9/09/2013

بكرة تقولوا الست قالت

إحنا كمصريين عاطفيين جدا. جدا جدا يعني. بنتشعلق في حبال الهوى حتى لو دايبة. فراغ أو حرمان يمكن. المهم إننا بنتشعلق وبنخلق من حبيبنا طاغية ببساطة لأننا بننام وننقوم نحلم بيه طيب ولطيف ودمه خفيف وحنين وقد المسئولية. أحلامنا دايما تسبق الواقع فبتعمينا نشوف الواقع. ما بنشوفش الهفوات والكوارث، ولو شفناها بنبررها ونعذرها ونسامح، ونفضل نحب ونمجد في صرح خيال خلقناه بنفسنا. وعلى الهامش كل ده بيثبت إن الإخوان جزء أصيل من الشعب المصري، مش جايبينه من بره.

أنا شخصيا لا أبرىء نفسي. هو أنا بس في اتخبطت على دماغي كتير فبقيت بحسس أكتر. وأديني بتفرج.

السيسي لو مكنش طاغية فهيبقى طاغية على إيدين الشعب.. ايدين تتلف في حرير ما شاء الله.. تسلم الأيادي يا شعب، بكرة تقولوا أعطني حريتي أطلق الأيادي. وساعتها السيسي مش هيكون بيشوف قدامه. وهتبعتوله في جوابات ومش هيرد، وتليفونات وهيكنسل عليكو. وكما قالت الست: وإذا النور نذير طالع، وإذا الفجر مطل كالحريق، وإذا الدنيا كما نعرفها، وإذا الأحباب كل في طريق..

No comments:

Post a Comment