مايشيلش همك إلا أمك.. والأمهات في مصر شايلين الهم طول الوقت. عشان كده بنخاف منهم وبنخاف عليهم وبنعمل لهم حساب.
الأم المصرية كانت وقود الثورة..
كل نقطة نور اللي بتشعلها أم..
كل ما نيأس وللا نقلق ولا نرجع لورا خطوتين.. تفوقنا الأمهات وتقوينا وتخلينا نقول لأ هنكمل.
أم خالد سعيد ماقعدتش في بيتها تبكي ابنها، خرجت يوم ما خرجت في البلكونة تشكر الشباب اللي راح تحت بيتها يهتف دم ابنك هيحرر بلد. ومن يومها وأم خالد شايلة قضية بلد على كتفها وبتلف الميادين..
وزي أمهات خالد سعيد كتير، أمهات الشهداء اللي اتضرب عليهم نار من مصريين زيهم.. أمهات شافوا قصاد عنيهم ولادهم بيستشهدوا جمب اقسام البوليس، وامهات قعدوا يدوروا على ولادهم وبناتهم مش عارفين لهم جثة ولا طريق.. أمهات الجرحى اللي بيجروا على علاجهم .. وأمهات المحاكمين عسكريا اللي متمرطين بين محكمة ونيابة وسجن ومراكز حقوقية عشان ولادهم اللي اتاخدوا غدر واتحكم عليهم عسكريا وهم مدنيين باحكام توصل لخمس وعشر سنين.. أمهات عمرها بيقصر من كتر الحزن على ولادهم.. ولادهم اللي زي الورد
وأم زي أم علاء عبدالفتاح، ست علمت ولادها إن الوطن أهم. مارضعتهمش الخوف وقالت لهم امشوا جمب الحيط.. عرفت ولادها طريق المظاهرات والاعتصامات، وقفت معاهم يهتفوا للعيش والحرية.
ييجوا بعد الثورة ويحبسولها ابنها، ابنها اللي ربيته يقول كلمة الحق اللي شايفها، وهو كل اللي عمله قالها.. قال للنيابة العسكرية مش من حقك تحققي معايا عشان انتي تبع طرف متورط في القضية.. حبسوه
حبسوا ابنها.. الراجل اللي بميت راجل
أم علاء اعلنت اضرابها عن الطعام النهاردة. تعمل إيه طيب؟ تسكت لحد ما يحكموا على ابنها؟ متهمينه بسرقة سلاح وتحريض على الجيش.. دا كلام؟ الناس دي اتهبلت؟ وهبلهم هيودي البلد دي في داهية. بس أم علاء مش هتسكت
أم علاء زي أي أم مصرية مش هتسكت. اعلنت اضرابها عن الطعام النهاردة، فساندوها.. ساندوا الام المصرية في محنتها، ساندوا كلمة الحق وقولوا لا للمحاكمات العسكرية
أم علاء بتشعل نقطة نور تانية ضد المحاكمات العسكرية، ربنا يخلي لنا أمهاتك يا مصر.. لولاهم كانت الثورة ماتت من زمان
الأم المصرية كانت وقود الثورة..
كل نقطة نور اللي بتشعلها أم..
كل ما نيأس وللا نقلق ولا نرجع لورا خطوتين.. تفوقنا الأمهات وتقوينا وتخلينا نقول لأ هنكمل.
أم خالد سعيد ماقعدتش في بيتها تبكي ابنها، خرجت يوم ما خرجت في البلكونة تشكر الشباب اللي راح تحت بيتها يهتف دم ابنك هيحرر بلد. ومن يومها وأم خالد شايلة قضية بلد على كتفها وبتلف الميادين..
وزي أمهات خالد سعيد كتير، أمهات الشهداء اللي اتضرب عليهم نار من مصريين زيهم.. أمهات شافوا قصاد عنيهم ولادهم بيستشهدوا جمب اقسام البوليس، وامهات قعدوا يدوروا على ولادهم وبناتهم مش عارفين لهم جثة ولا طريق.. أمهات الجرحى اللي بيجروا على علاجهم .. وأمهات المحاكمين عسكريا اللي متمرطين بين محكمة ونيابة وسجن ومراكز حقوقية عشان ولادهم اللي اتاخدوا غدر واتحكم عليهم عسكريا وهم مدنيين باحكام توصل لخمس وعشر سنين.. أمهات عمرها بيقصر من كتر الحزن على ولادهم.. ولادهم اللي زي الورد
وأم زي أم علاء عبدالفتاح، ست علمت ولادها إن الوطن أهم. مارضعتهمش الخوف وقالت لهم امشوا جمب الحيط.. عرفت ولادها طريق المظاهرات والاعتصامات، وقفت معاهم يهتفوا للعيش والحرية.
ييجوا بعد الثورة ويحبسولها ابنها، ابنها اللي ربيته يقول كلمة الحق اللي شايفها، وهو كل اللي عمله قالها.. قال للنيابة العسكرية مش من حقك تحققي معايا عشان انتي تبع طرف متورط في القضية.. حبسوه
حبسوا ابنها.. الراجل اللي بميت راجل
أم علاء اعلنت اضرابها عن الطعام النهاردة. تعمل إيه طيب؟ تسكت لحد ما يحكموا على ابنها؟ متهمينه بسرقة سلاح وتحريض على الجيش.. دا كلام؟ الناس دي اتهبلت؟ وهبلهم هيودي البلد دي في داهية. بس أم علاء مش هتسكت
أم علاء زي أي أم مصرية مش هتسكت. اعلنت اضرابها عن الطعام النهاردة، فساندوها.. ساندوا الام المصرية في محنتها، ساندوا كلمة الحق وقولوا لا للمحاكمات العسكرية
أم علاء بتشعل نقطة نور تانية ضد المحاكمات العسكرية، ربنا يخلي لنا أمهاتك يا مصر.. لولاهم كانت الثورة ماتت من زمان
ربنا معاها ومعانا .. لازم كلنا نعمل بوست ولينك على الفيس بالموضوع دة علشان نشارك كلنا.. ماحدش عارف البلد رايحة كدة فين وربنا يستر
ReplyDeleteحسبى الله ونعم الوكيل
ReplyDeletelaila
كلنا نؤمن بحريه التعبير وبردوا بحريه الاعتقاد والعباده
ReplyDeleteبس لما يكون واحد ملحد وانتوا اكتر الناس معرفه بمعتقداتو وتستغلوا ده عشان توضحوا المحاكمات العسكريه يبقى باطل اريد به الحق انتوا مش عايزين محكمه عسكريه مفيش مشكله بس بطلوا تولعوا الدنياوتهيجوا الناس لاغراض شخصيه
حسبى الله ونعم الوكيل
خلوا عندكوا شجاعه ادبيه ومتحجروش على الرأي
استاذ احمد
ReplyDeleteمين بيستغل ايه دلوقت؟ انا مش فاهمة منك حاجة
عزيزتي انا متابع جيد لما تكتبين
ReplyDeleteوقد اعترض او اتفق معكي احيانا
ولكن لو كان متهم بسرقة سلاح عسكري فعلا فالجهه التي يجب ان تحقق معه هي النيابه العسكريه ولو كان بريئا يجب ان يجب لكي ينكر الاتهام على الاقل ثم يمتنع عن اي اجابه على اي اسأله لا تتعلق بهذا الاتهام
هذا رايي وشكرا
سامي
الأستاذ أحمد
ReplyDeleteأولا رميت الرجل بالإحاد فهلا شققت عن قلبه؟
ثانيا ما دخل ذلك في كونه مظلوما؟ هل علمنا الإسلام أن إقامة العدل في الأرض مرهون بمعتقداتنا؟
أم أنك تحمل إسلاما مختلفا عن إسلامنا
م.هشام محرم
السلام عليكم
ReplyDeleteفى البدايه انا سعيد بالتعليق لاول مره على مدونه وهى مدونه بنت مصريه
ثانيا امهات مصر نحن لا ننكر عظمتهم او حتى عظمه اى ام فى مكان فى العالم الفكره هما نحن لا ندافع عن عظمتهم لكن الموضوع تحول الى دفاع عن اولادهم وانا اتسال سوال بسيط اليس من الافضل ان نتاكد من موقف ابنها الا يوجد ولو احتمال ضيئل ان يكون قد ارتكب هذا الجرم فى حاله خالد سعيد كان الامر واضح للعيان ان ههناك جريمه قد ارتكبت فى حقه لكن فى حاله ام علاء الموضوع قابل لكل الاحتمالات
تحياتى
انا هاسأل سؤال واحد يامصرية يعنى ايه ديمقراطية
ReplyDeleteواحد سرق سلاح وبنطبلهوبنعمل مظاهرة على شان يفرجه عنه ولو هى ده الديمقراطية مش عايزنها