3/25/2007

ممكن تروحوا وتحكولى

تحددت أولى جلسات القضية التي رفعها المستشار عبد الفتاح مراد في القضاء الإداري لمنع عدد من المواقع و المدونات المصرية يوم الثلاثاء القادم 27 مارس 2007.

مجلس الدولة: الجيزة، شارع مراد، الدور الثاني، قاعة 11. التاسعة صباحا.

نقلا عن: سيبونا، لا تمنعوا المواقع - حوليات صاحب الأشجار


انا عايزة احضر الجلسة دى، بس زى ما انتو عارفين انا لسه منقولة شغل جديد وحكاية انى اخد اجازة دى مش هتكون سهلة كده.. وانا محبش اخد اجازات من بدرى كده ، فمش هقدر اروح، كان فيها ايه يعنى لو حضروا الجلسة دى يوم جمعة وللا سبت - مهم اوى اللى يقدر يروح يروح، روحوا واحكولى


11 comments:

  1. من عينيا :)
    حروح ان شاء الله

    ReplyDelete

  2. للأسف أنا بعيد عن كل ده

    بس اي حاجة تحتاجيها مني و لو اني اكلم العالم بتاعت البلوجر بنفسي في امريكا هن انا مستعد

    مش هما شركة امريكية؟ انا ممكن اساعدك و اخاطبهم و اعملك هنا قلبان لو ينفع

    شوفي انت محتاجة مني ايه و انا تحت امرك

    السلام عليكم

    ماناساس البلد

    ReplyDelete
  3. عيب عليكي احنا بدالك يازيزي متقلقيش هنروح انشاء الله وهنبلغك الاخبار اول باول متقلقيش

    ReplyDelete
  4. يا بنت الناس انا مش قولت لك اخلعى انت مالكيش دعوة بالبلاوى ديه انت لحد دلوقتى بعيدة ومالكيش دعوة خالص
    انتى كده حاتورطى نفسك فى الهم
    عبد الكريم اتحبس وبينفذ الحكم لكن المدونه بتاعته لسه على النت
    محدش يقدر يحجب موقع احنا مش فى مستوى الصين وثقلها السياسى
    بلاش تكبرى الموضوع وتمشى ورا حد انا خايف عليكى
    واللهى العظيم بنحبك

    ReplyDelete
  5. اهلاً وسهلاً
    أختي الكريمة
    اولاً إن جديد في عالم المدونون
    وارجو كاي انسان يتمنى إن يحمل فكرة ومبدء ويسعى إلى تحقيقة ويصبح واقع ملموس نعيشه ومن هذا المنطلق أختي الكريمة سوف اقول كلام
    خارج عن اطار هذا الموضوع وانا اعتذر ولكن اريد إن اطلب خدمة
    وكوني مبدء في هذا العالم "المدونون"
    شاهد موضوع لك عن كيفة المدونون
    http://bmadvice.blogspot.com/
    وما هي طريقة لتغير تصميم واضفات وتجميل وترتيب دوانيه
    للعلم هذه الدونيه
    تحمل اسم
    http://freedomloving88.blogspot.com/

    المشكلة بلف وبدور ومش عارف شو بدي اقول او خايف او محرج من طلبي


    للعلم انا مواطن فلسطيني مقيم في الاردن احمل الجواز الاردني
    يعني كنت انسان لا يهتم بشيئ لعدد عوامل اولاً صغر سني في تلك المرحلة ثانياً وضعي المادي الممتاز
    وابي يملك بعض النفوذ والواسطة
    ولكن يا سبحان الله في احدى الايام قبل سنة من الان كان يوجد برنامج على قناة الجزيرة يتكلم عن المدونون
    وطبعاً استضاف شخصك الكريمه واستضاف مالكوم إكس عفواً اخو مالكوم إكس مالك مصطفى :)
    وعلاء ومنال وشرقاوي وشخص ناسي اسمو ولكن هو كان ناصح "ثقيل الوزن"
    للاسف مش متذكر اسمو
    ما علينا ومن تلك البرنامج شعرت بان حياتي وهميه وانني شخص اناني لا يرى غيرة ولا يرى ماذا يعاني افراد المجتمع من المحسوبية والرشوة وعدم حرية الراي
    اشكركم جداً على تلك الحلقة التي فتحت لي ستار لكشف حقائق وابطال امثالكم
    ومن تلك لحظة وساعه بدء اكتب مواضيع سياسية في منتدى ستار تايمز في منتدى نقاش الجاد ولكن هناك لم اخذ راحتي وسبب قوانين المنتدى


    ما علينا ما اريد قولة
    بانني مستعد ان اكون مثل اخوكم الصغير
    ومستعد إن اعطيكم رقم سري والاسم تاع مدونتي واضيف شخصك الكريمة و مالك مصطفى و علاء ومنال

    طلب غريب ولكن والله عنجد انا معجب كثيراً بكم وخاصه مالك مصطفى لا اعرف لماذا تخيلي صورة تاسك توب عندي هي له وهو يضرب ويقفز مثل الاسد على اجهزة امن الدولة:)

    ولما رحت على مصر سياحه قولت إن شاء الله اجد هناك مضاهرة وا احتشاد بلكي وعسى ان اجد زمرة الابطال في ذاك المكان تلك كانت امنية وارجو إن تصبح واقع



    أخوكم الصغير حمزة

    ReplyDelete
  6. بن عبد العزيز

    الله يخليك يا رب ويوقفلك ولاد الحلال
    --

    the groom
    هما مين دول؟ تقصد بلوجر؟ وهما ممكن يعملولى ايه؟
    --

    شيماء
    دا العشم يا جميل.. خلا بأه بينا تويترات
    ;)
    --

    اسكندر
    خلعت نفسى والله انا بس عايزة اتابع
    الله يكرمك
    :)

    ReplyDelete
  7. للعلم هذه بعض مواضيعي في نقاش الجاد

    http://forum.kooora.com/f.aspx?t=3600413

    http://forum.kooora.com/f.aspx?t=3499671

    http://forum.kooora.com/f.aspx?t=3557281

    ReplyDelete
  8. طيب أما حد يحكيليك ابقي احكلنا :)

    ReplyDelete

  9. اه المنظمة او الشركة المسئولة عن المدونة دي في حالة لا قدر الله حاولت الحكومة حجبها

    كمان لو في حد زي الراجل ده ليه مدونة سارق فيها شغلك و تعبك او حاجة

    انا مش عارف انا ممكن افيدكم بايه من وجودي في امريكا

    سلااااااااام

    ReplyDelete
  10. زينب

    بيقولك القضيه أترفضت وأتحولت

    شوفى المزيد عند مالكوم أكس

    سلام

    ReplyDelete
  11. اية اللى بيحصل فى المدونات بقت زى البهايم بتتساق يمن وشمال زى
    ما البيج بوس عاوز ولا ايه
    روحت وشوفت القرف اللى اسمه قضية ضد حرية التعبير
    ولا هى قضية ولا حاجة ده موضوع عادى جدا وبشوفه كل يوم
    واحد اتشهر بيه على النت رفع قضية تشهير بيه
    عادى هو الواحد لما بيتشهر بيه فى جورنال ولا حتى على ورق الطعمية بيعمل ايه مش بيرفع قضيه على الجورنال ولا ايه النظام
    هو يعنى لما يبقى فى قضيه زى قضية عبد الكريم نبقى نتضامن معاهة علشان الدفاع عن حرية التعبير ولما واحد يستخدم حقه فى الدفاع عن نفسه بنسف الاسلوب اللى احنا بنادى بيه وهو القضاء العادل يبقى عاوز يقتل حرية التعبير فى مصر وتكميم الافواه
    مش نقعد كده ونشوف اية اللى بيحصل ولا نكتب ونتحامق زى ما القرداتى عاوزونتضامن لمجرد التضامن ومحدش عارف بيتضامن على اية
    اللى عاوز يعرف الموضوع يبص كويس فى صحيفة الدعوى ولا انتوا اساسا مقروتهاش

    ReplyDelete