8/02/2007

بلوتو يغمز

فقط.. لأنه لم يعد يناسب المواصفات القياسية
خرج بلوتو من حساباتهم.. لم يعد يطلقون عليه اسم كوكب.. وأصبحت قائمة المجموعة الشمسية بلا بلوتو

**** **** ****

فقط لأن مجموعة من علماء الفلك الأرضيين قرروا بعض الصفات والأرقام التي لم تنطبق تمام الانطباق على بلوتو. يستيقظ بلوتو ذات يوم ليقرأ فى الصحف التي لا تَكذب مانشيتاً عريضاً وخبراً تفصيلياً.. ليجد نفسه خارج سياج العائلة الشمسية.. محكوماً عليه بإسم المواصفات "القياسية" ألا يكون ضمن العائلة ولا يحمل اسمها بعد الآن.. لتسقط عنه الجنسية الشمسية، ويخرج عن ملة الرفاق.

على أنه لن يُترك فى حاله تماما، بل سوف يوضع فى بيت الكويكبات القزمة.. وهى المجموعة ذات المواصفات "القياسية الأخرى" التي تتماشى مع مواصفاته الحالية. عليه الآن أن يهجر المشترى والمريخ ونبتون وينهي علاقته بالزهرة ولا يرى عطارد وغيره من أصحابه في الأيام الخوالي، ليخلق صداقات جديدة مع أيريس وسيريس وربما القمر ديسنوميا.

لينسى إذن فكرة العودة وليتقوت بالذكريات، ويأخذ معه قبل رحيله كتابه المفضل وفرشاة أسنانه ودبدوبه الصغير وبعض من حبات اللبان بنكهة النعناع لترفع عنه توتر الوحدة الجديدة.

**** **** ****

يظن العلماء أن بلوتو صاحب العتمة والبرد.. عجوز لن يتحمل صدمة العمر المتأخر تلك، وهم مخطئون تماما، شلة العلماء التي تشرب نسكافيه فى الصباح لتقرر أحكام التهجير والإبعاد فى المساء.

ما يضيره -بلوتو- من حساباتنا الأرضية؟؟ إن هي إلا ورقة يحذف اسمه منها، ليوضع فى قائمة أخرى بورقة أخرى.. لن يتغير مساره بالطبع، ولن تتقطع علاقاته أو تتطبع إلا إذا أراد هو. ما يضيره من أنهم لن يقولوا الكوكب بلوتو وسيقولوا الكويكب بلوتو، هل يحط أو يزيد من قيمته وثقته بنفسه قرارات مجموعة علماء أرضيين فكروا في "جلسة مزاج" أن يطردوا بلوتو من على سطح ورقة بيضاء!!

عزيزي بلوتو.. لك يا صديقي زملاء كثيرون، يحكمون عليهم، فينقلونهم من خانة ليضعونهم فى خانة ثم ينقلونهم منها ليضعوهم فى ثالثة.. وهم -أمثالك يا عزيزي- لا يلتفتون لأحكام الآخرين.. فقط يسيرون كام يتراءى لهم الطريق.. وكما تبدو لهم الأحوال

اسمع ضحكتك الفلكية تأتيني عبر بلايين من الكيلومترات تفصلنا تعلق بها على كلامي بمرحك الجميل وترسم لي على وجه مجرتنا المشتركة "سمايلي يغمز" ه

51 comments:

  1. السلام عليكم ورحمة الله وبركاته
    كان ليا استفسار عن الوقت اللي بياخده موقع توت وموقع عرب بلوجرز علشان يضيفوا مدونة معينة تقدري تحدديلي بالضبط؟
    وكمان بالنسبة لموقع عرب بلوجرز هو لازم اكون عندي مدونة على البوجر ولا ممكن موقع تاني؟

    ReplyDelete
  2. مكانش يومك يا بلوتو
    كلامك عنه ذكرني بقصص الامهات قبل النوم
    لقد سمعت انه تم اكتشاف كوكب جديد سيتم ضمه للمجموعه الشمسيه
    فكيف يتم طرد بلوتو منها

    ReplyDelete
  3. تدوينة مبدعة
    تؤكد قدرات
    البنوتات
    المصريات
    على الإتيان بالمعجزات
    :):)

    ReplyDelete
  4. هو بلوتو برضو متعلق بدبدوبه
    ؟؟؟
    فعلا أفعال العيال تتشابه حتى بين عيال الكواكب
    :)
    كويس انك قولتيله يسيبه منهم ويعيش زينا لا يبالي بأوراقهم وأرائهم وكلنا نحب النعناع ساعات التوتر

    ReplyDelete
  5. بلوتو حيفضل طول عمره بالنسبة لي كوكب.. لو سمحتي طمنيه
    ;)

    ReplyDelete
  6. ردا على التعليق الاول للاخ احمد هجاوبك على النظام المتبع فى بلوجرز تايمز عشان انا مش عارف النظام ايه فى توت .. بالنسبه لبلوجرز تايمز دايما بنضيف المدونات مع صدور كل عدد .. او فى نهايه كل يوم , الوقت مش محدد بالظبط لكن مش بنتأخر .. وفى نفس الوقت احنا بنى ادمين مش مكن .. فا بس اصبر علينا شويه .. كمان مش لازم يكون عندك مدونه على بلوجر عشان تنضاف عندنا .. سواء مدونتك على مكتوب او وورد بريس او بلوج سوم او حتى بلوجر بسهوله تنضاف عندنا بس متنساش تفعل خدمه

    rss

    بس كدة

    بالنسبه للبوست .. بجد بوست حلو اوى .. خفيف وفى نفس الوقت خلط الحقيقه العلميه بالتصور الفنتازى بجمال .. احييكى عليه

    معلش على التطويل .. سلام

    ReplyDelete
  7. أحييك بشدة على تضامنك مع حركة التدوين البلوتوية وأؤكد إن المدونين كلهم مش حينسوا موقفك

    ReplyDelete
  8. لعشاق الكتابة فقط..انتظركم في مدونتي

    ReplyDelete
  9. لا يلتفتون لأحكام الآخرين.. فقط يسيرون كام يتراءى لهم الطريق.. وكما تبدو لهم الأحوال


    هؤلاء كثيرين
    ولكنهم ليسو مثل بلوتو
    فالافظع ان من يحكم عليهم بشر مثلهم ويسترضون انفسهم بكلمات المواساه
    وفى النهاية يستسلمون

    ReplyDelete
  10. صح
    ان هي الا اسماء سميتموها بجد
    :)
    يسموه كوكب يسموه قزم
    يسموه حلبسة

    هو فيه حد عارف يطوله اصلا؟

    بلوتو بيفكرني باللي بيعمله البني ادمين في بعض
    في وضع بعضنا البعض في أطر وانماط واقفاص ونحط عليها يافطات وعلامات واشتغالات
    ثم يتم الحكم عليها علي هذا الاساس

    بلوتو كان موجود قبل ما اي عالم يتخلق وحيفضل موجود بعد ما كلهم يموتوا
    :)

    بس بلوتو برضك يمكن يتبسط بالتصنيف الجديد
    محدش يعرف
    :)

    ReplyDelete
  11. انا متاثر انا زعلت عليه قوى قوى قوى قوى

    ربنا يرجعلك بلوتو بالف سلامة

    ReplyDelete
  12. عزيزتى
    مش العلماء هما اللى حطوا بلوتو
    يبقا من حقهم هما اللى يشيلوا
    بس انا راى يعملوا استفتناء بين الكواكب ويشوفوا عوزينوا معاهم ولا لأ
    بس يارب ميحصلش تزويز
    سلام

    ReplyDelete
  13. تدوينه مميزه فعلا باسلوب جميل فيها خلط للاسلوب القصصي بالامتاع العلمي
    تحياتي

    ReplyDelete
  14. انا مش هتكلم عن بلوتو
    انا محتاج رأيك بجد فى اخر قصائدى فى مدونتى مدونة مزاج
    يا ريت متكسليش
    مستنيكى
    http://mazaag.blogspot.com

    ReplyDelete
  15. المشكله مش في بلوتو
    زي ما قلتي بلوتو لن يضيره ان يسموه كوكب او كويكب او ميسمهوش خالص مش هتفرق معاه
    المشكله في الناس الي بتغير مصير وحياة ناس وبتخذفهم من خانه تحطهم في خانه تانيه لمجرد انهم مش بتنطبق عليهم (المواصفات القياسيه) الي هي اصلا من اختراعهم ولم ينزل الله بها من سلطان

    ReplyDelete
  16. أسلوبك القصصي رائع..والفكرة جديدة جدا,ومش عارف ليه حاسس فيه بعلاقة بالواقع جلسة مزاج
    ثم اسقاط من القائمة..بتحصل كتير صح؟

    ReplyDelete
  17. أستمتعت بقراه البوست جدا
    حسيت أنه ليس مكتوب بمداد قلم
    أنما مكتوب بنبض حب
    لكى كل الحب

    ReplyDelete
  18. انا حبيت اشكرك على موضوع تانى اللى هو الف ب تدوين لانى اتعلمت منة كتير جدا وياريت تزورى مدونتى الصغيورة وتدينى رايك اللى اكيد هيفيدنى لانى لسة فى اول الطريق ولو فى اى حاجة مش عاجباكى قولى انا بحب النقد جدا وربنا يوفقك ويوفقنا جميعا http://aaaaaaah7m.blogspot.com/

    ReplyDelete
  19. صباح الفل
    أهم حاجة أن الحكومة المصرية
    ما تطلبش شراء بلوتو
    لبيعه مرة أخري للمستثمرين
    شكرا علي استفسارك في تدوينة سابقة حول مشكلة مدونتي هي اتحلت من عند بتوع بلوجر..
    تحياتي لك وللفقيد بلوتو

    ReplyDelete
  20. الصراحة التدوينه عجبتنى وضحكتنى جدًا
    أقولك ضحكتنى ليه
    حسيت يا الله قد ايه احنا صغيرين
    وفاكرين اننا نتحكم حتى بالكون

    برغم ان الاحتمال الاكبر انه الكون بيتحكم فينا
    تخيلى بئا لو بلوتو معجبوش الكلام
    وحدفنا بطوبة

    هيكون ايه موقفنا :(:(:(

    ReplyDelete
  21. لا يلتفتون لأحكام الآخرين.. فقط يسيرون كام يتراءى لهم الطريق.. وكما تبدو لهم الأحوال


    انتى مش بتكلمى عن بلوتو بقى
    تحياتى

    ReplyDelete
  22. الحكاية كبيرة قوى يا البنت المصرية
    عاوز قاعدة على المريخ و شرب عصير فواكة فى الزهرة

    ReplyDelete
  23. لب
    احمد

    محمد جاوبك ع الجزء الخاص بيه
    اما توت باه فهما بماجهم خالص، ماتعرفش ليه


    ليال
    ايه النور ده، ليال عندنا :)
    شوفتي بأه، دنيا مالهاش امان

    محمد شدو

    الله يخليك يا محمد، معجزات ايه بس :)


    سكينة
    والله يا سكينة انا جبت سيرة الدبدوب مش على اعتبار ان بلوتو صغير، بس على اعتابر انه ممكن يكون عنده خمسة وعشرين سنة وليه دبدوب بتاعه بيحبه :)))


    شموسة
    بلوتو اكيد فرحان ان شموستنا معاه :)


    محمد حمدي
    ولا تطويل ولا حاجة،خد راحتك


    طائر الحلم والحنين
    حركة مين؟ وايه؟ بس عموما ميرسي :D


    مصطفى محمد
    حاضر


    انكسارات
    فعلا ، اللى حكم على بلوتو مكنوش كواكب زيه


    بن عبد العزيز
    حلو يسموه حلبسة :)


    محمد الانصاري
    ماتزعلش يا محمد،بلوتو نفسه مش زعلان،لأن الموضوع اصلا مش يهمه فى شىء


    احساس لسه حي
    ولما نعمل استفتاء،بردو دا يهم بلوتو فى ايه


    ذو النون المصري
    انا مبسوطة بتعليقك جدا، الحمد لله ان الاسلوب عجبك


    حزين
    حاضر والله جاية واشوفها


    جارة القمر
    اصبتي كبد الحقيقة


    احمد المصري
    الله يكرمك ،ميرسي
    بس مش اهمة السؤال،ممكن توضح؟


    في القلب
    ولك انت كمان كل الحب :)


    aliwa
    مبروك على المدونة الجديدة ويسعدني اطل عليها


    اشرف نصر
    ههههههههههههههه
    حلوة بجد، لا جامدة جدا


    نيرفانا
    ازيك يا جميلة :)
    عندك حق، احنا كائنات مغرورة جدا على فكرة


    حزين
    امال بتكلم عن مين؟

    ReplyDelete
  24. معلش يا زيزي مش باعلق عشان جهازي بايظ بس متابعك

    ReplyDelete
  25. علي فكرة الموضوع جامد
    بلوتو هايضل بلوتو غصب عن اتخن تخين
    بلوتو بلوتو

    بس تعرفي لما سمعت الخبر بتاع طرده من قايمة الكواكب حسيت انه اضرب بمطوة في ضهرة وفعلا اتدايقت اصل بلوتو ده كان اكتر كوكب باحبه ايام ماكنت ناوي
    ادرس فلك وكده
    علي فكرة كان نفسي اشارك في حفلة الردود اللي عملتيها ده علي غير عادتك
    رشة جريئة وتعليقات شكلك مبسوطة

    ReplyDelete
  26. :) جميلة دايما وموضوعاتك حلوة
    بجد وحشتينى
    اما بلوتو بقى فا زيه زى اى حاجة تانية فاكرينها تبعهم يقولوا اتشال او اتحط ويسمع الكلام
    فاكرينه زينا يا بنتى

    ReplyDelete
  27. لما تبقى نجم بالسماء لن يضرك ان تسمى بما تسمى فأنت نجم
    وعندما يتم استبعادك اسميا وتبقى تحتل مكانك فلن يضرك ما يقال وما يكتب

    وعندما تكون بطل نفسك وبطل من احبوك فلن تهتز مكانتك شعرة بأن تكون كوبا أو حتى حجرا
    فبالنهاية قيمتنا ما نحدده نحن لا من يعطينا ألقابنا ..
    تحية لك وموضوع جدا جميل
    وادعوك لزيارة مدونتي

    أم المييس
    www.omelmees.blogspot.com

    ReplyDelete
  28. بصراحة..لا يمكنني أبداً تخيل المجموعة الشمسية من دون بلوتو الحبوب الغلبان!!
    زمااااااان لما كنا في ابتدائي وحتى اللحظة..ما زالت وزارة التعليم مصرة على إنه كوكب وإن الكواكب تسعة..! كأنما ما زلنا نعيش في ثلاثينات القرن العشرين..! الحمد لله على كل حال..

    بالمناسبة أرجو منك أختي أن تتفضلي بزيارة مدونتي الجديدة:
    http://safa7aty.blogspot.com
    وانتظر رأيك وتعليقاتك على المدونة^^..
    شكراً..

    ReplyDelete
  29. زينب كنت عايز أسألك على واحده بنت مدونه عرفتها من اللينكات اللى عندك زمان اوى قبل ما ادون انا اصلا
    invisable
    هى بقالهاحوالى سنه مش بتكتب جديد فى المدونه والمدونه مش بيتغير فيها حاجه متعرفيش عنها حاجه او هى مين او انقطعت ليه جرالها حاجه ؟

    ReplyDelete
  30. gfh

    عربي
    ألف سلامة على جهازك، ان شاء الله اللي يكرهوه

    تصور انى فعلا انا كمان بحب بلوتو من ايام المدرسة ، كان اكتر واحد بحبه لأنه على اسم بلوتو صاحب ميكي وبطوط :))

    اه رشة تعليقات صحيح،بس ما تاخدش على كده

    • ----

    سلامّ عليك

    وانتى كمان وحشتيني جدا جدا جدا، انا اسفة انى مابتصلش،انا قليلة الذوق :) هخلص شغل واشحن واكلمك
    انا حبيت بلوتو يزيادة عشان خلاكي تطلي عليا

    • ---

    مجموعة حياة
    ميرسي على رؤيتك وتحليلك :)

    • --

    محمد المصري
    انا الظاهر قنديلي قايد اليومين دول، عشان كذا حد فى تدوينة واحدة دعوني ازور مدونتهم :) ودا شىء بيسعدني جدا..حاضر انا جاية

    • --

    حزين
    والله مش عارفة ، انا زيك معنديش اي معلومات، مع انها من اوائل الناس اللى دونوا، بس الحقيقة عمرى ما قابلتها او كلمتها بشكل شخصي عشان كده للأسف الصلة مقطوعة ومش عارفة هى فين، وبطلت ليه
    ناس كتيرة بطلت على فكرة، لو قلبت شوية فى اللينكات اللي عندي هتلاقي مدونات ميته من زمان،بس ما بحبش اشيلهم لأن اللي كبوه فضلت احبه اوحترمه

    ReplyDelete
  31. عذرا للمقاطعة

    ادعوكي لحضور لقاء ابناء مصر الأول يوم السبت 11 اغسطس القادم

    التفاصيل بدومنتي

    انتظرك هناك

    ReplyDelete
  32. زينب انا كتبت عنك حاجه بسيطه كده فى اخر بوست عندى بعنوان ربما

    ReplyDelete
  33. فكرتيني بشيخ الازهر لما قال للي بيقولوا على فوايد البنوك حرام..خلاص نسميها ارباح و كده تبقى حلال

    ReplyDelete
  34. لا حول ولا قوة الا بالله
    هما الناس فعلا عاملين ازمه على موضوع بلوتو ده ليه
    وبعدين احنا مالنا ومال الفلك
    نخش ليه فى اللى مالناش فيه
    عل العموم
    انا سمعت ان ناس كتير اوى زعلانين على مصير بلوتو
    ولو انتى واحده منهم فانا بقلك معلش
    لو بلوتو سابنا
    اكيد هييجى غيرو 3 4 بلوتو
    بس استنى لما التليسكوبات يحصلها تطور ولا حاجه
    ويكتشفو ان اى كوكب بعد المشترى هو قمر ليه ويشيلو نبتون وزحل والحجات دى

    ReplyDelete
  35. لينسى إذن فكرة العودة وليتقوت بالذكريات، ويأخذ معه قبل رحيله كتابه المفضل وفرشاة أسنانه ودبدوبه الصغير وبعض من حبات اللبان بنكهة النعناع لترفع عنه توتر الوحدة الجديدة.


    الله !
    تدوينة لذيذة جدا :))
    و ألف شكر على الإعلان يا فندم

    ReplyDelete
  36. يا عيني يا عيني يا عينى ع ــالولد
    قصدى ع ــالكوكب

    و الله صعبان عليا يا توتو

    ReplyDelete
  37. bgad el post da gamed a5er 7aga, se3b 3alaya pluto :((

    ReplyDelete
  38. جميل جدا ان يعيش الواحد منا حالات وجدانية حميمية مع الأشياء..و الصخور..والأمكنة ..و الفضاءات..

    ReplyDelete
  39. احنا دخلنا فى الخيال العلمى

    بلوتو غلبان حرام اللى بيجراله

    ReplyDelete
  40. عادي جدا دلوقتي تلاقي رئيس التحرير
    بجرة قلم مشةه صورة واحد شريف لمجرد إنه حيهدد مصالحه ..يحدث في مصر ولا عزاء لبلوتو0

    ReplyDelete
  41. شالة بلوتو حطوا اى حاجة
    مش هتفرق
    هما عالم مجانين
    ولا اية

    ReplyDelete
  42. الله يرحمه بقى بس يا ترى التكييفات اللى كانت فى الكوكب وكانت مخلية الجو برد رجعوها الشركة تانى ولا وزعوها على نفسهم
    :D

    مش عايز اقولك انتى وحشانى اد ايه وحشانى جدا والله يا زيزى
    اخبارك ايه يا فندم واخبار الشغل ايه؟
    يارب يكون كله بخير والف مبروك على كوبرى قليوب
    :D

    ReplyDelete
  43. السلام عليكم ورحمه الله وبركاته
    الكوكب أو الكوكب السّيّار هو جرم
    سماوي تنطبق عليه الشروط التالية:

    1
    أن يدور بمدار حول الشمس أو النجم الرئيسي في مجموعته دون أن يكون ساتلا.
    2
    أن يدور حول نفسه، ولا يولد الطاقة من خلال الإندماج النووي. كما أنّ شكله أقرب ما يكون للكرة.
    3
    أن تكون له جاذبيّة قويّة تجعله يسيطر على الأجرام المجاورة له.



    وفي صورة استيفاء الشّرطين الأوّل و
    الثّاني دون الثّالث فإنّ الجرم يدعى بالسيّار القميء أو الكوكب القزم، مثال ذلك:

    بلوتو أو بلوطن أو أفلوطن الّذي وقع حذف صفة كوكب سيّار منه.
    سدنة Sedna
    قيرس Ceres الّذي كان كبير الكويكبات

    اما اذا ما كنتي ترمي باسم بلوتو باسم مستعار لشخص واي موقف
    فانا اعتذار لمدخله

    ReplyDelete
  44. مع تمنياتي لك بالتوفيق وايصال الكلمه الحره والصادقه
    د.مراد آغا
    حزب السلام الاسباني
    partidodelapaz@hotmail.com

    ReplyDelete
  45. الكثيرين مثلك يا بلوتو

    لكن ان كان الله خلقك كوكب فانت كوكب رغم أنف الجميع

    وان كان الناس قد خلقك كويكب فقد انكشفت امام العالم وان كان عذرك انك لم تدعى "الكوكبة" وانما هم الذين خدعوا فيك

    تحياتى لك بلوتو

    وتحياتى لكى أيضا وبصراحة عجبنى أوى
    أسلوبك فى الكتابة

    ReplyDelete
  46. محمود عزت
    لا شكر على واجب يا فندم


    ---


    سويدييييييي
    ازيك يا ابني، فينك وفين ايامك :))
    انا سعيدة انك طليت عليا جدا

    ReplyDelete
  47. أنا لسة قاري التدوينة دي النهاردة!

    وقلت يمكن يهمك تقرأي الموضوع اللي كنت عامله عن التحول ده في حياة بلوتو


    http://mos3abof.blogspot.com/2006/09/blog-post_1215.html

    ReplyDelete
  48. استاذتنا البنت المصرية احلى بنت على وجه الارض ان لبست المخ جوة راسها ومش هاقول الباقى بالرغم اننى بحكم وظيفتى تعاملت مع كثيرا من الاجانب ولقيتهم حاجة كده زى الفراخ البيضا بتاعة المزارع وانا مش بعاكس او اغازل انا شاعر قديم وسنى 52 سنة وعملت مدونة مش راضية تظهر بالبحث على جوجل
    عنايتك الفائقة وتسيبى اللى فى ايدك ومتروحيش الشغل ولا تطلعى فى البلكونة واشرحى لى لان فهمى بطئ
    abohusain2006@yahoo.com
    مع تحيات كمال الدين حسين

    ReplyDelete
  49. حضرتك عايذه ايه

    ReplyDelete
  50. مساء الخير عزيزتي
    أنا مريت من هنا وحبيت أقول كل سنة وانتي طيبة ياعسل
    طبعا أنا مش غريب -شقيق لكم من بلاد الحرمين -من مدينة جدة- وأعجبني تدوينك وسرني متابعتك واكرر أنا مبسوط جداواتمنى تكوني بخير

    ReplyDelete