2/04/2015

كل مرة كان يتحط قدامي سؤال "النقل أولى أم العقل" أجاوب في ثقة "العقل طبعا" وأدافع عن إجابتي باستماتة. بس لما اتعرض لرأي كنت بختار النقل دايما.. بقول العلماء أدرى وأعلم.

غباوة بقى تقول إيه، أو ازدواجية أو خوف، أو جهل.. لأ هو جهل أكيد. جهل لا ينفي المسئولية ولا يسعى للحقيقة.

النهاردة، إيماني بالمسئولية، ورغبتي العميقة في معرفة الحقيقة، وشكي الواضح والصريح في كل النقل كله، بيدفعني للتمسك أكتر بعقلي..

النهاردة فهمت إن جزء من المعركة إني لازم اعتمد على عقلي، وأثق فيه أكتر من غيره..

ماينفعش أتجاهل عقلي وفطرتي؛ عقلي اللي ربنا هيحاسبني عليه، وفطرتني اللي ربنا فطرني عليها. هم أقوى من كلام العلماء والمفسرين واللغويين والمحدثين والمجتهدين والفقهاء وكل من له سلعة.

1 comment:

  1. متفق معاكي
    بس للاسف دايما اختيار العقل اصعب يا زينب
    لان ... الخوف اقوى من المنطق

    ReplyDelete