عقد اجتماعي

لو كان في ميثاق أو عقد اجتماعي بين الشعب والدولة؛ كل اللي أحب إن الدولة تتكفل بيه هو:
- تعليم مجاني حتى المرحلة الثانوية
- توفير تأمين صحي مجاني شامل
- العدل

مش لازم تبقى مسؤلة عن توفير تعليم جامعي ولا وظائف ولا دعم للأكل أو البنزين او غيره. ومش عايزين منهم دفاع نظامي ولا شرطة .. ولا شرطة نهائي.. مالهمش لازمة بجد. كفاية العدل والتعليم والصحة. كل حاجة هتختلف لو درجة الوعي للشعب ده زادت وصحته بقت أحسن وحس إنه عنده أمل لما يشوف العدل بيتحقق.

ده مش كلام يساري عشان بقول لازم توفر التعليم والصحة، ولا رأسمالي عشان بقول رفع الدعم عن الاكل والتعليم الجامعي والوظائف، ولا كلام أناركي عشان بقول مش مهم جيش نظامي ولا شرطة.. ده كلام واقعي؛ من باب الأولويات.. والأهم فالمهم.