9/26/2007

اضراب عمال المحلة..التعتيم الاعلامي..ودورنا لو لينا دور

أكتر من عشرين ألف مصري.. منهم رجاله وستات وأطفال كمان.. عاملين اضراب

واخد بالك.. اضراب يضم عشرين ألف بني أدم. ولا بني أدم منهم له اي خلفية سياسة ولا نشاط سياسي..كلهم عمال.. عمال غزل المحلة

الاسعار النار.. المرتبات القليلة..الحقوق الضايعة، العشرين ألف بني ادم اتحركوا وقالوا لأ..احتشدوا وعملوا اضراب.. لأن مابقاش في لقمة عيش

خبر زي ده،المفروض يكون مانشيت في الصفحات الأولي للجرايد.. ويكون اول خبر في نشرات الاخبار.. ويكون حديث الساعة في برامج اللت والعجن

بس الحقيقة غير كده ..

الاكتر من كده.. ان ادارة المصنع بتعمل لعبة قذرة ضد العمال، وامن الدولة محاصر المكان دلوقتي.. ومش بعيد تحصل مجزرة ما، وتروح ارواح

مش هتف من بقي واقول "فال الله ولا فالي" لأن التعتيم الاعلامي ده معناه ايه؟؟ كام واحد في مصر يعرف موضوع اضراب عمال غزل المحلة؟؟ ازاي الدنيا مش مقلوبة

مصدر واحد لحد دلوقتي اللي بيجيب اخبار العمال.. وصور..وفيديوهات كمان، مدونة كريم البحيري واسمها عمال مصر

وبما ان ما باليد حيلة.. وما عنديش غير حتة صفحة على النت اللي فيها مليون مليون مليون صفحة زيها، بس انا هعمل اللي حاسة اني لازم اعمله.. هقولكوا ادخلوا على مدونة كريم البحيري واعرفوا الاخبار اول باول،تابعوها.. وقولوا للي حواليكو..
اخلقوا اعلام شعبي طالما، كل العصر اللى احنا فيه بكل امكانياته وبكل ادواته بيتأمر عشان نفضل مش عارفين حاجة

ادخلوا على مدونة كريم

ولو حد يقدر ينزل يتابع معاه ينزل... هاتوا خبر، صورة، فيديو، وانا وانت وكلنا ننشر الحاجات دي،نعرف الناس .. لما صورة يجبيها واحد تتنشر على ألف مدونة.. يشوفها ميت ألف بني ادم على الاقل، هنبقي عملنا حاجة والله..

النشر للجميع

حط الفيد بتاع مدونة عمال مصر في السايد بار عندك
هتقولي ازاي؟ سهل جدا
ادخل صفحة اللاي اوت بتاعتك
layout
هتلاقي طبعا نموذج للتصميم بتاع مدونتك، على ايدك اليمين اضغط
add a page element
هتظهر لك صفحة "بوب اب" دور فيها على عنصر اسمه
feed
اضغط على
add to blog
هتدخل على صفحة حط فيها الفيد بتاع مدونة عمال مصر وهو:

http://egyworkers.blogspot.com/feeds/posts/default

واضغط
continue
وبعدين هتظهر صفحة ،اضغط
save changes

وبكده هتظهر على مدونتك مساحة زي اللي ظاهرة عندي دي في اول السايد بار وفيها عناوين بتنزل اول بأول حسب كريم ما بينزل اخبار، تبقي فرصة الناس اللى هتدخل عندك تسمع وتعرف الموضوع

مش عايزين اعلام مبارك الريادي يفضل متحكم في ايه اللي نعرفه وايه اللى مانعرفوش... لازم نعرف ان في عمال دلوقتي بيدوروا على حقهم.. وان امن الدولة عايز يسكتهم... بطريقته

صور من مدونة عمال مصر






30 comments:

  1. ربما مع العمال
    وينصرهم
    بس الخوف من انه تكون هوجه وتنزل فلزم الاستمراريه وتقديم الدعم لهم
    احمد الجيزاوى

    ReplyDelete
  2. رائع
    فعلا كنت قربت أصاب بالإحباط لأني مش لاقي اي مدونات مهتمه بالموضوع
    المدونات مش حاجه سهله
    بصدق هي أحدثت تغيير كبير

    تحياتي
    وشكري

    ReplyDelete
  3. ربنا معاهم ويثبتهم

    انا شايفه ان دى فرصه لينا كلنا علشان نقدر نعترض ونقول لاى ظلم احنا شايفينه لاء

    ReplyDelete
  4. اكيد لازم كلنا نشارك والاضراب بتتنشر اخباره فى الوفد واعتقد انى الدستور حيكون ناشر اخبار الاضراب بس دى مش مشكله السوال هل ممكن يكون الاضربات دى بدايه لثوره تغير حجات كتير غلط فى البلد دى يارب

    ReplyDelete
  5. انا اساسا من المحلة
    وعيلتي هناك وانا يتكلم مع امي في التلفون اكتر من مرة في الاسبوع الواحد وواضح انهم ما وصلهمش الخبر ده
    يعني حتى الناس اللي عايشين في المحلة ما يعرفوش
    !!!

    الموضوع ده فكرني بفكرة كانت بتدور في ذهني من فترة عن مدونات الاقاليم وكنت ناوي اعمل عنها تدوينة اشرح الفكرة اكتر
    وتدوينتك دي فكرتني وخلتني اقرر اني أعيد احياء الفكرة اللي ماتت في قبر افكاري
    !

    ReplyDelete
  6. أكيد الموضوع كبير بس الأهم هو إنها مش أول مرة
    اللي حصل دة اتكرر قبل كدة وحيفضل يتكرر لحد مايموت آخر مصري عنده دم
    أو ننتقل من مرحلة الغضب المتحرك على رأي إبراهيم عيسى لمرحلة الغضب المنظم

    ReplyDelete
  7. نحاول و نجرب نعمل السيدبار زي ما قلتي و اهو اضعف الايمان
    تحياتي

    ReplyDelete
  8. والله الاعتصامات الى بتحصل دى .هى الى بتطمنى اننا لسه مموتناش الحمد لله ولسه بنحس يعنى.احنا يامصريين مسالمين أوى .ومفيش حاجه تحركنا من مكنا الا وكان الكفر بعينه
    بج الى بيحصل فى مصر فى كل حاجه واى حاجه فى البوظان
    مش عارفة احنا قاعدين بنعمل ايه
    انا مكسوفة من نفسى

    ReplyDelete
  9. بتمنى ان الاعتصام ده يكون ليه نتيجه
    ومينتهيش بنهايه مأساويه او بلا نتيجه كما هو متوقع
    انا فعلا اول مره اسمع عن الموضوع
    وليا اصدقاء كتير محلاويه ميعرفوش حاجه عن الموضوع
    اعتقد ان التعتيم كبير المره دى
    ربنا معاهم يارب

    ReplyDelete
  10. انا راي بيحصل اه قلت زمان ماحدش هايتحرك علشان كرامته لانها خلاص اتداست هم هايفضلو يدوسو علينا لحد مالاضراب هايبقي علشان الحياة نفسها

    ReplyDelete
  11. اللي انا فاهمة ان إضراب العمال علشان زيادة الأجور، طيب لو الأطباء مثلاً -وكثير منهم بيقبض 150 جنيه في الشهر- عملوا إضراب وطالبوا بزيادة الأجور، والمهندسين، والفلاحين، الخ... منين الحكومة تجيب زيادة في المرتبات طالما البلد مش عارفة تصدر. عمال المحلة حسب ما قريت قعدوا عشر سنين يصرفوا ارباح رغم ان الشركة خسرانه، السنة دي اول سنة الشركة تحقق ارباح. هل المشكلة على نسبة الأرباح اللي تصرف للعمال؟ ام انها اكبر من كدة؟
    الحل هو تخصيص مثل هذه الصناعات، العمال يقبضوا على قد ما بينتجوا، لو الشركة خسرانة، ميصرفوش ارباح لان ساعتها الأرباح دي هتكون على حساب المستشفيات والمدارس اللي كانت هتتبني من نفس الفلوس.

    ReplyDelete
  12. ربنا يفك كربك يا مصر
    حتى فى رمضان الناس مطحونه


    زينب انا اسف انى حطيت تعليق على موضوع فى موضوع تانى معلش
    بس انهارده انا جاى وعايز احط موضوع تانى بردو واتمنى متزعليش
    انا هسيبلك الموضوع ولو ضايقك امسحى التعليق ومش هكون مضايق


    سوف اقوم بعمل حمله على المدونات عن العفه ارجو ان تشاركى فيها معنا باسلوبك الخاص

    والحمله دى لسببين
    الاول
    ردا على حملة بعض المثليين للتفاعل على المدونات لغير المثلين والهجوم عيهم ودعوتهم الى الاعتراف بالمثليه واتهام الله عز وجل بانه خلقهم هكذا وان المثليه امر طبيعى

    السبب الثانى
    استغلال حالة الايمانيات العاليه فى رمضان لدفع الناس الى الشعو بفضائل العفه

    طبعا بالحسنى والموعظة الحسنه

    ارجوك حضرى تفاعلك وخواطرك عن العفه وجهزيها لحين انطلاق الحمله بعد يومين وساهمى فى نشرها جزاك الله خيرا

    ReplyDelete
  13. عقبال الثورة الكبيرة اللى بجد

    عامة بغض النظر عن نتيجة الاضراب , دى خطوة كويسة فى طريق كسر الخوف والرهبة , وياريت الكل يعرف ان دول أبطال مش مجرد عمال بتتظاهر عشان كام جنيه

    ربنا يوفقهم
    ويوفقنا
    واسمحيلى اضيف مدونتك عندى

    تحياتى

    ReplyDelete
  14. ياريت كل المدونين يكتبوا عن الأعتصام
    ياريت نبعت ايملات لكل من نعرفه بمدونة عمال مصر

    ياريت اللى مشترك فى منتديات ينشر

    نشرت موضوع هنا
    http://z3tr.loaloaa.com/showthread.php?t=28252

    ستجد ان لا احد يفهم كثيرا فى القضية
    دورنا ان نوعيهم وننشر

    ReplyDelete
  15. Do you know one of the best portuguese writers ever: CRISTÓVÃO DE AGUIAR?

    ALIVE IN MY BLOG.
    Thank you.

    ReplyDelete
  16. الله مع الصابرين




    talakeek.blogspot.com

    ReplyDelete
  17. مع كل انتفاضة من هذه الانتفاضات يراودنى شعورين
    اولهما التفاؤل من ان يكون ذلك شرارة للتغيير
    والشعور الثانى سرعان ما يتحقق وهو الخوف من ان تنتهى احلامى نهايتها المعتاده

    تحيه على تناولك للموضوع والذى عوض جزء كبيرا من التقصير الاعلامى الذى تداركته الصحف الخاصه بعد وقت قليل

    ReplyDelete
  18. انتصار العمال كان احلى خبر صحيت عليه مصر كلها وعلى راى جريده الدستور عقباللك يا مصر نفسى تنورى مدونتى يا بنت يا مصريه وفى موضوع ممكن يكون بيهم مدونين كتير ارجو مشاركتكم فيه

    ReplyDelete
  19. خبر عــــاجل

    ألف ألف مبروك

    تم فجر يوم الثلاثاء 2 أكتوبر 2007 م الافراج عن شيخ المجاهدين أبو الفتوح شوشة 86 عاماً

    ومما هو جدير بالذكر أن الإفراج لم يتم إلا بعد تدهور حالة الشيخ الصحية تدهوراً خطيراً

    بعد إصابته بجلطة قلبية مفاجئة وهو قيد الإعتقال في محبسه

    جعله الله في ميزان حسناتك يا شيخي العزيز

    ------------

    جاري التحديث

    ReplyDelete
  20. الحمد لله ربنا كرمها عالعمال وانتصروا في الجوله ده وعقبال الباقي وعقبال باقي الشعب ما ياخد حقوقه
    يارب احنا في رمضان استجيب دعانا
    ياتري فيه امل ؟؟؟؟

    ReplyDelete
  21. انا اول مرة اعرف عن الموضوع من صفحات النت بحكم اني عايشة برة مصر...بس بجد مجهود رائع اتمنى ان الموضوع ميخلصش بولا حاجة زي الف غيرو...ربنا ينصرهم

    ReplyDelete
  22. الحمد لله خاب ظنى وحقق العمال مطالبهم ولكن مواقف الناس العاديه الذين انفضوا من حولهم وتركوهم فى الساحه وحدهم رجعوا خائبى الظن

    شكرا لك

    ReplyDelete
  23. صاحب المدونة دى جدع اوى واتمنى يكون صديقى لجراءته

    ReplyDelete
  24. الفقر والجوع والحاجة والعوز والشعور بالانكسار ، كان الدافع الاول لهذا الاضراب

    ReplyDelete
  25. بصراحه متشكرين عالمجهود
    ربنا يكرمك
    وياريت تشرفوا المدونه بتاعتي
    engeldestawy.blogspot.com

    ReplyDelete
  26. الحملة المصرية لاسترداد الكرامة المصرية

    شارك معنا لاسترداد كرامتنا

    نعم للمعاملة بالمثل

    الجلسة الاولي يوم 3/7/2008





    ندعوكم للانضمام إلينا

    في المطالبة بالمعاملة بالمثل

    في الدعوى رقم 39535 لسنة 62 ق بمحكمة القضاء الادارى

    ومقرها: مبنى مجلس الدولة شارع مراد بجوار شيراتون القاهرة - الدقي

    الجلسة الاولي يوم 3/7/2008



    وكل من يريد الانضمام لنا في هذه الدعوى وهدفها النبيل عليه الحضور بالجلسات وانضمامه معنا في طلباتنا بالدعوى سواء بشخصه أو بواسطة محاميه أو عمل توكيل خاص برقم الدعوى للمستشار إبراهيم عباس خليل المحامى بالنقض وإرساله بالبريد على المكتب بالعنوان: 12 شارع سامي البارودي – عابدين - القاهرة للحضور به نيابة عنه كطرف منضم لطلباتنا بالدعوى مجانا

    او الاتصال بأي من مدراء الحملة المصرية والتنسيق معه:



    المستشار /ابراهيم خليل المحامى بالنقض نائب مدير عام الشبكة والحملة

    موبيل 0105225061 مكتب 23952217

    الاستاذ/ محمد متولى المحامى مراقب عام الشبكة والحملة

    الاستاذ/ بيشوى بغدادى المحامى المشرف الرئيسى لمنتدى المحامين العرب والحملة

    موبيل 0129538396

    او الاتصال بالمستشار الاعلامي للشبكة والحملة

    موبيل 0123101943

    مع تحيات مدير عام الشبكة والحملة المصرية لاسترداد الكرامة المصرية

    الدكتور/ رأفت عثمان

    admin@rafatosman.com

    00971507207301



    كل تفاصييل القضية ومستنداتها ستجدها بأي من الموقعين

    http://www.mohaamoon.com

    http://www.rafatosman.com/vb/showthread.php?t=91868

    وليكن لكم مكانا بيننا في استرداد كرامة المصري بالداخل والخارج



    كيفية عمل التوكيل لحضور اولى جلسات استرداد الكرامة المصرية بمجلس الدولة

    http://www.rafatosman.com/vb/showthread.php?t=96388

    ReplyDelete
  27. الحملة المصرية لاسترداد الكرامة المصرية
    انضم لقضيتنا بمجلس الدولة لتطبيق المعاملة بالمثل فكما يعاملونا نعاملهم

    الي كل مصري شريف غيور علي كرامة المصريين بالداخل والخارج .. الي منظمات حقوق الانسان .. الي جميع الجهات الرسمية والأهلية ومنظمات المجتمع المدنى .. الي جميع المؤسسات القانونية والمحامين الشرفاء حماة القانون..

    ندعوكم للانضمام إلينا في الدعوى رقم 39535 لسنة 62 ق بمحكمة القضاء الادارى بمجلس الدولة المصرى التي أقمناها ضد الحكومة المصرية بسبب عدم دعم المصريين بالخارج وتقاعس وزارة الخارجية ممثلة في السفارات المصرية بالخارج وأجهزة الدولة عن أداء واجباتهم في حمايتهم وحقوقهم ، وكذا ما يتعرضون له بدول الخليج عامة ودولة الأمارات خاصة من انتهاكات ومعاملات سيئة مهينة رغم المعاملة الكريمة التي يلقاها الخليجيون بمصر بل وتفضيلهم علي المصريين أنفسهم... ناسين مبدأ المعاملة بالمثل الذي نطالب حكومتنا بتنفيذه..

    وذلك علي النحو المبين بالدعوى بالمنتدى العام للمحامين بموقع الحملة المصرية هنـــــــــــــــا
    http://www.rafatosman.com/vb/showthread.php?t=91868
    او بموقع النزاع ومستندات الدعوى هنـــــــــــــــا
    http://www.mohaamoon.com

    شارك معنا لاسترداد كرامتنا

    وكل من يريد الانضمام لنا في هذه الدعوى وهدفها النبيل عليه بالحضور بالجلسات وانضمامه معنا في طلباتنا بالدعوى سواء بشخصه أو بواسطة محاميه أو عمل توكيل خاص برقم الدعوى للمستشار إبراهيم عباس خليل المحامى بالنقض وإرساله بالبريد على المكتب بالعنوان: 12 شارع سامي البارودي – عابدين - القاهرة للحضور به نيابة عنه كطرف منضم لطلباتنا بالدعوى مجانا
    او الاتصال بأي من مدراء الحملة المصرية والتنسيق معه:
    المستشار /ابراهيم خليل المحامى بالنقض نائب مدير عام الشبكة
    موبيل 0105225061 مكتب 23952217
    الاستاذ/ محمد متولى المحامى مراقب عام الشبكة
    الاستاذ/ اشرف فرحات المحامى المشرف الرئيسى لمنتدى المحامين العرب
    الاستاذ/ بيشوى بغدادى المحامى المشرف الرئيسى لمنتدى المحامين العرب


    وليكن لكم مكانا بيننا في استرداد كرامة المصري بالداخل والخارج
    ودعواتكم لنا بالتوفيق والسداد
    للاستفسار
    admin@rafatosman.com

    ReplyDelete
  28. قضيه هامة
    خبر القضيه منشور فى العديد من المواقع كالتالى محامون يطالبون بتطبيق نظام الكفيل على الخليجيين فى مصر 6/9/2008 8:38:00 PM

    القاهرة- محرر مصراوي- أقام محامون مصريون دعوى قضائية للمطالبة بتطبيق نظام الكفيل على الخليجيين المقيمين في مصر تطبيقا لمبدأ المعاملة بالمثل.

    ويطالب المحامون في الدعوى بـ "الحكم بوقف جميع الامتيازات والمزايا الممنوحة لرعايا دول الخليج المنصوص عليها بالقوانين المصرية ، وإلزام رئيس الجمهورية والجهات الرسمية باتخاذ الإجراءات الكفيلة بحفظ كرامة مواطنيهم العاملين بالإمارات العربية وباقي دول الخليج واسترداد حقوقهم المسلوبة".

    كما طالبت الدعوى - بحسب ما ذكرته وكالة الأنباء الألمانية " د ب أ" مساء الأحد - باتخاذ اللازم نحو تعديل التشريعات المصرية المنظمة لدخول وإقامة رعايا دول الخليج بما يتطابق مع تشريعاتهم المنظمة لدخول وإقامة المصريين العاملين لديهم ، وتطبيق نظام الكفيل عليهم تطبيقا لمبدأ المعاملة بالمثل.

    ورفع المحامون الدعوى أمام محكمة القضاء الإداري بمجلس الدولة ضد كل من رئيس الجمهورية ورئيسي مجلسي الشعب والشورى ، ورئيس الوزراء ، ووزيري الخارجية والداخلية ، والأمين العام لجامعة الدول العربية ، ورئيس المجلس القومي لحقوق الإنسان في مصر.

    وأعلن المحامون المصريون تأسيس لجنة تتولى إدارة الحملة المصرية للدفاع عن الكرامة المصرية ، احتجاجا على المعاملة التي رأوها مهينة للمصريين في دول الخليج ، حيث بدأت الحملة أول أعمالها بإقامة الدعوى القضائية.

    المصدر: وكالة الأنباء الألمانية

    ما سبق .. يخص الحملة المصرية لاسترداد الكرامة المصرية
    وتفاصييل ومستندات قضية الحملة توجد بأي من الموقعين
    http://www.rafatosman.com/vb/showthread.php?t=91868
    http://www.mohaamoon.com

    ReplyDelete
  29. بسم الله الرحمن الرحيم

    زورا مدونتي

    وشكرا

    ReplyDelete
  30. اشلونكم شباب وشابات احلى موقع (بنت مصرية)

    ارجو بقبول موقعي وزيارته وهو مدونة الحب والحقيقة

    ReplyDelete