12/28/2006

مبروك يا أمل


مبروووووك حلوة معطرة بالفل والياسمين واللافندر
مبروك يا أمل حياته وحياتى وحياة كل اللى شافك وصاحبك وعرفك ولاقاكى وقت شدته وفرحته وقلقه وحزنه وبكاه وضحكته
مبروك يا عروسة البحر والمطر والهانوفيل.. مبروك يا أحلى روزة

زغروته يا بنات ويا اولاد

بكرة كتب كتاب رومانتيك روز.. على مين؟؟ بقى يعنى مش فاكرين؟

من سنة كتبت رومانتيك روز.. عن حبيبها اللى زي الملاك.. هى كمان زى الملايكة اما تشوفها.. والاخ عمرو يشهد بكده

اللى كان هنا من سنة.. اكيد فاكر البوست ده.. اثر فى الناس اوى وخلاى منهم يراجعوا حساباتهم.. ان لسه فى حب كده.. ولسه فى حد بيشوف حبيبه بعيون جميلة كده

بصوا بأه.. انا عايزة كل اللى بيحب العريس والعروسة وكل اللى دخل هنا، حتى لو دخل صدفه وماشى.... يدعيلهم ربنا يباركلهم ايامهم الجاية ومايفرقهمش عن بعض ابدا.. ويجعلهم سبب للخير والرحمة والحب.. قولوا يا رب

25 comments:

  1. ألف مبروك يا رومانتيك روز و ألف مبروك يا ملاك رومانتيك روز على رومانتيك الملاك اللى ربنا كتبهالك , و يارب يبارك ليكم كل ثانيه لأ كل فمتو ثانيه من عمركم , وحبكم لبعض يزيد كل يوم عن اليوم اللى قبله و توصلوا لأقصى درجات حبكم لبعض بعد مية سنة من دلوقتى و يارب ربنا ما يفرقكمش عن بعض أبدا و تكونوا رحمة و خير لبعض
    يا ملائكة , ويارب يخليى ليكى يا رومانتيك روز صاحبتك زيزى اللى بتحبك و هتفضل تحبك عالطول

    تحياتى ليكم أنتوا التلاته زيزى و رومانتيك روز و ملاك رومانتيك روز

    ReplyDelete
  2. بارك الله لهما ، وبارك عليها.. وجمع بينهما فى خير

    الف الف الف مبروك يا روز
    عايزين صور الفرح بقى
    :P
    واول البنات يبقى اسمها "لستُ".. معرفش بانهى مناسبة
    بس هو كدة

    الف مبروك تانى مرة

    ReplyDelete
  3. الف مبروك وربنا يبارك لهم ويسعدهم دايما
    يارب
    امين

    ReplyDelete
  4. الف الف مبروك و ربنا يسعد الكل انشاء الله

    ReplyDelete
  5. ألف مبروك لرومانتيك ، وخالص الأمنيات بإذن الله بمزيد من الصحة والسعادة والاستقرار من أجل الازدهار (مع الاعتذار لبيروقراط الحزب الوطني)! :)

    ReplyDelete
  6. ماشاء الله
    ربنا يتمم لها بخير يا رب
    مبروووووووووك

    خبر يفرح احمدك يا رب
    :)
    اشوفك يا زيزي يا قمر قريبا
    :)

    ReplyDelete
  7. مبروووووووووووووووووووووك

    ReplyDelete
  8. هذه قصيده عن الحج لابي نواس هديه لبنت مصريه و جميع الزملاء المدونين
    ----------------------------------الهنا مااعدلك
    مليك كل من ملك
    ..................................
    لبيك قد لبيت لك
    لبيك ان الحمد لك
    ..................................
    و الملك لا شريك لك
    ما خاب عبد سالك
    ..................................
    انت له حيث سلك
    لولاك يارب هلك
    ..................................
    لبيك ان الحمد لك
    و الملك لا شريك لك
    ..................................
    كل نبي و ملك
    وكل من اهل لك
    ..................................
    و كل عبد سالك
    سبح او لبي فلك
    ..................................
    لبيك ان الحمد لك
    و الملك لا شريك لك
    ..................................
    و الليل لما ان حلك
    و السابحات في الفلك
    ..................................
    علي مجاري المنسلك
    لبيك ان الحمد لك
    ..................................
    و الملك لا شريك لك
    يا خاطئامااغفلك
    ..................................
    اعمل و بادر اجلك
    و اختم بخير عملك
    ..................................
    لبيك ان الحمد لك
    و الملك لا شريك لك
    --------------------------------------------------------------------

    ReplyDelete
  9. بارك الله لهما ، وبارك عليها.. وجمع بينهما فى خير

    الله ع الأخبار الجميلة.. لو هاتكلميها قريب قوليلها غادة بتبارك لك وبتزغرط..دي رومانتيك روز مش أي حد.. لولولووي.. أكيد هي مش هاتدخل دلوقت خالص.. عشان كده السلام أمانة

    يارب فرح كل الناس ..:)

    ReplyDelete
  10. الف الف مبروك و ربنا يبارك لهما و يجعل حياتهم سعيدة باذن الله تعالى


    بنت مصرية
    كل سنة و حضرتك طيبة
    الاولى بمناسبة عيد الاضحى
    و التانية بمناسبة العام الجديد

    تحياتى
    بيجاسوس المصرى

    ReplyDelete
  11. أنا كنت فقدت الامل فى وجود حب زى ده،كنت بشوف ان لو اتنين كده يبقى هم الاتنين بيضحكوا على بعض وعلى نفسهم بس انا قريت كلامهم وحسيت صدق الاحساس ،قد ايه حلوين وحبيتهم من غير ماعرفهم وبتمنالهم السعادة مع بعض دايما يارب، ويارب يرزق الناس كلها بحب زى ده
    والف مبروووووووووك
    ارق تحياتى لكم جميعا

    ReplyDelete
  12. زغرتي ياللي مانتيش غرمانة
    للللوووولي
    مبروك يا زيزي
    ادعيلي انتي بس ربنا يفرجها والسنة ديه تخلص واتجوز


    بلو:
    عاوزة بنت يبقي اسمها لست بجد؟
    بتتفرجي علي فريندز
    لو بتتفرجي فيه حلقه في سيريس 10
    اسمها
    mrs coensaela


    ايبي بتقول احمدك يا رب
    فاكرة يا حجة زيزي(مانا زيطت بقه)البوست بتاع جواز صاحبتك في الصيف...فاكرة بقه تعليقي
    اهو انا دلوقتي نفسي اقوله بس خايف لحسن العروسة تزعل

    ReplyDelete
  13. ألف مبروك يا رومانتيك عقبال البكارى

    كل سنة وانتم طيبين يا أهل الدار

    ReplyDelete
  14. أنا مكنتش هنا من سنة ويمكن مكونش دخلت كتير عند رومانتيك روز بس بجد فرحانة أوي إن قصة حب توجت بالنهاية السعيدة دي ، ربنا يكرمهم ويباركلهم ويجمع بينهم في خير ويجعل أيامهم كلها سعادة..
    مبروك يا أمل وعقبالك يا زيزي.

    ReplyDelete
  15. 2alf mabrook for Romantic. I read the old post, mashAllah :) fa3lan il kalam min il 2alb. May Allah bless both of you ameen.

    ReplyDelete
  16. مبروووووووووووك انا معدية اعيد عليكي الاقي فرح وحجات حلوة عقبالك يا زيزي ربنا يوفقهم يارب وكل سنة وانت طيبة يا جميل

    ReplyDelete
  17. mabroooooooooooooook
    3o2balnaaaaaaaaa kollenaaaaaaaaa

    ReplyDelete
  18. السلام عليكم جميعا
    دخلت فقط اليوم كى أقول لكم جميعا ولبنت مصرية خاصة كل عام وأنتم بخير بمناسبة عيد الأضحى المبارك....أعاده الله عليكم وعلى الأمة الإسلامية بالخير واليمن والبركات ...
    ورغم غيابى عن عالمكم الرائع (عالم التدوين )لإنشغالات خاصة إلا إننى أحببت أن أعيد عليكم

    ---------
    ومبروك لرومانتيك روز التى طالما أمتعتنا بتدوينها وتعليقاتها الجميلة
    وعقبال كل من قرأ هذا التعليق ولم يدخل بعد عش الزوجية ...وتحياتى للجميع

    ReplyDelete
  19. اولا الف الف مبروووووووووووك وعقبالك يا زيزىىىىىى

    ثانيا كل سنة وانتى طيبة

    ثالثاً شكرا على سؤالك علية يا جميل

    ReplyDelete
  20. الف مبروك


    عقبال الكل


    و كل سنة و انتم طيبين


    انت جميلة يا بنت مصرية

    ReplyDelete
  21. الف مبروك وعقبال الجميع يا رب وكل عيد وكلنا بخير ومصرنا بخير وكل عيد واحنا طيبين بأذن الله

    ReplyDelete
  22. الله يبارك فيكم يا جماعة
    رومانتيك روز هتدخل وترد على واحد واحد .. بس هى ملخومة شوية وكده
    ---
    وكل سنة وكلكم طيبين وبصحة وسلامة وبعودة الايام الجميلة
    ---
    ذو النون
    شكرا على القصيدة الجميلة اوى
    ---
    غدغود
    يوصل يا جميلة :)
    --
    سويدىىىىىىىى
    كل سنة وانت طيب :))
    عودٌ سويدي
    :D
    ----

    ReplyDelete
  23. كل سنه وانت طيبه
    ومبروك لامل
    وعلى فكرة لون مدونتك في منتهى الرقة
    :)

    ReplyDelete
  24. كل سنه وانت طيبه
    ومبروك لامل
    وعلى فكرة لون مدونتك في منتهى الرقة
    :)

    ReplyDelete
  25. احم احم .. أنا جيت ..

    أولا: وحشتوووووني كلكم .. و طبعا ست البنات "زيزي" وحشتني قوي قوي ..

    ثانيا: ميرسي يا زيزي يا حبيبتي .. الله يباركلي فيكي يا رب و يا رب يا رب يا رب يا رب عقبالك لما كلنا نباركلك عن قريب ان شاء الله ..

    ثالثا: كل الناس الطيبة الجميلة الرقيقة : مبرمج حر-عوليس-ذو النون المصري-قلم جاف-ايبيتاف-ممكن-غادة- pegasuselmasry-نضال-عربي-شادي-تسنيم- Organic-Muslimah- Nouran-ايهاب توفيق- saadny_architect- m_elsewedy- Sampateek-aichany-LionKing™.. الله يبارك فيكم يا رب و يحقق لكم كل احلامكم و تبقي حقيقة جميلة تعيشوها كل لحظه .. لحظه بلحظه .. و يا رب يا رب تبقي كل ايامكم اسعد من بعضها و ما تعرفوش تودوا الحب و راحة البال فين .. ما تقولوا أمين ..أأأأأأأأأأأأأمين

    حاجة مهمة قوي قوي .. انا عاوزه اشكر كل شخص/شخصة ف يوم من الأيام سمع/سمعت مني مشكلة و دعتلي ربنا يفكها عليا .. ربنا كريم قوي قوي قوي و سمع منكم دعواتكم و استجاب بفضله و كرمه .. الحمد لله .. و علي فكره .. أنا ف يوم قلت عليه انه ملاك .. و ناس كتير خوفتني ساعتها و قالتلي الملايكة ما بيمشوش علي الارض .. الحقيقه انتوا معاكم حق .. لسبب .. أنا قلت عليه ملاك ف وقت انا مكنتش لسه عرفته فيه زي دلوقتي .. اما دلوقتي بقي .. فما اعتقدش ان الملاك ممكن يكون بالرقه و الطيبه و الحنان اللي بشوفه .. يا ناس انا ما شفتش حب و عطاء قد اللي انا بشوفه اليومين دولا .. اقرصوني لاكون بحلم و الله .. بس بجد هو مش ملاك .. هو انسان .. انسان قوي .. انسان بجد .. انسان عمري ما شفت زيه .. ربنا يباركلي فيه يا رب .. طلب بقي لو فيها رذالة يعني .. ادعولي ربنا يرزقه بالرزق الحلال الواسع الطيب بدون فتنه لا ضرر .. خلونا ننجز بقي .. ولا ايه ؟؟

    زيزي .. سمعينا بقي اغنية ربك لما يريد "محمد منير" و اغنية أنا مش مصدق "ايهاب توفيق" ..

    :))

    ReplyDelete