6/19/2007

ومكنتش كلمة السر افتح يا سمسم

بتكلم عن شجرة.. شجرة على جبل. الشجرة لونها أبيض والجبل لونه تركواز. الشجرة بتطرح ورد.. وفي الجبل مغارة. الورد على الشجرة لونه أحمر دم الغزال.. والغزال نايم فى المغارة. مرسوم على جدارها لوحة جميلة لشمس لونها دهبي مبسوط وبحر لونه بمبي فرحان. واللى رسم ع الجدار بنت صغيرة عندها ست سنين وشعرها جارسون، حتى ماقرتش عن نظرية الألوان وماتعرفش إن البرتقاني هو اللون المكمل للأزرق.

....
بس تعرف.. أحسن إنك تتكلم عن حاجة مش موجودة.. بدل ما تتكلم عن حاجة موجودة قصاد عنيك ومش ممكن تطولها

23 comments:

  1. بالرغم انى ممتنع عن التدوين أو التعليق هذه الأيام
    لكنك اجبرتنى على الخروج عن الصمت
    رائعة تدوينتك
    لك تحياتى
    وصباح الفل

    ReplyDelete
  2. فعلا ..أنه التخيل ...أن تتخيل شئ غير موجود أساسا ..يكون ممتعا في بعض الأحيان

    ReplyDelete
  3. الظاهلر كدا انه مزاجك رايق اليومين دول
    تحياتى

    ReplyDelete
  4. تفتكري ان ده ممكن
    نتكلم عن حاجه مش موجوده
    ولا ممكن
    مش عارف المهم
    نتكللللللللللللللللم

    ReplyDelete
  5. روقاااااان

    شويه شويه هتقولي
    hello world :-D

    ReplyDelete
  6. لحظه كده
    بحاول استنتج
    بس النتيجه صفر
    جميله تجوينتك دى
    وانا فاهم اللى فيها
    بس زى ما انت قولتى
    مفيش احسن من الخيال

    ReplyDelete
  7. بحر لونه بمبي :)
    و جبل تركوازي

    يا نهاااااااااار
    ايه التفاؤل الجامد ده
    ههههههههههه

    البرتقالي لون مكمل للازرق
    البنفسجي لون مكمل للاصفر
    الاخضر لون مكمل للاحمر

    دي معلومات عمرنا ما عرفناها و احنا صغيرين :) يعني البنت الصغيرة دي هتكون أحسن مننا مثلا

    كلام جميل و ان كان من الواضح ان المعنى في بطن الشاعر لأنه الظاهر كان جعان :)

    تحياتي

    ReplyDelete
  8. احلى حاجة فى الخيال اننا بنعرف نرسم
    كل الملامح والصور ذى ما نحب وذى ما احنا عاوزنها
    مش زى ما هى بتكون
    ودة الفرق ما بين الحقيقة والخيال
    لك تحياتى
    هنااااا

    ReplyDelete
  9. جميل ذلك الخلط غير الخبير للألوان
    " كما يقول وديع الصافي : ويضحك ع هالعلوات غيم بنفسجي "

    يالها من طفولة تلك التي ترى العالم بلونه الحقيقي
    تحياتي

    ReplyDelete
  10. ما أحلى الرجوع اليه

    هو فعلا
    coded

    شكرا

    ReplyDelete
  11. This comment has been removed by the author.

    ReplyDelete
  12. بوست حلواوي
    بجد يخايكي تهيمي بخيالك وتطلقي له العنان

    ReplyDelete
  13. محمد البنا
    صباحك ريحان :) وزمن حلو من بتاع زمان
    ---
    human
    اها فعلا
    ---
    محمد جادو
    مزاجي رايق اليومين دول!! !!!! !!!!!!!! !!!!!!!!!
    :)
    ---

    اسكندراني اوى
    ممم، لأ.. مش المهم اننا نتكلم، المهم نتكلم فى اللى يهمنا فعلا
    ---

    شيماء
    يا فتاح يا عليم يا رزاق يا كيرم، حتى انتى يا شيماء بتتهيمنى التهمة الحلوة دى؟
    انا مش عايزة اقول للورلد :هاللو، انا عايزه اقوله: جيت اوف ماى مايند
    ---

    مؤمن محمد
    طيب هو ايه اللى فيها؟ يعنى فهمت ايه؟
    ---

    علاء
    تاخد قطمة :)))
    ----

    هنا
    فعلا يا جميلة، وكمان اعلانك انه خيال هيخلي الناس تغفر التهييس ده.. يعنى نفس الكلام ده لو قلناه كأنه حقيقة هيقولوا جنان،مع انه حقيقة فى دماغ الواحد :)
    ---

    التواتي
    لا لا لا، خلط اه،غير خبير لأ.. اعتقد ان التركواز يمشي مع الابيض حلو اوى،ولطشات صغيرة من لاحمر دم الغزال مش هتضر ابدا،هتدى بهجة وكده
    ----
    bestic
    الرجوع لإيه؟ الخيال؟
    ----
    محمد مفيد
    طيب كويس جدا، انا مبسوطة ان ممكن كلمتين صغيرين يخلوا الناس تطلق العنان للخيال شوية...يعنى محاولة للترفع عن الواقع

    ReplyDelete
  14. طب ليه ما حكيتيش عن الوحش اللي في آخر المغارة
    وعن ظلمة بطن الجبل
    ليه ما حكيتيش عن وحدة البنت في المغارة
    ليه ما قولتيش سر الرسم عالجدران
    ليه ما قولتيش عن حلم البنت ترجع لأرض النور
    ليه ما وصفتيش الشوك اللي جوة الورد
    والغزال اللي نايم ده مش ملاك.. ده لابس وش
    وشه الحقيقي مليان أنياب وغدر وغش
    ليه ما قولتيش حقيقة الألوان
    ألوان تذوق الوشوش وترسم أحزان
    يا تري مين سرق الخيال وسلب الأحلام
    وإزاي نحلم والعين بطلت تنام

    ----------------------------
    أنا مكنتش أعرف إني متشائم أوي كده.. معلش مش قصدي

    تحياتي

    ReplyDelete
  15. ana msh 3arf enty kda leh 3l 3moom thanks ya bent masreya www.agmd-blog.blogspot.com

    ReplyDelete
  16. رائعة كعادتك

    تخيلك رقيق وإحساسك عالي

    تحياتي

    ReplyDelete
  17. احلى حاجه ان الواحد يتخيل حاجه مش موجوده

    :)

    دى فى حد ذاتها متعه

    والاحسن لما نتخيل حاجه مش موجوده ونحاول نوجدها فى الواقع

    جميل البوست ده :)

    ReplyDelete
  18. السلام عليكم
    سيبتي كل واحد يفكر في حاجته لوحده
    أخبطوا دماغكوا في الحيطة
    كلام جميل

    ReplyDelete
  19. بس تعرف.. أحسن إنك تتكلم عن حاجة مش موجودة.. بدل ما تتكلم عن حاجة موجودة قصاد عنيك ومش ممكن تطولها00هوا ده الكلام0

    ReplyDelete
  20. السلام عليكم و الله انتى بنت لذيذة جدا و دى اول مرة ادخل مدونات و لكن ليكى كل التقدير على الطبيعية البشرية اللى لازالت موجودة عندك

    ReplyDelete
  21. دهبى مبسوط وبمبى فرحان
    ياريت نشوف الالوان كلها زى مانتى شايفاها
    واتمنى لكى دوام التفاءل

    ReplyDelete
  22. رائعة تدوينتك تلك اختى

    وما اجمل الخيال فعلا فهو نعمة من عند الله

    وانا صغيرة كنت دائمة التخيل لكنى عندما كبرت فقدت تلك النعمة او تضائلت عندى


    ادعو الله لكى ان تظل دائما لديك هذة الملكة الجميلة

    تحياتى

    ReplyDelete
  23. dيا ميت ندامه على اللى حب ولا طالشى

    ReplyDelete