ظرف عائلي جمعني ببنت خالتي وصاحبتي اللي بقالي فترة بتعمد ما أكلمهاش بسبب الظروف السياسية، عشان أنا مش عايزة أخسرها أبدا.
اتجمعنا وكعادتي تجاهلت تماما أي شىء وسلمت عليها واتكلمت معاها كأننا ماسبناش بعض لحظة وكأن مافيش أي مواقف سياسية مختلفين عليها. بس هي الحقيقة ماقدرتش تجاريني كتير في التجاهل، وفتحت السيرة.
قعدنا اتكلمنا، قالت اللي عندها وقلت اللي عندي. اللي قالته خلاني أعرف إن في من الإخوان عارفين إن في مشكلة في مرسي وإن حاجات كتير حصلت غلط من طرفهم وإن أبسط حاجة مثلا ماكنتش بتعجبهم خطبه زينا تمام.. عرفت إن في إخوان مش متصورين إن في منهم ناس شايلة سلاح.. كل اللي كان بتحاول توصلهولي إني لما اتكلم عن الناس اللي شايلة سلاح أقول "مؤيدي مرسي" وماقولش "الإخوان" عشان هي شايفة إن مش كل مؤيدي مرسي إخوان وخصوصا اللي منهم معاه سلاح. الموضوع كان شخصي جدا بالنسبة لها، متألمة بشدة من نظرة الناس ليها أو لجوزها، نفس الناس اللي ياما خدموهم وأحسنوا إليهم.
هي كمان عرفت من كلامي إن مش كل اللي نزلوا ضد مرسي فلول ونظام قديم، وإني في ناس نزلت وهي بتحاول تكفر عن ذنب مساعدة مرسي على الوصول حتى لو ده معناه سيطرة الجيش أو النظام الأقدم مرة تانية، وإن مصيبة النظام الأقدم عندي أهون من مصيبة المتحدثين بإسم الله..
قالت لي البلطجية كانوا بيضربوا الإخوان مع الشرطة والجيش في سيدي جابر.. قلت لها الإخوان ضربوا الأهالي في المنيل ورفعوا عليهم السلاح في أكتر من منطقة.. قلت لها ولما البلطجية قتلوا ستات من الإخوان في المنصورة والأهالي رفضوا يحموا الباقيين في بيوتهم.. قلت لها الأهالي بيكرهوا الإخوان أكتر!
سألتني معقول الناس تكره مرسي بسرعة كده، وهم صبروا على مبارك ٣٠ سنة؟
قلت لها أيام مبارك مكناش متخيلين إن عندنا القدرة إننا نخلع رئيس.. مكنش صبر، كان خوف ويأس. دلوقتي إحنا عارفين إننا نقدر.. ده غير إن أزمة المصريين مع الإخوان أزمة هوية، أزمة خداع، دي أزمة أكبر بكتير من أزمة بنزين وكهربا. قلت لها النظام القديم كمان حشد حشوده، قالت لي ما كده ثورة ٢٥ يناير انتهت.. قلت لها أيوة، انتهت بسبب الإخوان.
اتجمعنا وكعادتي تجاهلت تماما أي شىء وسلمت عليها واتكلمت معاها كأننا ماسبناش بعض لحظة وكأن مافيش أي مواقف سياسية مختلفين عليها. بس هي الحقيقة ماقدرتش تجاريني كتير في التجاهل، وفتحت السيرة.
قعدنا اتكلمنا، قالت اللي عندها وقلت اللي عندي. اللي قالته خلاني أعرف إن في من الإخوان عارفين إن في مشكلة في مرسي وإن حاجات كتير حصلت غلط من طرفهم وإن أبسط حاجة مثلا ماكنتش بتعجبهم خطبه زينا تمام.. عرفت إن في إخوان مش متصورين إن في منهم ناس شايلة سلاح.. كل اللي كان بتحاول توصلهولي إني لما اتكلم عن الناس اللي شايلة سلاح أقول "مؤيدي مرسي" وماقولش "الإخوان" عشان هي شايفة إن مش كل مؤيدي مرسي إخوان وخصوصا اللي منهم معاه سلاح. الموضوع كان شخصي جدا بالنسبة لها، متألمة بشدة من نظرة الناس ليها أو لجوزها، نفس الناس اللي ياما خدموهم وأحسنوا إليهم.
هي كمان عرفت من كلامي إن مش كل اللي نزلوا ضد مرسي فلول ونظام قديم، وإني في ناس نزلت وهي بتحاول تكفر عن ذنب مساعدة مرسي على الوصول حتى لو ده معناه سيطرة الجيش أو النظام الأقدم مرة تانية، وإن مصيبة النظام الأقدم عندي أهون من مصيبة المتحدثين بإسم الله..
قالت لي البلطجية كانوا بيضربوا الإخوان مع الشرطة والجيش في سيدي جابر.. قلت لها الإخوان ضربوا الأهالي في المنيل ورفعوا عليهم السلاح في أكتر من منطقة.. قلت لها ولما البلطجية قتلوا ستات من الإخوان في المنصورة والأهالي رفضوا يحموا الباقيين في بيوتهم.. قلت لها الأهالي بيكرهوا الإخوان أكتر!
سألتني معقول الناس تكره مرسي بسرعة كده، وهم صبروا على مبارك ٣٠ سنة؟
قلت لها أيام مبارك مكناش متخيلين إن عندنا القدرة إننا نخلع رئيس.. مكنش صبر، كان خوف ويأس. دلوقتي إحنا عارفين إننا نقدر.. ده غير إن أزمة المصريين مع الإخوان أزمة هوية، أزمة خداع، دي أزمة أكبر بكتير من أزمة بنزين وكهربا. قلت لها النظام القديم كمان حشد حشوده، قالت لي ما كده ثورة ٢٥ يناير انتهت.. قلت لها أيوة، انتهت بسبب الإخوان.
No comments:
Post a Comment