3/16/2007

مكتوب على جبين نملة

يقف مكانه من الصف الأول خلف الإمام مباشرة. ينتهى الإمام من الإقامة ثم يكبر ويبدأ فى قراءة الفاتحة جهراً. أما هو فيقف منصتاً بإطمئنان مركزا عينيه فى موضع السجود حيث إلتقاء الجبهة بالأرض

ينتبه إلى شىء متناهى الصغر يتحرك على موضع السجود متخذا طريقا مستقيما لا يحيد عنه. يفطن إلى انها ولابد نملة تحمل طعامها، يتأكد من ذلك عندما ينحنى على ركبتيه أثناء الركوع فتقل المسافة ويرى النملة وهى تحمل فتاتة الخبز التى تبدو أكبر منها كثيراً

بعد أن سمع تكبيرة الإمام، وبينما يهوى للسجود ينزعج لظنه أنه قد يسحق النملة تحت جبهته، وفى الحال يضع كفيه على الأرض ثم يتحرك بنصف جسده الأعلى إلى الأمام مقدار شبر ثم يسجد ملامساً بطرف جبهته قدمىّ الإمام. اطمأن عندما تمكن من تأمين الطريق للنملة وفى نفس الوقت تعجب من قدرته قبل ذلك على قتل جحافل النمل بين الشقوق أو طابور النمل يسير على أى حائط

بينما يكمل باقى الركعات وراء قراءة الإمام تتبع عيناه مسار النملة وهى تنحرف قليلا عن الطريق.. ترجع بضع خطوات إلى الوراء، ثم تعود لتكمل طريقها.. ربما تسقط عنها فتاتة الخبز فتدور حولها لإيجاد وسيلة لحملها مرة أخرى وتستمر فى السير

اقتربت الصلاة من الختام وكان لا يزال يراقب النملة بينما يباغتها فجأة طرف جلباب الإمام فيرتمى عليها ويحجب عنها رؤيتها. يضطرب قلقاً عليها ثم لا يلبث أن يستعيد هدوءه عندما يشاهد النملة تخرج من تحت الجلباب تحمل خبزها. يبتسم ويدير وجهه يميناً ملقيا السلام ثم يستدير يساراً فلا يجد النملة.. يدور بعينيه باحثاً عنها، فلا تقع عيناه عليها مرة ثانية

ينهض من الصلاة ، فيحيه الرجل عن يمينه قائلا: تقبل الله
فيقول فى سره مبتسما: تقبل الله!! علىّ أن أعيد صلاتى مرة أخرى


---
على فكرة: دى قصة حقيقية

41 comments:

  1. هييييييييييية

    انا اول واحد يعلق

    هو فعلا لازم يعيد الصلاة

    ReplyDelete


  2. ياما حصلتلي

    سبحان الله لما باجي أصلي يمكن ياما في حياتي أكتر من 100 مرة عدت الصلوات بسبب تعلقي بالحشرات اللي بتستأصدني لما أجي أصلي و تلفت انتباهي كتير أوي

    دلوقتي ماعادشي الحمدلله - ربنا يزيح الشيطان يا رب

    مممممم بس القصة دي فيها معاني جميلة

    ربنا يكرمك

    سلاااااام من ماناساس البلد

    ReplyDelete
  3. هو ده الكلام , جميل جدا أنك تدونى على فترات متقاربة كده

    أحييكى على القصة

    الأهتمام و الأنشغال بتوافه الأمور على الأساسيات والأولويات بقى سمة غالبة دلوقتى لكن الجميل فى الراجل ده أنه أدرك كده وفهم أنه لازم يعيد .

    كتير أوى الواحد يهتم بشىء لا يستحق على حساب شىء أهم ويفضل طول عمره مصدق نفسه أنه شىء يستحق وعمره ما يحاول يسأل نفسه ولو للحظة أنه محتاج يعيد اللى خسره بسبب أهتمامه بالشىء الذى لا يستحق

    ReplyDelete
  4. لأ لأ يا مبرمج.. انا مقصدتش ان دا يوصل كده
    :)
    اصله كان لازم ينقذ النملة
    ما هو ماينفعش يقتلها وكده
    لأ صعب اوى

    ReplyDelete
  5. صعب ليه بس ماهو بيقتل جحافل النمل دون أن يطرف له رمش ؟؟

    ReplyDelete
  6. ربما ذكرته النملة بالمكتوب على جبينه هو الآخر
    فحياة الإنسان على الأرض ليست كدحا ساميا طوال الوقت
    ولكن كثيرا منها كدحا في سبيل الرزق ومتطلبات الحياة المختلفة
    وكدح الانسان الروحي هو كيف يواصل هذا الكدح المادي ولا يفقد تواصله مع الحق

    من الممكن جدا أن يداوم الانسان سجوده لله ولا يحطم النملة في طريقه

    ReplyDelete
  7. مبرمج حر

    ما هو ندم بأه وكده
    :D

    ------

    محمد شدو

    الله.. الله يا بنى الله
    :)

    ReplyDelete
  8. انا اعتقد انه عمل الخير و الصح بانه لا يعتدي علي النمله
    فاكرين قصة البغي التي دخلت الجنه لانه رق قلبها لكلب عطشان و امراهخ دخلت النار في قطه لان قلبها قسا ولم تدعها تاكل حتي من حشرات الارض
    هنا الدين الحق
    هنا المعني الذي لاجله هبطت ملائكة الله لنا كي ياتوا البشارات للرسل كي يعلمونا هذه الرقه في القلب لا لنرتدي الجلاليب القصيره و نستاك و تنتقب البنات
    هنا الدين و هدفه
    ان ترق القلوب فننتبه الي حيوات اخري يجب ان نحترمها
    بوست مميز
    تحياتي

    ReplyDelete
  9. كنت ارجو من بنت مصريه ان تعيد شرح كيف تنشيء مدونه ؟لان النظم الحديثه تختلف تماما عن النظام القديم في اعداد المدونات كما نرغب في معرفة كيفيه الانتقال من النظام القديم الي النظام الجديد دون فقد الكودات التي اضفناها لمدوناتنا
    ...............
    لكي خالص التحيات و الشكر

    ReplyDelete
  10. المصري الوحيد يمكن بين لابشر اللي قال أكل العيش مر .. طول عمره بيشوف المر في لقمة العيش
    حتى مخاليق ربنا اللي مجاوراه اتكوت بناره

    يالا بقى نصيب

    أرق تحياتي

    ReplyDelete
  11. رأيى الشخصى أن القصة حلوة جدا , وممكن نستنبط منها معانى كتيربتختلف من واحد للتانى

    يعنى مثلا

    مكتوب على جبين النملة أنها تواجه قوة تقتل وتندم و إحتمال النجاة فى المواجهة صفر لكن كان مكتوب على جبينها النجاة

    ReplyDelete
  12. سبحان الله
    هو فعلا موقف ممكن يحصل لأي واحد

    بس طبعا يا ريت يعيد الصلاة

    و دا يتهيئ لي ذنبه أقل من اللي بيفكر في ماتش أو في فيلم لغاية ما الصلاة تخلص

    ReplyDelete
  13. زينب

    أسف لخروجى عن النص بس عاوز أوصلك رساله مهمه

    أنا عملت ليبل فى المدونه بتاعتى لتعليم التدوين بالفيديو بالصوت والصورة , ياريت لو تضيفى اللينك بتاعه فى مدونه كيف تدون على بلوجر بتاعتك عشان الفايدة تعم على الجميع , وياريت تشوفى الليبل عندى مباشرة على اللينك دة

    http://demaghy.blogspot.com/search/label/%D8%AA%D8%B9%D9%84%D9%8A%D9%85%20%D8%A7%D9%84%D8%AA%D8%AF%D9%88%D9%8A%D9%86

    وياريت تبعتيلى ميل عشان أقدر أكلمك من خلاله , سلام

    ReplyDelete
  14. ايه الاخبار يازينب كويس انك رجعتي تدوني ذي الاول بنفس الحماس
    كويس بقي ان صاحبنا مقتلش النمله وكان قلبه حاسس لان في واحد قلبه قفل وممكن يقول ان الصلاه اهم من ميت نمله ويروح دايس عليها وفعصها بس اللي يعمل كده يبقي انسان كويس من جواه ولسه عنده خير كتير وشكرا

    ReplyDelete
  15. دى مش قصة وبس يا جماعة الموضوع كبير لو فعلا ده حقيقى يبقى دى مجموعة ؤسائل
    - أجلها لسه ماجاش وألا كانت ادهست من المصلى ده او غيره او من الامام اللى دارى عليها بعابيته
    - عندها وظيفة لازم تعملها وهى عارفة تمام ان فيه مخاطرة بحياته ارجع للقران الاية التى ذكر فيها قصة النمل مع سيدنا سليمان
    - حملها للاكل مش معناه ان وظيفتها الخطيرة هى الاكل وبس ...... ها فاهمين ؟
    - الهائه عن الصلى ليس مبرر لعدم قتله نملة بس الاول نصلى وبعدين نفكر فى ايه حرام وايه حلال
    - أخيرا نحى بنت مصرية انها فى عشرين سطر و متوسط 300 كلمة قدرت تتخيل موضوع كبير وكله رسايل مخمة

    شكرا

    ReplyDelete
  16. قصة شيقة جداً، ياريت يكون عنده رحمة في باقي الوقت ومش في الصلاة بس.

    ReplyDelete
  17. ذو النون المصري
    جميل اوى يا ذو النون.. انا موافقاك جدا، او بمعنى تانى انت دوست على احساسى انا من القصة دى

    اما شرح كيف تنشىء مدونة.. فمن العين دى قبل العين دى :)
    ان شاء الله هعمل الشرح ده قريب اوى وانزله
    وهو عموما افضل واسهل كتير عن النظام القديم
    --
    مبرمج حر
    انا معاك جدا ان كل واحد بيفهم الحاجة حسب ما هو عايز
    واستنباط المعانى بيختلف من شخص لآخر
    انا بس لما علقت وقلت لك انى مقصدتش اللى انت فهمته فى الاول كان بس عشان انا ضد الفكرة اللى انت وصلتها نهائيا وحبيت بس اوضح موقفى
    لكن طبعا ايا كانت الفكرة الىل توصلك فليك مطلق الحرية يا صديقي
    ---

    محمد حمدى
    حاضر يا محد ان شاء الله هحطها على بكرة كده مثلا
    وايميلى
    zeinab7[at]gmail[dot]com
    ---

    سبونى
    انا فعلا ليا نفس ادون الفترة الجاية ونفسى مفتوحة شوية
    :)
    ---
    mafyozo
    ايه كل ده :) معانى كتيرة انت جبيتها
    بس انا مش فاهمة النقطة الرابعة
    معلش ممكن توضحهالى
    ونبقى شاكرين

    ----

    Nah·det Masr
    يا ريت كلنا نبقى عندنا رحمة فى كل الاوقات ومش فى الصلاة بس

    ---

    DR.SHERBO
    الله اعلم بأه بحكاية الذنب دى.. اللى انا حسيته انه لقى نفسه فى موقف مهمته فيه انه يدافع عن حياة نملة ويفضل حاطط عينه عليها لحد ما يطمن ان مفيش اذى ليها
    وبعدي ن بأه يعيد الصلاة تانى
    :)

    ReplyDelete
  18. يا بنت مصرية
    متفق معاكى على أختلافك معايا
    هههههههه
    بمعنى أنك لازم فعلا توضحى أنك لم تقصدى كل اللى أنا قلته عشان أنتى لم تقصديه

    بس عموما أنا بحب أنى أتعمق فى أى بوست أقرأه عشان أحاول أستنبط وجهة نظر صاحبه

    طيب بما أنها طلعت أوت فسيبك من الأختلاف دلوقتى ونبحث عن نقاط الأتفاق

    لنفرض أنه بدل النملة كانت دودة من الحجم العائلى وليها مجسات كمان .. كان هيعمل معاها أيه؟؟
    بجد والله هى لا يمكن تأذيه زى النملة برضوه نتخيل أن دودة جات قدامه؟؟ تتوقعى كان هيعمل أيه بلاش دودة , أم اربعة وأربعين نفسها جات قدامه وشافها بتتحرك قدامه بأطرافها الأربعة والأربعين , يعمل أيه؟؟

    نيجى لوجهة نظرك
    هل وجهة نظرك هى الرحمة؟؟
    هستنبط تانى و أفرض أن وجهة نظرك هى الرحمة
    جميل جدا
    الرحمة حلوة فعلاً
    والرحمة كل لا يتجزأ

    نيجى بقى لنقطة الأختلاف
    أحنا متفقين دلوقتى على أن الفكرة اللى أنا وصلتلها ملهاش علاقة بمضمون البوست
    لكن
    الفكرة نفسها
    ليه أنتى ضد الفكرة اللى أنا وصلتلها عموما؟؟

    ReplyDelete
  19. الحقيقة أنا قريت النص ده بشكل مختلف شوية _ بعيدا عن قصديتك انتي أيا كانت ـ المسألة بالنسبالي في التفاصيل اللي موجودة طول الوقت على هامش المتون أو المعاني الكبرى.. التفاصيل اللي بيتحرك فيها الفن علشان يكشف ( الكتل ) من خلالها وليس العكس .. التفاصيل اللي ممكن على تفاهتها الظاهرية تهاجمنا و تدير أنظارنا لوهلة _ رغما عن أنوفنا _ عما اعتقدناه انشغالا وحيدا و محوريا .. و القادرة أيضا بعد مراقبتنا لها على تقديم صورة جديدة تماما للوجود
    أنا بحب ده بشكل شخصي مش بس في الفن , لكن حتى في أي حكاية ممكن أقابلها في الشارع
    ..........................
    لو مكنتيش أشرتي لكونها قصة حقيقية .. و استغنيتي عن آخر سطرين كانت هتبقى قصة أدبية تماما ، و جيدة .. لكن أنا عارف ان ده مش هدفك و بالتالي ايضاحك الأخير الكاشف مبرر في سياق البوست و المعنى اللي عايزه توصليه
    ..............................
    عموما ده واحد من بوستاتك الهااايلة من وجهة نظري يا زينب و فيه معاني متعددة كشفها اختلاف التأويلات في التعليقات
    تحياتي
    و احتراماتي

    ReplyDelete
  20. ليكي حق لانها مكتوبة غلط
    بصى يا ست الكل وانا بكتب الالجزء الرابع كنت بفكر فى الشيخ عبد السلام اللى كان شيخ كتاب فى حدائق القبة
    اصلى انا اصلا من الحدائق وسبتها وجيت هنا من زمان وأشتغلت .... طيب طيب ما تزعقيش حدخل فى الموضوع ده ايه ده الواحد ما يعرفش يفك بكلمتين
    المهم الشيخ قالنا اوعوا حد يسرح فى الصلاة وهو بين ايد الله
    وطبعا كانت مشكلة لان الوقت الوحيد اللى كنت بعرف اسرح فيه هو وانا بصلى وبعد كده فى كل خطبة جمعة كنا نسمع الخطيب بيأكد ان ألهاء المصلى عن صلاته تفسدها وطبعا دي خسارة جامدة لان صلاة الجما عة لا تعوض وانا بفتكر الكلام ده وبرد ان من واجب المصلى المذكور فى موضوعك لا يلهى شئ وهو بين يدى الله وبعدين افتكرت ان المفروض اللى يقولكده حرام وكده حلال يكون واحد مواظب على صلاته مش واحد زي مقصر ولانى قررت انى لا اشطب كلمة كتبتها روحت مكمل الموضوع كانى زوار بلوجك وانتى طبعا حتفهموا انا عملت كده ليه معلش عاندى دى انا اسف

    ReplyDelete
  21. تفتكرى لو كان شافها و هو بيعمل حاجة تانية غير الصلاة كان حايهتم؟؟و هو بياكل مثلا او بيتكلم فى التليفون؟
    انا كمان حصل الموضوع داه معايا كنت بابعد راسي فعلا بس كنت بكمل صلاة عادى تفتكرى المفروض تتعاد؟؟؟؟ممكن مقتلهاش لان التفكير فى القتل و التنفيذ محتاج وقت و تركيز فهو داه اللى ممكن يبطل الصلاة؟؟؟مش عارفه!!!!!!!

    ReplyDelete
  22. انا عاجبنى البلوج بتاعك فعلا

    ReplyDelete
  23. اختشي

    هم عايزين يحجبوكي ليه؟

    ايه رأيك تشاركي معانا في التظاهرة التدوينية

    اكوادها موجودة في اللنك ده

    http://www.linux-fr34k.com/Soka/Blogger/Cod.rtf

    ReplyDelete
  24. دى أول زيارة لمدونتك و بجد جميلة موضوعاتك و بخصوص النملة : أنا قرتيتها و فهمتها بشكل مختلف تماما انه الانسان ياما بيعمل حاجات ميقصدهاش بس و قت ما بيحس انه فيه عين عليه بياخد باله أوى من أفعاله فيمكن المصلى ده قتل نمل كتير و محاسش بمرة بتأنيب الضمير و اعتبره شئ عادى جدا بس لانه كان بيصلى و كان مستحضر وجود ربنا _ ربنا موجود ف كل و فت و ف كل مكان بس هوا ما أدركش ده - فعشان كده ايمانه الداخلى منعه انه يرتكب ذنب و هو أصلا بيصلى .. الموضوع ده فكرنى بيا أصلى مرة دست على نملة فارسى من غير ما أقصد و لما أخدت بالى منها كانت بتطلع ف الروح و تخيلى عملت ايه سبت كل حاجة ورايا و قعدت قدامها متنحة و قعدت أحاول أقومها و بقيت مش عارفة أعمل ايه لحد الحمد لله ما فاقت م الخبطة و مشيت ههههههههه بس بجد أنا من ساعتها بقي أبص تحت رجليا و انا ماشية .. اسلوبك لذيذ على فكرة و عجبنى أوى و يشرفنى تزورى مدونتىو يشرفنى جدا أكون صديقة لمدونتك

    ReplyDelete
  25. انا سعيد جدا و اشكرك بنت مصريه و اتمني لكي التقدم في عالم التدوين

    ReplyDelete
  26. أنا عاجبنى قوى البوست. و فعلا أنا من المعجبين بالبوستات بتاعتك، فيها معانى إنسانيه عميقه جدا و بعدين بصراحه انا مستجدعك قوى علشان المدونه اللى عملاها لمساعدة أى حد إزاى يعمل مدونة على بلوجر.

    أنا شايف إن تركيبتك الشخصيه فيها كتير إهتمامات بالمعانى الإنسانيه ديه،

    ReplyDelete
  27. نسيت أشكرك قوى علشان مساعدتك عن طريق مدونتك فى تعديل مدونتى، و آسف للتعليق الشخصى ده

    ReplyDelete
  28. القصة حلوة
    حتى لو كانت حقيقية فإنتي عملتلها صياغة جيدة جداً
    .....
    رأيي
    هو يعيد الصلاة لو هو شايف كده
    لكن أنا حاسة إن الصلاة الأولانية إتكتبت أضعاف أضعافها
    ......
    تحياتي على اللقطة الحلوة دي

    ReplyDelete
  29. قصة جميلة ورائعة

    الكثير منا يفغل في صلاته ووصل صاحبنا إلى جحر النمل ومايحملونه من امور

    نحتاج لوقت يستشعر فيه المصلي بين يدي من يقف

    وحقيقة اعجبت كثيرا بالقصة رغم ان النملة لم تموت ولم يبكي عليها صاحبنا في صلاته حتى يظن المصلين انه خاشع في صلاته

    عمّار توّك

    ReplyDelete
  30. ههههههههههههههههههههههه

    طيب رغم انه موقف صغير بس واضح منه انه انسان رقيق القلب

    ReplyDelete
  31. أفتكر أن السبب اللى منعه أنه يقتل النملة دى هو وجوده فى حضرة الله
    كلنا كده لما بنبقا فى وجود حضرة الله بنستقبح أقل الذنوب وبنبعد عنها
    وبراها بحس كأن شيطان ركبنا
    يا ريت كلنا نفضل فى حضرة الله دوما حتى لا تختفى الرحمة من صدورنا
    يا ريت تشرفينى فى مدونتى
    regards

    ReplyDelete
  32. مبرمج حر

    هو اولا انا مبسوطة ان فى حوار لذيذ كده
    وللأسف اليومين اللى فاتوامكنتش بعرف الاقى وقت ادخل هنا واتكلم وارغى وكده
    المهم

    عشان اجاوب على افتراضاتك دا صعب لانى مؤمنة ان الموقف هو اللى هيحدد التصرف، لكن عموما انا بحب الرحمة لكل المخلوقات، حتى لو كانت ام اربعة واربعين

    :)

    ثانيا، انا لما اعترضت على وجهة نظرك لان اللى فهمته من وجهة نظرك الاولانية انك بتعتبر النملة شىء تافه وانه انشغل بيها عن الصلاة، بس هو كان طول الوقت هدفه الوحيد حمايتها وليس الانشغال بيها ع الفاضى كده

    ----

    طارق امام

    طااااارق، انا سعيدة بتعليقك جدا
    ولو انى مش فاهمة نصه :))
    بس عموما، اعتقد اننا متفقين فى نقطة الالتقات والاهتمام بالتفاصيل اللى قد تبدو تافهة، وانا يمكن لما جيت اكتب البوست ده كنت بكتبه بصفة الامانة، مجرد بروى حدث حقيقى حصل فكنت مصرة التزم بكل تفاصيله، فحتى السطرين الاخيرين وكشفى للحدث انه حقيقى كان من باب الامانة فى نقل الحدث فقط لا غير ، ومع ذلك بعترف انى قلقت من انها تتحول ع الاخر لحاجة فيها وعظ وارشاد وكده لكن كنت لازم اكون امينة لأقصى درجة
    ----

    mafayzo
    حصل خير يا سيدى
    عموما الاكيد اننا كلنا بنسهو فى الصلاة، وبنختلف فى درجات السهو دى، بس ادينا بنحاول نركز وكله بثوابه
    :)
    ----

    Azmiralda
    ميرسى على رأيك فى البلوج
    وسؤالك محير فعلا
    حقيقى معرفش كان تصرفه هيكون ازاى لو لقاها فى وقت تانى غير الصلاة
    عموما لو حصل هاجى اقول
    :)
    ---

    جبهة التهييس الشعبية

    هخلينى زى روتانا سينما واقولك.. انتظرى البوست القادم.. حصريا على بنت مصرية

    هجاوب فيه على سؤالك :))))

    ---

    Eman Eltaher
    انا اللى يشرفنى اجيلك مدونتك واجى اشرب معاكى الشاى كمان
    :)
    ---


    BeLiEvEr
    الله يخليك، اخجلتم تواضعنا ههههههههه
    والنبى انا صعبان عليا نفسى اوى بسبب الموضوع ده
    اهو لحد دلوقتى الناس بتشكرنى على المدونة دى واجى الاقينى متبدسة فى مواضيع حجب وبلاوى بسببها
    ياللا ما الدنيا الا مسرح كبير
    ----

    amira

    شكرا يا اميرة
    ---

    عمّار توّك

    الحمد لله انها ما متتش عشان كنت هقعد اعيط عليها
    ---

    a3trafat lylyah
    تفتكرى :)
    ----

    سمسم

    مش فاهمة
    ---

    مبرمج حر

    قصدك دبستنى :)
    حاضر يا سيدى نجاوب بس اصبر عليا
    ---

    yousef

    ونعم بالله، اكيد الواحد بيكون حد تانى خالص قبل وبعد واثناء الصلاة

    ReplyDelete
  33. زيزي أنا عايزه منك خدمه لو سمحتي
    أنا أصلي مش بفهم قوي في البلوجر ده وحصلتلي حاجه ومش عارفه أصلحها
    زمان في
    create post
    كنت بلاقي شريط فوق كده منه ممكن أحط صوره في البوست أو لينك أو أغير الفونت بس دلوقتي مش بلاقي الشريط ده ؟؟ حاولت ألعب كده شويه في السيتينج بس مافيش فايده .. ياريت تساعديني

    ReplyDelete
  34. شيري ازيك يا جميلة

    بصى يا ستى
    ادخلى عندك فى الداش بورد
    ادخلى على
    settings
    اتاكدى انك فى الجزء اللى اسمه
    basic
    انزلى تحت لاخر الصفحة هتلاقى حاجة اسمها
    global settings

    فى خيار اسمه
    show compose mode for all your blogs?

    الخيار ده انتى اكيد عندك هتلاقى قصاده
    no
    غيريه لـ
    yes

    واضغطى الزرار الاورنج اللى ف الاخر اللى هو
    save settings

    روحى باه لصفحة الكتابة هتلاقى الشريط اللى انتى عايزاه
    لو مش بانين قضادك يبقى هتلاقى لينك اسمه
    compose
    اضغطى عليه

    وبس :)

    ReplyDelete
  35. بجد انا مبسوط اني قرأت القصة دي

    بس هو كويس انه فكر يعيد اللي فاته علشان ضاع منه

    وفي نفس الوقت اتعلم

    ندم على انه قتل
    حتى ولو نمل

    وشاف الصبر
    حتى ولو في نمله

    تحياتي على البوست الجامد جدا

    ReplyDelete
  36. تحية بنت مصرية
    نحن نعلم أنو لازم على المصلي يتخشع في صلاتو ليحصل المطلوب منه
    لكن المشكلة دي تحمل بعض المسائل للي المنوط بالمسلم إجتنابها لحظة صلاتو
    على العموم فكرتو صحيحة مية بالمية
    ولابد من إعادة الصلاة إن كان إنشغاله عنها متعمدا

    سلامتي

    ReplyDelete
  37. ميرسي يا زينب على مساعدتك بس أنا لقيت نفسي عامله yes
    على الأوبشن اللي انتي قلتي عليه
    الظاهر ان البلوجر بيهرج معايا .. طب يانا يا هو بقى وهكتب البوست يعني هكتبه :)))
    شكرا على تعبك يا زيزي وربنا يجازيكي خير

    ReplyDelete
  38. اخبارالاقصر
    عشان كدة المفروض الواحد يروح يصلى لما الادان ومايروحش مباشرة على الصلاة عشان يصر تحية المجسد والسنة القبلية قبل الصلاة عشان يتتحق نوع من الخشوع

    ReplyDelete
  39. البتاع

    البتاع يعنى أنت لما تكون حاسس انك بتاع ومليان بالبتاع وحاسس انك متكتف بالبتاع على الأخر ومش عارف تعمل أى بتاع فى دنيتك وتلقى بتاع فى البيت و بتاع في الشارع وبتاع مع أصاحبك وستين بتاع في الشغل وبتاع في التلفزيون وبتاع في الجرايد وشايف ان الدنيا متلونه بالبتاع والناس كلهم بتاع والجو كله بتاع فأنت ياجيلك ستين بتاع على البتاع الى عندك و حتى لو البتاع الى عندك كان صغير وانك خلاص ناوت انك تهش البتاع الى عندك وتقول خلاص بطّل البتاع الى أنت فيه وانك ما عندكش اى بتاع وتحاول تحسس نفسك ان مافيش أى بتاع ولا حاجة وان الدنيا والبيت والشارع والشغل من غير بتاع وان البتاع ده عندى بس وان أنا بتلكك عشان ان غاوى بتاع وان أنا اساسا بتاع و ستين وسبعين بتاع فأول ما تقابل أى بتاع من دول تنسى كل البتاع الى انت اتفقت عليه مع نفسك وتلاقى نفسك يركبك ميت بتاع وتقبلهم ببتاع فتكلمهم ببتاع وتاكل وتشرب وتنام وتسمع التلفزيون وتقرا الجرايد وتتكلم معاهم في البيت وتشتغل في الشغل وأنت حاسس ببتاع وتجى برضه تانى تحسس نفسك ان مافيش بتاع ولا حاجة وخلاص أنت اتفقت مع نفسك على كدة فاتقبلهم تانى فاتصدم تانى فاتستسلم للبتاع وتبقى ذيهم بتاع بس ايه بتاع كبير....ليه؟ عشان أنت واحد أتعلم أصول البتاع فتنجح فى البتاع وتتفوق فيها كمان وتبقى تصدر بتاع للناس وتبقى مصدر معتمد....! وتتجوز وتخلف وتجيب بتوع صغيرن ويورثوا البتاع ده لا وأية وكمان يشكلوا عليه لا البتاع ده بتاعى أبويا كتبهولى بسمى قبل مايموت لا لا لا البتاع ده بتاعى أنا أبويا قلى أنا البتاع كله ليك....شوفت النتيجة... أيه هى..؟! ان العيال اشاكلوه...!! على البتاع يبقى الحل انك تقسم البتاع قبل ماتموت.. !!!! هههههاى....يبقى أنت لما يكون عندك بتاع تعمل أى بتاعة حتى لو كانت صغيرة بس اية ؟ تكون مفيدة لازم تكون مفيدة أنت فاهمنى طبعا ....لازم وتحمد ربنا على البتاعة دية وتقنع نفسك ان البتاعه دية هى السبيل الوحيد للتخلص من البتاع وان البتاعة دية لو ما عجبتنيش مش حيركبنى بتاع واحد دة حيركبنى ميت بتاع وبتاع وقال الله تعالى في محكم التنزيل
    بسم الله الرحمن الرحيم"لايغير الله مابقوما حتى يغيروا مابأنفسهم" صدق الله العظيم
    اخبارالاقصر

    ReplyDelete