5/26/2006

اعادة وثائقى المدونين على الجزيرة

اللى ماشفش حلقة المدونين المصريين على الجزيرة يقدر يشوف الاعادة
اما النهاردة الجمعة الساعة تمانية بالليل او بكرة السبت الساعة واحدة الضهر
تصحيح: مالقتش حاجة الساعة تمانية النهاردة،
انما نقلا عن الوعى المصرى: السبت الساعة الثامنة مساء بتوقيت القاهرة و الأحد الساعة الواحدة ظهرا بتوقيت القاهرة
بس الأكيد ان : كمان وائل عباس سجلها وهينزلها فى الوعى المصرى
----------
خبر الاعادة والمواعيد انا مش متأكده منه بنفسى، بس جربوا مش هتخسروا :) ه

19 comments:

  1. أنا اتأكدت من موقع الجزيرة نت، بس انتبهي إنو الساعة تمانيه بتوقيت مكة، وواحدة يوم السبت برضو بتوقيت مكة.

    على كل، بتوقيت عمان الساعة سبعة فأنا رايحة أحضر كمان شوي :)

    ReplyDelete
  2. حبيبتي بنت مصريه الحمد لله بقيت بعرف أفتح مدونتك تاني وماعادتش موقوفه .. عايزاكي تتفرجي على المقال ده http://www.alarabiya.net/Articles/2006/05/21/23915.htmمش عارفه ليه جيتي في بالي أول ما قريته .. تستهويني تحليلاتك للمجتمع الذكوري بتاعنا يمكن علشان كده عايزاكي تقريه.. وياريت يكون جمبك كباية نعناع علشان تهدي أعصابك بعده

    ReplyDelete
  3. تصحيح: لسه شايفة إعلان ع الجزيرة بيقول الإعادة الساعة تمانية مساء يوم السبت مش الجمعة

    ReplyDelete
  4. طيب كويس ان فى اعادة لان ناس كتير كانت عايزة تسجله و ما لحقوش

    المهم بقة انا عايز اسال سؤال مدونى عمال اسجلها فى علاء و منال و لا تدوينة عايزة تظهر و الكلام دة من زمان من ايام مدونتى القديمة الله يرحمها

    يا ريت حد يفيدنى فى الموضوعه دة علشان تاعبنى قوى

    و حاسس انى مغضوب عليا

    http://t5at5a.blogspot.com/

    ReplyDelete
  5. إيه المقال العجيب ده يا شريهان؟!
    أنا مكتوب في بطاقتي "دكر" ومع ذلك قرفت منه!!

    ReplyDelete
  6. على عهدة مجلة الوعى المصرى هايتم الاعادة يوم السبت الساعة 8 مساءا بتوقيت القاهرة
    ويوم الاحد الساعة 1 ظهرا برضه بتوقيت القاهرة

    مدونتك رائعة

    ReplyDelete
  7. sherehan84
    انا كرجل اقدم لكي ولكل النساء اعتزار عن هذا الكلام المتخلف الذي لا يوضح الا مدي بله كاتبه ومتقلقيش رديتلك عليه وخت بتار نساء العالم....

    يا خساره مش هاعرف اشوف البرنامج لأني معكوك في الامتحانات....ادعولي

    ReplyDelete
  8. مستر جيمى هود

    احتمال يكون ده بسبب ان علاء معتقل دلوقتى، لانه هو بنفسه اللى بينزل المدونات ع المجمع بعد انت ما تبعتها له، عشان السبام

    دا تخمينى والله اعلم

    ----------

    فيولينا

    شكرا يا بنوتة ونورتى مدونتى المتواضعة :))

    -----------

    شيريهان
    الحمد لله يا بنتى
    لسه فى بشر بيحسوا بينا :)

    روحوا ربنا يكرمكوا يا يحيى ويا نور

    ReplyDelete
  9. الحقيقه انا شفت البرنامج لكنه مكنش زي ما تصورت تحديدا .. يمكن فيه جرأة من المشاركين لكن عامة منقلش للناس صوره كامله عن المدونين .. كنت اتمنى يكون في شكل احسن من كده

    بالتوفيق اديما
    www.masrena.blogspot.com

    ReplyDelete
  10. نسيت اقول حاجه
    مع احترامي و اعجابي بمشاركاتك الا اني مش شايف اي مبرر لوضع صوره علم مصر مقلوب .. لأن علم مصر ضمنيا هو رمز لينا احنا .. و عمره ما كان رمز للحكومه ايا كانت .. ف معنى ان صورته تكون مقلوبه يبقى العيب فينا احنا مش فيهم .. ولو أخر حاجه ممكن تكون رمز لمصريتنا اتقلبت يبقى كل واحد يقعد في بيته احسن .. مع الوضع ف الاعتبار ان حرية الرأي تكفلك انك تعبري عن اي فكره تخطر في بالك بدون ان تمسي المعتقدات الاساسية للناس و خاصة قرائك .. السخريه من العلم تساوي السخريه من معتقدات دينيه في وجهة نظري .. لأن كل واحده تمثل جزء شخصيتنا و تكوينا كلنا .. ياريت ياريت تغيري الصوره دي او تقوليلي سبب مقنع لوضعها كده

    شكرا لتفهمك وجهة نظري

    ReplyDelete
  11. لا يا بنت مصرية

    المدونات بتتنشر عادى جدا بدليل كل الايجيبشن بلوج اللى بتتضاف

    و انا مش عارف اضيف مدونتى لحد دلوقت

    طيب فيدينى انتى بتعملى ايه علشان تضيفى اخى تدويناتك هناك

    لانى اتخنقت بصراحة

    ReplyDelete
  12. انا شفت البرنامج النههارررررررردة وكنت فرحان جدا ونظام يا رتنى كنت معاهم بتاع الطريق الى ايلات ده

    وشفت مدونتك يا زيزى جابوا حتة صغننة منها كدة ايام ما كنتى منزلة بوست مجلة على صوتك

    ReplyDelete
  13. zangoola
    هو فعلا مكنش هدفه ينقل صورة عن التدوين ولا انه يعرف بيه، هو هدفه يتكلم عن تأثير التدوين على الشباب فى مجال السياسة
    ودا ظهر من العنوان.. المدونون المصريون.. صوت المعارضة الحر
    يعنى البرنامج ماخدعناش وقال حاجة وجاب حاجة تانية
    :)

    بالنسبة لنقطة قلب العلم
    انا رديت على نفس النقطة اللى انت اثرتها فى التدوينة لما اعترضت عليا صديقتى رومانتيك روز وقالت لى كلام قريب من الكلام اللى انت طرحته
    عشان كده اسمحلى اكرر نفس كلامى لانه بيشرح وجهة نظرى

    الفكرة اللى خلتنى اقرر اتجاوب مع دعوة وضع العلم مقلوب.. اننا لما نشوفه مقلوب.. قولبنا هتوجعنا
    هنفتكر مصر اللى وضعها مقلوب
    ومن كتر ما حالها مقلوب مابقتش قلوبنا تحس بيها

    العلم مش ثوابت.. العلم رمز لحالنا، ازاى العلم يبقى عدل ومصر مش بخير؟

    زى ما نقدر نمشى على دماغنا ونتعدل للعلم
    لازم نمشى على دماغنا ونتعدل لمصر :))


    المهم باه.. نورت المدونة بزيارتك الاولى ويسعدنى دايما تناقشنى فى اى حاجة ممكن نختلف عليها
    :)

    ----------
    جيمى هود

    مش عارفة بأه بصراحة
    انا قلت لك على المعلومة اللى اعرفها واللى قريتها بنفسى فى صفحة الاشتراك عند علاء
    ان هو بيضيف اللينكات بنفسه عشان يتفادى السبام

    ممكن تسأل منال.. هى هتعرف اكتر اكيد

    ---------

    سويدى

    اه.. حتة صغننة قااااااااااااااااااد كده :)))

    ReplyDelete
  14. حبيبتي زيزي .. موضوع العلم ده انا ليا فيه وجهة نظر و كلام كتير بس مكانها مش المدونه و ممكن يكون بوكس شات نسهر فيه انا و انتي للصبح زي ايامنا الخوالي .. بس اكيد بعد الامتحانات بقي و عليكي خير .. و أرجو تفكري شويه كده ف قلبة العلم دي وجعة قلب مين و وجعة قلب اللي موجوعين فعلا و اللي بالي بالك ولا ف بالهم يتقلب يتعدل يتمرمط حتي ولا يهتزلهم شعرة .. ان لم تستحي فأفعل ما شئت .. اذا كانوا جرؤا علي الاعتداء علي حرمات الاجساد هيهمهم العلم يتقلب ولا يتعدل ولا يولع حتي ؟؟؟؟؟
    لالالالالالالالالالالا أظن ..

    ReplyDelete
  15. بنت مصريه .. شرقية عصريه :)

    أولا شكرا على ردك
    ثانيا .. العلم ثابت ..وانا هرجع و اكد على ده .. لأنها مش اختراعنا احنا .. ده اختراع ( نفسي ) من ايام الرسول (ص) .. العلم او الرايه كانت دايما رابط نفسي للانتصار .. كانت دايما بتشجع على التغيير .. و اعتقد ان المسلمين في معاركهم كانو بيدبحوا و يتقتلوا .. و الرايه زي ما هيه .. عمر ما حد فكر يرميها على جنب و يقوم يكمل القتال لأنه مقتنع انها الاصل و الاساس المعنوي اللي مخلي كل الناس دي تقاتل .. لما نقلب العلم مش هنعرف الناس ان البلد حالها مايل لأنهم عارفين .. لكن اللي حيصل انك بتقتلي جواهم كل امل فاضل .. الموضوع نفسي اكتر منه مباشر او نقدي .. العلم نفسيا هيفضل رمز لينا و لبلدنا .. ولما يتقلب .. احنا كمان بنتقلب معاه .. يارب تكون وجهة نظري وصلت .. و ياريت تقري رأي في مدونتي
    masrena.blogspot.com
    شكرا جزيلا

    ReplyDelete
  16. zangoola

    ياربنا، انا مفكرتش فيها كده.. انت طرحت وجهة نظر مجتش فى بالى خالص :) انا مقتنعة بكلامك جدا، فعلا احنا محتاجين دعم نفسى حتى لو فى الرموز.. الحاجات البسيطة اوى دى هى اللى بترف ع روحنا وبتقوينا،

    انا فهمت دلوقتى :) هعدل العلم

    ReplyDelete
  17. بنت مصريه .. يا ربنا :) الواحد مش مصدق ان في حد في مصر ممكن يقتنع بكلام حد غيره ههههه
    إنتي فعلا اديتيني امل اننا ممكن نتغير .. لأن كل الناس .. بما فيهم أنا .. عندهم تكبر غريب على تقبل وجهة نظر الآخر ..
    شكرا للأمل ده .. و شكرا على اعادة العلم لوضعه الطبيعي


    ZanGooLa
    masrena.blogspot.com

    ReplyDelete
  18. هههههههههههه

    انت فاجئتنى بالفكرة دى، اكيد فى ناس كتير قادرة تغير رأيها لو اكتشفت ان الرأى التانى اصح

    انا اعرف تلاتة غيرى كده :))

    ReplyDelete
  19. اعتقد ان حلقة المدونون والتى اُذيعت على قناة الجزيرة كان لها وقع السحر على آلاف من الشباب واعتقد ان الكثير منهم فتحوا مدونات وهذا مما يضاعف عدد المدونون المصريون وكله لصالح الحركة المصرية والتى تطالب بالحرية والديموقراطية ضد هذا النظام الغشيم

    ReplyDelete