عندي تصور إن "الستينات" من القرن الماضي كان آخر عقد المصري كان بيتمتع فيه بشوية أخلاق وكرامة. إنما بداية من السبعينات وتحديدا من بعد الحرب المسألة اخنلفت. العاملين الوحيدين اللي أنا شيفاهم غيروا في المجتمع هما أولا الانفتاح الاقتصادي وثانيا صعود التيارات الإسلامية.
أنا أسفة جدا وأنا بقول إنب اعتقد إن من ضمن أسباب انحلالنا هو صعود التيار الإسلامي اللي نشأ على إيد الإخوان وانقسم وانشق واتشعب وجذب مرضى كتير لقوا التيارات دي متنفس لأمراضهم النغسية وعقدهم.
يا ترى أزمة من النوع ده تتعالج في زمن قد إيه؟
سؤال كمان، هل يا ترى الدين في مجتمع أكتر حرية ممكن يصمد ويقدم حلول؟ إيماني بديني بيقول أيوة بس أنا عايزة أختبر صحة الكلام ده وللأسف في مجتمع غير حر الدين فيه بيتسقي بمعلقة عمرنا ما هنعرف إجابة..
No comments:
Post a Comment