وبعد 10 شهور من محاولات حضور حفلة محمد محسن أخيرا حضرت واحدة..
- أغلب الأغاني اللي بحبها اتغنت وده حظي الحلو.
- محسن كان رائع غالبا
- بس مكنش في أحسن حالاته في رأيي. ويمكن النص التاني من الحفل كان أحسن وصوته بدا أكثر تألقا كان النص الأول
- الصولوهات اللي اتعزفت كانت حلوة
- كالعادة ابتدا بأغنية بندعيلكوا وانتهى ببلادي بلادي كأن الثورة لسه موجودة ومانهزمتش
- كلنا تقريبا وقفنا تحية لوالدة خالد سعيد لما أعلن محسن عن وجودها ضمن الحضور.. لحظة عظيمة لما تحس إنك في حفلة مافيهاش فلول ولا اخوان ولا مهاويس عسكر.
- لأول مرة أسمع محسن بيغني "مضناك جفاه مرقده".. ماغنهاش أحسن من أنغام بس معلش ما هو بردو عبد الوهاب مغناهش أحسن من أنغام..
- بشكل عام كنت حاسة إن محسن مركز مع إنه يطلع غناه صح وتناسى تقريبا الإحساس بالكلام اللي بيغنيه، كان هيفرق أوي لما أحس في صوته حزن على كلام حزين أو انبساط وفرح على كلام فرحان
- من الرائع طبعا انك تلاقي مطرب مصري لما بيغني بالفصحى بيعرف ينطق الحروف صح الذال ذال والزيت زين والضاد ضاد والدال دال...
- طبعا ياريت يغير الاستايلست اللي أقنعه يلبس بابيون على بنطلون جينز
- بحسبة بسيطة دخل الحفل ده لو اتوزع على بين الأوبرا ومحسن وأفراد الفرقة مايساويش أبدا المجهود اللي اتعمل وللا المتعة اللي حصلنا عليها
11/15/2013
هيييه هيييه
Subscribe to:
Post Comments (Atom)
No comments:
Post a Comment