1/25/2011

رسالة لكل ظابط وعسكري.. دول أهلك.. احميهم

رسالة لكل ظابط شرطة وعسكري.. ولكل ظابط جيش وعسكري

اللي في الشارع دول دلوقتي أهاليكوا.. مش مجرد ناس مختلفة مع النظام، مش معارضة وللا ساسة عندهم وجهات نظر مختلفة مع النظام، وللا عندهم نظام تاني.. وللا عندهم أجندة وعايزين يخربوا البلد ويخلوها فوضى

اللي في الشارع دول، أهاليكم.. شعب.. ناس عادية، كل اللي تفهمه إنها مش لاقية لقمة نضيفة تاكلها، ولا مرتب تفتح بيه بيت ولا مستشفى وعلاج محترم.. ناس ماشية جمب الحيط خايفين يلمح ضلهم مخبر وللا عسكري يسكه على قفاه ويهين كرامته

خلاص، مابقاش ينفع تسكت ضميرك وتقول انا بحمي النظام، انا مسؤليتي امنع الفوضى. اللي في الشارع دول أهلك، ومهتك تحميهم.. مرتبك اللي بتاخده من ضرايبهم عشان تحميهم هما.. الوطن اللي بتنام تحت سماه هو الوطن اللي بيلمكوا سوا

اوعى تضرب نار على أهلك.. أوعى تضرب نار على أبوك واخوك.. اللي في الشارع دول الشعب، والشعب مابيغلطش.. انزل معاهم واقف جمبهم... انا بكل عجزي وقلة حيلتي دلوقتي مستنية الثورة تعدي عليا،.. وهتعدي عليا.. وهخرج معاهم.. وساعتها هلاقيك واقف معانا بتحمينا










4 comments:

  1. http://www.ahewar.org/debat/show.art.asp?aid=243767

    يجب على الجيش المصري ان يختار بين مصر ومبارك

    مصر على مفترق الطرق والحياد لا يفيد
    ارجو النشر

    ReplyDelete
  2. Your blog gives vivid picture of what is happening in Egypt. Here in the United States, we only see what the news shows us.

    I hope you stay safe and continue to post what's going on there, fro ma 1st person view. Thanks for sharing!

    http://lisapetrarca.blogspot.com

    ReplyDelete
  3. السلام عليكم
    انا تونسي واقول:عاش الشعب المصري البطل.الحرية لالشعب المصري الله يكون في عونكم. نحن في تونس ندعم الشعب المصري

    ReplyDelete
  4. يار ب أنصرهم .. يارب أنصرهم .. ثبتهم .. وفقهم في كل ما فيه خير ..

    ReplyDelete