صحيح بحب التمشية في الشوارع، صحيح بحب البلاد القديمة، بس فوجئت إني ماكرهتش دبي خالص الحقيقة. البلد فرجة. المعنى الإيجابي لكلمة فرجة.
بلد مسلية كزائرة لأول مرة ماشية بتفرج على كل حاجة. متع عينيك بالشوارع الواسعة النضيفة - معلش حرمان - متع عينيك بأبراج على كل شكل ولون، متع عينيك بمولات مسلية جدا. إبداعات العمارة في القرن الواحد والعشرين في جرعة مكثفة في مدينة واحدة. ما هو أصل أنا بقدر الجمال سواء كان جديد أو قديم، مش بس عشان قديم.. طالما جميل ومعقد أحبه على طول..
هو بس اتخضيت من الحر. أول مرة أشوف حر كده. وأنا اللي كنت مفكرة مصر حر والرطوبة فيها عالية!! أنا أول مرة إيدي تعرق أساسا :D
أما النافورة الراقصة بتاعة دبي مول بقى عاملالي خرم في دماغي.. كانت أجمل لحظة في اليوم.
دي بس تدوينة سريعة كده عشان أفكر نفسي في المستقبل إن مش دايما توقعاتي لهحب إيه وهكره إيه بتبقى حقيقية.
No comments:
Post a Comment