3/25/2007

استفتاء، برنامج، وقرار

يوم الاتنين هيكون الاستفتاء على التعديلات الدستورية الجديدة.. انا هروح، وهقول رأيي.. هعلم بالرفض للتعديلات الارهابية الجديدة.. اتمنى كلنا نروح ونقول رأينا، سواء بنعم او لا.. طبعا غباء ان حد يقول نعم، بس ما علينا الديمقراطية بتقول ان اكيد فى نسبة ما هتقول نعم، الاكيد اننا مش لازم نقعد فى بيوتنا ومانقولش رأينا.. وعلى رأي أمل.. اللى مش هيقول رأيه النهاردة يبقى يسكت ومايسمعناش صوته تانى لحد ما يموت


الأهم من موضوع الدستور ده فى رأيي.. هو الخبر اللى لسه نازل على مدونة التعذيب فى مصر، وبيعلن عن برنامج هيتم عرضه على الجزيرة عن التعذيب فى أقسام الشرطة المصرية... الحلقة دى مهمة زى ما بيقو ل الخبر.. ارجوكم ادخلوا اقروا الخبر كامل على المدونة.. اما الحلقة هتعرض يوم التلاتاء 27 مارس الحادية عشر مساءا، والبرنامج اسمه (ورا الشمس).. طبيعى


اخر حاجة.. انا توصلت لقرار بخصوص التدوينة اللى فاتت، عشان اقولكم عليه لازم اشرح بشىء من التفسير وذكر حيثيات القرار :) ودا عايز منى وقت وانا مش فاضية بس، اول ما افضى هقعد اكتب وكده، وشكرا على حسن قراءتكم.. والاهم شكرا اوى اوى على كل تعليقاتكم فى التدوينة اللى فاتت، واللى حسستنى بفرحه جامدة اوى كأنى رفعت على عم الحج قضية وكسبتها وفاضل بس اوزع الشربات

انا هقوم انام، عندى شغل بكرة، ماتنسوش الاستفتاء والبرنامج بأه

16 comments:

  1. لا والف لا بالعربى
    无 صينى
    non فرنساوى
    nein المانى
    mai ايطالى
    いいえ يابانى
    아니다 كورى
    não برتغالى
    нет روسى
    no اسبانى
    لع والف لع صعيدى

    ReplyDelete
  2. أنا لو منك ألغى التعليق بتاع مافيوزو دا لأنه بيقوللك لا وألف لا وبـ11 لغة كمان -على رأسهم الصعيدي طبعًا- يعني هو مش ناوي يجبر بخاطرك وبيعترض على طلبك وبيقوللك باللفظ الصريح:"مش نااااااازل" -أنا جاي اهدي النفوس ياجماعة- بس في سؤال: هو الصعيدي دا أصله روسي؟؟

    ReplyDelete
  3. انا بصراحه متردد اروح ولا مروحش

    حاسس انها فى الحالتين مش فارقه

    اما عن كلامك عن التدوينه الى فاتت فيارب يكون قرارك كويس .. والاهم يريحك انتى اول واحدة

    ومتنسيش الايميلات

    سلام

    ReplyDelete
  4. البرنامج ماشى

    الأستفتاء لا والف لا

    ReplyDelete
  5. انا كنت ناوي مروحش لحد يومين فاتو
    لكن نويت اروح انشاء الله
    ربنا يسترها
    و يحصل اي حاجه بعد موافقتنا الاجباريه علي الدستور

    ReplyDelete
  6. التعديلات الدستورية ؟
    والله كل ما بسمع الاسم ده بحس اني عايز اضحك
    سميها التطبيخات الدستوريه
    التلزيقات الدستوريه
    اي حاجة غير كلمة تعديلات المستفزة دي
    شكرا على موضوع البرنامج ده لانه كان لازم يتعمل
    تحياتي

    ReplyDelete
  7. Hiii,
    This is simply an invitation to visit my blog & read the translation of the rapport issued by the Italian National Institute about the violence on women in Italy, 2006.

    http://chiccopolis.blogspot.com/

    Really interesting

    Karim

    ReplyDelete
  8. موعدنا غدا ان شاء الله لابراء ذمتنا أمام الله و لايضاح موقفنا الرافض امام العالم كله و أمام الحكومة لو يعني سمعهم تقيل و لسه ما استوعبوش موقفنا ..

    و الله بقي يزوروها يطبخوها يحمرها يشووها .. براحتهم .. احنا هنعمل اللي علينا و الباقي علي الله .. أما بقي اللي هيقاطع .. فمنه لله .. بجد منه لله و حسبي الله و نعم الوكيل فيه .. لانه بسلبيته بيشارك المزورون تزويرهم .. بيزوروا باسمه و هيشاركوا الحكومة الذنب امام ربنا .. روحوا يا جماعة و حتي بوظوا الاستماره و ما تقولوش حاجه .. بس روحوا ..

    ReplyDelete
  9. a quick question: since I'm still a beginner in the world of blogspot, could you please tell me how to run a music file on my blog?
    Thanks

    ReplyDelete
  10. انا فعلا عايزة اروح بس انا مش موجودة فى دايرتى الانتخابيه و البطاقة مش معايا ( مش لو بالرقم القومى بس كان احسن؟؟؟)


    يا رب الناس تفوق و يروحوا

    لو رحت كنت حاقول لأ

    مينفعش افضل حاسة بالخوف كل ما احب اقول او اكتب حاجة

    عايزين الامااااااااااااااااان

    الجماعة اللى بيقولوا مش فارقة و حايعملوا اللى هما عايزينه , انتوا كمان اعملوا اللى عليكوا

    عندك حق اللى ميروحش ميسمعناش صوته تانى

    تفتكرى حنفع اطلع صوتى بعد كده ؟؟؟؟؟

    ReplyDelete
  11. мїяάЖάгїм ™

    انا كنت شارحة الحكاية دى فى بلوج كيف تنشىء مدونة


    Azmiralda

    الاستفتاء ده مش مرتبط بدايرتك الانتخابية ومش بيحتاج اكتر من بطاقتك العادية او الرقم القومى يعنى

    ReplyDelete
  12. يا اخ UPA.AbdAllah
    انا أقصد لا للتعديلات
    وربنا اعلم ما فى النفوس

    ReplyDelete
  13. مانا عارف يادكتور. أنا كنت بهدي النفوس بس

    ReplyDelete
  14. هل تري أن التعديل الدستوري أمل يمكن للمصري أن ينظر لة من نافذة لكي يستطيع أن يكمل حياتة أتمني ذلك فالأنسان البسيط اليوم يبحث عن بريق أمل حتي لو كان شيئ مبهم

    ReplyDelete
  15. انا بصراحة عايز اكتب في موضوع الاخ شريف مدكور
    بدون شك ومن تكرار البرنامج جيد وناجح لاكن علي شريف مدكور ان يتحمل النقد -لان النقد البناء يهدف الي التقويم اولا يااخ شريف لاتنسي اننا مجتمع شرقي مهما حاولو غزونا فكريا او ثقافيا فنحن مجتمع يتمسك بقيمه الدينية والاجتماعية ولابد ان تراعي هذا في تصرفاتك ثانيا لابد ان تعطي مساحة اكثر ااشيفات في ان يتاح لهم حديث مباشر مع المستمعين ولايكون قاصرا عليك لان الشيفات بصراحة شديدة هم نجوم البرنامج الحقيقيين كما نرجو منك ان تعطي الكاميرات القدرة علي ان نركز علي مايقوم به الشيفات حتي يستفيد المشاهد بشكل عملي واخيرا اخ شريف نجاحك مش بتسليط الكاميرا عليك بشكل دائم ولكن هو في اتاحة الفرصة امام المشاركين الاخرين ارجوك ياشريف اعطي فرصة للمشاهدين كي يمدحو ايضا الشيفات ولاتقطع عليهم مدحهم لمن هو غيرك ياشريف ماتفتكرش نفسك نبيه اوي والمشاهديين اغبية حاول التواضع وبطل رقصاتك في اخر البرنامج واجعلها مقتصرة علي اشارات مايسترو اوركسترا الطبخ نتمني لك ولجميع طاقات مصر التوفيق ولاتنسي اننا شعب يحمل قيم شرقيه والحدق يفهم
    اخوك رشدي العربي يوسف
    صحفي
    ايطالية

    ReplyDelete