7/24/2007

تطير؟

حسناً.. هل يمكنك أن تذكر لي سبباً واحداً مقنعاً يجعلك لا تطير؟

لتعلم أنى لن أقتنع مبدأياً بأفكار الجاذبية الأرضية وكتلة الإنسان والعلاقة بين الوزن والكثافة وما إلى هذا الكلام، فبقدر قليل من النية الصادقة يمكنك أن تسير فوق الماء وتلف الهواء فى قرطاس وتطير، فإذا زدت هذا القدر لضعفه من الجرأة لتمكنت من الارتفاع فوق طبقات الهواء وكسر سرعة الضوء نفسها

ولن تضحك على عقلي بأسباب أخري لا تقل ضعفا ووهنا عن السبب السابق كأنك "مبسوط كده" وليست لديك رغبة فى الطيران، هي ليست رغبة يا صديقي، هي وصول، وما أدراك ما الوصول. والوصول لا يجب أن يأتي برغبة، بل بمعرفة وشعور يقيني بالحتمية. يا عزيزي سبق السيف الرغبة وفتحت أبواب الإدراك.. والإدراك يفوق كل هذه المعاني.

لتعلم أن الطيران حب، والطيران نور.. والطيور على مداركها تقع والرحلة دائمة وممتعة ولسوف تملأ جيوبك بمقادير هائلة من الشيكولاتة والبونبون أثناء الرحلة.. أو لست تحب الشيكولاتة والبونبون؟

30 comments:

  1. ميرسي يابنوتة علي البوست الجميل دا
    فعلا احسن حاجة ان الواحد وانا مش قصدي واحد يعني فرد اظن انت فاهمة اقصد ايه يطير ويتحرر من قيوده
    بس الفكرة دي قد ايه صعبة دلوقتي؟؟
    واكيد محتاة ارادة من حديد جنب الرغبة القوية

    ReplyDelete
  2. وياريت تزوريني في المدونة بتاعتي المتواضعة
    وتعليقك ينور فيها

    انا لسة بدأة التدوين قريب

    ReplyDelete
  3. انت تقصدي الطيران بمعناه العام يعني مثلا الواحد ركب طياره ويلف العالم بيها ولا الطيران بمعناه الخاص ان الواحد يتخلص من قيوده ويعيش حر بلا قيود والقيود هنا هل هي العادات والتقاليد الموروثه لدينا كشعب منذ آلاف السنين ام هي الحرية بمعناه الواسع اي ان الانسان يعيش حرا في كل شيء دون مراعاة مشاعر الاخرين انا اللي فهتمه من كلامك ان الطيران بمعناه العام هو ان الواحد يتجول في بلاد الله خلق الله ويعرف عادات وطبائع شعوب مشفهاش قبل كده والمثل بيقول اللي يعيش يمال يشوف واللي يمشي اكثر يشوف اكثر علي كل حال الطيران عاوز فلوس والفلوس عند الحكومة والحكومة سلفتهخا لرجال الاعمال ورجال الاعمال خدوها وطاروا عملا بالنصيحة ان الطيران حرية وحب ونور علي كل حال المثل بيقول اللي معاه قرش محيره يشتري بيه حمام ويطيره

    ReplyDelete
  4. الله
    جميل يا زينب

    خاصة تعبيرك عن "الوصول". يارب توصلي نوصل كلنا

    ReplyDelete
  5. من يملك ارادة يصنع المعجزات

    ReplyDelete
  6. هو فيه أجمل من الطيران

    بوست حلو يا زينب

    :)

    ReplyDelete
  7. صباح الفل
    انا استفدت جدا من صفحة وصلت لها بالصدفة عن كيف تنشيء مدونة كنتي كتبيها من فترة ..مدين لك بالشكر
    وأحتاج مساعدتك لأن مدونتي لا ينشر التدوينات الجديدة لوجود "سبام"ومتعكنن جدا ومش عارف الحل كل ما اكتب تدوينة يحفظها درافت فقط
    برجاء الاهتمام خاصة وما شجعني صفحتك المفيدة والمكتوبة برغبة مساعدة حقيقة للأخرين
    صدعتك معلهش
    تحياتي

    ReplyDelete
  8. سوري نسيت اكتب مدونتي لترسلي لي الحل
    ashrafnasr.blogspot.com

    ReplyDelete
  9. بجد بجد بجد فكرة جميلة وانا بقالى فترة طويله جدا متكتف ونفسي أطيييييييييييييير

    ReplyDelete
  10. إذا وصل الإنسان إلى درجة كافية من التصالح مع النفس والتصالح مع من حوله من الكائنات

    أظن أن مسألة الطيران والتحليق في فضائه الفسيح ستكون ممكنة

    تحياتي وتقديري
    محمود

    ReplyDelete
  11. أظن ان فكرتك وصلتنى يا زينب
    الطيران مش محتاج اجنحه
    محتاج اراده علشان تتخلص من القيود وتقدر ترتفع وتطير
    موافقاكى على البوست جدا
    وبحب الشيكولاته والبنبون جدا جدا

    محبتى

    ReplyDelete
  12. لثقتنا الكاملة فى وطنيتكم وحرصكم على سلامة شباب الامة
    ندعوكم للانضمام الى حملة

    ( افضحوا تجار الكيف )

    وهي تهدف إلى تقديم كل ما تعرفه من معلومات عن من يقومون ببيع هذه السموم سواء كانوا فى منطقة إقامتك أوعملك أودراستك أو ناديك

    والتفاصيل والبانارات على هذا الرابط

    http://tw3ya.blogspot.com/

    انتظر تفاعلكم

    ReplyDelete
  13. الطيران جميل بس العوم احلى مش كدا يعنى حياه تحت البحار..انى اتنفس تحت الماء انى اغرق اني غرق اغرق!!!ا

    ReplyDelete
  14. يمكن هوا جبن وخوف
    او يمكن احنا انشغلنا باللى على الارض لدرجة اننا نسينا نفكر نطير عنها
    انا عندى ليكى خبر معرفش تعرفيه ولا لا
    انا قريت النهاردة فى جريدة الدستور الاسبوعى مقال حلو جدا عنك
    حتى فى الصفحة ال 12 فوق على الشمال
    فى صفحة مدونات ومدونون
    المقال بعنوان (بدأت التدوين فى يوم تاريخي الخميس خمسة خمسة الفين وخمسة شفت ازاى)
    مدونة بنت مصرية هى دى البنات هى دى المدونات
    فالف مبروك على المقالة الحلوة اللى فرحت اوى لما قريتها
    ويارب تكونى عندك الجريدة

    ReplyDelete
  15. فكرة المقال جميلة
    بس معلش انا كنت عايز خدمة انا عملت مدونة واللى شجعني اني قريت اللى انت كنت كاتباه على مدونة انسى عموما انا كنت عايز اعرف ازاي اضيف صورة بلنك لو اداس عليها تفتح الموقع بس في صفحة جديدة تاني حاجة كنت عايز احط عندي عداد ودخلت على الموقع اللى كتباه وسجلت نفسي وفي الاخر ما ضفهوش واخيرا كنت عايز اعرف ازاي احط الفيديو من اليويتيوب زي ( انسى ) بس يا ريت بطريقة غير html

    ReplyDelete
  16. I'm afraid this might be a mode of darwasha :)

    enjoy the trip

    ReplyDelete
  17. الطيران والتحرر من قيود الذات شيئ مفيد
    خصوصا للي بعاد عن بلدهم
    عندهم فرصه يطيرو بارواحهم لحبايبهم

    اما الجاذبيه والحاجات بتاعه الفيزيا دي ما تطبقش على الارواح
    مش كده ولا ايه

    ReplyDelete
  18. اسمحيلى ..أنا كنت بحضر لموضوع تدوينة بنفس المعني ...توارد خواطر يعني

    عارفة أجمل احساس بالطيران ايه ؟؟؟
    لما تركبي خيل و تحسي انك فوق و طايرة ....لما تركبي سفينة و تكونى في مقدمة السفينة ...زي تيتانك كده
    لما تركبي طيارة بالطبع

    كل الأحاسيس دي و لو انها وقتية إلا انها تشعرني شخصيا بنشوة الطيراان

    تحياتي للفكرة الجميلة

    ReplyDelete
  19. حسناً.. هل يمكنك أن تذكر لي سبباً واحداً مقنعاً يجعلك لا تطير؟

    السبب الوحيد المقنع هو أنه "غير مقتنع" أنه يمكنه أن يطير

    أما الجاذبية الأرضية فهي ضعيفة
    ألا ترى أن المغناطيس يتحداها
    ثم أتى الإنسان وصنع طائرة وأساسنير
    وجميعها أشياء نتجت عن الاقتناع أن الارتفاع ضدالجاذبية شديد الإمكان
    بل وأتى الإنسان بالصاروخ فخرج من سيطرة الجاذبية بالكلية وتعداها إلى آفاق لا تعرف عنها الجاذبية شيئاً
    هذا على المستوى المادي
    وكل ذلك صنيعة عقل الإنسان وتشكيله لعالم المادة

    وهذا العقل ذاته لا يحتاج أساسا للطيران بشكل مادي
    فالانسان يتعالي فوق كل شيء بالفعل بما في قلبه
    ألا يسع قلب الإنسان خالقه
    ولا يسعه الكون
    يعني قلب الإنسان أوسع من الكون
    وبالتالي هو ليس بحاجة للطيران أساساً
    وكيف يطير في كون أضيق منه
    الطيران هو حبو القلب الإنساني حين يولد
    طبعا قبل أن يولد فهو لا يعرف ما الطيران أساساً

    فإذا تعدى مرحلة الحبو ووقف واتزن ورأى الأشياء على حقيقتها
    أصبح الكون في كفه
    وهل يطير أحد في شيء بهذا الصغر؟
    !!

    هذا ما أخذني إليه الرد على التدوينة
    ولم أكن أعلم حين بدأت أنني سوف أنتهي هاهنا
    ! :)

    المهم انتي تكوني كويسة
    واننا نتولد ونبدأ نحبو بقى
    !!

    ReplyDelete
  20. السبب يا العزيزة بنت مصرية
    انن عايشين فى علبة سردين كبيرة انتهت صلاحينها
    راقدين ملصوقين فى بعض مش حاسين بالسائل الملحى الاى بيملى الفراغات علشان لا نفسد بس للاسف ريحتنا نتنت
    عارفة ان مؤمن ان كان فى زمن ومكان النسان كان بيطير فيهموعلى فكرة ممكن بشوية ارادة ندور على المكان و الزمان دة طالما موجودين يبقى اكيد هنلاقيهة
    هناك نقطة ضوء فى جوف كل انسان

    ReplyDelete
  21. This comment has been removed by the author.

    ReplyDelete
  22. صح ميه فى الميه
    ألى عاوز يطير
    مش محتاج طياره ده محتاج اراده بس
    وصلت الفكره وستنفذ

    ReplyDelete
  23. methaya2li kolna nefsena nteer...nice post

    ReplyDelete
  24. بصراحه موضوعك عن المترو اكثر من رائع

    وبدون مجامله لما بغيب عن التدوين واحب اعرف كل جديد بلجاء لمدونتك
    فهي بالنسبه لي رمانة ميزان المدونين

    وارجو الا اكون قد اطالت

    ahap

    ReplyDelete
  25. كنت عاوز ااسال

    هوا انتى اللى كتبوا عنك فى الدستور الاربع او الخميس اللى فات؟؟؟؟

    ReplyDelete
  26. بقالي يومين مادخلتش نت يا عالم
    انا اسفة جدا ع التأخير ده

    ميرسى على التعليقات الجميلة والملهمة دى :)))
    ---
    شيري
    هزورك يا جميلة من عنيا
    ---
    ashrafnasr
    طيب انت لما بتدوس
    publish
    مش بينشر؟ بيخليها درافت بس؟
    انا مش فاهمة السؤال
    ---
    بنت القمر
    مش هقولك لأ، انا بحب البحر واموت في المية
    ---
    حلم
    قريته والعيلة قريته، وعيلة العيلة كمان :) واكتر حاجة ضحكتهم ان سيرة فرح حمادة ابن خالتى جت فى الدستور
    :D
    ----
    محمد الانصاري
    ما هو ما فيش طريقة غير هتمل:)
    ---
    عدى النهار
    لا خالص
    --
    ahap
    اخجلتم تواضعي :)
    ---
    safa7_karmooz
    اه انا، الاربع اللى فات

    ReplyDelete
  27. ميرسى يانوتا على
    المقال دا

    http://resalamisr.blogspot.com

    ReplyDelete
  28. لا لا لا لا معندكيش حق..الشوكولاته والبمبون أحلى بكتير من الطيران..هوا فيه أحلى من الأكل؟

    ReplyDelete
  29. i wont spent time think did u mean real flyin or was it a mataphor coz it doesnt make a different both can b done if we believe, onlt if we believe engouth.

    ReplyDelete
  30. هي ليست رغبة يا صديقي، هي وصول، وما أدراك ما الوصول. والوصول لا يجب أن يأتي برغبة
    woooooooooooow
    the part has really heated me up
    this is my first comment after minths of silent reading
    i could not hold it any more
    thanx a lot for this quality minutes

    ReplyDelete