة رائعة طبعا
    بس مين تانى كتب؟
    ----

    بن عبد العزيز
    لأ انت اللى سيبك، البنات كلهم عسل
    ---

    قلم جاف
    يعنى الابتسامة اللى ف الاخر دى تعنى انك موافق على كلام صاحبك وللا بتهدى من اعصابى

    ----

    ادم
    اتفضل ذيع :D
    قصدى اتفضل ضفها
    ولك منى جزيل الشكر
    ----

    علاء

    ممم مش عارفة، هل دا ميل طبيعى ، غريزة يعنى ان البنات تلعب بالعرايس وتحب البينك والاولاد يلعبوا كورة ويتبهدلوا فى الطين، وللا اهالينا هما اللى بيشتروا للبنت عروسة وللولد كورة
    ؟
    يعنى يمكن يكون تطبيع مش طبع
    او تعود مش غريزة

    ومع ذلك هى بردو عادات جميلة، بتكلم بصفتى كنت فى يوم من الايام بلعب بالعروسة وبلبس بينك، ولو انه مش لونى المفضل عموما
    :)

    ReplyDelete
  12. احنا جايييين نهدي النفوووووووووووس:)

    ReplyDelete
  13. ربننا يخليلنا عمو برد بيت يارب
    البنات طول عمرهم الطف الكائنات بس الاهم بقى
    طافا طيفى طاطاطاطا

    ReplyDelete